影片
港铁奥运站 C1 出口, 步行约7分钟
继续阅读
营业时间
星期一至日
11:30 - 21:00
以上资料只供参考，请与餐厅确认详情
全城齊心抗疫嘅時勢下，零晨收工搵宵夜吃充充電嘅好選擇。數張摺枱設在路邊旁，開陽及足夠嘅社交距離相隔遠遠超出兩公尺。有多款包點小吃及多款蒸飯炒粉炒麵粥等主食任君選擇。呢個零晨點咗嘅一盅兩件並不是一盅茶加兩件點心，而是點咗燒賣拼蝦餃，即點即蒸新鮮熱辣，每樣有兩粒一個人吃剛好。及點了一盅土魷蒸肉餅飯，從蒸櫃攞出來同樣熱辣辣♨️。點心及蒸飯味道也不錯😋。
继续阅读
夜晚都收唔到工，能量已跌停板，經過呢間小店有少許時間停一停，實在頂唔順，落車買啲糧草，店面好細，比較殘舊，店內位置係廚房，店外放咗啲不銹鋼玻璃櫃，放咗預先蒸好嘅中式點心，款式都幾多！有個姨姨店員在看店，埋去揀好佢爽手袋好，比錢就走！快！臘腸卷（$6）傳統臘腸卷造型，熱辣辣，中式包鬆軟，臘腸蒸到出晒油，咬落油香滿咀，對我來講偏肥，少咗瘦肉嘅豬肉味，啲油沾埋啲包，鹹香好味！糯米卷（$5）糯米好多，蒸得透徹，所以淋身好味，一啲都唔會好硬，調味撈得鹹香，麵包只有薄薄一層，在膠袋焗一焗，所以微濕，如果紙袋吸咗多餘嘅水氣，會更好！姨姨太爽手，無乜接觸！ok!雖然環境一般！快靚正食到點心，唔錯！
继续阅读
Happy New Year🎉🎉🎉 嘩，原來個人老左真係挨唔到😂 話說係朋友屋企燒完野食之後飲左好多酒，通常飲左好多酒之後都想食好多好多野落肚🌝 我地一大班人落左樓下一間點心店食點心😂 間店應該由一對夫婦開既因為一個做出面，一個係廚房。野食黎得好快，呢頭落單，轉頭就有得食🤘🏿 所有野食都好新鮮😚 呢間野最特別係有得食鵪春蛋燒賣👏🏻👏🏻👏🏻 因為依家出面真係比較少機會食到。最出色係個牛柏頁👍🏻 真係好入味 同d野食唔會過咸👏🏻 下次直頭唔飲酒都應該去食❤️
继续阅读
大角咀, 圍繞著富多來商場的鋪, 差不多九成都是食肆, 而且都是十分細的店, 最愛幫襯這種超小型食店, 隨時有驚喜…. 當然, 也有時可能”驚”多過”喜”, 哈哈….下雨天, 坐街邊, 食盅頭飯, 別有一番風味…..忽然….感覺自己距離”阿伯”級數不遠....哈哈…鳳爪排骨飯, 正常細號的金屬盅, 其實就係排骨飯加鳳爪, 我見住阿姐, 係蒸爐攞盅”排骨飯”出嚟後, 再係另一個蒸籠內夾出一件”鳳爪”, 放在飯面, 哈哈… 我不期然, 立即想起一編好笑飲食潮文:【曾經，我都信麥當勞叔叔係個好人】(這處唔比放Link, 有興趣自己搵, 一打就搵到). 好有麥記特色, 兩樣野擺埋一齊就係一個新產品, 就如:「新地蘋果脆」.主角: 鳳爪排骨飯, 算是近期食過最差的盅頭飯. 鳳爪皮, 一點煙韌口感也沒有, 完全淋謝謝. 排骨, 望見, 以為好多…. 一夾, 接近六成係肥肉, 排骨??? 我應為只能夠算是半肥瘦豬肉一堆, 白飯, 算可以過關, 雖不是很好的乾爽飯身, 但也不淋不軟, 入口, 仍然可以.另叫茶一壺, 味道可以, 雖然難請人, 但都唔可以係質素差既藉口吧.....見係小店經營, 縱使唔係太滿意, 都唔想比個”負評”, 希望老闆放多些心機, 做好些少.
继续阅读