湯加 (欣榮商場)

营业中

休息中

今早行過要買早餐，在 Open rice 中看餐牌，早餐有番茄通粉同厚多士，想湯加不是小店，所以就行去落單買來一試。食後感:< 番茄湯至專通粉> $38番茄湯清如水，未試過番茄湯可以有其色無其質，完全無任何雜質，有番茄色的清水狀，我見了不敢唱湯底。通粉同湯是分開裝，腸仔、火腿、餐肉全是用水灼的，沒有煎過。在番茄湯中找了2條菜，我外賣那2條菜裝在是湯中，可有想過之後會點，那不就變成梅菜了麼！< 豬扒、煎焗流心蛋，腸腸加厚多士，麥皮 > $41腸仔一般，豬扒可以，煎蛋回到家已是實蛋，今日外面氣溫只有12℃，我在其他店都買過流心蛋，只有凍了、破了，但不會如這店，蛋是實了，如雞蛋模式一般。麥皮，我覺得好似叫了班國內阿姨熟西餐一般，不倫不類，我未試過食麥皮如粥水一樣，一匙上來可數到有多少粒麥皮花，我這樣大也沒有食過這稀如水的粥，更何況是麥皮。如果這樣不捨得落材料，那不如不要賣吧，我碗最後倒了。跟餐咖啡可入口，奶茶不行，完全無味，這奶茶也倒了。我平時覺得弄得不好，我都不會寫負評，我在此寫，是店家已超出我的底線。

侍應服務態度超級差，食材一般，普通貨色，不新鮮，有熱水壺，但冇熱水供應，餐具供應不足，要人客四處找尋餐具，對人客要求不聞不問，對人客呼呼喝喝，藐視人客要求，怪不得生意日漸萎縮，不會再來！

以前都幾鍾意去食。一段時間冇去。尋日同朋友去食，可能換咗侍應。好多時三催四請先嚟幫手，成日話唔得閒，又唔知去咗邊。落咗間佢哋又唔清唔楚。漏咗碗湯都要好辛苦先叫到侍應。我哋都盡量保持平靜，隔離枱直程有人嬲到大聲鬧侍應而且走人。可能人手嚴重不足到咁？如果負責人見到，希望留意吓。至少短期內我哋唔會再去。

肥婷外賣中伏｜📍湯加♡客家黃酒薑絲煮滑雞湯飯♡外賣攞嘅呢一碗湯飯超級多油，雖然明白湯飯可能啲油會有比較多嘅情況，特登拎匙羹去整走一啲油都好似徒勞無功咁⋯⋯食落雖然的確係有酒香味，但係望住自己碗飯倒啲湯到之後吸收晒啲油賣相好差😳食落無乜食慾原先以為啲雞件都幾多，但實際係雞件嘅骨頭好大冇乜肉食💔甚至有啲根本剩係得雞骨同皮根本冇乜肉食💔就算有個別兩三塊雞件係比較多肉都好，啲肉都係好鞋好韌😑韌到用筷子去夾住咬實扯開都扯唔到🤷🏻‍♀️明明已經用力用到手震牙震都扯唔開🏳️根本就完全同滑雞無關聯🚬直接榮登成為我今年食過最韌嘅雞肉🏳️🙏🏻

本來想去大快活，但太多人就去了對要的。湯加。第一次到這連鎖店食早餐，點完餐少知原來早餐menu有2頁的，都點了餐就算了。這個蔥油餅餐有火腿芝士蔥油餅，蛋白麥皮，，凍飲另加雪菜肉絲米粉。這個份量是超多的，因為不知道有蛋白麥皮。這個餐最好食是火腿芝士蔥油餅，即點即做，熱辣辣的，餅很酥脆夠味，與溶的芝士吃很美味，亦很飽肚。另這分別客人不多，所以侍應+收銀只得一人。所以服務會慢一些，但好處是客人不多，坐得很舒服。

如果您喜歡濃郁美味的湯飯，那麼我強烈建議您去這家餐廳品嚐。我最近去了這家餐廳，對他們的湯飯和用餐體驗非常滿意。首先，這家餐廳的湯飯非常美味，濃郁而不膩。他們使用的是高品質的米和湯底，配合上各種不同的食材和調味料，讓湯飯的味道非常豐富和濃郁。他們的湯飯種類非常豐富，包括瑪莎拉米飯、香菇雞肉飯、牛肉湯飯等等，每一種都有著獨特的風味和特色。其次，這家餐廳的服務非常好。服務生非常熱情友善，能夠提供專業的建議和推薦，讓客人可以選擇到自己喜歡的湯飯。而且，他們的服務速度也非常快，讓客人可以在短時間內享用到美味的湯飯。最後，這家餐廳的環境非常舒適。餐廳的裝潢簡潔而雅致，氣氛輕鬆愉快，讓人感到非常放鬆和舒適。總之，這家餐廳的湯飯非常美味，服務優良，環境舒適，讓您的用餐體驗更加愉快和難忘。如果您喜歡濃郁美味的湯飯，那麼我強烈推薦您前往這家餐廳品嚐。

