沙嗲王 (+WOO嘉湖二期)

营业中

休息中

同亞女去完冒x樂園玩，就去食晚餐，銀座番新後，開咗間沙嗲王，之前朋友請我食過，都OK，所以今晚再去食，場外都滿座，大約等咗15分鐘就可以入去，二人枱真係好迫，因為張四人枱分拆兩張。用手機落單叫嘢食，但係場內冇Wi-Fi，仲要我部手機只係收到1格😂，幾艱辛先落到單。落單後，等咗30分鐘先開始有嘢食送到，不過成日上錯隔籬枱🤣，見到周邊枱枱都追單，但啲侍應已經好努力送餐。我哋第一個餸嚟喇！明明叫咗炸饅頭$23（5個）但係就變咗非洲黑媽媽饅頭😂，炸得比較黑，不過都香脆😋。💛越南春卷 $41 （3條）好脆，但入面啲餡食落好粉，好齋😅。💛白咖哩香茅豬扒飯+太陽蛋 $76 豬扒鬆軟，但唔知點解，覺得個味道食一件後，就唔想再食，白咖哩就有少少辣，煎蛋，有好香嘅蛋味👍，飯就大約一碗左右。💚椒鹽豆腐$28（4件）等咗差唔多1小時先送到，個樣炸得好肉酸，不過味道係正常嘅，只係影響視覺☺️。另外叫咗兩杯嘢飲，都好好飲❤️特濃朱古力沙冰$22 好香濃朱古力味，甜度適中，又大杯。❤️鮮芒椰汁沙冰配寒天波波 $22 好香椰汁味，啲寒天波波好得意，好有咬口，但就比較甜，勁似以前許留山。CP值：⭐️⭐️⭐️

新開天水圍分店，叫左招牌白咖哩香茅豬扒飯，唔知係廚房速度慢，還是職員上菜速度慢，星期一19：10堂食落單，等左20鐘都未有，效率有待改變。白咖喱汁只係微暖，白飯（珍珠米）夠熱，豬扒 keep住水準，夠淋&炸得酥脆。樓面人手就夠，職員仲有出餐車，但我都要等20分鐘先有嘢食，而且要加一服務費，好在有張$6優惠券抵銷返，等佢改善左先會再幫襯。去旺角分店好d， 好快，而且飯餸分開，用大碗上，非碟上，碟上就打卡靚d咁吧，個人較喜歡碗上。

有一天我屋企人在平日晚上到銀座的沙嗲王食晚飯， 上次去沙爹王應該六，七年前了， 在大學經常去旺角的沙嗲王食飯， 還記得當時門口有個沙嗲王公仔，不知道而家還有沒有。這間沙嗲王是新開的， 門口的裝修十分有得食， 有一大嚿花生，而且內裏的座位間了一格一格像包廂一樣，十分特別。我點了一個蟹粉豆腐鍋配薄餅， 雖然等了差不多半小時才有得食，但味道尚算不錯蟹粉味十足， 而且吃得出他加了鹹蛋黃碎，所以十分香口， 可惜那個蟹粉除了有很香蟹味，仍有一點點薑味，而我不太愛食薑， 加上鹹味的蟹粉豆腐鍋和薄餅不太夾，所以如果下次大家要叫蟹粉豆腐鍋時，最好配白飯。 幸好其薄餅味道也不錯，十分鬆軟沒有燶，有淡淡的甜味，所以大家下次可以叫咖哩來配薄餅食。 唔該套餐的價錢也十分相而，只需89蚊便可食到，我想如果到其他地方食，至少過一百分蚊吧。

失望...本來諗住正正常常1餐，點知個前菜鳳爪等左45分鐘都唔出。其實30分鐘果陣已經催左一次，但冇feedback。到左45分鐘，再手問先同人講鳳爪有問題，只好cut左佢，白白浪費時間。🙄

因為未試過沙嗲王早餐就入黎試下，只係叫左個豬扒滑蛋米線，由落單到上菜等左半個鐘，超慢侍應人數多，但想叫一個人跟下餐都等左好耐。食物質素就普普通通，至少早餐唔會再幫襯。

