沙嗲王 (黃金廣場)

营业中

休息中

沙嗲王好耐好好耐....實在太耐冇食是次食午餐白咖哩香矛豬扒飯個汁幾好味😋豬扒就比較鬆散.咬口冇物.不過不失飯就...叫做粒粒狀.乾濕都可以滑蛋豬扒飯+湯同烤餅滑蛋就真係比滑蛋👍🏻唔係求其既湯.栗米忌廉湯.一般水準烤雞中翼.粉唔算多.肉質就...甩肉咁...！肉鬆粉皮包.有點蒸過龍.黐住個碟😔加兩杯罰飲$150兩個人算係咁👍🏻

今日同上司去黃金廣場食lunch，決定試吓另一個signature嘅蟹粉豆腐鍋(上次試左白咖哩豬排飯)我哋等左大概十分鐘，12:30入座，因為午膳時間都比較多人，等得耐小小另外加2蚊要左杯蘋果綠茶啫喱，大大杯好抵飲個蟹粉豆腐鍋非常大份，我淨係食咗大概七成左右，另一啲就share左俾上司一齊食撈飯一流，香濃得來豆腐亦非常滑，絕對會再翻兜大家記住落單嘅時候用QR code自行落單，有得全單減兩蚊，抵食！

同朋友黎個快閃lunch決定就揀啲近地鐵站既餐廳啦上樓之後唔洗排隊，直接安排左卡位我叫左個最最最出名既白咖哩豬排飯，飲品叫左蘋果綠茶啫喱豬排非常鬆軟，無多餘既肥膏，成塊都係鬆軟既肉，咖哩都非常香濃性價比超高非常值得推介黎得沙嗲王，點會唔嗌個馳名既蟹粉豆腐鍋呀我就痴左友人個lunch set，個蟹粉撈飯真係完全無得輸如果無同人share應該會飽到上心口，好濟今次亦都嗌左雞軟骨、蒜香雞翼同埋炸芝士條，樣樣都保持到水準

記得以前中學時期冇乜錢嘅時候，約朋友去銅鑼灣行完街，總會去沙嗲王食返個晚餐而家人大左，搵錢多咗，又勁多餐廳俾你選擇，已經好少去沙嗲王食今日又喺銅鑼灣辦完事， 唔知食咩好，行過見到沙嗲王喺度賣緊廣告，突然間好掛住白咖喱豬扒飯，就上咗去食<白咖哩豬扒粉絲$63>而家除咗白咖喱豬扒飯，仲可以着粉絲、烏冬今次試吓白咖喱豬扒配粉絲，味道幾夾豬扒有三件，炸到金黃酥脆，有中學時期嘅味道<蟹粉豆腐鍋配飯$76>蟹粉豆腐鍋又係必叫，蟹黃味香到不得了，撈飯食真係一流<芝士條$5>芝士條做緊優惠，一蚊一條，最少叫五條，試吓好啦，勁細條冇咩特別

沙嗲王已經好多年冇食過，記得以前讀書嘅時候成日都同啲同學仔去食，因為好抵食。估唔到咁多年之後個價錢都冇咩變到，竟然仲有十幾蚊一個小食，好興奮哎左好多樣。炸饅頭好脆一定要哎。春卷都幾好食。但來到沙嘜王，一定要哎蟹粉豆腐鍋，送飯一流！咁多年個味都無變，仲要熱辣辣滾住上，真係好有誠意。豆腐都好食，沙嘜王的炸野全部都做得幾好，全部金黃色，脆漿又不會做得太厚。避風塘系列都係我覺得要一試的，今次哎左魷魚，好新鮮。唯一覺得有點普通的係芝士年糕，無咩味道。埋單每人不用一百蚊，仲有辣椒油送，性價比超高！想讚下個裝修夠光猛，比起以前黑沈的風格好多了。

