河夢

营业中

休息中

我太耐冇去沙田，今日突然去行下，有朋友介紹，麗豪酒店有間食泰國菜嘅餐廳唔錯！推薦我試下，我見平時泰國菜以辣為主，都好少食，但朋友推薦就試下！當日，黃昏時候就去這餐廳食晚餐！入到去，望到餐牌，好似大部分都係辣的餐種，於是，我問waiter 有咩唔太辣嘅推介，他馬上誠意推介了馬拉盞椰菜苗，鹽燒烏頭兩款主食，還建議我點份蒜蓉包做餐前小食！最後，還好貼心地推介我叫杯菠蘿特飲已作解辣！我留意到他的名牌，著西裝的，叫Ricky!直得一讚！我哋當日兩個人食，平均都係二百蚊左右一位，價格合理！

經過見到麗豪酒店呢間泰國菜價錢幾相宜，好似幾吸引，就入去試下，估唔到有驚喜我地2個人食，叫左幾樣野：黃咖哩配薄餅、燒豬頸肉同冬陰公湯～冬陰公湯酸酸辣辣，個調味幾好幾開胃，幾岩我口味。黃咖哩好香，唔想食咁飽所以叫左薄餅點咖哩，薄餅質地係我中意果種，唔覺唔覺就食晒🤣燒豬頸肉我好怕出面有時燒到好柴，但呢度唔會，燒完個肉質都係好鮮嫩，夠Juicy，外皮脆脆地，好食😋最後特飲都唔錯，幾清爽唔會太甜。值得一提餐廳經理，咁抵食都仲keep到酒店服務水準。問佢有咩推薦，都好有耐性介紹野食，仲幾風趣會講下笑🤣 幾有人情味呢間餐廳bookmark左，值得再黎～

第一次跟同事去麗豪酒店食lunch，選了供應越泰菜的河夢。河夢設有室外用餐區，食客可以帶同毛孩光顧的。Set Lunch包頭盤小食及飲品，選了春卷。以為是越式春卷，但原來是普通的春卷配沙律。春卷微暖，炸得夠脆，春卷皮厚薄適中。沙律菜要蘸些酸辣醬才比較夠味。主食我選了越式特級生牛肉湯河粉，芽菜、辣椒、青檸、金不換香菜等配料另上。牛肉份量充足，全是粉嫩的，可按個人喜好將牛肉浸至合適的熟度！牛肉味幾香，河粉爽滑，湯底味道偏濃，濃得來卻不是醇厚的湯底。吃完這份午餐後，令我有口渴感，或多或少都加了點味精吧～在酒店食午餐，價錢不算便宜，期望會有更好的質素啊！

走入去這家餐館，頭先個熱情既招呼已經令我地即時暖笠笠。環境幽静得滯，坐得舒服，食物一上枱，我就眼前一亮，擺盤靚絕！👀先試嗰碟咖哩牛筋腩，個咖哩汁輕薄款式，香滑得來唔會太過濃烈，牛筋咬落去「彈牙」，嗰口感好過癮，軟綿綿既牛腩就真係入口即溶，汁嘅味道滲晒入肉入面，滋味正！跟住嘅越式燒魚，外皮焦香得嚟唔會太乾，撈埋魚肚入邊嘅香茅同薑蔥一齊食，好有驚喜，亦都令整體味道層次分明，食落去真係「赞到爆」！當然唔少得啲越南小食，啲金黃色嘅春卷外皮脆到喳喳聲，裡面嘅餡料又多又實在。咬一啖，脆卜卜既感覺同豐富既味道即刻喺口裡爆發，簡直係「味之絕」！食物之餘，啲服務生都好有禮貌，整個體驗由頭到尾都好滿意。😊食物美味，服務又好，呢啲就係真正既「食得飽心滿意」！絕對係我會再去光顧嘅一間好地方！🍴🥢

