沙嗲王 (MPM文華商場) (已搬遷) 新店位置

睇完中醫去附近的沙嗲王食下午茶平時食慣晚市套餐今次食個下午茶當晚餐老公反而想食湯面但又想飽肚點所以叫了沙嗲牛肩片湯烏冬將粉絲改成烏冬沙嗲湯濃，很香花生味牛肉片大塊不算過熟烏冬沾上滿滿的湯汁非常滿意我叫了皇牌白咖哩香茅豬扒細飯白咖哩汁分上，雖然細飯但都足夠拌飯豬扒都鬆軟，夠熱外脆內軟，very juicy但我忘記走蔥脆蝦棒都唔錯熱騰騰炸出黎點上沙律醬唔錯飲品我叫青蘋果啫喱紅茶我略嫌紅茶茶味太澀即係太重茶葉感啫喱果凍都係過下口癮唔想太凍，所以叫左少冰奶茶不過不失

果日好晏先食飯，九點半行過見到沙嗲王仲有開而且last order 係十一點，我地就即刻入左去食，一直以來都以為沙嗲王係食沙嗲，全部都係辣，但係原來都唔係我地叫左一個豬扒飯，一客芝士雜菌年糕，一碟炸雞球，一碟薯條，一人一杯野飲～上菜速度好快，岩晒我地咁肚餓！豬扒飯都唔錯，但最期望的年糕就有啲失望，唔知係咪有陣雪味，總之膠膠地咁😟薯條就冇咩特別啦，炸雞球有少少辣，我唔算好食得辣但都接受到，仲有少少食完想再食既感覺～～佢地仲有甜品食，好似係哈根達斯冰淇淋，不過我地冇叫～

沙嗲王由細食到大，以前差不多一星期食一次😂😂 今次終於再食，好開心呀！！必食蟹粉豆腐鍋，lunch set仲可以配飯，兩個人食加多個豬肉粉卷食開心啲！加杯熱啡十幾蚊，貴咗小小喎🙈 𣎴過呢個價錢兩個人share都ok啦其實份量好大，所以我哋預咗兩個人share。好似仲足料過以前，好多蟹肉呀，配埋蟹粉滑豆腐，一啖餸一啖飯，正！差啲想再加多碗飯～豬肉粉卷細細份都有八件，上面加咗肉鬆口感幾特別，不過略嫌太多油，食多幾件都覺飽。而家大部份分店都裝修咗，成個感覺都衛生同乾淨好多，重點係味道依舊好味，仲多咗好多款式，價錢都冇咩變，一定會繼續支持👍🏻

6月14號晚2200上去食野！完全🈚️招呼！無抹台！就咁鋪2張紙上去！女侍應其中一個講普通話西口西面！落單個陣2200唔講清楚套餐無雪糕！只有西米露！到其他同事因為埋數要我地提前埋單先，呢個我體諒！但係唔同我地講無雪糕，她同事問返她🈚️講客知咩！她大大聲講有啊！問你會唔會著火！講大話仲要唔認！咁服務你要收我加一！仲要提供咁服務！呢個培訓點培訓！強烈勸喻大家唔好去呢間餐廳食野，費事貼💰買難受服務！我地係消費者，🈶️權去選擇。

沙嗲王沙嗲牛肉粉絲二十年前，可以話係風靡校園界基本上，那些年的中學生，只要學校附近有沙嗲王，是午飯的必然首選要知道，二十年前，沙嗲王嘅沙嗲牛肉粉絲只係$19，同去街市食個常餐價錢一樣沙嗲牛肉粉絲係當時嘅熱賣首選，而必然次選是白咖哩豬扒飯那個年代，白咖哩是無限任添的，一個發育時期嘅大男孩，閒閒地啪2碗飯好平常時移世易，沙嗲牛肉粉絲同白咖喱豬扒飯已漲價三倍，離開校園後己甚少光顧偶爾經過，回味一下青春的味道驚覺，現在的沙嗲牛肉粉絲，原來己經變到好難食沙嗲湯底，肥而且膩，只要飲一口，就口渴到不得了，要馬上飲一杯水牛肉片，其實都唔期待會又香又滑，求其唔好又鞋又韌就得㗎啦粉絲，不是一條條的，是一嚿嚿的，呈糕狀青春的味道，還是偶爾的回味一下就好了偶爾好了