一家大細出去食行街食飯，想經濟實惠又飽肚，當然首選沙嗲王啦🤣之前食過一次都已經覺得好抵，依家帶埋一家大細去再食😊小朋友的至愛我估冇邊個小朋友係唔喜歡食炸薯條的佢好大份都只係$22啫香脆芝士條＄1/1呢個價錢真係冇得輸，必食蒜蓉牛油雞翼$56超級脆卜卜，仲有好香嘅蒜蓉味同牛油味👍個人認為很好食，好食過KFC同麥當勞嗰啲冬陰功海鮮米線$65呢個可以揀烏冬底/米粉底/粉絲底味道一般，可能我食慣濃味野多，如果再濃味啲會更加好石鍋清酒煮蜆$38價錢係好吸引的，味道都算唔錯正正常常，下次可以再encore芒果椰汁沙冰+西米$19必飲好多芒果+好多西米，再加埋佢嘅味道都唔錯最緊要跟餐有優惠，只需$19😄

前兩日大食妹同媽媽去銅鑼灣宜家傢私採購, 採購完諗住嗌外賣自取返屋企食見到附近嘅沙嗲王有OpenRice外賣自取優惠, 就先落order再行去攞<滑lulu蛋黃咖哩吉列豬扒飯>大食妹嗌左份滑lulu蛋黃咖哩吉列豬扒飯豬扒飯份量極大, 炸豬扒又脆又厚身, 食落啖啖肉滑lulu蛋就算外賣都係依然滑lulu呢<芝士焗牛柳粒飯配紅酒牛扒汁>另外, 仲幫老豆嗌左份芝士焗牛柳粒飯配紅酒牛扒汁芝士同牛柳粒都超多, 老豆都話幾好食<蟹粉豆腐鍋配飯>至於媽媽就嗌左份蟹粉豆腐鍋配飯蟹粉超多, 有少少薑味, 配上豆腐, 鮮味十足<脆蝦棒>淨食主食有啲sad, 我哋再嗌左份脆蝦棒但係脆蝦棒嘅蝦就唔多<蒜蓉牛油雞翼>反而蒜蓉牛油雞翼就幾唔錯, 大食妹諗住食嘅時候先發現雞翼已經俾屋企人食曬

呢間係佢哋搬店後，首次光臨。。。但係我真心覺得水準差很多食物質素真係好差然後每個食品都係死死地得個“咸”字根本沒味道可言今日叫既係滑lulu蛋(紅酒牛柳粒)飯蛋同飯真係ok蛋夠滑但係個紅酒牛柳沒紅酒汁味 得個咸😓牛柳韌到。。。😥然後點左咖喱 pizzapizza啲咖喱粉我成口都係咸死人芝士一口貝千祈唔好點真係超級難食真心對這次用餐失望拜託 侍應唔好再用手指差落個碗度現在疫症嚴重真係要小心應該唔會再去太難食😥😥😥

好耐無去過沙嗲王，今晚終於去試一試，點知真係有驚喜一般都認為白咖哩豬扒飯係呢到既皇牌所以今次就試食雞扒King Size鐵板爆汁黑椒雞扒飯(自選汁)大大塊既大雞扒皮脆內軟，雞肉都好滑同充滿肉汁，係燒烤雞扒黎講，做得超出色，再配合埋白咖哩既味道，十分香濃又好味。印度薄餅(+$18）上枱一刻已經熱辣辣，再配上白咖哩汁咬落去酥皮鬆軟質感，有少許煙韌感覺，十分絕配。溏心蛋(+$4半隻)餐廳標明使用日本雞蛋🥚味道和賣相，都是十分不錯菠蘿碧海(飲品）杯飲品藍藍綠綠既顏色 ，喝下去甜甜的帶一點梳打氣泡，有一種令人消暑感覺，入邊還有菠蘿粒和青檸片...舒服既今次既晚餐十分有驚喜，有時人生都需要懷念一下久違無去過既地方，可能會有所得著。PS:餐廳會收取加一服務費