大家好，今次我嚟到呢間店食飯，真係覺得自己好彩！🍀 一入去，就覺得環境好有越南feel，坐低已經心情好舒暢。我就即刻試咗幾款嘢食，每樣都令我開心到不得了！第一樣，佢哋嘅炸春卷，外皮炸得金黃酥脆，咬落去嗰啖脆，入面嘅餡料新鮮得嚟又唔油膩，真係正到彈！喺主菜方面，我試咗佢哋嘅招牌烤肉飯。肉質好嫩滑，那個醬汁啊，微微嘅甜味同香料香氣，食咗都會令人忍唔住拍拍手掌！至於味道更加出色嘅係檸檬草炒牛肉，香味撲鼻，檸檬草嘅清香夾帶住牛肉嘅肉香，口感上嘅爽滑同多汁，真係令我食指大動，一口又一口！飲品我就揀咗傳統越南咖啡，啲咖啡香濃得黎又唔會苦澀，帶咗少少甜意，飲罷之後仲有種滿足感。👍總括嚟講，呢度嘅食物同環境都好正，係個非常值得推介嘅好地方。如果你都想食越式美食，不妨試試嚟呢間，可能會有意想不到嘅驚喜呀！💖😊👌

河畔花園探朋友，秋高氣爽，就系隔離麗豪酒店食晚餐啦！這家VI河夢 ，對住河畔夜景盡入眼簾，落地大玻璃 ，地方服務當然酒店級數👍泰式紅咖哩軟殼蟹 ～香港人口味唔會太辣反而多咗椰香😝😝軟殼蟹份量好多，酥脆香口 點上咖喱汁一流啊🤩🤩當然要配埋蒜蓉包，蒜蓉包非常香脆蒜香撲鼻 夏威夷菠夢 ～清新香甜，菠蘿非常足料，唔會死甜越式青木瓜蝦沙律🥗大蝦鮮甜爽脆，大大隻！份量好多，青木瓜爽口酸酸甜甜好開胃🤤M5和牛火車頭湯河粉🍲非常足料除咗A5和牛之外仲有牛筋、牛腩、牛柏葉、牛丸，湯頭鮮甜用料，而且仲好大碗，建議兩個人share 人頭$300左右 靚境美食 推介！

上次嚟麗豪酒店食上海菜，已經約定朋友下次要試下地下嗰間越泰餐館「河夢」。餐廳設有室內和戶外座位，門面以落地玻璃作設計，店內裝潢優雅，環境舒適開揚，如果天氣涼快啲嘅話，更可以坐在戶外用餐區，一覽城門河嘅優美景色。先嚟一客越式串燒拼盤 ($188)  打開胃口，有雞肉、牛肉、豬肉各兩串。雞肉嫩滑又多汁、牛肉有咬口又唔韌、豬肉選用半肥瘦，口味微甜，配上沙嗲醬，超級好食。泰式濕炒豬肉河粉 ($138)  河粉大大碟又多料，豬肉軟嫩、肥瘦均稱、入味又夠腍身。河粉好滑溜，而且唔會炒到斷晒，加埋個泰式豆醬汁，錦上添花。馬拉盞炒芥蘭 ($108) 芥蘭炒得好夠鑊氣，色澤翠綠，但又唔會過火，食落爽口又無渣，同微辣嘅馬拉盞簡直係絕配，就算一個人 KO 一整碟都絕對冇問題。甜品選了芒果糯米飯 ($108)，將芒果肉放喺糯米飯上扮成壽司，造型可愛獨特，玩味十足。芒果超 Juicy，糯米飯軟熟煙韌，加上香甜嘅椰漿，perfect match。