又到Happy Friday!同朋友出到黎旺角，雖然美食眾多，但我地一心只向沙嗲王！無特別原因，就係為咗要黎食蟹粉豆腐煲！以往都會叫二人餐，$258足兩個人食既份量綽綽有餘，而且價錢公道，不過今次我地只係嗌咗兩個餸菜加嘢飲，就係蟹粉豆腐煲同埋沙嗲牛肉拉麵（實際名稱一時記不起請原諒）星期五既晚上以往都要等半個鐘以上，但今次提早7點前到，仲有小量空桌所以唔洗排隊。落完單不用十分鐘就有熱辣辣的蟹粉豆腐煲，煲邊仲係熱呼呼的，小心燙手haha.可以睇到，蟹炒同蟹肉份量一點都不少，蟹味濃郁，本來淡而無味嘅豆腐吸收晒蟹的精華，撈飯食真係一流。另外，沙嗲牛肉拉麵亦有保持水準，仲有淡淡的花生醬味，睇黎用料十足！最後飲品簡了芒果椰汁西米露同埋荔枝啫喱紅茶，味道對得起它們的價錢！

今日突然間好想食沙嗲王又突然醒起銀包有張上次食完送嘅現金卷於是等佢下午茶就去咗食啦今次叫左佢哋嘅招牌菜白咖喱雞扒飯幾彈牙煎得幾香因為減緊肥所以唔食佢哋個香茅豬扒但有啲美中不足嘅係塊雞扒真係好細塊大約只有掌心咁細塊不過$50包埋嘢飲同埋兩隻雞翼算係咁啦佢嗰個香蒜燒雞翼真係勁好食好重蒜味同埋size都大隻 我見佢餐牌仲有好多款下午茶簡例如唔鍾意食飯都有米線 或者薄餅而小食方便除咗雞翼仲有炸雞粒雞軟骨或者沙律揀

以前細細個食沙嗲王覺得好高級，但去到今時今日，根據通脹嘅加幅，沙嗲王絕對係平民之選。👍🏻佢有好多餸好多選擇...其實都可以用惹味黎形容🤣之前成日黎都係食個白咖喱豬扒飯～～👄👄呢個白咖喱豬扒飯不得了～～雖然明知道佢好肥🤣但係都仲係好想食。🥰今次試咗個新嘢蟹粉蟹肉豆腐煲拼薄餅～我覺得呢個豆腐煲係咸左少少...🧐但係拎嚟送薄餅好一流～另外仲叫咗個石鍋炒菜好夠熱辣辣，我食得太急～熱到生咗個水卜添😫😫😫整體上都好OK唔錯。事隔一日，我又再食多次哈哈哈😄....

28週年做緊推廣優惠，某d 野食平左幾蚊蛋黃醬既雞翼好濃味，出面果層好咸入面既雞肉反而冇味甘，但都算嫩滑既例牌叫左蟹棒豆腐鍋呢個真係冇得輸‼️撈飯食一流😋XO醬羅白糕唔似之前炒得甘香辣，甘入味失色左...-- 評分： 7.1 / 10

中午時正考慮在哪裡享用午餐之際，經過MPM看到沙嗲王招牌，突然想到吃個白咖哩豬扒飯，昵個招牌菜大大話話食咗差不多20年，近幾年都冇去懷愐過，今日決定再次品嚐，看看能否保持水準環境不錯，但服務員比較不積極白咖哩豬扒飯$61 （假期不設套餐）白咖哩汁微辣帶香，豬扒醃得不錯，帶香茅味，但比較淋身，如果有咬口更喜歡，飯大碟亦夠熱，整體keep到水準牛油雞翼4隻$40炸粉不算厚挺乾身，雞翼juicy!不過太熱氣，每人2隻夠喇！（雞翼比以前細隻）

今日同個fd去旺角度食沙嗲王，叫咗白咖啡豬扒飯同沙嗲肥牛拉麵，落單個waitress 都ok 之後等左45分鐘D嘢食仲未黎，我就叫人問下廚房得未，冇理由一個麵整咁耐，點知有個waitress西我面，態度差， 我就再叫另一個waitress幫我催下d嘢食，因為隔離枱遲過我地黎都已經食完走，之後差不多1個鐘先黎齊曬。 至於嘢食方面其實好普通， D牛口感麻麻地，個拉麵都係。我地叫咗杯荔枝紅茶，個人覺得杯嘢入面d啫喱好食囉，其他都係一般。應該唔會再黎幫襯。