最近發現銅鑼灣嘅食肆都執得幾多下，新舖頭又唔見開好多，無得試新野，起SOGO行完唯有近近地食沙爹王啦。一入去系有D嚇親，因為一D都唔似疫情中嘅食肆，係唔見左好耐嘅墟堪，雖然唔洗等位，但空位系寥寥無幾，我地都算偏夜，一晚落黎，都見隔離檯轉左一兩輪。講翻野食先，基本上呢間沙爹王嘅waiter系無左落單function，哈哈，因為係掃QR code，直接上網落單，對於我有慢慢細琢menu嘅習慣非常好，唔洗hold住waiter咁耐，唔好意思咖嘛，再加上用電話自助落單系有Discount嘅<手機點餐折扣$-2>。沙爹王宜家都出左幾多幾抵嘅野食，二人套餐系我地無嗌到嘅，見人隔離檯系咁上菜都覺得好抵。哈哈。我地嗌左<蟹粉豆腐鍋-薄餅>石鍋上，系好好味，豆腐海鮮配，撈飯都好好食，但係好熱辣辣，起熱辣辣嘅夏天就麻麻...<石鍋清酒煮蜆>38蚊但係好多蜆噢，O左嘴，有少少姜嘅辣味，香茅味，好有越式風味，D湯汁都飲左幾啖<滑lulu蛋紅酒牛柳粒飯>正啊，好大塊滑蛋，好大碟飯，好多牛柳粒，個汁配薄餅都好好味<芒果椰汁沙冰+西米>

外賣自取都可以漏單，指定時間去到，問員工，佢話未到，等下，好，我繼續等，等都後面號碼d人走曬，佢再黎問我咩number.原來佢地miss左張單，等多左17min！

平民美食當中，我覺得沙爹王算是便宜又有水準。招牌的白咖哩豬扒飯更是出名的。和家人去吃午餐，今次我選了沙爹牛肩肉粉絲，比較餓的關係，另外加了印度酥餅2片配黄咖哩。沙爹汁湯底很稠，適合重口味的我，味道濃郁，配上炸蒜，洋蔥口感更佳。牛肩肉不像肥牛，脂肪比例較少，牛肉味更濃。印度酥餅，撕開後，清晰見到一層一層的，熱烘烘，不會過油，沾黃咖哩，這個份量，才不用100元，真是大件又抵食。人多吃超過200元的話，更加有招牌辣椒醬送。

沙嗲王一直都係大眾化平民之選，價廉物美，CP值高，當中我最鍾意就係食佢嘅沙爹肥牛粉絲，咁多年都可以keep住同一個水準 如果以近呢一兩年新加入嘅餸菜黎講，黃金鹹蛋黃雞翼係最出色！！！黃金鹹蛋黃雞翼（$48/4pcs）特濃珠珠朱古力沙冰（$30）這個非常好飲，阿華田脆脆好有口感，珍珠粒粒都彈牙煙韌凍青檸柑梅蜜（$25）跟餐飲品半價椒鹽雞軟骨（$33）肩胛肥牛拉麵 轉粉絲 沙嗲湯（$65）芝士白汁蘑菇牛柳粒年糕（$52） 全單超過250蚊，送沙嗲王招牌XO醬一支

學生時代的gathering首選，因為可以坐得耐而且食物也十分大眾化，無論是選擇多樣性外，食物的價錢也十分相宜。每次來這裡都會必試招牌的白咖喱豬扒飯，基本上是沙嗲王必食之一。白咖喱汁十分香，有濃稠感，帶少少微辣，有槨香及花生味，令人十分香胃。而豬扒充滿香茅味，煎得惹味，肉質亦處理得十分之好，輕咬一口，可以感受到肉汁慢慢滲出來，沒有肥膩感，油份不多，雖然是煎，但不會太肥膩，食到滿口油。白咖喱配上白飯，簡直一流。

這間店舖在五樓，窗外望到崇光百貨的大螢幕，好像在看電視一樣，十分有趣。用電子Gulu排隊，又可以用手機下載程式點餐，大公司果然資源充足。店小二，心口掛上名字，加分。沙爹勁脆厚切吉列豬扒飯，$67，我覺得沙爹比白咖喱好吃，吉列豬排，很脆，肉勁厚，有點怪。凍檸茶加$15，有點貴。終於用了上次的現金券，感覺良好。