沾仔記 (威靈頓街)

营业中

休息中

中環有2間分店， 另一間閂得比較早就上左黎食， 回憶中嘅味道，細過食過好多次， 覺得2間都差唔多，menu選擇唔多，特別在所有餸size 都好大件， 雖然得3粒， 但全部都好結實。中環呢個價真係係得輸。如果帶旅客介紹香港必選香港味道😂 配合不太好的服務態度😂 10點閂門， 9點半就催人走， 未食完都想收我隻碟，係咪香港特色先😂♡ 招牌雲吞麵 $ 38鮮蝦雲吞， 個皮唔會過厚， 包到咁大個餡，又唔會煮唔熟。♡ 鮮鯪魚球麵 $ 38可能會食到少少骨刺， 可以選擇加胡椒粉。♡ 郊外油菜 $ 18菜芯幼嫩鮮甜， 冧身濕潤，蠔油足夠。♡豆漿 $10

🏠：沾仔记📍：中环威灵顿街98号💰：人均HK$70，不加收10%的服务费 据闻是平价米其林。就得幾款。三款招牌的麵食都只是港幣38元(2023年價格)，也可以選雙拼或是至尊三寶（撈麵=乾麵），划算之極。至尊三寶麵，綜合了招牌雲吞、鯪魚球和鮮牛肉，整碗堆得滿滿當當，份量很紮實。一顆雲吞裡有兩三隻飽滿的蝦子，而且雲吞的Size還真的就跟乒乓球一樣大，那咬下去的口感實在棒透。三大顆鮮鯪魚球的魚球非常彈牙飽滿，可以吃很飽。最下面還有一層燙好的鮮牛肉。胃口小的點一份招牌至尊三寶面，光吃肉都能吃得撐牆而出。配的汤都非常鲜。麵條是香港常見的雞蛋麵，滑順有彈性，而湯頭看簡介說是使用羅漢果、大地魚和豬骨熬煮三小時而成，也難怪頗鮮甜。

之前喺中環返工，lunch時間行過見到好多人排隊，然後見到門口貼滿晒好多張唔同年份嘅米芝蓮指南，重點係價錢好親民，$38/碗雲吞麵🤩，於是第2日就早啲過嚟試吓喇！我哋大約12:00pm 嚟到唔洗排隊直入，餐廳裡面仲有少量座位，裡面裝修採用中式古典風，兩邊有卡位，中間是長枱；卡位會兩人一邊搭枱，會用盡餐廳座位去招呼客人，特別係繁忙時段，食完一刻碗就會被收，然後就要去埋單，我哋由坐底到食完都係用咗24分鐘渣，絕對係「快食之選」🤣🤣餐牌好簡單，餸只有3款：雲吞、鮮鯪魚球同埋鮮牛肉，可以單一餸、雙拼或三拼，麵就可以選擇湯麵或撈麵，因為我想試晒3款，所以選擇咗至尊三寶麵！🍜至尊三寶麵 $48（2粒雲吞+1粒鮮鯪魚球+幾塊鮮牛肉 ）😋食後感：-雲吞好大粒，而且皮薄多餡，好味道😋-鮮鯪魚球都好大粒，啖啖魚肉，好有魚嘅鮮味🐟-鮮牛肉煮得幾淋，好有牛味，味道都唔錯🤤-3款餸裡面，個人覺得雲吞最好食😋👍🏻👍🏻同埋味道最夾麵🙌-麵彈牙有口感，湯底係用豬骨、大地魚和羅漢果等熬煮而成，清清哋鹼水味唔重，好飲👍🏻雲吞麵絕對係encore 之選🤤👍🏻食緊至尊三寶麵時係度諗緊雲吞多幾粒就好🤣食兩粒好似唔係好夠，所以下

平日午飯時間去，人比較多，需要等位。當日兩個人去食，打算試吓米芝蓮餐廳。因為繁忙時間去，所以要同陌生人搭枱，坐一邊卡位。位置非常窄，如果身形較大，或者孭住手袋的客人，好可能唔夠坐。當日食到一半，要起身比搭枱嘅陌生人離開。然後員工來收枱的時候，倒瀉了湯碗，整濕了我們的衣服。然後店員不但沒有道歉，反而責罵我們不起身給他執枱。去咁多間餐廳都從未試過遇到咁嘅對待，仲話係米芝蓮餐廳。食物雖然好食，但係要邊食邊受氣，我就食唔落啦。影衰晒「米芝蓮」三個字。