附近工作，經過呢間湯飯有芫荽食，本身都系芫荽控，好似幾吸引，就入黎試下，叫左個芫荽，燕餃，自制魚腐湯飯，等左一陣就有得食啦！個魚湯底味道唔錯，燕餃都幾好味，吃吃下發現湯底有昆蟲，嗰下真係覺得好嘔心，因為我飲咗好多啖湯！即刻用匙羹撈起條蟲當冇事發生啦！如是者繼續食啦，點知漁腐吃落口有酸縮味，即刻吐🤮返出黎，我即刻再試下食第二舊系咪都咁（仲衰啲，酸縮味勁過頭先嗰舊），開得餐廳，犯左兩大錯誤，真系不能接受！即刻同店員講，店員態度好差咁話同我更換！仲講「你係咪要繼續叫芫荽？芫荽點都會有啲蟲㗎啦」由於店員講嘢好快，咬字又非常唔正，其實我未撈到佢究竟講緊咩⋯⋯當時我傾住電話，電話入面嗰朋友就翻譯返店員同我講嘅嘢！好嬲！我明白出面食嘢有昆蟲避免不了，但仲要聲大大惡過我，話我知芫荽點都會有蟲！店員自己食開有蟲嘅芫荽系佢嘅事，但我喺出面其他舖頭食開嘅芫荽係冇蟲㗎囉，有蟲其實我可以直接報食環！舖頭嘢食再好食都好，請到呢啲咁冇禮貌嘅員工，真系倒自己米！呢度明明係香港，仲要喺個餐廳度大大聲狂講國語，又講粗口！作為食客，真系要永久Back list呢間鋪

🍽豬軟骨魚蛋魚湯淮山麵🍜 💰$47湯底： 魚湯想食清淡d,所以揀左魚湯魚味唔係特別濃, 但清得黎都幾夠味主食：淮山麵主食有好多選擇麵既有米線, 刀削面, 淮山麵,米粉,公仔面飯都有得揀白飯,三色飯同有機藜麥飯今次就揀左淮山麵,比較少地方有得食淮山面好幼身,淮山味幾突出,成日食米線,轉下淮山麵都係個唔錯既選擇餸： 豬軟骨+魚蛋豬軟骨醃得幾入味同惹味分量都適中,係某d部分煮得唔夠焾身,有d嚡口另外值得一提既係個辣椒油, 辣椒油唔辣但好香加d落同湯麵/飯幾正👍🏻餐廳環境OK, 有水機比你自己斟又可以淥下d餐具,同有口罩袋,幾好整體黎講係性價比幾高既餐廳

諗住是但買個外賣食啦，去買個$58酸菜魚飯，點知比錢後先知加咗價$64，問收銀阿姐點解貴咗，佢話今日電腦更新咗加咗價，但係餐牌冇換到！全店既餐牌都未換😂😂…..er, 可以咁架咩？🙄🙄😒😒由$58 加到$64 加幅都算多，可以唔換餐牌既？😂😂，我問完之後，佢即刻換返餐廳外牆個大餐牌！😳🤣🤣講返個酸菜魚，得個辣味，使唔使放咗多辣椒🌶️。同大X活快餐店嘅酸菜魚比，人地調教得個味道好食好多🤪🤪

欣荣花园商场一楼只有几家食肆，本来是想吃 KFC 的，但排队的人有点多，就转移阵地到扶手电梯旁的汤加。他们的宣传是不加任何味精，属健康饮食。餐单上的款式不少，平均价是不到50元，可选配不同的煮食如白饭、三色饭、米粉、米线、公仔面等等。本来是想用淮山面的，但下单时卻忘了跟店员注明。很大的一碗薑丝牛肉汤，除了当然的牛肉，还放了不少薑丝，天气凉时喝了很暖胃。可是牛肉真的不怎么样，应该是“那”过，没有牛肉的质感。汤是甜，有点像加了糖的甜味。说实话他们的份量颇多，吃完很饱。

湯加有好多分店，之前食過西環個間，今次介紹呢間系土瓜灣商場入面，地方都幾濶落，好多卡位可以選擇。餐牌種類都幾多，除左自選湯飯，自選米線，重有宜家好流行嘅淮山麵，吾想食湯飯都有小菜+飯可以選擇，呢度嘅飯系任食架，包括白飯，三色飯，藜麥飯都系任食。胡椒豬肚雞湯飯，呢個飯每次黎到都必食，胡椒湯系炎夏食好開胃，辣辣地，好多豬肚，雞，菜都吾少架。豆豉蒿荀炆倉魚，呢個好惹味，成條倉魚上，好抵食紅酒炆牛尾，好多牛尾呀，夠腍，入味最後整返杯凍檸檬茶，perfect

