影片
港铁大埔墟站 A1 出口, 步行约8分钟
继续阅读
电话号码
64024860
营业时间
今日营业
12:00 - 14:30
17:30 - 22:00
星期一至日
12:00 - 14:30
17:30 - 22:00
以上资料只供参考，请与餐厅确认详情
同事帶我嚟呢度LUNCH，我先知原來呢間酒吧下午係食印度野，而且價錢仲好抵😯，最平一個Set Lunch包餐湯同餐飲都只係$68，仲要有豬牛羊雞魚素供選擇，啱哂唔同人嘅需要!! 🙉平日星期三LUNCH，只得我地幾枱客，所以唔BOOK枱都無問題。套餐可以揀白飯或者Nan，呢度唔洗加錢轉就可以食到Nan，我就當然揀佢啦!! 圖中係兩人份量，每人有四塊。暖暖地嘅Nan，齋食會食到好重嘅麵粉味，焦左嘅位置多左份焦香而更好味；口感好煙韌，夠乾身、唔油膩，係一款幾好味嘅Nan😋。食飯嘅同事話我知，D飯好普通，普通到就係平時碟頭飯果D，並唔係印度米。咖哩雞$68望落個盤細細個，但其實無論雞定咖哩汁，份量都好足夠，一個女仔食哂D雞同三塊Nan已經好夠飽🙊。咖哩食落好舒服，香料味唔算好濃、甜甜地、一D都唔辣、鹹度適中。雞肉食落似雞胸肉，肉質比較鞋，但勝在唔韌、唔痴牙，份量多，蛋白質豐富。餐湯係蕃茄菜湯，飲落似落左少少麵粉嘅質地，茄醬味濃，唔係我杯茶。午市除左有套餐外，其實都可以單點主餐牌，不過價錢唔平，同埋份量比較適合Share。餐廳有加一，接受信用卡付款。
继续阅读
老店重開，童年回憶，經濟好食好似唔太多街坊知「沙士亞印度餐廳」重開，68元有正宗印度菜食，有湯有嘢飲，有薄餅，仲有波睇，宜家係廣福道Daiso同馬會中間的一間酒吧重開，仲有波睇，值得推薦。The classic restaurant reopened, childhood memories, economic good foodNot many neighbors seem to know about the reopening of Shalimar Indian Restaurant,68 dollars has authentic Indian food,including soup, drinks, naan, and football broadcasting, now it is located in a bar between Daiso and the Jockey Club, highly recommended.
继续阅读
#20240501 🤍📍 沙士亞印度餐廳 大埔運頭角里6號美楓大廈地下A&B號舖➖➖➖➖➖➖➖➖➖➖➖➖➖➖➖➖➖#薄脆💭 呢間野曾經係廣福道開左好多年，依家開左係間bar 入面感覺都幾得意😬每枱叫完野食都會比兜小食過下口癮，就咁食會覺得偏咸，所以要點佢跟果兜青色既醬，醬會有啲辣，食落係啲青椒既味，但可以中和到個薄脆既咸，易入口啲🫑.#DinnerSet #羊肉 #腰果香汁 $108💭 唔係好食得出腰果味，但憑佢杰身既程度應該係啲腰果blend爛晒，羊都有5舊以上，成兜野好重羊味，鐘意食羊既朋友應該會幾鐘意🐑.#咖喱雜菜 $88💭 聲稱係用九種蔬菜煮成，但眼見得三色豆🤔唯一幫佢諗到既解釋係溶晒落啲咖喱度，第一次食甜既咖喱，怕辣既朋友仔都有野食喇～. 🥢 #白飯 #蒜頭烤餅 $30💭 跟餐個飯係用平時係街食果啲白飯，唔係印度米有啲失望，咁樣好似同茶餐廳食啲咖喱飯咁🇮🇳烤餅反而幾抵食，食落好軟熟，而且食到真係烤出尼並唔係用爐煎，有陣蒜味就算唔點咖喱都好好味🧄.#大埔美食 #🐷在大埔 #🐷_食
继续阅读
這間沙士亞據知應該是以前在另一邊有實體餐廳，不過這次它選擇在這間酒吧重開這間酒吧夜晚應該有波睇，晏晝亦都有賽馬直播🤓午市時分不算太多人這種印度式咖喱，咖喱味道不算太過 辣，不過香料都充足，夠香；份量不太少，至少每一碟都有六七件肉，羊就不算太過有羊羶味，比較硬身，略嫌乾了一點以及瘦一點，味道普通；🌞反而牛腩，帶點筋帶點肉，有點脂肪，比較有咬口嚼勁，吃起上來比起羊肉更為可口。😄另外他的印度式薄餅，份量都相當多，一客午餐的印度薄餅應該有三片，分量夠大夠厚，唯一不足之處，就是烤餅偏涼，不覺得特別熱燙，再熱啲更香口可樂用啤酒杯盛載，至少夠大杯，😅雖然大大杯冰還是會令它淡化了😵💫好似星期六日加$10，不過唔想出尖沙咀多人又再交通時間，到沙士亞吃也未嘗不可😎
继续阅读
您可能会有兴趣的...