😎中環 沾仔記😎遠近馳名、遊客都會去食嘅沾仔記，連續拎咗好多年米芝蓮，終於有機會親自去試吓呢一間老字號。😎雲吞麵佢哋嘅雲吞真係好似乒乓波咁大粒，一共有四粒。湯底清甜，原來落咗羅漢果。雖然好似好簡單嘅雲吞麵，但係見到充滿心思同誠意，唔怪得拎咗咁多年米芝蓮同埋咁受歡迎！😎雲吞牛肉雙拼鮮牛肉都好好食🤤！

ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ 今次嗌咗兩個麵，兩個都幾好，鮮牛肉麵有驚喜！1️⃣ 招牌雲吞麵 ($38)雖然得三個雲吞，但粒粒都真材實料💯成個乒乓球咁大，包住嘅蝦又大又彈牙，皮薄滑捋捋，一啖一個冇難度！2️⃣ 鮮牛肉麵($38)本身係為咗雲吞麵而嚟，點知最後居然俾鮮牛肉麵征服咗🤯牛肉切片厚度啱啱好，同埋唔係煮到全熟，上枱時仍可見到牛肉微微透紅，咬落軟腍嫩滑，好慶幸本住咩都試嘅精神，有嗌到冇走寶😙ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ ʚ♥⃛ɞ 惟一唔好就係一食完就會俾侍應趕走，同埋坐位比較淺窄，不過見在喺中環都淨係38蚊，打和！

有朋友到香港一遊，想惠顧中環老店沾仔記，星期六中午沾仔記未滿坐亦不需等位，就可入店內就坐，店內都滿3分之2食客，我們入坐後亦陸續有客入坐，店內不算大，坐得有點迫。我們點了至尊三寶湯麵及三寶撈麵，三寶有鮮蝦雲吞、鯪魚球、鮮牛肉，雲吞大大粒，雲吞內有原隻鮮蝦，皮簿餡靚，鯪魚球超大粒，唔腥彈牙無骨有魚味，鮮牛肉反倒失色，無乜肉味比較淡又唔鮮，但算淋滑。最出色是麵彈牙爽口有蛋味，湯底清甜可口，撈麵亦會跟一碗湯～唔錯👍觀察店內佔遊客多，反本地香港人少，而星期六我光顧那天多外籍遊客到來，同我地搭枱2位食客都係外籍人事，言談中知他們都是睇旅遊節目推介此店。店員出餐亦勤快有禮，亦無老店的黑臉。個人覺得是可以，但未至於極出色。

男友好想試下沾仔記既雲吞麵，原以為要等位先內進，始終公眾假期嘛，又要下午3點幾tea time, 怎知又不用，於是即刻入去食返碗啦。招牌雲吞麵 - $38內裡有3大粒雲吞，算幾足料有蝦和豬肉，有咬口和彈牙。合格🆗 但係咪應該係4粒會balance 些呢？麵底食第一口，會感覺彈牙，但食食下又不似如期。🙄 其實幾硬身⋯而湯底味道唔夠，欠缺鮮甜大地魚味😐 並非預期中的味道😐米芝蓮食店，會有它可取之處，人人口味不一嘛。咁店店內職員普遍態度和藹，有禮貌的。😉😇

一間位於中環的懷舊麵店，選擇一共有雲吞、鯪魚球及鮮牛肉三款餸，勝在貴精不貴多。裝修極具懷舊中式飯館氣氛，除了香港人之外，還有不少外國人捧場！___招牌雲吞麵 HKD $ 38以中環地段來說38元一碗麵的確性價比高，更曾獲得米芝蓮推介，難怪門口排著長龍。一碗細蓉有三粒大大雲吞，雲吞包內蝦肉飽滿，非常足料，味道不俗。麵的質地不會過淋，保留了一定的口感，湯底清甜，整個組合可說是不錯不錯。___評價：💵 性價比不錯🏠 懷舊麵館👌🏻 快食之選推介指數：❤️❤️❤️（五個心心為滿分）___地址：中環威靈頓街98號地舖

沾仔記 (威靈頓街) 因為係附近返工，收工已經夠哂攰想快d食飽就返屋企..經過呢到係門口見到好多外國人都係入面所以入去試下一坐低其實餐牌選擇唔係好多，見到個個人都叫三寶所以叫多一碟菜。門口都貼左好多話呢間係米芝蓮麵店、啲人黎得快又食得快咁、店員做野速道都好快手。三寶份量都其實唔係叫好多，面頭有少量牛肉、2粒雲吞同一大舊鯪魚，望落都唔係啲好特別，牛肉都嫰身唔會係硬，不過無乜牛味。雲吞都係有好大隻鮮蝦包係入面，鯪魚肉我個人覺得比較好食，食到有陳皮味同埋都新鮮打出黎。 清湯都唔會太鹹。不過係中環黎講佢價錢已經唔算貴 平民價錢親民既

