影片
食家推介
食记 (33)
系附近上堂放lunch, 打电话book 定枱。去到见室内set 定咗枱13 人仲加埋转盘，方便大家倾计，而今日天气热有冷气茶仔又可以望到户外风景，呢个系好chill 亨受。各人散点set lunch分单，姐姐们完全冇问题问足哂餐饮配搭，午餐$48-55冻饮都系加$3，仲要有D镬气，未食前朋友睇食评冇信心，但已经成2 年前！食完个个赞抵食！正常茶仔服务属正常，未必好热情笑骑骑招呼，但计埋价钱又冇限时放松舒服食一餐，多啲支持小店生存，否则全部又系连锁店兼限时食饭又收加一啦！仲要自己扫机入单。
继续阅读
星期日食个下午茶餐，场景全日落大雨都冇乜客人。问有冇下午茶，才拎餐牌出嚟，唔问咪要食正价餐？叫咗叉烧肠仔公仔面+冷奶茶。承惠$50。真系冇谂过大排档格局茶餐厅要咁贵。大尾笃又唔系隔涉山长水远？如果门口有价钱牌，我宁愿去隔离食泰国嘢，反正食公仔面都咁贵。食物都老实讲唔系好食，界乎普通<->难食。冻奶茶冇甜味，好似冇落到糖水咁。肠仔正常，公仔面系cheap面，面质唔好食(大光面就好食啦)，叉烧好似D炒饭叉烧粒咁大细不一。真系可一不可再吖。餐厅似系家庭式经营，几个人座埋一边倾偈讲粗口。一系出外面煲烟。冇客，都要等10-15分钟先煮到碗面出嚟。其他食评都有提及：真系唔优做咁，员工对食客黑口黑面，讲嘢粗声粗气，打开门口赚人钱做生意都亳无礼貌可言。(之但系咁，我留意到佢对认识/帮衬开既街坊，态度好好多，起码会讲多句，及笑。)呢间嘢都唔当客系客既，你估你系佐敦澳牛咩？起码澳牛个餐都煮得好食吖，入去被受气都系自愿吖嘛！
继续阅读
今早带同小狗在新娘潭行山后，在汀角路附近揾嘢食早餐，见呢间有户外座位，欢迎带狗。于户外找到吉枱，完全无人招呼，伙计态度散漫，爱理不理，闹神闹鬼。环境卫生欠佳，食物质素一般，又贵又唔好食。户外座位遮光不足，太阳曝晒。最后自己入去攞咗中式点心，烧卖用雪藏肉，雪气味都未过，粉果馅真系好似一旧粉，排骨真系得旧骨。除咗叫做户外可以带狗，真系一无是处。最难顶系其中一个阿姐，黑口黑面，不断与客人嗌交，其实做得咁唔开心，不如唔好做。
继续阅读
次次去都食，不过原来无常餐无快餐，食物全部系要单点，由于呢头无乜选择，食饭时间有d饿，所以都5计较咁多。五香肉丁面35丁量不弱，面食不一早煮定，都5系淋，成会红色有微辣，索价合理。干炒牛河50牛肉唔少，入味，唔靭，河粉色水靓，成碟唔太咸，也唔是好油，唔会食到成咀油。咸鱼肉粒炒饭48大家都话虽然雪藏鸡但都唔少份量，好少咸鱼，什豆炒，颜色不差，但相比河粉，有d普通，所以无点食。柠茶17无得跟lunch平d饮，感到都唔平，但天时暑热，硬食，冻饮系必须的。有大风扇吹室外座位，我就都还好，另一半食到好大汗，搅唔掂。
继续阅读
食物完全冇心机煮咁，自己煮既公仔面都好过佢。D汤完全冇味道，公仔面煮到淋晒发晒涨。另外d炒粉面饭好似做到两𩠌饭咁，一早整定好晒。职员服务态度又差，唔会再有下次。宁愿饿住返出市区食都唔会帮衬。唔明点解咁嘅质素都仲可以有人帮衬。
继续阅读
您可能会有兴趣的...