永樂燒味小廚 (已結業)

見到尼間永樂燒味小廚,就好想食燒味~ 店家有一邊廚窗掛住好多燒味,好有氣勢,同有好多個燒味專員喔~ 就入去試吓先~ 一試我又係試左3日,尼個飲食習慣真係好搞笑!佢個燒味餐$30 (應該係下午茶時段價錢)第一日我點左 切雞燒鵝瀨粉配熱奶茶**(燒鵝要另加$5) 切雞我要求食雞胸位,香軟啖啖肉反而額外加錢既燒鵝就一般,有一堆醃料留嚮啲骨度,一啜爆咸,有啲失望...第二日我點左 叉燒燻蹄瀨粉配熱奶茶啊~ 燻蹄好有驚喜啊~ 燻蹄皮Q彈肉質林滑夠實淨~上碟前仲加左啲麻油做調味~ 好香啊~第三日我點左 切雞燻蹄瀨粉配凍檸檬茶食左2日,對於我黎講,我覺得尼個係最佳配搭,但係燻蹄賣哂,咁我就轉左叉燒~其實我都鍾意食瘦叉燒既,佢個味道都唔錯,但舊叉燒真係有啲硬

葵涌友強力推介乳豬，本來打算點午餐四十幾蚊的乳豬紅腸飯，但朋友話要豪一豪，於是點點了$150四分一邊豬。賣相整整齊齊四四方方很吸引，很有高級中菜館的味道。豬皮脆卜卜、肥瘦適中，不會一口肥膏也不會柴皮，也沒有死鹹。質素絕不在新斗記之下。其他燒味也非常出色，叉燒肥瘦有致，冧滑爽口，燶邊焦香，難怪午市很快售罄燒唔切。豉油雞肉厚嫩滑。有趣是這裡只賣燒鵝不賣燒鴨，燒鵝肉汁噴射，閃閃發光。唯一敗筆是那條菜芯老過我九十歲個阿婆。飯量極多，兩個女生share也吃不完，下次記得叫少飯。

一先叫左燒鵝，燒乳鴿，等左陣就有得食！好熱，好多肉，好味自己帶紅酒慢慢嘆！再叫蜜椒薯仔牛柳粒，對小朋友都算辣，要水洗洗先食到！但好好食，薯仔煎得好靚，牛柳粒唔un,下次黎會再叫！推介！仲有叫左一個班片魚肚煲，個湯好飲，但啲魚肚全部唔夠淋！煮得唔夠耐，雖然都叫食到，但下次唔會再叫！同埋個班片霉霉地，一食知道雪藏野，下次會試其他煲！6:30都已經多人，都幾旺！但啲侍應好好人，唔會話人多就燥！好有耐性！好有人情味！價錢合理，街坊價, 會再幫襯

lunch hour時段都是隨時便選一家餐廳，哪裡有位就去哪裡。叉燒燻蹄飯($40): 蜜汁叉燒略乾，毫不嫩滑，雖要求，但其實與瘦叉無異，也許只是我一廂情願，叉燒質素相當一般。燻蹄正常無啥特別，整體份量蠻足夠。另外，必須特別註明咖啡是極度難喝，味道極酸，喝了唯一一口也吐了出來!

光輝圍初時倉庫剛搬來這邊，覺得好興奮，夜晚好多嘢吃24小時麥當勞在5分鐘的路程！夜晚平價1蚊一隻炸物，幾乎玩玩都吃，痘痘猛飆！過來一個月已把這裡摸通透，處處都吃膩！因為老老去去幾間！夜晚有個好處想吃炒飯其他餐廳收檔比較早，永樂比較夜，今晚在倉庫加班快12點下到來永樂都還沒關門。兩個人一人點了一個飯齊齊吃，兩款炒飯一款瑤柱蛋白炒飯，比較干身飯粒分明，瑤柱炸過的，不過太硬，牙力唔好咬到好辛苦，不過瑤柱幾香，加菜頭吵得脆口得來帶點傑，另一款生炒牛肉飯我比較鐘意，相對無咁咁，飯軟點醬油味合我心意，兩個飯一對比好明顯口味，覺得兩個都好特別單吃一道飯可能無咁明顯，但我們試了下一碗蛋白飯，一碗牛肉飯！又試過混在一起，不過唔好學我混在一起，味道好怪，無特別之處，⋯⋯份的份量超大份！兩碟飯加一杯凍好立克103塊好味，健康又飽肚

今日一班朋友在此食lunch，我和太太先離開，唸住去收銀俾左自己個份錢先(先聲明，在此已不是第一次食，亦不是第一次先分開俾錢)。之前俾錢個男人$43 人地俾1張$50+$5，唸住你找$12 方便啦，佢找左 $2俾人，人地咪話欠$10囉，佢黑哂面同人講你下次唔好咁俾，咁好亂，之後拎番人地個$5俾佢，再俾多1個$5，個男人都嬲到震走左。我見到都想幫口鬧啦，自己找左錢仲黑面又話人亂，但個男人走左就算啦。到我俾錢，俾自己個份先，佢話唔得，又話好亂，我話你唔識計數做咩收銀，佢話係呀我唔識計 😡我大聲講你唔收我走架啦，都無人理。呢個收銀好似係以前海X個女人，個陣已經係咁既態度。年多前有一次係海X買一個奶油豬，問左外賣話$16，俾$20佢找，找番$3俾我，差點不為意，問佢點解佢先話外賣加$1，但重點係我一早話要外賣，同埋佢無講就咁找少$1，之後黑哂面咁拎番$1。重點唔係$1，係你自己講左價錢，點解可以唔出聲收多人錢又唔同人講，俾人發現仲要黑面 食野俾錢要受氣，真係無可能再幫襯囉!*** 第一次寫食評，估唔到要寫一個大負評。雖則話茶餐廳唔係大酒店，唔係要你笑面迎人，但咁樣口黑面黑，真係唔可能唔寫出來囉

我都差不多間間葵興大排檔都試過.. 暫時都未試過一間覺得好好味可以encore.. 剛好經過見到呢間茶餐廳式大排檔都可以食小菜.. 望落似係新開就決定試一試.. 我最鐘意食菜就叫左個金銀蛋豆苗.. 味道的確不錯而且足料.. 好大碟.. 我很喜歡還有草菇做配料.. 而且上菜速度都很快.. 另外點左每一枱都有叫燒鵝上脾.. 光看賣相已經很吸引.. 肥瘦適中.. 而且很香噴噴.. 哈哈.. 我地都食唔停口.. 不用點醬料都可..最後仲叫左個白飯魚煎蛋.. 食落不太覺有白飯魚味道.. 但都有啲小骨.. 這道菜送飯都係一個唔錯嘅選擇.. 不過相對就較為普通.. 略嫌無咩味道.. 價錢合理就同大排檔差不多.. 但就多了一份茶餐廳感覺.. 小菜煮得確是不錯.. 不譮論大伙兒還是二人前都係一個唔錯嘅選擇..

工人姐姐出去買餸, 順便請佢外賣一盒叉雞飯回來給我吃 ~叉雞飯雞有雞味而且肉質嫩滑入味, 叉燒有焦香夠蜜味但肉質有點偏硬, 而且我要的是肥叉燒 (工人姐姐懂得說中文的, 她也深知我吃肥叉) 但這舊叉燒實在太瘦了 ~不得不提的是, 蔥油好好味, 撈飯勁正 本篇完 ~