難得見到遠在天邊嘅天水圍都開到一間沙嗲王，諗住嘗試一吓佢馳名已久嘅食物，可惜換來失望嘅體驗。叫外賣嘅時候，特別聲明走蔥，亦都打咗喺外賣單上面，最後都係冇走到，仲係有蔥花。等外賣嗰陣，服務員喺廚房拎外賣出接待處嘅時候，完全冇呼喚外賣號碼，令提取外賣時有所延誤，食物變涼，實屬失敗。餐廳竟然將冷熱飲品放入同一個包裝袋入面，返到屋企竟然嘗試到熱奶茶變溫奶茶，同埋，凍奶茶變涼奶茶。連世界著名嘅快餐店都識得用兩個袋分開兩杯唔同溫度嘅嘢飲，今次嘅體驗實屬驚喜。

沙嗲王終於係天水圍開啦，以前要食最近都要出荃灣，近兩年又係屯門開，而家終於到天水圍，就約埋老友們黎食個晚餐啦，星期6晚上黎們口已經一堆人排隊等位，好在我係會員可以用app攞飛先，咁就唔洗等咁耐啦。天水圍既沙嗲王面積都幾大下，今日3人行分到張卡位坐，卡位坐到4個人都唔會好迫，幾舒服。沙嗲王都係用QR code落單，間唔時都會有d期間限定既特色同一d動漫遊戲既聯乘食品，吸引返d年青一代，但可惜今日黎係無既，睇下餐牌有個2人餐幾抵食，就叫個2人餐再加少少散叫咁啦。脆卜卜炸薯條咁呢份薯條就2人餐加10蚊既，熱就熱但不是新鮮炸，因為不脆只係保溫做得好，都明既咁多人下下新鮮炸又炸到天光，粗薯薯味都幾足，份量都唔算少，只係不香脆所以扣分。煙肉上湯娃娃菜另一份跟餐既前菜唔洗加錢，上湯浸住娃娃菜加d煙肉，普通啦有d菜食下咁。椒鹽魷魚筒今期會員優惠減3蚊就叫黎試下，不過炸粉偏厚同非常油膩，我覺得麻麻地。白咖哩香茅豬排飯呢個基本上係沙嗲王既招牌菜，食過沙嗲王都知佢唔係出名沙嗲，白咖哩同1般咖哩非常唔同，1d辣味都無但好重椰香味，佢地既豬排都好重香茅味，豬排都好鬆軟唔會加得太多既鬆肉粉，所以食落都仲有口感，配

天水圍嘉湖銀座商場之前大裝修，近日終於都接近裝修完了😏有不小的連鎖嘅商店進駐，其中沙嗲王就喺銀座開咗一間分店黎到食沙嗲王，當然係食佢哋招牌菜～白咖喱豬扒飯，佢哋嘅白咖喱一啲都唔spicy,送飯一流而香茅豬扒兩大塊😳相當入味,真係好好食👍👍不過價錢就貴咗啲囉！加埋杯珍珠奶茶要成$63以下午茶來講係比較貴😖珍珠奶茶啲茶好飲嘅，但啲珠就一啲味都冇，比較失望環境指數：🌟🌟🌟🌟🌟味道指數：🌟🌟🌟🌟🌟回頭指數：🌟🌟🌟🌟🌟推介指數：🌟🌟🌟🌟🌟

以前最鍾意同朋友去沙嗲王，鍾意佢坐得舒服又可以同朋友慢慢傾吓計，依家分店開始越嚟越少，嗰日去開天水圍發現竟然有間沙嗲王，決定入去懷緬一下。咖喱海鮮，咖喱味濃郁，配上香脆薄餅味道一流，米粉爽口，豚肉鍋，豚肉鮮嫩，湯底清甜。　　

