法國小屋

营业中

休息中

元朗一日遊既重點當然係食，有人帶路緊係唔洗食冤往路，由yoho出發行大約大分鐘就搵到法國小屋啦。全餐廳用白色裝修做主打，雖然座位唔多，但炎炎夏天黎到都消暑消涼打卡之選。睇左一輪餐牌都係覺得食甜品適合d就決定全力主打窩夫🧇朋友仔介紹w1 signature caramel sauce一定要試，我自己再加個strawberry with matcha ice cream。之前同朋友傾過窩夫既兩派 - 脆身，軟身crewy，貪心既我當然係兩派都ok，留意返法國小屋既比較脆身配上其他配料就更加crispy。strawberry完全無令人失望相都未影就忍唔著開餐先🤣，個人覺得唔加雪糕或者分開上雪糕會再好食d。

今日入元朗揾朋友食個休閒lunch, 就揀左呢間cafe ~法國小屋的確有種閒適既感覺嘻嘻~ 卡邦尼意粉@$88正路既卡邦尼意粉, 醬料味道剛剛好,算多餡料牛油蒜蓉番茜煙肉意粉 @$88味道比較淡, 無想像中特別, 反而與得似菠菜汁~ 不過醬料十足唔會太乾~~ (半份)追加 招牌咸牛油焦糖窩夫@$28咸甜既窩夫係好食! 咸牛油唔會太漏相反同窩夫底係恰到好處~~

💛 朱古力木頭蛋糕💰$228身為元朗國子民竟然都咁耐冇食過法國小屋🥲今次趁着聖誕節終於有機會試下佢🥰見佢有Christmas cake又近近地～就揀左佢👅呢個木頭再用嘅聖誕蛋糕裝飾得好靚好festive🌟岩曬party時用黎打卡🥳喺佢靚靚既外表入面就係一個類似瑞士卷既朱古力蛋糕😋TBH就唔算話味道好驚艷～但唔會話太乾同朱古力味都好濃～幾好的🥳推薦程度：🔆🔆🔆 （5個🔆為滿分；🔅係半分）

我倆平時好少去元朗，便隨意選了一間餐廳，再跟著Google map去行，就來到這間法國小屋。由於唔係太肚餓，我們點了一份"芫荽蟹肉喬麥窩夫伴沙律" 開❤share, 賣相吸引，二人分量剛剛好，好足料，蟹肉混入左芫荽，加埋沙律醬，味道清新，窩夫脆脆的，非常驚喜! 另外order左一杯"雪山與白雲", 其實佢係蝶豆花牛奶，粉藍色，打卡一流，值得一試呀! 😀

今日專程過來元朗探個好朋友，順便行行元朗懷舊一下，元朗變化真係大，周邊多了很多不同國家餐廳有中、日、韓、意、美等等，還有懷舊糕點餅舖，唯獨Cafe或西式甜品店真係少之極少，朋友住元朗介紹了「法國小屋」有特別的甜品供應，位於元朗合益路9-15號紀業樓地下I號舖。推薦我必試招牌焦糖窩夫和薯仔千層好值得一試喎。門面帶歐陸風格，入內好細，裝潢簡潔明亮滿休閒感滿舒適舒服。服務員非常殷勤，一有食客離開，即時抹枱椅兩次後再噴上消毒液再抹乾淨。謝謝你的服務令我好食得安心。餐牌Lunch set L1至L11 價錢由HK$58到HK$218,價錢合理。我們分別叫了set L8 和L10L8:煙三文魚牛油雜菌意粉+熱柚子蜜HKD97煙三文魚色澤鮮豔，口感肥美豐滿，脂肪條紋清楚利落，肉質鮮味濃，白醬汁配上雜菌味道層次更豐富。L10:牛油雜菌煙三文魚配蕎麥窩夫+熱柚子蜜HKD108蕎麥窩夫係我第一次食，口感滿特別清清淡淡，一口咬下去外脆內鬆軟的質感，又有喬麥香氣，帶给我驚喜和美味雜菌口感飽滿奭口，至於沙律我不太喜歡沙律醬汁，吃起來特別酸不調和。熱柚子蜜冲得非常之好甜度適中，滋潤又止渴。

