沾仔記 (埃華街)

营业中

休息中

今時今日，三十蚊都吾洗既晏晝，除左老麥廿五蚊餐，喺九龍鬧市午餐時分，冇囉。今日竟然比我揾到大角嘴呢個平靚正之選，真係可能會去多幾次追番D 人工吾升、物價倍升既現實。讚左先 - 大家睇吓粒雲吞！若果男仕本身鐘意各方面都大既，咁呢度既雲吞一定滿足度你。老友P 哥話起碼有三隻蝦喺一粒雲吞入面，蝦同豬肉比例啱啱好，咬落去隻雲吞每啖都有蝦爽，加埋D 熱辣辣既湯，真係正宗平民雲吞麵既享受。呢間本店獨沽三味做雲吞，滑牛同鯪魚球，下次試埋D 鯪魚球先 😉平靚正推介 👍🏻

話說本身不是 沾仔記 乒乓雲吞粉絲... 所以近年都好少去中環兩間店除非那天勁肚餓又想快. 但經過「沾仔記 大角咀總店」, 又會試下最原本嘅味道懷舊一下! 呢間總店本身喺石硤尾街檔搬過嚟, 以前叫 '沾記' , 加加埋已經 60 多年歷史. 現在已經傳到第三代, 所以每間分店都係由不同親戚執行! 不太強烈但還吃得出湯底有大地魚.*紅磡沾仔記已經同本身沾記系列脫離了關係, 遠房親戚已經賣了盤. 而且那店是極藍的, 叫杯水都要收三蚊.This is the most Original Tsim Tsai Kei store.. Which was previously a street cart, then moved to here at Tai Kwok Tsui. It is over 60+ Years in history. It's shops in Central are run by a different family member, and has earned a Michelin recommendation. Famous for their Ping Pong

雖然店小， 不過店員服務都很好，鮮蝦雲吞大大粒！✅$27 蚊一碗， 有三粒，大大粒，彈牙又爽🤤，河粉夠滑，食落口同其他不同有d 粉麵店會落冬菜榨蒜，呢間淨係有蔥，店員話賣潮州魚蛋個d 先會有冬菜架，長知識了提大家要先付錢

黎到大角咀好多人都話沾仔記係獨特，一定要試，就係大大粒嘅鮮蝦雲吞。出邊食嘅鮮蝦雲吞都係無咩特別，為咗減省成本多數用肥豬肉整，沾仔記嘅就非常足料！30蚊30蚊咋，出面30蚊食到咩？出面30蚊食到一個包咋。哩度30蚊可以食到，一粒雲吞9隻蝦的奇景。我真係想像唔到。真係每一口雲吞都食得出啖啖爽口蝦肉，貨真價實！蝦嘅份量好多，多到差d撐破雲吞皮，好大。淨食有四粒雲吞響湯中飄浮，當係輕量下午茶，過足雲吞癮。如果你嚟到大角咀，唔黎沾仔記朝聖一下。

依定出外食碗麵閒閒地都四五十蚊，真係百物騰貴，好彩大角咀仲搵到間平民小店店舖雖小，但尚算清潔整齊配料可揀：雲吞、鯪魚球、鮮牛肉 麵底：米粉/河粉/生麵單拼$24 雙拼$28咁抵食，二話不說就叫左碗牛肉拼雲吞河鮮牛肉食落好滑，又唔會韌雲吞大大粒，裡面係包滿四五隻蝦，真材實料雖然份量不是很大碗，但剛剛好填飽我的肚😌 建議平時食開加底既朋友，可以叫兩碗

在香港，雲吞麵店到處都有，幾乎同便利店一樣，總有一間在附近。不過我今天専登去到大角咀，試一試這間連很嘴刁的朋友都讚的「沾仔記」，睇下佢的鮮蝦雲吞係咪真係咁正。我叫左碗「鮮蝦雲吞鮮牛肉米粉」，份量很十足先飲一啖湯，都幾甜，合格。之後試食鮮蝦雲吞，裡面很足料，大大粒蝦絕無花假。而且味道好過唔少麵店，蝦肉有甜味之餘亦爽口彈牙鮮牛肉又腍又滑，生熟剛剛好，食起來唔會痴牙。只可惜這間麵店在大角咀，對我而言位置比較唔就腳...唔知下次幾時再有機會食多次。

店舖細細只有三款餸鮮味牛肉招牌雲吞鯪魚球點餐後先付款姐姐好快就會送上熱辣辣嘅湯麵略嫌河粉有啲鞋但係招牌雲吞真係不得了除咗夠大粒夠份量之外蝦肉爽口又彈牙非常新鮮鯪魚球味道還可以牛肉好滑

