影片
港铁奥运站 B2 出口, 步行约5分钟
继续阅读
附加资料
日本餐廳【武館】，由擁有20年日本料理經驗、曾到日本及瑞士工作的料理長 Takeshi 打理。晚市只做預約的お任せ(廚師發辦)，所有食材都是季節性及每天由日本空運到餐廳。餐廳如深夜食堂一樣，客人都會與友人一邊喝日本酒一邊品嚐美食，一坐就3、4小時，適合節奏急促的香港人放鬆一下。
营业时间
*星期日休息
星期一至六
19:00 - 00:00
星期日
全日休息
以上资料只供参考，请与餐厅确认详情
食家推介
招牌菜
簡簡單單講一下個人經驗。 嘢食係好味，但係冇驚喜。 網上見到有原隻海膽同安康魚肝，但我呢一餐兩樣都冇。 我明白餐廳冇保證一定有得食， 因為可能餐廳冇入或者可能唔靚， 所以我都冇乜話特別有D咩投訴，但係係有啲失望可能我嗰日去比較多熟客， 感覺上個server有啲忽略我哋。入到去個server同個廚師完全冇問過我哋鍾意食啲咩唔食啲咩廚師每次出嘢嘅時候只係好簡單講下條魚叫咩名同喺邊度呢嚟， 我印像中佢好似冇講過食落去有咩口感， 烹調方法， 食後會有咩感覺。 簡單嚟講，我覺得佢冇話好詳細介紹每一道餸。食飯途中聽到隔離枱話最尾有烏冬會有蔥， 因為我太太唔食蔥同埋個廚師冇問我哋唔食啲咩， 所以到壽司嗰一part嘅時候我已經主動同廚師講話我太太唔食蔥，如果後面有啲咩有蔥嘅時候最好走咗去。 點知道最後嗰個烏冬都係有好多蔥， 最無話可說嘅係個廚師見到我哋揀蔥，就扮睇唔到。 如果我係個廚師， 我就會主動埋去問使唔使換過一碗或者話唔好意思唔記得咗。 我哋個廚師只係負責三枱客，總共六個人。 其實如果有用心，應該唔難唔記得客人嘅要求總括嚟講， 食物質素是可以的，但沒有驚喜。 服務質素唔可以話差， 但如果你畀千五蚊食餐飯， 呢個服務質素完全接受唔到 我個人嚟講， 如無意外應該好大機會唔會再嚟呢間餐廳。 (重申一次，這是我個人的經驗。)
继续阅读
特登喺openice開個account就係為咗寫呢篇食評雖然我個食評又冇乜相又冇啲好吸引嘅caption但咁先反映到係最真實嘅食評喺網上見到有咁多好評 不虞有乍咁咪去試下囉開頭都有啲心機影下相後來因為太唔好食所以連影相嘅心機都冇佢魚生嘅質素真係好一般 喺日本嚟講只係好普通嘅壽司店(唔係omakase)嘅質素 (除咗 otoro手卷外 佢個otoro唔係千兩嗰種超級雪藏解凍出嚟咁 加咗紫蘇葉吊到個味出嚟)深海池魚 獅魚 小肌都唔夠肥美帶子完全冇帶子味 得柚子味 平時有帶子味嘅帶子用柚子當然夾 但帶子冇帶子味真係甚麼也不是鱈場蟹當造都冇乜蟹味三文魚子冇乜味兼唔爽口醃漬魚類 例如昆布醃 醋醃全部都醃得唔夠耐紫海膽新鮮開出嚟 居然一啲海水味都冇 同其他香港廚師發辦壽司店真係差得遠日本蠔反而有驚喜 creamy兼有海水味最尾個魚湯係幾好飲嘅 但前2個魚湯同蜆湯真係不知所謂 淡而無味 真係只可以用2個字形容失望！！！用$1650食咁嘅quality嘅嘢以後都唔會再嚟食好好好失望
继续阅读
一直都有留意武館, 最近見到有原隻紫針海膽同時不知鮭魚, 所以就即刻訂位去食~中間個件好似三文魚既就係時不知鮭魚啦! 師傅解釋因為鮭魚正常只會係秋天游返去北海道產卵, 而時不知鮭魚如其名, 就係忘記了時間既鮭魚。明明未係時候產卵, 所有養份仲谷左係身體入面, 但提早左返北海道比漁夫捉到, 所以佢個味道係比平時既烏鮭更濃, 真係一食難忘其他食材都好新鮮同特別, 手掌咁大既鳥取岩蠔, 不過食完食蠔好飽要中場休息先再食得落 Sushi~ 因為武館個餐實在太多野.. 圖片只係個晚部分既食材, 最後仲有用所有魚骨煲左成晚既魚湯, 完美句號~!