平時去開沙嗲王都係例牌叫白咖哩豬扒飯，有次見隔離枱叫左個蟹粉煲勁香就一心想黎試試個蟹粉煲用石鍋上，非常夠熱，上枱時仲滾緊，不停起泡；內有大量豆腐、蟹粉同蟹肉，非常惹味，用黎撈飯一流本身都驚冇乜肉食會唔夠飽，估唔到份量咁多好頂肚

上個月約左幾個friend旺角食飯， 由於係月尾， 我地就決定去食窮人恩物--沙爹王大家都知旺角唔只一間沙爹王， 今次揀左朗豪坊附近呢間。 呢間新淨d， 環境闊落d， 最重要係通常都唔洗點等位。我大約都有一年幾無食過沙爹王， 去到發覺換左餐牌！！！好彩都仲有我至Like既白咖喱豬扒飯同埋蟹粉豆腐鍋。 但係揾極都揾唔番我覺得都唔錯既豉椒炒蟶子咁就唯有試下d未試過既野啦。白咖喱豬扒飯and蟹粉豆腐鍋 – 一如以往水準， 正！煙肉温泉蛋沙律 – 煙肉唔算好香， 蛋同沙律菜係合格既 都對得住價錢。蒜蓉牛油焗蜆 – 無牛油味 又無蒜味 更加無鮮味 佢用鐵板上仲搞到d蜆好乾同overcooked， 我覺得應該要從menu剔除。芝士白汁蘑菇牛柳粒年糕 – 唔錯， 沙爹王不嬲都唔會吝嗇「芝士」， 所以好惹味。 牛柳唔會太韌， 都食得出有牛味， 品質幾好。 年糕質素拍得住中價韓式餐廳， 有驚喜。椒鹽雞軟骨 – 香口之選， 略嫌唔夠熱， 始終無大排檔， 小炒店果d咁好鑊氣吧。埋單連加一先$304仲要送辣椒醬同coupon！ 多謝沙爹王幫我地捱過糧尾！

今日lunch出到旺角諗唔到有咩食咁就去沙爹王食啦去到入到坐低埋睇下個餐牌原來沙爹王假期係冇午餐即係全日都係同一個價位不過反正坐低咗咁就照食啦同埋唔怪得冇乜客啦沙爹豬扒飯 $60沙爹味濃烈豬扒都好味個汁撈飯好好食呀由於佢重口味所以撈飯一流豬扒都吸晒味白咖哩豬扒飯 $60都係叫豬扒飯只係個汁唔同白咖哩個汁冇沙爹咁重口味但都好食嘅豬扒肉質麻麻佢都係以個汁取勝架喇以重口味黎講 沙爹比較好少少嘅每人再加杯嘢飲因為冇午餐所以全日都係同一個價咁就變得略為唔抵食喇如果係晚餐黎食就會好好

晚飯時間🥣旺角黎講7點零，等位20分鐘左右。先黎脆蝦棒，蝦肉🦐爽口彈牙，5錯。信心之選: 「鐵板嬌嫩巨髀飯」，真係好嬌嫩 皮脆又簿，肉多汁巨髀飯跟既白咖喱🍛，好香洋蔥味！ 用 蒜香牛油烤餅 點黎食，口感rich 好滿足！食完巨髀咁juicy，再食「脆炸鱸魚飯」，好乾身，半邊身，因而魚腩位置好簿好乾，不過淋左黃咖喱🍛上去就平衡返少少。但我都係欣賞嬌嫩巨髀多d 菠蘿碧海🍍 又幾好飲，清涼解渴！到糖水就。。。二人套餐話送糖水（Haagendaz無曬) 其實羊毛出自羊身上，套餐價，可以用心d既。。。見到圖中一大餅西米露痴實曬，都未煲開，好似三文魚子咁大粒，但係5係好熟。。。入邊咬落去係實既🤦🏻‍♀️總結，要揀野食嗌！😂 或者希望店家下次多加心思☺️