永豐點心專門店 (已結業)

是我今年光顧最多的煲仔飯食店。臘味煲仔飯: 飯粒粒分明，有少少飯焦，飯焦是脆身的;臘味用的是好於很多煲仔飯專門店 (本人以今年吃過在廟街以煲仔飯出名相比)。很多食店將貨就價，這裡不是。煲仔飯水準穩定。我今年光顧過四次，每次飯煲出來質素一樣。近兩年許多食店因成本原因只做二人份子煲仔飯或大幅加價，這裡繼續做一人份子煲仔飯之餘算是亦兼顧了價格及水準。點心種類多，，亦有盅5頭蒸飯。推介這裡的醎茶果及檸蜜脆麻花。

行山入到深井，想食個午飯，不過已經下午三點三，那要吃得輕盈，不如來幾籠點心。剛好在深井村門牌附近有間點心專門店，同朋友立即內進。座位都好多，當其時不太多人。看了看點心紙，食物種類都挺多的，平時茶樓食開的都有。蔥花炸兩，油條好脆口，入口卜卜聲，腸粉都好滑嫩下，係一碟得一條份量比較少，到喉唔到肺。呢個鹹水角裡面係茶甫，口感煙韌，味道都適中，細細隻不會太油膩。長形係鹹茶粿，圓形係甜茶粿，粉團都幾厚下，個人認為鹹的比較好吃。蝦餃。皮薄餡多，真係有原粒蝦仁。炸春卷，脆口！不過有點炸過頭。牛栢葉，薑絲多過栢葉講真好食的，但份量可以多點。奶皇包正！非常流沙！味香而不太甜！必食推介！這個比較特別，其他地方未見過，似係一大舊豬肉上有片鮑片～應該係咋頭鮑之類，唔會真鮑咁揼本如果係請揾人更正我。兩人好似黑洞叫了一枱點心，兩百多元都合理，只是個呢點心份量較少。整體食物質素良好。回頭指數：8/10

數星期前曾幫襯一次覺得好味，今天再專誠駕車接了外父及姨仔去吃。一行六人大約十一時許到，分三次下單叫了十八個咸甜點心，埋單412元，超扺又好好味。 款款點心都很美味，夠熱，尤其是魚肚鮮竹卷，魚肚大大塊，啲湯燙口。桂花紅豆糕及紅棗薑汁糕尤為出色。必食。