继续阅读
今日係老公牛一🎂一向鐘意食Omakase 嘅佢，今日又點可以吾食呢😊今天我選擇了「武館」同他慶生，我記得由「武館」初開業就開始幫襯，由舊舖到新舖；由從前吾講野，到現在對酒當歌🍶現在新舖坐得舒服左，空間大左，人手都多左....但我還是喜歡「武師傅」為我們操刀🔪我喜歡在熟悉的地方品嚐晚餐，因為會添多了一份人情味🤝食物方面都一樣係甘新鮮、好味👍🏻還有時令海鮮空運到港✈️啱曬咀刁、有要求的你👄我未試過食omakase 有甘多野食，食左成三十樣野....真係物超所值今晚真係要好多謝師傅，特別開爐整左備長炭亞波尾雞翼俾壽星仔食🙏🏻魚湯烏冬，真係個最好的結尾🐟
继续阅读
自從奧運站啟用之後，大角咀便已變天，本來偏靜的街道，越來越多食肆駐場，我這些喜歡四處覓食的人，已經來嚐過西班牙菜、點心、特色小吃及麵店，星期六傍晚正好出門去武館，少林還是太極呢？哈哈！我唔係去踢館打功夫，只因壽司長是武師傅，他的館子取名武館，我們是來欣賞他在廚師桌上的武功！ 在這區已經近有三年的武館，只聽個名難以想像是一間只做廚師發板的高級料理店，或者這才是令人留下印象的祕訣。晚上只得一個價，每位$1500，廚師話事，唔好問有冇Menu，冇得揀！講笑啫，依然可以告知師傅有咩唔食或者有咩特別想食。 店子不大，只有一張巨型壽司吧桌，可容十一人，三名師傳專注工作，除了解釋菜式之外，沒有特別主動與客人交談，可是遇到我這個好發問之客人，武師傅都要跟我多講幾句，哈哈！ 未到之前已經聽過，在武館可以吃到坊間比較少供應的魚種，而另一特色是份量有成廿幾款，非常適合好奇而且喜歡花款的我；最後果然沒有令我失望，魚種豐富特色，新鮮上乘，雖不至驚為天人但相當難得，全程沒有冷場，上菜速度銜接。 開胃前菜是自家製的麵鼓醬煮日本蘿蔔，日本人家常料理的變奏，濃鹹的麵鼓醬衝擊清甜的蘿蔔，簡單恰當。 接下來是一碗麵鼓湯，湯內吃到可口的日本香菇及昆布，生冷食品之前來一碗熱湯，正好讓我們先暖胃。 第一道刺身是BB鱔，眼仔碌碌，樣子幾可愛，身軀極長而半透，細心看，如X光片看到體內組織。 配上一些青蔥及薑蓉，口感新鮮細綿。 鯛魚品種非常多，這一片名叫姖鯛魚，身為白魚看來味偏淡，想不到清甜之味深藏潛伏，回甘悠久，新鮮上乘貨！ 接下來是肉質相對夠結實及肥美的伊左目，魚皮上交織整齊的紋理非常易認。 活青柳貝，講明是活的，真不能看小，簡直是超甜，而且爽口之中肉質頗滑。而且形態有動感，看似生猛活潑。 鮫鰈魚配魚肝，肥美魚肝如若要爆出，豐腴香甜。 昆布墨烏賊，昆布醃製富酒香，已經夠味無需點醬，咬落極黏，膠質超豐富，緩慢地溶解，口感真另類，不過咁膠的口感，只覺幾得意，唔算好鍾意，不過試吓又無妨！ 繼而有金紅漂亮的金目鯛、昆布漬真鯛及赤身刺身。 大拖羅終於出場，以紫菜包著令肥美乾脆層次分明，口感就是好。 以為刺身系列已完結，原來只是換了場境，第二幕是小盛物，搶先出場是非常少見的海鞘，俗稱海菠蘿。 來自青森縣，短產量少，6-8月是時令，我們今晚正好遇上，看來又真有點似大樹菠蘿。 其實是軟組織動物，肉質軟軟熟熟，極之新鮮及甘甜的口感，感覺如植物與動物的混種。 大分縣佐賀關風高浪急，急流勇闖下生活的關池魚，果然練到一身好本領，別於一般池魚，魚味特別濃郁，相比平時吃到的池魚，新鮮程度高得多，真是吃過方知其奧妙！ 況且壽司長處理得非常好，青蔥醬油加工，完全沒有腥味。日本蠔向來蠔味稍遜，就是吃牠肥嘟嘟的脹爆感，長崎岩蠔以醋汁啫喱調味亦是一般的做法，沒有怎樣。 頭尾相接，刺身完結後再來一道湯，這個北寄貝清湯真鮮甜，清如白水，除了昆布之外還加了一支冰菜，增添爽脆。 酒盜漬物，螢光魷魚配紅葱大根及沖繩苦瓜，豐富恰當。 武館的壽司說不上有精湛的技藝，但組合有新意，出之有序，同樣討好，北寄貝、瀬戶海赤貝爽甜，柚子醋小肌魚，酸香味美。 醬油燒帆立貝，帆立貝金黃焦香熱辣辣，黃金組合，沒有不可能不好吃的貨式，不過要快吃，否則，熱辣辣的帆立貝會把紫菜弄腍。 之後的炙燒車海老，鮮甜肉彈。 鮟鱇魚肝永不言敗，豐腴味甜美。 海膽三文魚子配海葡萄手卷，亮點當然是海葡萄，倍增爽脆有特色。 高潮再起，見中拖羅特別深色有些古怪，原來是熟成而且以醬油醃過。 依照武師傅建議，把熟成醬油醃中拖羅留在口中慢慢品嚐，不到一會兒，醬油之香味湧出，口感不同凡響，從來未試過，精彩變身，一吃愛上！ 好的不要停，來到海鮮湯烏冬，怎料越吃越精彩，剛才吃過的魚之魚骨全部用來熬湯，醇厚香甜至極，滋味無窮，絕對是極品！ 宮崎赤蜜瓜配博多士多啤梨，清甜味香，沒有投訴的空間。 曾經見到有人寫食評認為，收$1500/位都冇海膽、牡丹蝦及多件大拖羅食覺得唔值，我反而覺得上述三寶無可置疑是極品，但今時今日已經變得有點行，海鞘、關池魚、BB鱔、活青柳貝、熟成醬拖羅等更加難得，人物關係不足唔會攞得到。 所有刺身全部非常新鮮上乘，絕非冰鮮貨，這就是價之所值，反而覺得，不足之處是欠缺小店的溫馨熱情，唔知道係咪因為我們是生客的原因，向來講求全方面感受的我，自然覺得打了折扣，不過這一點不難改善。
继续阅读