法國小屋聽個名已經覺得好浪漫門口仲有隻著燈嘅鹿仔😍今次叫咗二人餐，唔洗諗食咩啱哂我🤭千層芝士薯片好好食～真係好好食！大推😙😙薯仔滿滿的忌廉加芝士好幸福🥳煙三文魚牛油雜菌意粉唔好睇依盤意粉細細盆～但食完真係都好飽～同佢menu講嘅一樣，真係有二人份量☺️招牌咸牛油焦糖窩夫本身對又咸又甜嘅甜品有啲卻步～仲有一刻諗過加錢換其他窩夫～但一入口外脆內軟已經加分～仲配埋滑滑的忌廉～原來咸牛油同焦糖係咁match😍😍一試難忘～好彩最後無換其他窩夫～如果唔係就後悔啦🤭二人餐好抵食💁🏻‍♀️唔洗加其他小食都好夠食㗎啦～～

生日月朋友幫我慶生 朋友打電話提前預約了晚餐時段預約的餐廳位於元朗-法國小屋第一次嘗試已經深深愛上(每次約食飯都想再去呢間餐廳) 門外環境唔錯感覺幾浪漫入到店內環境尚好不過店舖有小小細大概得4-6張枱 店員放底餐牌外重會推介是日精選或推介之選等…職員聽到我地有疑問於是上前講解並無覺得煩躁 今次都係選擇2人套餐前菜有煙三文魚田園沙律(要加多20蚊)、秘製雞翼、千層芝士薯片大推千層芝士薯片濃濃芝士不得了食到最後一口都重有芝士(正)秘製雞翼分別係蜜糖雞翼同花雕醉雞翼蜜糖雞翼多蜜糖得黎唔係死甜(正)主菜係黑松露忌廉汁磨茹意粉濃濃黑松露同忌廉汁每食一啖都要抹嘴(笑) 到甜品係招牌窩夫好窩心切好曬方便進食(加分)食左甘多好食嘅美食2個人食埋單只係500有找 總結: 服務很好 食物很好 環境尚可 價錢合理

位於元朗的法國小屋，並不是開在人流密集的大街大行，而是在需要花點時間找尋的隱蔽橫行，這樣反而顯得格外寧靜舒適。🌾店如其名，大門設計以木板屋頂配襯落地玻璃門窗，成打卡靚位。📸 店內以簡潔白牆配食物素描掛畫，看得人清新舒服。疫情期間枱與枱之間以白板分隔，安全衛生。食物方面：主推特色意粉及通粉，充滿法國風味，絕對同一般扮西餐廳的茶餐廳菜式有分別！🙈 另外創意甜品亦值得推介👍🏻除賣相吸引外，味道也不會太甜，適合香港人口味！下次有機會會試吓 期間限定的芫茜窩夫🧇我們叫了一份辣肉腸番茄尖通粉+ 石板街朱古力雪糕窩夫，份量已足夠兩位不大食的女生。沒有加一服務費，價錢可以接受。

法國小屋外賣自取有半價，今日又黎試下佢先。落完單大概十幾分鐘就有得攞，幾快手喎。叫左煙三文魚牛油雜菌意粉，滿滿一盒。一片三文魚，幾鹹鮮喎，意粉夾口彈牙，醬汁濃厚，好重牛油香，係好味嘅，但食到尾十分多油，外賣都係避唔開呢個問題。仲有辣肉腸蕃茄尖通粉，顏色幾吸引。長通粉煙煙韌韌有咬口，醬汁酸酸辣辣很開胃，好味。最後仲有香蕉朱古力窩夫，開盒香噴噴喲。香蕉好甜，窩夫勁有蛋香，鬆軟可口，真係好正呀～半價好抵食，正！

上次食過招牌煙肉千層芝士薯片後，一試驚人愛上了這度菜，是我喜歡的味道，今次買3份今次買咗好多食客都話好味嘅雞翼及鴨腿秘製雞翼(4隻)$40即係醉雞中翼，佢酒味不重，肉質實淨，好吃。香煎油封鴨腿配喬麥窩夫$229鴨腿鹹香味足，味濃，鴨皮煎到少少脆，配埋蕎麥窩夫剛剛好，配菜有芝麻醬沙律菜，全部都好味道。始終係外賣自取，要一個小時才吃，一定唔夠堂食好，但係外賣嘅味道都咁好，堂食真係不得了呀用網上外賣平台外賣自取有六折，非常抵食

係元朗住左幾年，周邊真係好多餐廳選擇，想食唔同國家既菜式都有，唯獨係Cafe或西式甜品店真係少之又少，通常都要出去九龍或港島區比較多！估唔到係搬走無耐後，「法國小屋」就係合益路選址重開。剛好當天要到又新街辦點事，剛好可以去食個午餐，週五六及日更有特別的甜品供應呢!

