永共嚐 (赫德道) (裝修中)

朋友起完旅行番嚟，話約食晏比手信我近排聽朋友講Bar Pacific同永共嚐合作，使用相同地點共營，早上時段為社會責任企業。永共嚐係一間積極響應聯合國永續發展目標既企業品牌。會協助年輕咖啡師創業及家庭主婦創造收入來源，同時亦提倡市民環保意識，不時會係餐廳內舉辦各種環保有關活動/工作坊。咁有意義梗係要幫襯下我地叫左醬香南瓜帶子蟹肉意大利飯$108蟹肉比得好大方，帶子一路食到底都仲有，保守估計有8粒以上，入面仲有洋蔥，飯更加係深不見底食極都有……兩位女士表示好飽🤣小食：雞翼山 $108＆洋蔥山 $88嘩……兩碟可以用澎湃嚟形容雞翼有兩款，炸既有少少辣好惹味，係單骨雞翼呢外仲有款雞中翼係煎？呢款唔辣，唔錯有肉汁洋蔥山好脆送酒一流，洋蔥唔會太生，份量超多最後食唔晒🙈飲品：快樂堅果拿鐵咖啡～玫瑰鹽開心果$58咖啡好香，底下有好多開心果粒粒鹹榛果交響曲拿鐵咖啡～海鹽榛子$58呢杯比較咸甜咸甜唔錯識我既朋友都知我係杯控，見到佢地有換杯活動🤩只要消費三次就可以拎到環保咖啡渣杯 Sustaina Cup，隻杯係由35%咖啡渣及穀物製成，BPA Free，遇熱都唔會產生有害氣體。我地雖然第一次幫襯，但真係

今日又過嚟食嘢因為公司好近所以幾乎每日都會經過過嚟食嘢都好方便呀！佢哋最近轉咗新Menu嘩，手繪喎！侍應姐姐話係老闆們親手繪畫嘅真係好用心設計今次叫咗一杯咖啡雪糕同埋雞翼山咖啡越嚟越精緻比起之前一次嚟又進步咗雞翼山，好豐盛原先喺OpenRice睇到食評都驚份量唔夠不過今日自己親身試食真係好大份喎！估計佢哋都執咗份量加埋啲特色醬汁真係好好味！之後試咗一杯雪糕有支好特別嘅旗仔用嚟打卡真係好靚橫掂都係要食過嚟社企支持青年創業都好呀！佢哋設計咗個新嘅打卡位有我最鍾意嘅顏色下次帶閨蜜過嚟先！

今次去咗尖沙咀永共嚐Cafe，佢地嘅手沖咖啡真係好有feel嘅！☕️🌺寧靜的花瓣 - 美式咖啡 $58真係好特別！佢入面加咗洛神花同玫瑰花，飲落酸酸嘅，帶有一種優雅花香！🌹🌰快樂堅果 - 拿鐵咖啡 $58呢杯咖啡☕️入面有玫瑰鹽同開心果，飲落甜甜嘅，帶有濃郁果仁味道！真係好好味！💕🍝 雜菌黑松露忌廉意粉真係太正$88意粉配上黑松露忌廉同雜菌，味道好濃郁！🍄一食落去好滑順，仲有迷人嘅黑松露香氣！好滿足！😋🐷 慢煮美國豬柳 $88豬柳配上白酒橙汁，酸酸甜甜嘅味道好開胃！😳 豬柳表面煎到微微焦香同埋有少少黑椒香味，肉質又粉嫩粉嫩！🍊同埋仲有野菌意大利飯一齊食，真係太好食啦！🍴呢個餐單真係好豐富多彩，每樣食物都有獨特嘅風味同口感！😍 好開心可以享受到咁多美食！食完之後真係好滿足同滿足！🌟

