影片
更多
2022-10-26
3972 浏览
终于要献出第一次写食后评语，因今次试咗间泓景悦宴嘅大闸蟹宴4人餐，连埋糖水有9款菜，同枱4个人食完都俾个like, 派咗我做代表写食评，好咁我逐一个菜讲：1.姬松茸响螺炖鸡汤姬松茸爽脆软滑，汤就鲜甜滋润，我平时饮汤都食埋汤渣，所以相中咁足料嘅汤渣俾我清埋😁2.荷芹炒腊味正所谓秋风起，食腊味，呢个菜应晒景，荷芹鲜甜脆口，配上腴滑油那润嘅腊肠同腊肉，真系话咁快就清晒成碟嘢。3.招牌烧鹅皇今次嚟呢间晚饭其中一个原因就为咗佢而嚟，果然冇令大家失望，皮脆肉质嫩滑，入口鹅味出晒嚟，掂！4.蟹粉小龙包夹起已知重料，我钟意先张个皮笃穿，等d汤流入匙羹，饮咗啖浓郁鲜汤，再食里面嘅蟹肉，啖啖肉，有图有真相！5. 8头鲍鱼伴金钱鲍鱼虽然不是好大只但肉身够厚。炆得软腍够入味，冬菇亦都大大件厚身，吸收咗蚝汁嘅精华，所以好快又清咗😋。6. 清蒸大闸蟹终于到主角出塲喇，每人两只大闸蟹，部长话每只足五两，拿上手都几重秤，一开壳已闻到浓郁嘅蟹膏味，之后挂住食都唔记得咗相机再食，影爆膏相。7. 清蒸海花班一放上枱，见鱼眼凸起同识得挥手，就知够新鲜喇，蒸到刚刚熟，够滑有鱼味！8. 笼仔蒸腊味糯米饭呢个饭我冇试到，唔系唔好味
1.姬松茸响螺炖鸡汤
姬松茸爽脆软滑，汤就鲜甜滋润，我平时饮汤都食埋汤渣，所以相中咁足料嘅汤渣俾我清埋😁
2.荷芹炒腊味
正所谓秋风起，食腊味，呢个菜应晒景，荷芹鲜甜脆口，配上腴滑油那润嘅腊肠同腊肉，真系话咁快就清晒成碟嘢。
3.招牌烧鹅皇
今次嚟呢间晚饭其中一个原因就为咗佢而嚟，果然冇令大家失望，皮脆肉质嫩滑，入口鹅味出晒嚟，掂！
4.蟹粉小龙包
夹起已知重料，我钟意先张个皮笃穿，等d汤流入匙羹，饮咗啖浓郁鲜汤，再食里面嘅蟹肉，啖啖肉，有图有真相！
5. 8头鲍鱼伴金钱
鲍鱼虽然不是好大只但肉身够厚。炆得软腍够入味，冬菇亦都大大件厚身，吸收咗蚝汁嘅精华，所以好快又清咗😋。
6. 清蒸大闸蟹
终于到主角出塲喇，每人两只大闸蟹，部长话每只足五两，拿上手都几重秤，一开壳已闻到浓郁嘅蟹膏味，之后挂住食都唔记得咗相机再食，影爆膏相。
7. 清蒸海花班
一放上枱，见鱼眼凸起同识得挥手，就知够新鲜喇，蒸到刚刚熟，够滑有鱼味！
8. 笼仔蒸腊味糯米饭
呢个饭我冇试到，唔系唔好味，只系大家食完条鱼后已好饱肚，冇人再食得落个糯米饭，唯有叫人打包攞走，所以连相都冇影到！
9. 够姜汤丸
饭后糖水，好够姜味够温胃！
下星期又要再同屋企人食多次😋！
张贴
