沙嗲王 (又一城)

营业中

休息中

最近同事同我要去九龍塘附近做嘢所以早咗出門口，食到平時好少食嘅早餐！喺food court我最後選擇咗沙嗲王，從來未試過過佢哋嘅早餐，但見到佢嘅湯底比較特別，唔係普通沙嗲牛麵，雪菜肉絲米，所以揀咗佢叫咗兩份早餐一份係蕃茄濃湯🍅另一份係沙嗲王最出名嘅白咖喱湯🧅蕃茄濃湯有啲香蒜味，我覺得配公仔麵最夾至於白咖喱湯，早餐食可能有少少油膩，但確實好味配通粉啱啱好佢嘅特色係用Roti 烤餅代替平時早餐嘅多士另外有滑蛋、腸仔餐肉都係一般嘢佢嘅即磨咖啡都好飲嘅

今日經開又一城快食午餐就去food court 下午時間要等位 都係預左我哋叫咗白咖喱豬扒飯同埋蟹粉豆腐鍋味道都係同平時喺沙嗲王食嘅一樣份量都唔少 好夠飽如果平時食嘢唔係太鍾意食濃味嘅人就唔好揀沙嗲王始終我都覺得佢偏鹹少少

講起上嚟已經好耐冇食過沙嗲王，咁啱經過又一城，所以就諗住入去搵返以前嘅味道！招牌香茅豬排白咖喱呢個招牌豬排白咖喱真係沙嗲王嘅經典菜式！個咖喱汁夠濃郁，仲有啲微辣嘅味道。豬排肉質鮮嫩多汁，每一口都好享受。份量十分大，足夠填飽肚子。我不禁回味起從小吃到大的美味。如果你喜歡咖喱和香茅豬排，一定要試試這道菜！蟹粉豆腐鍋飯這道蟹粉豆腐鍋飯絕對是一個必試的菜品！豆腐口感滑嫩，而且由於使用石鍋上菜，保持了熱度，讓你一口接一口都能感受到熱氣蒸騰的美味。蟹粉湯汁金黃色濃郁，帶有一定的辣味，鹹蛋黃的香氣也十分濃郁。唯一美中不足的是蟹肉的份量較少，同埋整體都比較鹹，撈飯會比較好啲。下次想搭配薄餅食用，能夠帶來另一種風味的享受，絕對值得一試！

今日早收工屋企冇飯開, 自己一枝公過左去又一城的food court覓食,其實呢個foodcourt 全部都係連鎖餐廳, 同出面多選擇的foodcourt一D都唔同.我揀左沙嗲王黎食, 就係貪佢有D一人餐, 加20蚊左右就有野飲有小食，一個人食就最好.L10 蔥油雞扒煎半熟蛋飯 $58  (加配蒜蓉牛油雞翼2隻+蘋果綠茶 +$22)先講個雞扒, 唔算煎到好香脆，但肉質都幾嫩幾滑, 而且都幾大塊,另外半熟蛋撈落D豉油度簡直無得輸, 如果蛋黃可以再流心D就最好.最後加埋超香的蔥油, 撈飯食真係可以食完一大碗!真係唔好睇少呢D連鎖餐廳, 一D都唔頹, 有D超乎預期!可惜跟餐的牛油雞翼同正常的沙嗲王好有出入, 雞翼凍哂, 皮都變韌, 完全唔脆果然預制同即整真係好唔同! 下次都係試其他小食好過.!

