泰亞萊海南雞專門店 (已結業)

今日挑戰荔枝角嘅外賣餐廳《泰亞箂海南雞專門店》😎 因為舖頭細所以淨係做外賣～招牌菜海南雞飯$50其他菜式(包括豬頸肉飯或者青咖喱)都係呢個價位雞由飯味道啱啱好👍🏻入味之餘唔會太油淋淋海南雞亦非常地道 又滑又易入口😋而旁邊嘅醬料酸酸甜甜 同啲雞好夾加$3嘅話可以有湯或飲品個湯係有啲紫菜，芫荽同埋蔥～不過個人覺得鹹鹹地🤔或者下次會試吓叫飲品 總括嚟講，海南雞飯控嘅我係好滿意嘅～下次應該會再嚟幫襯😊

泰亞箂開咗業都應該有2個月, 成日都行過, 以荔枝角區外賣店包野飯做緊HKD48一個餐連野飲係正常價, 依佢嘅食物講食唔係好似OPENRICE嘅食評咁係得負評嘅, 我覺得食得過, 唔會係差囉！今日請買咗個卤水豬頸肉飯喇。卤水豬頸肉飯豬頸肉做得唔太好, 肉身淋口, 卤得唔太入味, 無乜口感, 但佢個泰式辣汁救返佢整個飯, 辣汁出色, 酸味做得啱啱好, 唔嗆辣味, 兩者平衡做得好好, 配此返依個豬頸肉一流, 送半隻卤蛋, 但個卤蛋唔入味, 底下酸菜幾好食, 夠味唔嗆。米飯做得淋身咗少少。鑵裝青檸冰跟餐送嘅鑵裝青檸冰, 比較酸, 好過飲汽水。

係網上$15 買 $20 現金券 ，但原來$500先可以用。姐係消費$500先減得果$5蚊咁大把仲要限星期一至四 3-6 pm*而且一隻雞先$148，冇咩可能用到$500。感覺上呃人買左現金券，但最後跟本上用唔到

本身喃住買隻雞加餸，翻到來大失所望。買左隻$148嘅全雞，分開兩盒裝，本身以為好鬼死多，但是個底鋪左一層青瓜同菜，一個飯盒去左裝菜同裝醬汁嘅位之後，可以裝到嘅雞有幾多大家都可以喃下。食食下先發覺，每盒得一隻雞翼，一隻翼髀同少量雞胸肉，何來全雞一說？！！隻下髀呢？！！仲要收人$148！再來系隻雞嘅味道，食起身比較寡淡，冇咩雞味。食海南雞精髓係皮下果浸啫喱，但係啲雞得肥膏同肉，同滾水烚雞冇咩分別……建議換下把刀，啲雞斬到一舊舊連埋一齊……俾多個建議。其實啲經濟咁差 ，就唔好曬咗啲租啦！ 不如俾個機會，俾個機會下一位。

已經唔記得係幾時開始幫襯泰亞萊， 只記得朋友帶我地去，由牛頭角到卑利街再到荔枝角！ 事隔四年再幫襯 今日買左海南雞同豬手外賣. 海南雞仍是嫩滑 配以酸青瓜 蕃茄 夏天唔想食飯就食呢樣！炆豬手仍然出色 自己就覺得再加重點花椒八角味會更吸引 配以椰菜同雪菜 整個餸唔會過咸又好送飯 問左老闆幾時有酸辣鳳爪 老闆話下星期開始有啦！ 密切關注