最欣賞嘅係佢地嘅生肉湯河湯底濃郁、牛肉選料上乘河粉軟硬適中𝗪𝗛𝗔𝗧 𝗪𝗘 𝗢𝗥𝗗𝗘𝗥✨ Thai Style Hainanese Chicken $148.0✨ Flat Rice Noodles with Beef $148.0✨ Sticky Rice with Fresh Mango $108.0🍹Grass Lemon and Lime Soda $55.0🍹 Passion fruit soda $48.0𝐒𝐞𝐫𝐯𝐢𝐜𝐞⭐️ 廁所有待改善ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Vi 河夢 (麗豪酒店)📍 沙田大涌橋路34-36號麗豪酒店地下

沙田好少食泰菜既餐廳，呢間係麗豪酒店裡面既泰越菜真心係呢區黎講比較出色👍🏼重點係酒店裡面都一啲唔貴，完全係合理價錢又正宗既泰菜😍.🥢泰式飛天通菜 $108飛天通菜質地爽脆，咬落好清脆口感，加埋泰式醬汁，味道香辣刺激。食落都唔會太膩，大大碟抵食。.🥢越式蟹肉炒粉絲 $148蟹肉炒粉絲個粉絲爽滑彈牙，鮮味十足。蟹肉超級足料！好加分！唔單止有淡淡嘅海鮮甜味，仲有微微嘅蟹膏香氣，加埋越式調味料，味道酸甜帶微辣嘅風味立刻擴散！.🥢蒜蓉包 $58 呢個蒜蓉包好濃郁香脆！外面脆脆，一咬就噴出嚟嘅蒜蓉香氣！同埋夠晒熱好正！.🥢泰式燒鱔 $138平時食燒鱔食得多，但呢度真係好好食！鱔魚嘅表面燒得微微焦香，入口嘅口感軟嫩，肉質細緻，帶有微甜嘅味道。仲有泰式醬汁獨特嘅辣味同酸味，配合得恰到好處。.

環境光猛、乾淨、特色，室外都有座位，相信秋天會比較多人坐因為中獎，所以已經set好二人套餐食物河夢精選拼盤柚子蝦沙律：蝦爽、柚子多汁、紫洋蔥醃得入味兼保持爽脆紮肉米紙卷：包得好紮實，餡料豐富，加埋醋汁非常開胃，米紙皮煙韌蝦餅：混入豬肉碎變得多汁，爽彈鮮甜越式炸春卷：非常香脆，外皮唔同一般酒樓指卷泰式炸魚餅：偏辣，九層塔味濃，非常惹味珍寶大頭蝦海鮮冬陰公珍寶大頭蝦有手掌大，肉質鮮甜爽彈至於冬陰公湯比較一般，太濃太足料，每啖都有香茅同香葉渣。。。偏甜偏濃，有少少確喉青咖喱雞＋紅咖喱軟殼蟹青咖喱香料味重，雞肉嫩滑唔柴紅咖喱唔夠香料味，軟殼蟹浸晒落少，大部份吸晒汁變淋咗兩款都好足料蒜茸包泰式飛天通菜好爽脆嘅通菜，而且蒜茸夠多不過味道上冇乜特色，油份比較多椰汁芒果糯米飯芒果帶酸，糯米飯有加熱，配埋椰汁，酸甜軟糯，好正

颱風前夕的晚上，市面比平日平靜，而我就選擇左今晚去沙田麗豪酒店食越南菜。其實餐廳同時有泰菜同越南菜供應，環境都幾闊落。小食類別我地order了兩款，分別係泰式醬油燒鱔（$138），以及越式蒜蓉牛油雞翼（$108）。燒鱔香脆肉厚，充滿肉汁，佐酒一流！牛油雞翼香口蒜蓉味濃，教人一口接一口咁食。主食方面就有海南雞飯（$148）及泰式鮮蝦金邊粉（$148）。兩者份量都頗足，炒金邊粉味道甜甜地；海南雞飯就必定要配油飯至夠風味！

