永華日常 (利東街)

营业中

休息中

難得喺市區去到11:30都仲有早餐食嘅餐廳，基本上一般港式早餐呢度都可以食到，我通常都嗌一個沙嗲牛麵加火腿炒滑蛋，沙嗲牛麵嘅沙嗲味道濃郁，牛肉份量亦相當充足。而炒滑蛋掌握嘅火候亦恰到好處。每次食完都滿載而歸。

尋晚去咗永華日常餐廳試咗佢嘅海南雞飯，整體感覺唔錯👍。雞肉非常嫩滑，同埋香味十足，食落口感真係唔錯👌。配菜有青菜同埋配湯，啱啱好平衡咗雞飯嘅油膩感🥬。最值得一提嘅係佢哋嘅醬汁，有蒜蓉醬、辣椒醬，味道多層次，可以自由配搭，令到雞飯更有滋味🤤。服務方面，侍應態度親切，落單同埋上菜速度都算快⏱️。環境亦都幾舒適，唔會太嘈吵，適合同朋友或者家人一齊去享受😊。不過，價錢稍微偏高💰，但質素成正比。總括而言，永華嘅海南雞飯值得一試，特別係鐘意食雞飯嘅朋友，唔會失望嘅！✨

次次行過利東街，成日見到呢間茶記，真係無留意佢果名，今日又經過，入去試吓⋯⋯座低睇到個名，熟口熟面，原來係佢⋯⋯估唔到包裝一下，依家變咗好小小嘅茶記。真係起碼起過5年無叫過呢二款茶餐，因為太邪惡⋯⋯茶記最邪惡孖寶！厚厚嘅西多入面夾左有花生粒嘅花生醬，正正常常。炸肶～皮脆入面啲肉都算有肉汁唔柴。其實日日出去食，唔係真係次次想寫嘢，寫茶餐真係好無聊至做，今次寫係因為個伙記做啲動作令我火都嚟，所以寫出嚟等佢公司注意下。話說成間餐廳正正常常運作，已經係手機落單，當時又唔係太忙，有個黑色衫戴眼鏡嘅女仔，送碟雞髀過嚟，放落嚟都好地地，之後佢將二包茄汁一嘢好大力咁「掉」落張枱度，我女友都即時望住我話「咁都得」？佢好彩轉身快走咗，唔係我實小下佢。成間包裝得咁好嘅餐廳，就因為一粒老鼠屎，真係無論其他人點勞力都補唔返！回頭次：4/10

本身係舊客，差唔多個個星期都去一兩次，有時仲會去兩三次，食物OK，有時啲湯會鹹得滯。今日去到，侍應態度極差。有個前台阿姐，負責帶位，又負責order，又負責拎嘢食俾客人，完全唔識得點樣安排座位。餐廳前面有卡位又唔俾人坐，要人坐後面一張摺檯。摺檯嘅上方有一塊抹枱布同消毒劑，放喺客人頭頂一個角落，要攞塊布就喺客人頭頂拎。等到可以換位，需要改單又發晦氣，係個客面前揸爛張單，講左句，「妖，落咗兩個QR code即係要改單啦。」咩態度，咁唔滿意個客唔好做侍應啦。

去呢間茶餐廳食飯 飲品點了熱檸茶和熱檸水 結果發現熱檸茶入面的匙羹非常污糟！！！根本沒有清潔。匙羹上有疑似凝結奶茶的污跡 非常非常嘔心 嚴重懷疑根本沒洗碗清潔餐具 是其他人用過的匙羹！！非常嘔心Ordered a hot lemon tea in this restaurant and found that the spoon in the lemon tea was so dirty! See the pictures below. The spoon was full of stain, looks like the stain of milk tea. Obviously the spoon was not clean. So disgusting

又嚟到星期五，係放鬆心情嘅日子，我約了朋友出嚟食午餐🥣，佢話想食永華日常呢間餐廳，所以我就同佢去咗試喇。佢位於利東街，喺灣仔站B2出口，行4分鐘左右就到達，我同佢分別叫咗兩個餐，因為我同佢都好鐘意食常餐，所以二話不說就去點常餐了。我哋分別帶咗火腿通粉X2 - 湯底濃郁，美味可口，有通粉或者即食麵可以選擇添火腿奄列、牛油厚多士x2飲品我哋叫咗熱咖啡同檸檬利賓納兩份都係熱嘅 - 我就比較喜歡飲利賓納加檸檬，佢將利賓納升級左一個層次，好好飲，咖啡都好好味

近月公司委派到灣仔合和中心工作，灣仔地鐵站一出就是利東街，成條街都係西式Cafe,感覺價錢貴又食唔飽，終於見到間茶餐廳，諗都唔使諗衝入去食個早餐，點知無位，職員安排下等咗兩分鐘入座，即刻看一看有甚麼好吃。職員指示掃碼點餐，點了個沙嗲牛肉出前一丁，跟多士另加三款食物，我點選了午餐肉、煙肉、炒蛋，多士牛油香脆，個炒蛋份量唔少都幾滑，沙嗲牛肉比較重蒜頭味，沙嗲味都幾香，出前一丁就有啲硬，煮得麻麻，最後要一杯即磨咖啡都唔錯。

