永年士多 (香港逸東酒店)

营业中

休息中

以前要特登入元朗嘅馳名經典車仔麵，而家喺佐敦都食到粗麵配咖喱辣同豬腸汁，餸揀咗豬腸、魚蛋、牛筋、紫菜同蜂巢豆腐，又入味又掛湯，豬腸處理得好乾淨，牛肉軟腍煙韌油麵配咖喱辣同豬腸汁，餸揀咗豬腸、蘿蔔、魚蛋、墨魚丸同酸齋，蘿蔔完全冇筋，好入味，酸齋口感好好，一層層，墨丸會食到粒粒墨魚肉腐乳通菜洗得好乾淨，腐乳份量十足，豬紅韭菜花，豬紅蒜味好突出，又夠甜，韭菜花好爽口鮮油煉奶多士，一片厚厚嘅鮮油，鹹香突出，多士烘到脆卜卜，加埋煉奶又好食又邪惡紅豆冰同奶茶紅豆冰都好好飲，甜度啱啱好，紅豆份量多，又好咬餐牌提供嘅選擇好多，味道好份量足，性價比高，用QR Code落單又方便裝修同環境都好新淨，坐得幾舒服，佈置亦花過心思，整體感覺好好

想食車仔麵～唸起嘅一定有【永年士多】🤭.//辣串combo//有四款串串：魚蛋、牛柏葉、豬腸、魷魚。辣醬好好食，有街頭風味🤭.//大碗麵//大胃至必叫！有十個餸：豬腸，魚蛋，蘿蔔，豬紅，豬皮，雞翼，雞翼尖，魷魚，紅腸，菜， 一碗滿足晒每樣熱門餸料想食啲嘅心願。最鐘意食蘿蔔同豬腸，前者甜綿無渣，後者乾淨腍滑食完肚仔「大碗足」.//牛筋腩蝦籽撈麵//第一次食永年嘅撈麵！原來都唔錯！/牛筋腩軟腍入味，撈麵彈牙，每條都滿滿蝦籽。隨麵附上一碗清湯，可以按喜好調整麵的濕潤度.凍檸檬茶

朋友話我知逸東有車仔麵食我先知有一間咁懷舊既餐廳，今日去開尖沙咀就黎試下先門口有餐牌見到好多選擇，仲可以自由配搭一入門口就見到打卡點，好懷舊呀~衣家係舖位無左以前既招牌車仔檔，店主特登留地方放出黎比人打卡，真心要讚唔好睇少車仔麵係平民野食，好多人幫襯，我地去到幾乎滿座，遲啲黎仲要等位呢度手機自助落單，我地叫左兩個自選車仔麵同三個小食，飽到食唔晒自選4餸車仔麵(米粉，蘿蔔，蝦卷，豬紅，蜂巢豆腐) 個麵最驚艷係個麻辣湯底同蘿蔔，湯底又麻又香，配米粉吸晒個湯既麻香味，無餸都食到成碗麵，仲有蘿蔔，超級甜，又無渣，簡單無得頂蝦卷用料足，咬開就見到一粒粒蝦肉自選3餸車仔麵(米線，牛腩，肥牛，蝦卷)朋友對蝦卷讚不絕口牛腩都話好冧好嫩滑仲話個米線唔同一般出面食咁冧，麵身硬d食落有咬口唔食得辣叫咖哩湯就岩晒班蘭咖央多士係朋友話好想試，味道唔太死甜又有班蘭獨特香味，趁熱食好香口酸齋係無諗過會係車仔麵食店會出現，但酸酸甜甜好開胃最後一定要食就係腐乳通菜，腐乳通菜本身已經係無敵既菜，加上佢個腐乳醬係調過味，無腐乳本身既咸同辣，反而有少少甜同腐乳本身既豆香味，好正呀，好後悔無多醬跟餐叫左熱柚子蜜同抹茶紅豆冰，柚

