水道橋創作料理 (已結業)

等左好耐位,一入到去d侍應除左o個句日文既「一三一四」歡迎光臨就冇再招呼你.落order時d侍應又唔理你.所以只係叫左個shshi set.上菜時個侍應隻手指掂到塊魚生都當冇事發生過,又唔會道歉.雖然件魚生幾新鮮,但係就好細件好貴($138/8件),好容易咁一啖成件shshi,呢個價錢同樣既野,食和民仲大件仲好食,service又冇咁差,而且冇咁貴.現場環境我就覺得非常適合吸煙人士.空間已經唔大,只係兩檯食煙就已經攪到成個場都煙霧彌漫.我一食完野就要即刻埋單走人.隔離幾檯人食完都即刻埋單.部分食客一入到黎未坐低就走,但係侍應經理係冇理會冇反應.

係旺角o黎講〝水道橋〞既食品質數可以話係數一數二架!由其事D刺身係日本空運到港添,我係旺角食過幾間日本餐廳,都覺得冇乜特別,係唯獨是〝水道橋〞我先想再去試其他野食. 記得有一次經過西洋菜南街,聽到有個女仔用(咪)係〝水道橋〞樓下介紹餐牌,咁我同朋友就行前去睇下,睇到餐牌上面既食物都幾特別,咁我地就上左去試下喇... 上面既裝修都幾高級架,環境又優美,坐得幾舒服既,食物個方面,刺身類就認真一流,你試過就知道點樣叫做(鮮),雖然呢度既價錢係比其他地方貴,但係食過就知【物超所值】,話哂一分錢就一分貨,識食既人試過就知道〝水道橋〞既刺身質素係有幾高啦!而熟食個方面就有好有唔好啦,都好睇自己鍾唔鍾意個D食物既味道,我特別要介紹既熟食『香芒銀雪魚』,『立魚豆乳鍋』,『手打烏冬』真係幾好食架,可以試試!仲有個『牛油焗帶子』呢個超好食呀! 個度D 侍應既服務態度都算ok,有D幾靚女架!有個姐姐仲笑得好甜添!

i'm a sushi fans, and i used to try all kind of sushi everywhere. my friend introduce me this japanese restaurant. i find that this restaurant with traditional japanese technique and delicious sushi. i've tried the special set sushi $128 w/ 9 special kind sushi and 3 rolls... the sushi is good and quite fresh!the udon is perfect!!!the chivas special is cool!the service is ok, but need improvementP.S the waitress are q'beauty*.^! i will be back !

諗住試下新野, 咁就試下水道橋,揭開MENU, 覺得選擇唔多,刺身壽司選擇多, 但小食, 拉麵飯類好少,叫左D刺身﹑壽司﹑卷物﹑雞翼﹑飲品﹑鍋!2個人食竟然唔飽, D份量真係好少,諗住再叫多D野食, 再望下份MENU真係揀唔落手,咁就埋單算了!味道不過不失, 但份量真係太少了,如果成班朋友黎食仲麻煩啦!

今晚我同我亞妹一行2人諗住食日本野﹐係旺角行左一陣.....呢間餐廳有個員工係樓下介紹個餐牌(d態度都幾好)咁我地咪諗住試下law。上到去以我見入座率大約只有35-40%左右，咁我見到有卡位咁就好自然向侍應要求喇....點知佢話那張檯有人留左，咁咪算law只好坐一張四方檯.....在我們看餐牌的時候，亦有兩位人客入座，他們坐在我們隔離(距離不夠一寸)好似搭檯咁，當時經已一肚氣，咁我們就只係點左好少野(因為我地諗住去第二間食過)....我地點了左口魚壽司$18(一碟只得一件),三文魚壽司$9(一碟兩件)三文魚腩壽司$15(一碟兩件)一個牛內碢物$28(忘記了名稱特價中)先講三文魚同三文魚腩簡企係一d分別都冇，仲要係好細件我從未食過如此細件的壽司，牛肉碢冇特別，如果要用正價的價錢去食呢樣野...你地食完一定覺得比人搵笨。仲有最無耐係坐在我地隔離的一對情侶，佢地叫左一個海鮮烏冬個侍應放左係我地張檯度，當時我地個碢物仲未到，我以為係我地叫的，咁我地咪食law(內有兩隻雪藏青口,一隻炸蝦,一片豬肉同地少量烏冬)後來又來一個碢物我地先發覺原來烏冬不是我地的，咁咪同個經理講law,之後佢話送比我地

gathering with friends last nite and we decide to eat at MK. as i havent been to this one before, we went last nite.the decor is just normal, better than most restaurants in MK standard, but nothing impressive. and the waitor can remember my booking from downstairs.we wait for a friend to come so just ordered 3 小食. then it comes...i had expected it would be small portion like 和民, but turned out the portion is sooooo tiny it wouldn't be enough for an anorexic!there are 2 guys in our group so we'r

昨晚同太太昨晚去左吃晚飯.叫左1x件壽司,一客炸壕烏冬,一客牛肉火鍋.壽司都幾好味.不過幾細件. 三文魚壽司($9)和三文魚腩壽司($15) 其實是差唔多.所以冇必要叫三文魚腩壽司.早知吃多碟三文魚壽司不過佢地手打烏冬都係好好吃.湯底都可以.牛肉火鍋乜唔錯. 埋單都係$200.我想下次會再去.

