永發麵家 (已結業)

荃灣出差順便午飯, 還記得多年前曾在鱟地坊附近小巷有間小小小cafe,事隔一段時間仍抱著丁丁點她仍存在的希望到訪,可惜她已經變了一間串燒店,繼續向前走便發現這家門面極小,一不容易就會走過的麵家,阿姐熱情的介紹: "入黎食野啦, 好多野食架!! ", 就憑多野食這三個字,月巴人就抱著大無畏精神進店了。店面狹長如通道,經過麵檔那鍋翻騰著的牛腩牛雜似乎很入味, 只是鹵水香氣就有點薄弱了; 全店冷氣最強的位置, 就是面對關帝爺的座位啦! 忘記鹵水不夠香的問題繼續點了牛雜米加油菜作午餐。關帝爺旁邊的雪櫃中藏著多款冰凍啤酒,忽然發現一款很久不見的飲品------綠寶!!!!!!!!!哈.....我要飲綠寶!!! 阿姐細心的幫我找一盒最冰凍的,當然也沒有樣陳年經典廣告般以銀盤奉上 這種人工味道橙汁味道不需多評, 點她只是一種古早回憶,八十前的朋友應還記得那半島酒店裡喝綠寶的廣告吧?!湯頭裡牛雜汁不是黑漆漆的鹵汁,因此無論味道及顏色也偏淡,但仍有點牛湯味的; 整齊排列在爽口米粉上的牛雜只是普通的牛膀、牛肺、草肚及彎彎粉腸四款,沒有其他更特別的款式, 相信都是用上次冷凍貨色了吧。牛膀切成雙飛(還是切不斷

幾個禮拜無黎，又想去永發。夜晩八點幾，人比往時多了，未知是否天口慶多左人入黎食面飲啤酒？未入已經掙扎中：食腩河好定香妃雞飯好今日香妃雞輸左，腩河一上枱，哇，份量多到吖？！比以前更甚！見相：註：已經食左兩舊腩同一注河粉，15蚊。食耐左，飽肚左好多，個人覺得佢加左份量。同伴食ge水餃河一樣照舊咁好食，不過都係咁飛象過河，仲想呃我話電視套新戲幾好睇，趁人唔為意偷人地d牛腩食！下一次我一定會食香妃雞飯..再補相片。

晚上想找一間靜靜的地方吃點東西... 見無咩人就入左去:] 叫了一個雲吞魚麵跟餐~ 有油菜和豆漿。原本只打算吃個魚蛋米~~ 卻被"魚麵"吸引~ 因為我未食過丫！ 很意想不到的是.. 1間環境簡陋的麵店~ 吃到這個呀:] 說真的.. 雲吞好好味~ d蝦好多!! 魚麵好特別~ 這是意外的收獲:] nice~ 而且(老闆娘?) 很努力的工作~~ 很值得幫襯!!

本人唔好牛雜，對於下述兩位朋友的講法不予評價。幫襯左佢好多年，算係熟客，點解今時今日先黎讚，皆因又係無良業主逼我出手。呢間小店唔起眼，舖面窄，光線岩岩好，驟眼睇有d up dup，未必有吸引力，唯一係平。唔係專業食家，唔識形容佢點好法。由食佢個鎮店貴妃雞開始，佢唔肥膩、皮爽、肉滑...到後來逐一發現，佢個碗水餃麵獨有芝麻香兼夾大量爽口木耳兩粒寸長大蝦仁牛腩（其實係牛坑腩）肥廋適中，軟腍酥香...油菜淥得爽脆每次幫襯試下其它口味，都覺得野食做得好好。老闆兼大廚要求認真嚴格，老闆娘親力親為一路睇舖一路湊仔。好多熟客黎呢度睇電視飲啤酒, 氣氛好融洽..向來唔會好似佢其他客咁口花花 側聞佢地個業主狂加舖租（嗰頭d舖炒到周圍大量食肆結左業！）跟老闆娘傾下計，我話你地生意夠唔夠做，唔夠我幫你地响開飯度讚下你地。佢講佢地好多熟客，葵涌、屯門、青衣、元朗都會番黎買淨牛腩、雲吞、水餃、貴妃雞。老闆娘話，佢個湯底除左有大地魚、豬骨之外，亦都落埋雞，建議我有機會要朝早11點零黎食麵，呢個係佢湯底最好味的時候。不過佢建議我米星期六、日朝早，因為d客唔洗番工就會貢黎，出面排哂隊逼實！

今日趕時間, 有附近找間麵舖吃就算. 我細細個吃過這間的麵, 好正架, 點知20多年後就變成............話說我叫左個牛雜勞粗, 點知等左成15分鍾都未得, 我走才送到. 一睇個碟麵就唔多想食, 牛雜好少, 最慘是個腸充滿肥膏, 一吃就肥好多LOR. 但因為見到每碗12蚊, 所以好多人, BEER一支都是18元, 但並不是大牌子LA, 不過我無下次光顧.

經過門口，好殘舊，我估都好多年歷史，應該有老師傅坐鎮，入到去經過窄窄的走廊，先入到大廳，掌廚師位係一位後生仔，唔係話後生唔生，我經驗話凡有老師傅坐鎮都水準穩定，14元牛什河，但我見到得兩樣，找來找去都唔見其他，算吧…食了先，牛腸腸內清理不夠乾淨，河粉厚身、口感不好，湯唔夠熱，唔掛得賣咁便宜，功夫俾得一半。食了三分一就收手了，無下次。