今日好開心同屋企人去咗永年士多嘅車仔麵食高質素食物，因為香港而家有好多唔同嘅車仔麵，但係呢一間絕對不同，因為價錢經濟實惠，而且食物種類比較多，配菜非常多，有雞翼雞翼尖豬紅蘿蔔豬皮紅腸，應有盡有，所以真係適合唔同年紀嘅朋友呀，而且佢有好多招牌必叫嘅組合，仲有兒童餐入面有雞翼，公園 ，墨魚丸，芝士腸，都好啱小朋友食，大人仲可以揀自選三餸，包括有唔同程度嘅辣醬，有唔同嘅面類揀，我最鍾意食佢哋嘅河粉，因為非常爽脆彈牙，仲有米粉米線都有㗎，而且佢哋嘅湯底都好濃郁，仲有如果鍾意食辣嘅朋友一定要叫辣啊，因為佢哋嘅咖喱味都好香，豬皮非常爽口彈牙，魚皮餃都好好食，而且牛丸係手打牛丸，仲有陳皮魚蛋，真係好好食呀，所以我睇得出呢個廚師好有心機，而且仲可以叫何油彩衫配埋凍檸茶，大大杯，真係又香又好飲

今天同朋友去佐敦親友屋企打麻雀，到食晚飯時就係附近搵吓嘢食，我朋友喜歡食車仔麵，親友就介紹附近有間好食嘅車仔麵餐廳，這間餐廳叫永年士多，位於佐敦彌敦道380號香港逸東酒店地下1號舖，港鐵佐敦站B1出口，行幾分鐘就到，非常方便。這間餐廳嘅車仔麵我朋友話係銅鑼灣都食過，佢話非常好味好食。餐廳個招牌都很顯眼，令人一眼就見到，餐廳內環境非常寬敞，裝修好靚又新淨，亦有好多打卡嘅位置，好適合客人嚟打卡，枱凳都好闊落，令人坐得舒服，店員有禮貌，服務態度好，來這裏食都不錯。餐牌上主打食品係車仔麵，其他有小食、蔬菜、多士和飲品，亦有特惠的經典麵食，加少少錢就有埋小食同飲品，價錢真係好抵，仲有十二款嘅車仔麵選擇，每款車仔麵喺主牌上嘅賣相好吸引，睇到就想叫來食，我哋都選咗一陣就叫咗高佬發辦和至尊面，因為唔貴價仲叫埋車仔小食嘅生菜魚肉，亦叫埋飲品熱柚子蜜。首先來高佬發辦，份量不少，有豬腸、豬紅、豬皮、雞翼、冬菇、豆卜、菜心，我選了粗麵，滷水湯底香濃，豬腸洗得乾淨， 顏色夠深，夠晒爽口入味，豬紅厚實多汁，豬皮好淋好味道，雞翼又大隻厚肉，淋身好好味，冬菇、豆卜、菜心都全吸入湯，食落好有香味，粗麵口感爽滑彈牙，真係

呢間佐敦分店位於彌敦道，逸東酒店地下，位置十分方便😆，喺油麻地同佐敦中間，就近廟街、油麻地警署；店舖整潔光猛，裝修亦都有特色，特別一提，餐廳最入嘅位置有個郵筒，呢個郵筒係真㗎，唔止係裝飾😉，店舖會提供免費嘅Postcard俾你寄出去，醫肚之餘不妨可以玩吓🤭餐廳用Qrcode落單，揀好後可以到櫃檯付款💰📝我哋order咗以下食物：💁‍♀️大碗麵 $76-配豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜辣度有得揀咖喱定麻辣、麵都有得揀油面、粗麵、河粉、米粉等等而我哋就揀咗油麫麵+ 微呶喱辣🤭蠔油菜心 $20- (套餐加配)估唔到套餐加配嘅份量都咁多🫣樽仔奶茶 $17- (套餐加配)奶茶味好濃，必飲！❤️💁‍♀️鮮油多士 $18-成日見到人食，今次終於可以試吓，真係好好食，鮮油多牛油好厚🤩💁‍♀️淨南乳豬手 $58-有4大件豬手，炆得好腍，但又唔會骨肉分離😋💁‍♀️腐乳通菜 $27-豆腐乳醬好食，份量都多😆💁‍♀️咖喱三寶（魚蛋，豬皮，蘿蔔） $30-魚蛋係陳皮魚蛋，我最愛😍，蘿蔔好甜冇渣🫶溫馨提示：食飽飽之後，需要自助式咁放回餐盤🍽️餐廳座位足夠，食物質素同員工嘅服務態度都好好🤗，而且每款送