一到入冬，天氣乾燥，口味就自然地順著天氣改變，想吃一些濕潤的東西，例如湯飯。正在屋苑商場內研究有那些食肆供應湯飯之際，赫然發現" 湯加 "就在眼前，實在太幸運了。上次在別的分店品嚐過後，便愛上這家湯飯專門店。這裏的湯飯配料可以自選，也有熱點精選推介，而熱點精選用料則較滋補，今次我便選了姬松茸鮮淮山竹絲雞湯 ($61)配纖維高又富營養的三色飯  ( 由糙米、紅米、白米混合成 )。另外再加杯熱即磨咖啡。竹絲雞湯補肝腎益氣血，氣血虛弱如我，最適合。湯的份量不少，用料也足，湯內有一大隻竹絲雞、瘦肉、姬松茸、杞子、紅棗、一大嚿淮山等等。熱騰騰，香氣樸鼻，以湯的清甜度而言，應該是以清燉方式烹調，精華盡在湯中，而竹絲雞煮得亦相當軟腍入味，淡淡肉，很好吃，其實只是飲湯經已覺得美味又滿足。不過既然跟了一客三色飯，那當然不會浪費，趁熱將飯粒放入湯內同吃。飯的質地煮得不會太腍，放湯最適合不過。熱即磨咖啡 $7由於這裏不是咖啡專門店，所以對咖啡的質素期望不高，不過今次這杯咖啡有少少令我喜出望外，咖啡面還浮着一層褐色豐厚、漂亮的咖啡脂，簡直香氣四溢，美味濃郁。愛上這裏的湯飯，原因是味道天然，用料足，兼且湯飯既滋

行開去土瓜灣附近，感覺有啲肚餓，周圍去搵嘢食，上咗欣榮商場一樓，見到有間睇食物相好健康嘅餐廳，就入咗去試吓我叫咗一個窩蛋鮮茄豬潤牛肉麵，因為豬膶賣晒，所以轉左雞肉但味道都唔錯，食完感覺健康左米線份量都好大碗，店舖選擇將湯底及配料同米線分開放，客人可以選擇食幾多就落幾多米線去個湯度，而且亦可防止米線浸得太淋，破壞米線嘅口感不過呢個動作，對於食得比較慢嘅人來講就唔係咁好啦，因為米線咁樣分開放會好容易吹凍，就冇咁好食

之前食過湯加嘅胡椒湯淮山麵都okay，夠辣又惹味，就好想又食返胡椒湯，一入去點知冇乜人食，心諗正呀唔洗等位，就叫返平時食開嘅雞肉片魚腐淮山麵加胡椒菜湯底。點知就係中伏嘅開始，完全差好遠，三個字，超難食！胡椒湯完全冇胡椒味，又唔辣，又冇咸酸菜食，好差！淮山麵又痴埋幾條，完全未煮透，雞肉同魚腐都正常嘅，好難煮得難食。絕對唔會再去，唔怪得假日嘅晚飯時間都可以有咁多位！希望食店加以改善食物質素，如果唔係好難keep住食客！

湯加講嘅係比較健康食店之前有在其他分店食過晚餐食物都是可以👌🏻價錢又合理👍🏻最近土瓜灣開咗分店所以覺得早餐應該都唔錯吧11點半早餐就會截單，我10點15分就座底叫了一份早餐🥣⋯⋯好快就黎一杯涷咖啡☕️我第一口飲嘅時候以為自己冇搞下杯嘅，所以飲嘅時候只有奶同水味我再搞下味道沒變從來未試過飲咁難飲嘅咖啡簡直難以置信可以做到沒咖啡味道只有顏色😏奶同水還是冰水的分開算了吧⋯⋯等到11點35分食物仲未黎，就叫店員追下，終於5分鐘後食物就到，我先食咗腸仔，唔記得係咩腸，係好食嘅第二樣食漢堡扒係涷架😖唔知放咗幾耐？食咗兩口，唔得啦⋯我放棄🤦🏻‍♀️雞蛋🥚係熱嘅，可以接受，但十分油蔥油餅都係好油同涷😟因爲已經沒有麥皮就轉咗雪菜肉絲米，米粉只能叫和暖實在太恐怖，從來冇食過咁難食嘅早餐🥣因爲太難食，實在冇法食落去，浪費了錢同食用，附上食淨嘅相員工都是愛理不理，店員和店員之間係講家鄉講，連鎖食店可以咁😖