係網上外賣平台度搵食，無意中搵到呢間法國小屋，俾佢呢四道菜吸引咗，全部都係甜品類即刻買來試啦！呢個排序，係我覺得美味嘅順序：招牌煙肉千層芝士薯片$51招牌鹹牛油焦糖窩夫$51半份即焗蘋果批$51法國皇帝批$51招牌煙肉千層芝士薯片：鹹香味濃，惹味可口，不愧為招牌菜，呢度煙肉千層芝士薯片，我好快又會去買返嚟食招牌鹹牛油焦糖窩夫：返到屋企，窩夫已經變成軟林林，我相信堂食應該有少少外脆內軟嘅口感，不過要外賣回家食就冇辦法啦，不過我都幾鍾意呢個味道。半份即焗蘋果批：酥皮底，蘋果酸酸甜甜，味道OK啦！法國皇帝批：個皮好似老婆餅果款，只係巨大左，又厚又實，內涵係甜嘅，有啲果仁，唔係好食得出特別之處，一般般啦！

武肺第三波來勢洶洶，為食的我們無奈地放棄了堂食，不過這並不等於遠離美食，反而在這段期限透過外賣作出更多嘗試，在平日較少關顧的本區小店中，尋覓到更多的樂趣！每次經過「法國小屋」，均是過門而不入，大抵基於個人不敢貿貿然嘗試西菜的心理！我同意認識食肆有如認識一個人，需要機緣、時間和了解的配合，當得知「法國小屋」提供窩夫與鴨腿後，眼睛即時閃出無限心心，不單開展了我們了解的契機，更忍不住在短時間內重溫滋味！幸好家居區域有「食物黑白熊貓」的送遞服務，日曬雨淋和躲懶日子可倚靠的醫肚好幫手。第一次與第二次外賣的共通點就是離不開香煎法國油封鴨腿配喬麥窩夫。Buckwheat Waffle with Duck Confit *HK$229或者您會認為我的選擇是不智，因為窩夫和油封鴨腿是要趁熱享用的食物，經過外賣盒的焗束和運輸過程，口感一定有所影響。正正如此，外賣的效果更能反映出質素的真實性。第二次外賣的油封鴨腿比第一次來得更理想，首先是表面醬汁較少，可讓鴨腿原汁原味充份體現出來。而在溫度和脆度方面，亦能保持輕微燙感和八成的香脆度，相信比起堂食，效果不會距離太遠。第一次外賣的油封鴨腿，表面明顯鋪滿醬汁！總體

🔸招牌煙肉千層芝士薯片 $46Signature Potato Gratin呢個就係少見嘅法國菜，老闆話係佢哋覺得好食而香港又唔係好多法國餐廳有而特登整嘅，千層芝士薯片真係第一次食啊😛一層層嘅薯仔切片夾少少煙肉，面頭有金黃色嘅芝士🧀，好似千層麵咁，幾好食😋▫️🔹辣肉腸蕃茄尖通粉 set lunch $88Penne w/ Pepperoni in Marinara份量好多！除咗辣肉腸，到少少蕃茄同洋蔥碎🧅，不過蕃茄醬有啲酸。▫️🔸牛油雜菌煙三文魚配喬麥窩夫 set lunch $108 🌟7/10Buckwheat Waffle w/ Mushrooms & Smoked Salmon第一次食喬麥窩夫，幾特別🤣，窩夫比一般嘅腍，有好淡嘅喬麥味，同煙三文魚都幾夾，飽肚▫️🔹人氣醉雞翼(2隻) $16Cool Drunken Chicken Wings普普通通，酒味唔濃，清清地。▫️🔸奶蓋鮮草莓四季春 $48 🌟8/10Strawberry Four Season Oolong Tea w/ Sea-salt Cheese Topping糾結咗一陣要白桃定係士多啤梨🍓，喺老闆介紹下就

It is so hot and I decide to take a light meal today. I order a spaghetti with mushrooms and truffle and a green salad in this small shop.The spaghetti is al dente, creamy and flavorful. The salad is fresh. I finish my lunch with a refreshing pomelo tea.The lunch only costs me $126. No 10% service charge is required.I feel good enjoying this simple and delicious lunch at this SME and contributing to the local economy.