週末和朋友約了到沙田河夢相聚，由於大家都吃過東西再出來，所以省略了主食，直接叫了幾款越泰菜必點的。**泰式海鮮冬陰功湯($168)冬陰功酸辣口感恰到好處，兩隻大海蝦彈牙，青口新鮮，另外還有魷魚和大量菇，相當足料。二人份量剛剛好。**越式串燒拼盤($188)豬、牛、雞各兩串，每種肉質都烤得剛剛好。豬肉香嫩多汁，牛肉的口感豐富，雞肉燒完都好嫩滑唔會柴。肉串配埋越南特有醬料超惹味。**芒果糯米飯($108)糯米飯軟糯口感，味道甜而不膩。夾埋鮮甜芒果加椰漿，好味！**越式滴滴咖啡($58)咖啡搭配上滴漏方式，讓口感更加濃郁細膩。杯底加了練奶，甜度也恰到好處。

已經多次幫襯，本身唔係住沙田區，但係服務同埋味道都係好有水準的。每次必食安格斯牛肉河，好重牛味，如果你自問係牛肉 fans，必食菜式之一。飛天通菜，好好味，但會越食越咸，所以要食快啲先處理好佢😂海南雞，基本上我哋每一次都會叫半隻，每次嘅水準都好平均，雞肉嫩滑，同醬汁亦都好配合。咖喱🦀⋯⋯我好少出街食海鮮，因為怕麻煩。但經理極力推介，話係越南入口，所以我就叫左試吓。的確超級好味，本來想叫份蒜蓉包點汁食，但係我哋兩個人怕食唔哂。最後，甜品係必食的，呢度嘅芒果糯米飯，我每一次都會叫，咁樣先至係一餐完美嘅晚飯。

今次來到酒店食泰越餐，比較特別的一次體驗，印象中喺香港係第一次響酒店嘆泰餐，位置寬敝，地點好好，餐廳響酒店的地下，響城門河邊，有indoor及outdoor位置，內部佈置幾泰式。“泰式酸辣鳳爪”好耐冇食，今次一於試吓，味道返晒來，酸酸辣辣，好啱我胃口，唔錯唔錯；“泰式濕炒雞肉河粉”大大碟，2人食都够，雞肉唔會"鞋什什"，成碟粉濕濕哋，夏天食啱晒。朋友喜歡的“泰式串燒拼盤”有雞肉串，牛肉串和豬肉串，每樣2串，大大串食得好滿意，雞肉串更香口。仲有一碟不是沙嗲味的sauce，如果印尼串燒通常都係沙嗲sauce，總之各有春秋。“芒果糯米飯”以壽司形式呈現，好特別呢，芒果肉好厚身，天氣咁熱，飲椰青係個好選擇。

同囡囡去完交通安全公園踩完單車，再係附近搵食，意外發現麗豪酒店地下有幾間餐廳，最後我地去左「Vi 河夢」越泰餐廳食晚飯。餐廳環境寬敞，而且設有室外和室內，室外環境超Chill ，而且仲可以帶埋寵物來Chill 下。泰式濕炒牛肉河粉（$148）濕炒牛肉河粉入面有牛肉、磨菇、仿飽片、蔬菜、紅蘿蔔，河粉，醬汁份量充足，醬汁味濃，質感黏滑，河粉順滑。香茅豬扒湯檬粉（$128）香茅豬扒醃得夠入味，香茅味濃郁，檬粉好大碗，檬粉份量夠多，不會太碎好順滑索湯，食完夠飽肚。特式小食雙併（$138）芭提雅蝦餅及泰式炸魚餅蝦餅即叫即炸，爽口彈牙，炸魚餅甜辣香味十足，充滿泰式風味越式蒜蓉牛油雞翼（$108）雞翼夠大隻，好香蒜牛油味，雞翼好Juicy。珍多冰（$55）&班蘭龍眼特飲（$55）珍多冰入面有大量沙冰，椰汁味濃，另外龍眼冰味道清甜香醇，兩杯甜度適中，消暑一流，飲完非常涼快。