今晚喺尖沙咀行完之後嚟咗佐敦逸東酒店隔離嘅永年士多食由於都幾肚餓，所以叫咗好多嘢食，張單極長😂叫咗一碗自選三餸菜底（走辣）餸菜，包括牛柏葉、冬菇、墨魚丸牛柏葉爽口彈牙，而且份量都好慷慨，至於冬菇好鮮甜，墨魚丸入面有粒粒嘅墨魚肉，食得出係真材實料第二碗叫咗自選三餸蒜油撈麵，餸菜包括魚蛋、韭菜餃、流心蛋、魷魚魚蛋細細粒，好惹味，至於韭菜餃多菜少肉，好健康，流心蛋個效果做得好好，至於魷魚有好多，魷魚鬚尤其好食最後叫多咗碗自選三餸麵，餸菜包括有雞翼、魷魚、冬菇、流心蛋，據朋友所講啲雞翼煮得好入味，而且啖啖肉，好出色最後叫咗樽仔烏龍茶同蠔油菜心，樽仔烏龍茶細細樽好得意，解味之餘又解渴呢間餐廳位置方便，而且侍應熱情有禮，同時餸菜多樣化，份量充足，性價比好高，值得推薦#永年士多

同媽咪食港式美食! 兩母女都好鍾意車仔麵, 咁岩要去九龍行街, 順路就去香港逸東酒店既永年士多食車仔麵! 佐敦站B1出口行6分鐘就到!新店真係好有香港特色,復刻老香港的車仔麵場景超好影,打卡一流~ 用QR Code自助點餐好方便, 空間舒服, 可以慢慢坐慢慢食! 三餸車仔麵$48起, 飲品另外單點,雖然係下午茶時段,不過因為朝早冇食早餐,所以兩個人都點了四餸,另加一碟生菜同兩杯飲品!我點了豬皮蘿蔔牛腩流心蛋油麵,醬汁揀左微咖喱辣｡ 豬皮爽口,蘿蔔入味,牛腩軟腍,流心蛋香滑,配上微辣的咖喱醬汁,非常惹味!媽咪點了豬腸豬紅牛柏葉粗麵｡ 豬腸處理得乾淨,沒有異味,豬紅爽口,牛柏葉香軟,配上粗麵條,口感豐富｡飲品方面,新推出的白桃多多(加$15) 清新爽口,桃味香甜,炎炎夏日飲一杯非常消暑;凍檸茶 (加$11) 少甜 茶味濃郁,檸檬清香,甜度適中,解渴一流｡

好耐冇食永年，以前係特登入元朗食，依家原來佐敦都有。見咁耐冇食，順便買外賣番屋企。叫咗一碗有營有素，本身已經有好多款餸，流心蛋，蘿蔔，豆卜，冬菇，紫菜，我自己另外再加咗魚腐。另外散叫一碗三餸米粉，豬皮，牛柏葉，蜂巢豆腐。見到杯白桃多多好吸引，忍唔住加購。白桃多多味道唔錯，白桃味同益力多味都幾夾，幾好飲。下次有機會試埋杯士多啤梨多多。整體味道好，唔會食完覺得好鹹好重味精咁，比起其他車仔麵多餸揀。我個人就最鍾意蜂巢豆腐同豆卜，完全吸晒湯汁，好入味。蘿蔔亦都冇乜渣，清甜爽口，健康之選。另外都幾欣賞啲餸嘅份量，唔會因為你嗌多咗個餸而其他餸少咗，整體嚟講都食得好滿足。

