泓景悅宴

营业中

休息中

朋友澳洲回港入住如心酒店，我在網上找到鄰近酒樓，睇相片環境及食物都吾錯，就一齊諗住去試試，約早上10時，諗住攞位，行入門口無人，再走到大廳有位穿制服較矮小的女仕，我諗佢係經理正不斷在罵身旁同事，我和朋友都嚇一跳，感覺好似去左街市樓上d大排檔，完全無諗過現今年代在香港仍有這種素質的人，之後見有枱，我地諗住坐低，那位在門口罵人經理又話要坐呢度個度，總之態度不好，最終我地係有位坐。講真點心好食，大家原本想訂晚飯，但見在場員工服務態度及環境，都係改去隔離酒樓晚膳。希望有機會再去會有改善。

同朋友一圍枱食晚餐我個人比較少寫中式餐食評但今次唔寫唔得因為太有意外（好）驚喜但相片只影得一張首先碟叉燒，又甜又香脆，食到唔夠分，所以要叫多一碟（sorry掛住食，唔記得影相）最特別係一大碟 金沙龍蝦火山，顧名思義，咸蛋黃炒龍蝦有炸麵炸薯條墊底大人細路都鍾意其他餸菜唔太油，唔太鹹唔錯可能酒樓位置偏僻咗少少所以顧客並不多最緊要唔洗我等位可能靜靜地食飯服務亦ok有下次泓景悅宴荃灣楊屋道8號如心廣場一期3樓301及304號舖

今天上午十二時三十分和太到荃如心廣場三樓，泓景悅宴吃了午餐，整體品質良好共用了2百多元。叫了灌湯包只是18.8元很抵吃。11個砵仔鳳爪排骨飯，燒腩仔，牛肉球，蘿蔔千絲酥及燉鮮奶。環境也幾好。

今天紅雨警告⚠️，因如心廣場及 D Park 搞活動三小時免費泊車，所以過去如心廣場走一走，順便吃個午飯，到達後，太太話想飲茶，見有泓景悅宴，看似高檔食肆，心想，食四五百元，免泊優惠也用不著，到酒樓後，看看菜牌，價錢很實惠，於是進去，食物質數很好，叫了一個拼盤加一個飯，估計大約二百五元內，還是可以的，至少沒有人催你走。沒有拍照，因為之前以為都一般般，不過最後覺得要寫評語，好的食肆很少😊所以要誇獎一下。

第一來到試此酒樓,因地點非旺點也怕不好吃!幸今到來除見裝修有點老套外,環境也算企理整齊,不覺迫感。食物新鮮夠熱,味道不差，服務態度也算好了!點心選擇也不少,價錢合理可再來!

食物味道唔錯！點心好食👍🏻尤其係糕點同埋咖哩魷魚，牛柏葉都唔錯。地點就係荃灣如心廣場，係正如心酒店隔離。個位置都唔算太難揾，酒樓地方算大、坐得都舒服，而且環境乾淨，感覺都算新淨！中午去食嗰陣都幾多人，不過唔洗book位，walk in都有位，服務態度都唔錯。下午茶好抵食！而且點心選擇都算多！整體黎講係荃灣呢間都算係幾好既酒樓，荃灣好耐都冇高質酒樓啦！呢間都唔錯，不過都有進步空間，可以值得一試！會再幫襯

蟹黃鍋貼入邊嘅豬肉完全係生的，咬落去第一啖以為係肥膏唔小心吞咗，發現嘅時候阿仔都食咗落肚，同啲侍應講侍應話拎入廚房了解一下，同個經理講經理話了解一下，完全之後沒有跟進，跟住一直唔見經理返轉頭解釋

平時去開逸月軒，今日想轉下新地方，第一次去呢間，如心廣場三樓平時好靜，入到去發現都比想像中多客，點心質素OK，本來覺得下次可以有多個選擇⋯點知埋單先知收費取巧，Tick點心紙黃紙黑字寫明$138 ，埋單收$158，話要收午市價(離座時12:10pm)，無下次。

間中有嚟呢間酒樓飲茶，今日試下係度食晚飯。叫左個特價例牌乳豬（$48.8），咕嚕肉同海味什菜煲。咕嚕肉上枱先，賣相唔錯又夠大碟，除左有咕嚕肉，重有菠蘿，青紅黃椒等。咕嚕肉酸酸甜甜，非常開胃，最啱送飯。跟住就係海味什菜煲，清清地，除左什菜外，重有蝦米，蝦，鱿魚，貴花蚌等，都幾豐富。最後先到乳豬出場，雖然係例牌，分量都唔細，食落口皮脆肉滑，重好有豬味，點埋乳豬醬，正，要比個佢！埋單時送糖水，今晚糖水係綠豆沙，算係今晚最失色既一環，冇乜綠豆味，味道差少少甜味。