成條街人潮眾多，看到永華相對人少，於是取票排隊，沒想到我就中伏了😅😅門口有位亞姐負責叫號及安排座位，她的效率不高，好像不知道自己要做什麼。在炎熱夏日，尚且午餐時間，必須匆忙吃完返回工作。午餐菜單上的炸魚柳蛋蓋飯很吸引，食物的外觀還可以，但味道讓人震驚😅😅 立即將這份炸魚柳添入黑名單。午餐加$3可享凍飲，加$5則是特飲，我選擇加$5特飲，飲料沒問題。

身為打工仔女，每天工作都有機會遊走港九新界，今日晨咁早要去灣仔皇后大道東大公司參加會議，預早去到未夠鐘，搵個地方食早餐，一出地鐵站見幾間露天茶座，但天氣炎熱，於是揀選了［永華日常］，一入去發覺已滿座，店員主動招呼問坐唔坐露天，太熱就答唔坐，於是招呼我上閣樓，裝修簡約光鮮，我坐在窗邊的枱可望利東街景。QR落單點了沙嗲牛肉米粉餐。沙嗲牛肉米粉早餐沙嗲好濃味，食落原來係蒜頭咪，味道好搶，變相沙嗲味就唔突出，牛肉還可以係有啲筋，米粉係半透明爽爽地嗰種，幾好食，餐配牛油厚多士外脆內軟牛油香，還可選3小食，點了炒蛋，餐肉，煙肉，熱咖啡。即磨咖啡咖啡如果係即磨咖啡就一定加分，朝早飲一杯醒神晒。

沙嗲牛肉麵的牛肉質素很差，牛肉軟林林應該落了好多鬆肉粉，完全沒有正常牛肉應有的質感。湯沒有任何沙嗲味，似出前一丁原本的湯底一樣。奶茶太苦澀-連最基本的奶茶都沖不好😅沒要求只是想隨隨便便的吃一餐，但連最普通的茶餐廳質素亦不及格。宜多作改善

平日11:30去到，唔使等位。用QR code 落單，見到咖哩吉列魚柳飯張圖賣相幾吸引，立即order左一份。點知....點知份午餐一嚟到....照騙! 說好的3塊魚柳呢？隨口問下經理，經理回覆， 圖片只供參考，咖哩吉列魚柳飯一向都係得一塊魚柳， 但係之後有改口風，指圖中嘅係3塊係細塊啲，我哋碟中係大塊啲....點都好啦，講返味道方面， 咖哩比較偏重椰奶口味， 我個人比較喜歡阿活咖哩嗰種style。 溫度唔係好夠熱，不過就係趕時間嘅人嘅福音喇...總括而言，呢一間已經打入我永不光顧名單。

服务体验非常差 我是这里的老顾客了 基本上每周都会点 但最近情况愈来愈差 到店点单自取的单子 只是点了奄列 居然要等半个小时 屡次催促才给装袋 不仅如此付费的餐具点单两副也只装一只 外卖的奶茶装袋也不牢靠 到家全部都洒了 经理和大堂的人员管理能力很差 疲于应付 令人失望

=============大大件豬扒 | 堂食一餸飯來說OK===================開設在利東街，大概是整條街最便宜的餐廳了茶記最重要「快、靚、正」，永華都做到：上菜速度正常另上的咖喱汁有一大碗，不怕吃到一半便沒有味道              咖喱的香料用油炒香，又加了椰奶烹調，淋在充滿油香的豬扒油上剛好飯沒有甚麼特別之處雖然明顯是肥仔餐，估計約1,200卡路里，但尚算吃得滿足。==============================註：燈光明亮樓底高，但二人一般要搭枱，枱之間空隙較窄，變相要屈住隻手食飯，唔太舒服。

叫左2個海南雞飯，每個$88，冇野飲等左30分鐘，上左1個海南雞飯，再過10分鐘，先上埋另1個海南雞飯，總共等左40分鐘，重要分開上……油飯冇味似白飯，濕濕地，好難食海南雞好韌，臭臭地，好難食醬汁好稀，似溝左水，冇乜味埋單都要等……等左幾分鐘先有人慢慢行過黎收錢，黑面同細細聲埋怨，唔知怨乜…… (我地全程冇投訴)貴、難食、等勁耐、態度差……其中一個海南雞重要係多骨，一半肉韌，一半肉梅，又臭又難食……

不是第一次光顧，每況愈下，黑色制服女侍應服務差，黑面，偷懶，星期六晚店內有很多空位也要放客人在門口，等了很久才給予點餐單，女侍應不停看手機。吃過最難吃的鐵板餐，牛扒完全冇牛味，只有奇怪的黑椒味，伴菜充滿油味但沒有蔬菜味，薯角也冇味，燒汁上菜時是冷的，不值那價錢。很可惜，因為第一次去時覺得環境很好，當時有位帶眼鏡的男侍應服務也好。希望店主看到可以作出改善，起碼多注意員工訓練及食物質素，不要浪費了店舖的裝修及地點。