鹵水雞翼❤濃味滷水汁熬煮，每隻雞翼都自帶濃濃既滷水香味。隻隻都炆得好淋好入味!!一食就直接骨肉分離，大大隻好滿足，夠哂惹味，必點!南乳豬手❤用南乳炆煮過後既豬手，口感軟腍，豬手由外到內都有香濃既南乳味~，而且豬手底仲有菜心，菜心索埋南乳汁，仲好味!白桃多多❤限定益力多特飲!! 如果再大杯D就更好喇!三餸車仔麵❤+$6 墨魚蝦卷 多蝦彈牙，+$2 鳳爪 好入味, +$2 豬腸 夠彈牙，油麵亦都幾掛湯，麵量岩岩好!三餸車仔麵 走湯走醬 菜底❤係菜心底，好入味既 冬茹 同 +$2 豬紅，+$2 魷魚 口感好軟冧，同平時食到既好唔同!!!

One of my favourite Hong Kong delicacies - cart noodles! You get so many options of foods that you can add on, though most of them are unhealthy.To balance it out, I opted for the vermicelli noodles instead of the OG “oil noodles”. As for the spice, I got the medium curry spice. The soup actually had a Chinese herbal taste to it (which is something that I actually like!) For the food options, I got beef stomach, sour dough and a shrimp paste. I was surprised at the generous portions given. Unfor

✨今日特登同朋友嚟佐敦分店，因為比呢度個打卡位吸引左😍✨收銀旁邊嘅佈置係幾十年前嘅街邊木搭車仔，仲有木枱同木凳，向現場打完卡再放上社交平台仲可以得到明信片同埋優惠券添。✨呢度點餐係用QR code掃描，然後再去收銀度俾錢再等號碼取餐。😋咖喱小辣招牌面麵轉米粉，入面有豬腸，豬紅蘿蔔同魚蛋，共$60。😋微麻辣自選三餸麵轉河粉，有豬腸、豬紅、蘿蔔再另加牛柏葉、冬菇、蜂巢豆腐，共$79。✨車仔麵真係食得多，永年我都係我食過最多餸既，每款送都起碼有五件。又揀唔同既辣度，我碗多餸麵叫咗微麻辣，但比我想像中仲要辣🌶️，豬紅、豬腸同蘿蔔既配搭真係一流，蘿蔔超入味，豬腸又可以揀肥腸、瘦腸、豬腸，牛柏葉好爽，魚蛋係用陳皮魚蛋，陳皮味好香。😋兩個人揀咗三款小食，滷水雞翼，腐乳通菜多醬，同煉奶多士，三款小食都好好味😋😋特飲跟餐有優惠$15。白桃多多真係有啲粒粒白桃肉，士多啤梨多多🍓亦都有大大粒士多啤梨乾果，食完辣汁麵飲好爽👍🏼#廟街 #油麻地警局 #油麻地

今日去咗佐敦逸東酒店地下一間叫「永年士多」嘅餐廳食車仔麵，呢間餐廳裝修非常新穎，同傳統嘅車仔麵舖頭唔同，餐廳嘅裝修非常用心，有一幅關於舊式香港嘅壁畫，仲有一套好逼真嘅一比一車仔麵檔模型，可以俾顧客打卡。餐廳採用QR code電子化落單，可以選擇現金到前台結帳或者直接用手機結帳。我哋嗌咗一碗自選三餸蒜油撈麵同一碗自選三餸車仔麵，另外加咗幾個餸、腐乳通菜同韭菜花豬紅。蒜油撈麵揀咗粗麵，麵條口感彈牙，撈麵有蒜油做醬汁亦都好香口；車仔麵揀咗河粉，分別加配咗咖喱辣汁同麻辣汁，味道濃郁香口，豬腸唔算太肥，魚皮餃同肥牛正常發揮，墨魚丸嘅墨魚味濃郁，牛腩炆得好腍生，蜂巢豆腐吸晒醬汁嘅味道；豬紅煮得好入味，韭菜餃正常發揮，墨魚蝦卷爽口彈牙，最推介嘅係蘿蔔，煮得非常腍而且味道清甜，值得嗌兩份！我哋仲嗌咗夏天限定嘅白桃多多同凍樽仔奶茶，桃肉加益力多調配嘅特飲非常解辣，樽仔奶茶口感順滑，茶底味道濃厚，值得一試！📍佐敦彌敦道345號永安九龍中心地庫FB1號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