難得有新餐廳 緊係要試下啦雖然沙嗲王好多地方都有😅唔好講咁多 嗱嗱臨入正題先首先講下餐廳嘅環境先啦一入去就會見到啲柱痴咗啲海賊王同款通緝海報仲有啲路飛帶嘅帽添場內音樂就唔會話好大聲餐廳入面每張枱都會有一壺水，幾隻杯/碗同埋一個餐具籃，籃中只有中式筷子同埋匙羹。係冇刀羹叉架，可能要問職員攞🤔咁另一樣要講嘅就係食物質素以下午茶黎睇食物嘅量都係夠嘅個咖喱飯同我上次喺屯門食嘅係一樣嘅唯一唔同嘅就係香茅豬扒嘅厚度不過上次係屯門食嘅係午餐所以可能就因為呢個原因塊豬扒會厚啲🤔咁個滑lulu蛋沙嗲牛more王飯係沙嗲牛上面灑嗰啲花生碎黎點綴味道又唔係好濃都十分唔錯咁今次加果個小食薄餅係OK嘅加配價15蚊 有3塊薄餅送到過嚟入面都仲係熱架攞嚟點咖喱或者沙嗲都好好食整體來講 今次嘅用餐體驗係10分唔錯嘅下次可以再試其他嘢

白咖哩香芧豬扒飯好好食，但飯量少，男仕門一定食唔飽。鐵板巨脾飯，黄咖哩汁好味。沙嗲特選肩胛肥牛粉絲烏冬好味。沙嗲牛more 王通菜好味。椒鹽脆豆腐好夠味，但分量少，希望可加至6件至8件，價錢照加，免不夠食或唔夠分。凍飲可少甜，但珍珠奶茶則沒有，希望比客人多一個選擇，因健康問題或糖尿病人不可吃太甜。座位分隔好好，不會太迫。門口收費處只得一位職員，要負責收錢同登記入座派飛，有待改善。 職員應安排入座先？還是收錢先？正體不錯，有下次。

上一次幫襯沙嗲王已經係學生時代，都成10幾年之前，難得附近開咗呢間新餐廳就過嚟食lunch 。慢煮豬軟骨糖心蛋飯：豬軟骨非常林，我自己就鍾意呢個口感， 配飯一流！最欣賞係佢嘅白飯用珍珠米。飲品加$3就有凍荔枝紅茶配寒天波波。白咖喱豬扒飯：經典菜式，豬扒好林，容易咬，果汁係夜魅嘅，但食完有啲口渴，所以下次我都係會食返豬軟骨飯。Download 沙嗲王個app！雖然lunch佢要加一，但你用呢個app嘅話下次佢會退返coupon俾你，例如我今次食$324，佢下次會俾返$32 coupon你用。生日月份仲有$50 coupon用。其實對沙嗲王冇咩期望，所以可能冇期望反而整體感覺都唔錯。

今日下午去堂食，第一樣點咗白咖哩猪排，份量比一般正常餐少，唔熱⋯⋯第二蒜蓉雞翼2只27元，第三樣冬蔭功湯加薄餅，薄餅size 只有三隻手指⋯⋯雖然新開但絕對唔會有下次🤬😡🥵勁差，服務員十問九唔知😯😦😧🙄😲😯呢間餐廳之前在銅鑼灣廣場相當好，但呢間就需要反省一下⋯⋯

星期日去試沙嗲王新店😎，個人必食既係白咖喱香茅豬扒飯及蟹粉豆腐鍋👍，味道一如既往咁，無乜點變，幾好食，但個蟹粉豆腐鍋個鍋係咪細左呢🤔？？？印象中以前好似係大D…… 叫左午餐飲品就加錢要芫茜菠蘿梳打(清爽好飲🤤)及青檸柑梅蜜(甜到唔想飲🫤)，整體表現良好，起碼多一個選擇😏

可原諒：-上菜速度慢。因為是新營業，可能員工數量未夠，或未協調得好，所以點餐後很耐很耐才上菜。可稱讚：-點了兩杯港式凍咖啡，味道不錯，不會太酸或太苦。-環境闊落，設計好。加上新營業，乾淨企理。坐得舒服須批評：-份量極少，好孤寒。點了接近70幾蚊的石煱豬骨牛肉+白飯。牛肉是平價部位，平時茶餐廳沙嗲牛肉的部位，只有三小塊。豆卜只有三小塊。牛丸得一粒，切開一半扮作兩件。白飯則份量夠多，想格硬弄飽客人。-味道一般。不至於難食，但平平無奇，對不起價錢。總結：沒有下次。當銀座其他餐廳開店後，這間沙嗲王將會被淘汰。份量太過孤寒，味道又一般，遠遠不及其他連鎖餐廳