屹立於大角咀多年嘅沾仔記係有佢嘅過人之處，殺手鐧一定係大大粒嘅鮮蝦雲吞出邊食嘅鮮蝦雲吞全部次貨，為咗減省成本多數用肥豬肉來欺騙食客嘅舌頭，撬開連粒蝦米都搵唔到⋯但係沾仔記嘅就非常足料！每一口雲吞都食得出啖啖爽口蝦肉，絕無豬肉充撐場面，貨真價實！蝦嘅份量好多，多到差d撐破雲吞皮，大小有如迷你乒乓球。淨食有四粒雲吞響湯中飄浮，當係輕量下午茶，過足雲吞癮如果你嚟到大角咀，唔黎沾仔記朝聖一下，實在對唔住自己個肚🙈

這間位於大角咀的沾仔記入面只有兩張圓台和牆邊的一些座位。食物款式也如店舖內擺設一樣簡單，只有雲吞麵和數款面食。我的最愛是雲吞河，有以前的＄10吃到現在的＄18。雲吞大大粒，咬一半可以見到入面的鮮蝦，雲吞皮滑流流，一流。至於湯底沒有什麼特別，普通的味精湯底。河粉的份量也不是很多，對我來說並不夠飽。通常我都是突然想吃才會去，並不會當正餐，若是當一個下午茶份量剛剛好～

呢間起大角咀既沾仔記，起內街位置, 雖然不是大街，但同樣能夠吸引不少食客，無他既，又平又好食~麵店內只有幾張圓枱, 午餐時間一般坐滿~ (好多熟客)服務方面, 店內主要有三個人手, 負責人手寫單+傳單+執枱....一位負責煮麵, 由於人手不算多, 效率蠻快 (PS. 繁忙時間耐心等侯是必需~ )除左堂食之外, 仲有得外賣豬潤, 生雲吞, 鯪魚肉, 牛肉, 生麵番屋企煮~最推介呢到生雲吞 ($44 / 打) <----- 抵食我好鍾意呢到既雲吞麵, 一碗有三粒雲吞, 每一粒兵兵波般大  (如果唔食雲吞, 牛腩同樣唔錯, 或者雙拼$26)生麵梗係爽口彈牙先叫好食啦~ $21 碗雲吞麵, 粒粒雲吞都好足料, 皮薄又夠滑包著數隻蝦肉入口彈牙, 食完包你滿足~

唔好睇呢間野細細間咁，佢賣既雲吞我相信係香港都搵唔到幾多間好食過佢。16蚊細蓉係我既招牌菜，佢除左雲吞之外仲有鯪魚球同牛肉。細蓉好食之處係佢真係好足料好大粒，兩隻蝦既份量令到佢粒零吞食個乒乓波咁大。一客四粒，真係食到夠哂皮。記得記得，食雲吞要上紅醋先至好食，點解我就唔知，不過細個媽媽教既。另外介紹一下其他菜式，特別品評佢個撈面，我食左幾次，我唔知係佢面質定係蠔油出左問題，佢有一陣少少怪既味，當然大家想試我唔會反對，呢個個人意見姐。不得得提一下有心去佢到食野既人，佢環境衛生好一般，有時會有小蟲蟲係旁邊行過，要多加留意。

六月下旬‧晴怎說也好，大大粒鮮蝦雲吞絕對是這十多年間本地麵壇的一大發明。瘋魔中外，絕對是成功的菜式。想不起吃什麼，就來吃碗細蓉。麵有咬口且爽身，雲吞大大粒而蝦肉夠爽，散尾是好，一時間吃吃這個都不錯。16元，經濟抵食，尤其在不少地方的燒臘飯都賣四十幾五十元的時候。

港島區沾仔記雲吞確實出名，連遊客黎香港都話要食。話說有日下午想食番碗細擁，無意中在大角咀發現一間又係叫沾仔記雲吞的舖，店舖普通門面，應該係做街坊生意多。雖然係A貨名，但係用料係正貨喎，雲吞用料足，彈口爽口，正 !雲吞麵(單併– HKD 14)雲吞牛肉麵(雙併– HKD 18)本人食野原則係，平靚正，冇服務，我BUY !但係如果間餐廳係中上價，SERVICE 超衰既話，就算幾好食都係假，做衰晒自己個招牌為乜 ? 唔通要俾錢食飯黎受氣咩?呢間A貨沾仔記，價錢大眾化，食物質素有水準，可以一試，回味一下香港昔日情懷，食番碗細擁啦 ~~