我一向以為赫德道係酒吧街原來行入少少，見到永共嚐餐廳先知道有嘢食永共嚐餐廳門口放咗隻杯原來代表咖啡渣回收嘅環保杯了解之後先知原來佢哋係一間社企支持青年創業同埋咖啡渣回收嘅社企好有意義呀! 佢哋新推出咗乳酪雪糕開頭以為雪糕啫，有乜特別喎？原來佢哋有咖啡酒同埋果酒口味嘅乳酪雪糕咁又好特別喎! 好鍾意佢咖啡酒口味嘅乳酪雪糕食落去酒味濃郁，仲有好多唔同嘅配料好鍾意食呀! 仲有特色嘅打卡位置店長們好用心咁樣佈置咗呢個有意思嘅位置叫做沐漾·邂逅好特別嘅名！咁有意思嘅餐廳下次一定會帶朋友嚟試🍨

💰 Lunch Set $108/位 （主食配茶/（+$15）咖啡）💰 Option 1. 黑松露忌廉集菌魷魚墨魚咀意大利粉💰 Option 2. 醬香南瓜帶子蟹肉意大利飯 💰快樂堅果拿鐵咖啡- 套餐+15$另外單點：💰元素咖啡（赤）1 pot - $96💰雞翼山 - $78💰融化心暖乳酪雪糕 （朱古力味）-$58💰濃郁情緣乳酪雪糕（咖啡味）-$68今日嚟到尖沙咀去完K11 Art Mall行街，中午嚟到一間叫做永共嚐嘅社企Cafe，都係我自己第一次嚟社企主題嘅Cafe，用輕食健康為主題，食緊餐飯其實都幫助緊社會😄非常有意義。經過research之後先發現，永共嚐係Bar Pacific 的合作店。早上及中午時段為社會責任企業永共嚐旗下Cafe,係Bar Pacific嘅酒吧共營。「永共嚐」係一間積極響應聯合國永續發展目標(Sustainable Development Goals)的企業品牌, 因此永共嚐Cafe店內的食材、包裝、減廢等方面全方位顧及環境、社會及治理，非常着重ESG理念。🥰食物方面亦都相當唔錯，我哋叫咗2個中午套餐， $108位，另外加多$10就有咖啡飲，其實非常之抵

呢日嚟嘅cafe幾特別 係藏身於一間酒吧入面 夜晚燈紅酒綠🍷 日頭就係間好chill嘅cafe 呢間cafe仲係積極響應聯合國永續發展目標 會回收咖啡渣 為地球減廢出一分力 我同友人好認同佢哋嘅理念 所以嚟咗支持一下 叫咗佢地嘅意粉🍝雜菌黑松露忌廉意粉呢個意粉非常creamy 黑松露味一上檯就已經聞到 加埋有好多菇菌做配菜 好夠味道🍄 食完啱啱好 唔會太過膩 特色香辣橄欖油雜菌意粉呢個意粉就更加惹味🌶️ 配料雖然同之前嗰碟都係差唔多嘅嗰啲菇菌 但係加咗香辣橄欖油炒 味道就即刻唔同晒 有少少番茄味之餘仲有微微辣味🍅快樂堅果拿鐵咖啡咖啡飲落唔會太重奶味 都飲到咖啡嘅香 咖啡面頭有玫瑰鹽開心果 加強咗口感☕️ 係一款幾有特色嘅咖啡呢間餐廳真係好支持環保㗎 消費夠三次就會送一隻環保咖啡杯☕️ 下次就可以用嚟買咖啡喇😂

本身諗住黎食正餐，點知慢煮果三個main dish都冇哂，咁唯有叫其他啦。侍應姐姐講到個雞翼山好大份，兩個人都一定夠飽，咁我信佢啦。點知黎到係12件單骨雞翼，每件大約吋幾兩吋長。sorry我灰到冇心情影低，我自己一個人食都完全唔夠飽，咁就$108。老公就叫左個意粉，佢話味道ok既，但都係好細份，結果我地埋單之後要去其他地方再食多次正餐先夠飽。味道一般般，要比呢個價錢仲要食唔飽，我諗都好難有下次，完。