雖然睇過D評語話呢間0野麻麻, 但係我有D朋友又話D野幾好食, 最終前幾日同男朋友去試下啦...野食都十分OK..我哋0益咗鵝肝,海膽,蟹膏,火炙三文魚腩0既壽司, 仲有佢地個手打烏冬同埋佢地介紹0既芒果銀雪魚..加埋2杯飲品, 都係三百幾蚊!D壽司真係幾好食架,件鵝肝壽司入口即溶..好正!! 海膽又好鬼死新鮮喎, 蟹膏味又夠濃, 個火炙三文魚腩好特別!個手打烏冬真係好滑同彈牙, 個湯底仲好夠味..至於個銀雪魚就係我0既至愛啦...真係好好味, 個汁又得意, D魚又滑, 真係好好食架...其實D野真係唔差...大家可以一試喎!!

那天是年三十晚，同男朋友仔行街搵食，揀了好多間都唔合心意，到最後經過依間餐廳留下，見到有八五折，三文魚壽司又只是9元正，又未試過去食飯，結果就上去。老實講，食物的質素同和民差唔多，只是食物的份量比和民大碟些，價錢一樣跟和民咁貴，都係唔抵食！但我最想講個侍應生，他係一個好唔專業的男侍應，一路落單他都不是望你說話，仲要落到亂七八糟，我點的每一樣食物他都雙份，還有些了三份，仲有不停錯，不停騷擾你，態度輕佻，簡直過份！雖然係咁，但其他的侍應生服務態度都好好！本人對和民的食物質素與價錢一直都覺得不合理，也不滿意。

我同我女朋友尋日去左呢間野食飯我地叫左8 件壽司同一客烏冬但埋單要成180覺得好唔抵佢貴都唔緊要呀當我女朋友食件象拔蚌壽司同件帶子壽司佢同我講話件壽司好難食!跟住我幫佢試發覺係變壤左勁嬲呀!!呢間野我以後都唔會去因為佢真係又貴又難食

今次係第二次黎試呢間日本料理，諗住所有食物既質素都會好平均，但今次試炸雞飯…d雞都ok，但d汁同菜就唔係太得，我朋友就嫌d沙律實在太少，不過今次最慘係等左好耐先有得食…當我朋友都食完既時候，我既飯先岩岩到，其實我懷疑佢畀錯枱號，因為我之前見到佢拎拎住我要既飯，但佢又拎左去另一張枱…唉…點可以咁混亂架…

個日同friend 行旺角行到好累, 要搵野食, 剛巧經過水道橋下面(係兆萬對面), 見個姐姐好落力咁介紹, 個menu 都幾多款式選擇, 幾吸引, 朋友就話去試下啦!個時我完全唔記得原來我係佢開業初期黎過, 直到上到去見到個裝修先令我諗起原來我黎過, 死火, 心諗個時食過D乜經已冇乜印象, 只記得menu唔吸引, 價錢唔吸引, 食物質量幾好但冇乜選擇, 有折都唔抵.但好明顯, 事隔個幾月, 個menu 已經完全唔同左, 靚左好多, 又加入左好多新款, 好靚既食物. 果然係創作料理!!! 好啦, 再試下佢啦!侍應介紹左個"立魚豆乳鍋"同"香芒銀雪魚", 都好好味. 小弟特別喜歡個豆乳鍋, 湯底好鮮甜. 正!魚生新鮮, 壽司都唔錯!!最後賣單$150/each. 以呢個價錢能食到高質素又有新鮮感既日本菜, 抵食!比火間土平, 又唔使好似和民咁等幾個鐘(咁當然都要排隊等一陣啦!! 我等左大概十幾分鐘)我會再去, 因為menu 入面仲有好多食物都好吸引, 但由於太飽既關係, 未能試晒, 下次再試埋佢地.

原先和朋友諗住去大家樂食個lunch算….但行行下又想試下d新野,咁岩經過水道橋樓下..有一位waitress正在拉客,話廿幾蚊有個set lunch.. 即一碗飯,一杯汽水,一杯綠茶。一坐低就覺得環境唔錯, 食物方面仲幾好添~埋單要加一…不過食個特價午餐都係廿零蚊only …真係好抵食^^

我早兩日去食都係每人$150 (無折)左右咋喎. 好好味兼食得飽~~ 不過聽講以前真係好貴, 後來先至調低番o的價錢.以呢個價錢, 可以食到高質素菜式, 好滿意! 不妨再去試下啦.

本來睇o左咁多劣評(女人街o個間)之後, 都唔打算去幫襯o架啦. 點知有一晚行西洋菜街, 經過兆萬中心對面間新水道橋, 見到都幾多人o係度等位, 於是又心郁郁走埋去睇下. 發覺個餐牌上都幾多選擇, 而且好多菜式都未見過. 終於我決定俾一次機會佢. 上面裝修唔錯, 都坐得幾舒服. 食物方面, 我地點o左幾客"火炙壽司", 好正!! 好似係將件整好o既壽司用火烘過咁. 烘過後o既三文魚鬆化o左, o的三文魚油仲滲晒入o的飯度, 勁好食! 之後我地又叫o左個刺身拼盤, 的確係比其他地方食到o既新鮮, 完全冇腥味雪味. 佢地話全部係日本空運到港, 我都覺得係. 熱食方面, 我地叫o左個侍應推介o既"立魚豆乳鍋"同"叉燒手打烏冬鍋", 都好滿意. 豆乳鍋係用豆漿做湯底, 加上立魚o既?味, 好鮮甜, 我地飲晒成鍋湯! 哈哈... 手打烏冬口感唔錯,湯底一般啦.我地仲叫o左兩三樣o野: 清酒煮蜆, 山葵牛肉....不過以上提o個幾樣印象最深刻. 小弟推介飲品北海道紅豆冰. 大大粒正宗北海道紅豆, 真材實料.最後我地四個人$6xx 埋單, 人均$160左右. 我覺得值得. 應該會再去試埋其他o野.