貢菜鮮蝦春卷$31.8， 蝦餡料就切碎一粒粒有新鮮有唔新鮮撈埋一齊， 食入口梗係唔好食。 春捲皮炸到黑黑咁樣即係D油用咗好多次☻ 手打鯪魚球真係傑作$23.8又腥又梅。 內裏格局用白色慳電膽顯得昏昏暗暗，座椅坐得唔舒服。 呢間嘢點心師傅 神經刀 時好時壞，水準唔穩定。 呢間酒樓一定要check單 , 收銀早茶就收你正價價錢, 亂咁嚟， 講畀佢聽反應 語氣 態度唔好 ，錯咗咪改，使乜態度唔好？點解呢？ 唯一好食百花釀魚肚， 幾次都水準穩定。 其他 點心就睇你嗰日好唔好彩。 好多時搵唔到人斟水

終於要獻出第一次寫食後評語，因今次試咗間泓景悅宴嘅大閘蟹宴4人餐，連埋糖水有9款菜，同枱4個人食完都俾個like, 派咗我做代表寫食評，好咁我逐一個菜講：1.姬松茸響螺燉雞湯姬松茸爽脆軟滑，湯就鮮甜滋潤，我平時飲湯都食埋湯渣，所以相中咁足料嘅湯渣俾我清埋😁2.荷芹炒臘味正所謂秋風起，食臘味，呢個菜應晒景，荷芹鮮甜脆口，配上腴滑油那潤嘅臘腸同臘肉，真係話咁快就清晒成碟嘢。3.招牌燒鵝皇今次嚟呢間晚飯其中一個原因就為咗佢而嚟，果然冇令大家失望，皮脆肉質嫩滑，入口鵝味出晒嚟，掂！4.蟹粉小龍包夾起已知重料，我鍾意先張個皮篤穿，等d湯流入匙羹，飲咗啖濃郁鮮湯，再食裡面嘅蟹肉，啖啖肉，有圖有真相！5. 8頭鮑魚伴金錢鮑魚雖然不是好大隻但肉身夠厚。炆得軟腍夠入味，冬菇亦都大大件厚身，吸收咗蠔汁嘅精華，所以好快又清咗😋。6. 清蒸大閘蟹終於到主角出塲喇，每人兩隻大閘蟹，部長話每隻足五兩，拿上手都幾重秤，一開殼已聞到濃郁嘅蟹膏味，之後掛住食都唔記得咗相機再食，影爆膏相。7. 清蒸海花班一放上枱，見魚眼凸起同識得揮手，就知夠新鮮喇，蒸到剛剛熟，夠滑有魚味！8. 籠仔蒸臘味糯米飯呢個飯我冇試到，唔係唔好味

超無禮貌，自己比錯餐牌同寫錯檯號比客人，竟然鬧返客人轉頭，叫碟半份燒肉話得八粒燒肉，問我地夠唔夠，洗唔洗改一份，我地話：「好呀，咁改一份！」佢就大聲呼喝叫：「唔比改！落左單！」，我心諗，咁你又問。全程態度呼呼喝，好似揾人黎出氣，價錢唔係平，服務超級差，如果想比錢黎受氣飲茶，就可以照黎！

如心廣場三樓泓景悅宴早茶點心好味，價錢適中，不用搭枱，侍應招呼有禮。一個人叫咗四碟點心，目的是打包二碟咖喱魷魚回家作晚餐，咖喱魷魚份量夠又好好味，所以每次都包兩碟回家。家用$112。

與朋友來過幾次晚飯，每次都必點香煎南非鮑魚，因為好味同出色。今日與家人食飯共8人，這次提前預訂片皮鴨及濃湯沙窩雞煲趐，隻鴨燒得又香又脆，而沙窩翅份量非常足料及湯好入味。最值得推薦，必定是三小碟的豬手及夫妻肺片，味道入味又夠辣，令人回味無窮。反而豬腩仔的質素不穩定，食過幾次，唔係每次都燒得好食😖飯麵點左五仁炒飯，炒得好味，但是芝士龍蝦伊面的8人份量有點多，應該足夠10人吃，龍蝦肉彈牙，值得推薦。甜點是香港人熟悉的楊枝甘露，清甜可口，另一款是壽包，尺寸是一般酒樓的2-3倍，又大個又好味

姐妹倆很久沒見，今天約在荃灣如心廣場301至304鋪，泓景悅宴午餐。酒樓燈光亮麗豪華，座位舒適，服務員很快開到茶，我們也立刻點了一個自選套餐$168套餐【百味醬汁鳳爪，鷄湯蟲草花鮮竹卷，紅燒BB鴿，瑤柱蛋白炒飯】。當【瑤柱蛋白炒飯】上枱，我們倆個都嘩然，好大碟，瑤柱一絲絲，蛋白，芥蘭粒，葱花均勻可見，飯粒粒粒分明，料很足，味道鮮香，有獲氣。大碟之余還很美味。超值。