傍晚有事要去中環辦事。處理完已經七時多正值晚餐時間。其實不肚餓但為食也想念久違的乒乓波般巨型的雲吞。所以就走去沾仔記聚舊一下。不用等位直入。樓面很有禮貌, 我心中已決定吃雲吞河便立即下單。不消5分鐘, 雲吞河便奉上可是已經也不是之前常吃的巨型雲吞。咬一口是大約一只蝦加一些豬肉。明白通脹關係食材上漲,其他都是雲吞皮感覺一般滿足, 可幸河粉尚算爽滑還是堂食比外賣好。很快吃完後便離開完成今晚中式的快餐。味道還是回憶好。

冇諗到依家米芝蓮餐廳服務態度都可以咁差排開食物質素唔講，侍應嘅服務態度直情趕緊客我同屋企人兩個複診完諗住食碗麵就返屋企黎到餐廳坐低，餐牌寫得比較簡單，諗住叫兩份雲吞撈粗麵，就叫個侍應過黎落order我：唔該兩碗雲吞撈粗麵阿叔：冇粗麵我：咁有咩麵啊阿叔： 幼麵 生麵當刻嘅我都未反應過黎兩隻係同一款麵就話：咁就生麵啦，個阿叔已經唔出聲，就咁睥住我，咁我先醒起，幼麵係生麵嘅一種，但係點解佢用兩個詞去形容同一款麵呢，又點解唔加多少少描述話只有幼嘅生麵呢，點解會expect人地知道呢兩款麵係一樣㗎呢，唔通外國遊客黎到佢都係咁樣招呼？（事實聽到佢同另一臺客落order都係咁款）我就話：哦，咁幼麵啦咁阿叔就寫order啦，我見佢淨係落左一碗，咁就提返佢話：兩碗啊唔該阿叔即時又睥住我話：兩碟！X你個X，兩碗同兩碟有咩分別啊，係咪都係兩份咁解啊，洗唔洗捉埋我字蝨啊我都算，改口話：ok兩碟。之後話加多碟油菜，阿叔又睥住我問：蠔油？菜心？ 咁我以為佢問我係咪要菜心啦，咁就話係啊菜心啦，佢又好嫐咁講：蠔油定上湯啊哇我當刻真係愕然，原來蠔油菜心呢個短語仲包括埋上湯浸嘅方法，咁唔通有蠔油嘅菜心係生食嘅，唔係上湯浸

下單時服務員沒有聽清楚我們的訂單，我們更正他時他還凶神惡煞地問我們想點，態度惡劣。令我們吃了一驚，食慾大減，心情很差。同行是新加坡朋友，他們問我這是香港的接待態度嗎？我無言了！這樣的服務態度還能拿到連續幾年的米芝蓮星，真的莫明其妙！

工作日中午人声鼎沸，翻台率很高，要拼桌，上菜非常快，几年来价格没涨多少，还是那么大碗、料足，在寸土寸金的中环是那么平实温暖的存在·点了👉招牌云吞面 牛肉捞面 郊外油菜 ·这里的竹升面碱味浓重，很有辨识度，好像在快速拌面的时候都能感受到风味的张力，面条筋道弹牙，捞面尤其干爽，嗦起来毫不费力，但在齿间又散发出非同寻常的咀嚼感·捞面调味简单，好吃却表达得很明确，一开始觉得蚝油不够，请店员再加一些，结果满满一盘吃下来又有点咸，大片牛肉把表面铺满一半，软韧弹嫩·云吞和鲮鱼球都是完整的巨大颗，汤头肯定赶不上用贵食材熬出来的汤那种层层立体的鲜，但却是一口能熨帖心和胃的鲜·桌上有自助的辣椒油等几瓶调味，但既然都来了，不如吃个原汁原味，蔬菜也都新鲜脆甜

叫個雙拼先，試多一樣餸，一於揀雲吞鮮牛肉麵（$44），抵食喎！雲吞大大粒，入邊有幾隻蝦，好新鮮彈牙😋 暫時係我覺得港島區最正嘅雲吞🙌🏻牛肉有牛味，係滑嘅！仲要有好多片👍🏻 鐘意食牛嘅朋友會覺得好滿足！幼麵都幾爽口，唔會太淋；配一啖湯食好正，因為啖湯好清甜，有鮮味，令人忍唔住會成碗飲晒🤓辣椒油都做得好有誠意，識食嘅食佢啲辣椒粒粒🌶 我一匙羹食一碗麵都夠總括嚟講，性價比係高嘅，經過中環一定要試吓