送完女女返興趣班🫣就同朋友去左又一城food court食個快lunch🍱見到有沙嗲王即刻好掛住以前嘅白咖喱豬扒飯😋係回憶呀🤩果然好彩冇令我失望🤭仲係好夠味，好多汁，而且豬扒夠嫩滑～下次會想試埋蟹粉豆腐煲，記得都好好味白咖喱豬扒飯豬扒嫩滑多汁，又夠多白咖喱汁，唯一覺得不足地方就係飯太少🤭啲汁太好味啦😋鮮茄芝士焗雞扒飯正常發揮嘅蕃茄芝士焗飯，焗嘅火喉剛剛好，而且都算多芝士🧀飯份量好少🫣

好耐冇食過沙嗲王，行開又一城先知原來Food court開咗分店，今次叫咗佢哋嘅白咖喱一口炸雞飯，仲加咗佢哋嘅蒜蓉牛油雞翼。白咖喱味道不過不失，唔會太辣，但都冇平時嘅咖喱咁香，不過份量幾足，炸雞份量都唔少。而雞翼就比較細隻，而且應該一早炸定，所以唔算好熱同埋脆。

原來沙嗲王嘅下午茶咁抵食，一個白咖喱香茅豬扒飯都只係$42！仲要份量超多😱第一次食白咖喱，佢同一般咖喱唔同，沒有紅咖喱青咖喱嘅辣味，而係帶有一點椰香味，甜甜的，好易入口，適合啲唔係好食得辣嘅人。👍🏻白咖喱嘅份量都好多，唔驚食到最後冇醬汁送飯🤣👍🏻仲有兩大塊豬扒，沾上白咖喱醬汁更加惹味🤤豬扒肉質都好嫩滑，又鬆軟又多汁，佢同白咖喱都係送飯一流，不過下午茶來講份量都真係好多，最後係食唔晒啲飯🤣真係好抵食。

講起沙嗲王，除咗佢嘅裝修有特色之外，最經典嘅莫過於遠近馳名嘅經典白咖喱豬扒飯之前有個朋友，佢好多年前介紹我食過一次，之後印象難忘食到停唔到口，可惜沙嗲王唔係太多分店，我又懶得行去，所以都唔係成日食😂😂😂但係自從沙嗲王喺又一城度開咗間分店之後，我就可以喺行完商場之後，都享用到呢個美味嘅白咖喱豬扒飯雖然佢係位於food court，但係造型、賣相、食物一啲都唔馬夫佢個飯好細心咁用鵝蛋形嘅形式上碟，再加上三四塊煎得好香脆內軟嘅豬扒，同埋特製嘅白咖喱汁由於我食得唔多，所以我每次都係食下午茶依個輕量版每次都食到停唔到口

今日啱啱喺附近返完工勁餓，諗住食沙嗲王實冇死，點知佢都係比其他分店做得差🥲叫咗平時最鍾意食嘅白咖喱香茅豬扒飯。因為係下午茶餐，所以都幾平，$39 再加多幾蚊就有杯凍飲。因為我都好肚餓，所以就加多$10要咗個烤餅。點知個烤餅完全唔熱，凍嘅，乾晒又硬晒，食落好冇癮🥺該熱嘅唔熱，要凍嘅又唔凍，今日都算好熱，諗住飲杯凍檸茶嘆吓，點知杯凍檸茶係唔凍嘅🫠🫠可能係九龍塘唔俾多啲錢真係冇嘢好食。但係會話呢間真係冇下次。

#沙嗲王@foodiehck2022依個星期來到九龍塘俾野，因為附近冇乜野食，所以要來又一城食咗個早餐先再返工。試過有次冇食要等到點幾先放飯，餓過龍胃痛😓去咗food court ，基本上都係快餐為主，食過敏華又貴服務又唔好，試吓依間，點知有驚喜🤪成個餐包一碗你量唔少既 #火腿意粉 ， #炒蛋 同 #烤餅 ，配一杯熱飲，$36。質素都幾好，火腿絲個色幾好，唔係擺咗好耐果d ，意粉份量都多，質感唔會過硬。暴讚係烤餅同炒蛋，夠鬆脆，蛋都炒得幾好，而且幾大份。八點半去食客唔多，所以質素做得幾好，係有一次唔知點解好多人等，做唔切下等咗三個字😅$36抵食程度同質素都比同場敏華好。沙嗲王 (又一城)九龍塘達之路80號又一城2樓25號舖#港飲港食平靚正 #早餐 #foodcourt #抵食 #九龍塘 #又一城