今日出黎尖沙咀，決定夜晚一齊食個豐盛大餐！呢間永年喺逸東酒店地下，自成一角，仲有個車仔麵檔打卡corner，仲有送明信片，幾盞鬼😂背景仲播住經典廣東歌，環境氣氛幾好～1️⃣自選三餸菜底（$48 ）微咖哩辣 、三餸（魷魚 （+$2）、墨魚蝦卷（+$6）、麻辣豬耳（+$6））另外加餸（牛柏葉（+$13） ）菜底係菜芯，比較輕盈，嗌餸Heavy啲都無問題！墨魚蝦卷墨魚味較突出，豬耳嘅麻辣味好香，魷魚就不過不失，牛柏葉都好爽，撈埋咖喱汁更正2️⃣牛筋腩蝦籽撈麵（$66）撈粗麵、微咖哩辣汁加豬腸汁 加餸（瘦豬腸（+$11） 、流心蛋（+$11））最鍾意食撈麵，唔落湯先，蝦籽嘅鹹香味好出，加咗湯又有另一番風味，會有種藥膳香滲出嚟，跟麵嘅牛筋腩份量都多，而且真係幾正，牛腩比望落更軟稔香口，牛味好夠，而牛筋係入口即溶果種，膠質較強個人都幾鍾意食豬腸，呢款腸洗得乾淨，又唔會韌，都好正流心蛋就熟咗少少～不過都好香口加配樽仔奶茶（+$17） 呢款係永年自家製奶茶，無冰溝淡茶味，甜香味更突出！另外加配紅豆奶茶冰（+$15） 經典港式飲品，無得輸！3️⃣小食鹵水雞翼（$30） 呢個價錢有五隻雞翼，簡直係抵到爛！而且雞翼一啲

🐷📌 #豬西食佐敦#豬西食九龍.永年士多喺香港有好多間分店 最近竟然開咗間分店喺佐敦嘅逸東酒店地下呢間分店係我見過最靚嘅🤣🤣店內嘅擺設非常之有心思 模仿以前車仔麵嘅麵檔 睇落非常逼真重點係嘢好味得來又唔貴 大碗到不得了🤣🤣.🐷斑蘭咖央多士多士裏面嘅少許嘅斑蘭醬🤩 外層帶點焦香,內裡蓬鬆軟滑 非常惹味.🐷蠔油生菜🥬生菜鮮嫩翠綠 淋上濃郁的蠔油汁 口感滑溜 清新清爽 不會太油膩 是非常簡單又美味的一道小菜🥳.🐷牛筋腩蝦子撈麵 加牛肚、糖心蛋麵條Q彈有勁 配合厚實的牛筋腩、鮮嫩彈牙的蝦子🦐 本身已經好好味 就算係撈麵都做得非常入味出色🤤再加滑嫩的牛肚 再加上糖心蛋 口感層次豐富 滋味無窮😍.🐷大碗麵今次就揀咗碗米線 裏面有超多款餸 啱晒選擇困難症嘅各位裏面有齊豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜湯頭濃郁鮮美 麵條爽滑Q彈 料多足料 每種配料都十分入味 個個滋味十足 極之飽足😜.🐷白桃多多 少冰最近佢哋連嘢飲都推出咗有益力多嘅系列 桃味夠清香 🍑夏日清涼 清新可口 微微甜味 配合少少冰塊剛剛好🤩 不會太淡也不會太濃 非常順口爽口😍.🐷紅豆冰 少冰紅豆冰冰涼凉滑 每口都有