江山笑 (已結業)

10/7(四) 2:30pm趁兼職前的空檔,跟學友們前往"江山笑"吃些茶點,閒聊兩句.過了peak hour的金鐘,盎然多!三人坐於露天座,雖則沒啥景觀,但總算開揚.下午茶時段多款點心麵食半價;我們點了川辣抄手$19,炸雲吞$17,海鮮粥$24.川辣抄手--花型小碟盛著若干隻巧手抄手;抄手一口一隻,外皮薄而滑,跟銀芽同送口一嚼,蝦多豬少,不太對辦!而且味淡薄,陳醋足掩蓋其鮮度.炸雲吞--一客4 件;雲吞皮色澤金黃,炸得相當乾脆,滴油不沾,不甚香口同樣是不爭事實!此外,其"肉心"委實迷你得很,五毫般大小的蝦肉芯水準不外如事,其甜酸醬亦然.海鮮粥--粥底較稀,略帶綿口,味不算鮮;蝦仁,帶子,魚片等食材倒爽口味鮮!沒加一的下午茶盛惠$60,付$70竟找回兩個五元硬幣;下午茶強迫性被索五蚊貼士,點睇?

今個月有花紅分, 同幾個同事決定黎個「鮑翅餐」豪一豪佢 - 春菊紅燒翅：雖則做緊半價ｐｒｏｍｏ，但材料依然十足，真係抵食，配春菊一齊食好爽口- 鮑魚獅子頭：一大舊鮑魚+一大舊肉，肉質鬆軟無乜肥肉，仲諗住會好"漏"添，若然多2條菜就更好喇- 雞泡魚干：甜甜地口感有ｄ似豬肉干，但又無豬肉干個種肥膩感，做送酒小食一流- 蒜泥白肉：另一個送酒小食，但唔夠辣，連一個唔食辣既人都食到- 雪菜肉絲炒年糕：好多料，但年糕略為"煙銀"咗少少，上枱時熱辣辣仲好香，經理話係新鮮即炒所以耐咗少少仲有甜品送，服務都唔錯，招呼周到，但略嫌同隔離枱太過親近。臨走聽到隔離枱話ｄ燉湯唔錯喎，下次一定要試下先。

今日老細請食Lunch, order 左6個小菜+1個蛋白抄飯. 沙拉骨- 肉ok, 汁bad西蘭花帶子- ok 帶子4粒, 好大, taste ok青豆抄螺片一般, 好多豆頭抽太子雞- not good咕嚕肉- bad 紅燒豆腐- bad 凍冰冰蛋白抄飯- 可以上菜速度其慢，續碟續碟上.. service bad .. 地方超細價錢超貴.. $1000 for 8 ppl個個食唔飽.. 送糖水.. no feeling .. just like water 希有好多遊客係道食..

今日經過金鐘力寶中心做野,發現有間中菜餐\廳,咪同朋友一齊食晏,叫咗幾樣野,但發覺宮庭醬烤骨好味道.重有兩個曼頭跟嚟.

食物真的沒有驚喜。「芥苿醉雞卷」其實只是一般的醉雞冷盤，不覺得有芥苿味，而且酒味不夠。小龍飽亦只是普普通通。

看了傳媒推介, 和父母一試.叫4味小菜冬爪釀蟹黄豬肉($8X)露荀炒牛肉花膠鵝掌煲炸子雞半隻($110)感想: 味度算OK, 分量較小, 白飯似用microwave 叮番熱. 炸子雞則無肉, 真係好瘦.環境: Sunday 6:30 pm 去食, 到7:15 先有另一圍. 椅細背硬.價格: 4小菜+2飯+3茶+1 = $609. 唔係平Comments: 普通, 格局唔似做local 客

昨天食過，今天再試，都是套餐，原來有三個，一雞一魚一菜，二款套餐只是法不同。昨天食荷葉飯，幾好味；今天食薑粒炒飯，較為乾及硬。今天坐得辛苦，因為二人坐二人，但又不是滿坐，子很細！！扣分！！

今天食二人午市套餐－$330+10%蟹拑海皇羹雲腿冬菇斑塊雞球煲荷葉飯豆腐花味道OK；套餐份量足；侍應確是手腳慢了點，但算有禮貌；價錢是貴了點，多鬼佬光顧；坐得舒適，因不滿坐

好開心樓下多左個飯堂!個螺頭雞燉湯好正，啱晒我D成日掛住去街又晚收工，無咩湯水既行政人員．十足亞媽煲既愛心老火湯．仲叫左個花膠鵝掌煲同脆皮燒雞，一個馬拉盞菜，樣樣都好好味，價錢都算合理．老細應承左下個禮拜請我地落去食晚飯，試鮑魚，又睇下點？！

雖然我打中文好慢, 但要更貼切表達食緊+食完的心情.. 一定要告知同好.. 這食店.. 收嘅係鏞記價錢, 製法粗陋; 以油炸為掩飾, 實為不鮮/急凍食物; 環境普通, 服務一般, 速度極慢.. 我從來都手下留情, 今次..實在太過..For your reference: 黃金蝦球$98 ; 生抄骨$88 ; terrible 帶子伴西蘭花(炸完仲要係soft & oily) $128; 荷葉飯(只有一碗仔多少少) $48 + 兩細碗飯.. p.s. 全部西蘭花加埋得六小件.. 三個人lunch..先至ok飽.. portion 細過食法國餐!!!