影片
以上资料只供参考，请与餐厅确认详情
自从餐厅几星期前更新餐牌后，食物质量下降，份量缩水，连最基本嘅服务态度都变差。职员态度冷漠无礼，令食客完全感受唔到尊重。其中最夸张嘅一次，系我要求煎蛋或者反蛋，却被直接拒绝，理由竟然系「厨房唔得闲，啲蛋已经预制哂，改唔到」。结果端上枱嘅竟然系一只几个钟前煎好、又冻又硬嘅蛋，完全忽视食客需求。咁基本嘅要求都唔愿意配合，呢间餐厅仲值唔值得支持？如果食客连选择点煎只蛋都冇权利，咁服务仲有乜意义？一间对客人要求视若无睹嘅餐厅，仲凭乜嘢期待大家继续帮衬？
继续阅读
朝早系上水食咗一个唔好食㗎早餐。同朋友行完莲麻坑同红花岭，已经饿到飘住落莱洞，好不容易苛存一点力气去到联和墟。之前经过呢间泰国嘢冇特别谂住试，但系上网见到佢下午茶有船面食就即刻爬过嚟食碗面。三个人叫咗三个餐，本身谂紧牛腩定鸡扒再加海南鸡，但系个朋友话全部鸡怪怪地。咁就我叫牛腩船河汤配海南鸡，佢又嗌牛腩配炸鸡扒，跟住share嚟食。个海南鸡其实几滑，但系有骨就破坏咗个口感。牛腩好腍又好大旧仲有啲筋膜咬下系正。个船河汤底系几正宗，不过可以再浓少少。事实上呢个牛腩配埋个船河汤绝配，而个檬粉份量差不多等同其他泰式店两碗嘅份量。件鸡扒有用胡椒粉腌过，又无违和感。龙眼冰对于我就甜咗少少，但最正系好多龙眼肉。食完呢餐真心弥补左早餐㗎失落感！
继续阅读
今次嚟到粉岭揾泰国菜 🇹🇭，听讲呢区有唔少高质之选，仲有CP值极高嘅Lunch！终于俾我揾到 泰亭，味道同份量都诚意十足 💯，即刻试试佢哋嘅 泰式船面！泰式船面（配料：猪颈肉）$52 🍜✅ 汤底：颜色深沉，味道清甜中带少少药材香 🌿，但相对传统泰国船面汤底，浓郁度略嫌唔够，钟意浓味嘅可以要求再调整。✅ 配料：加入香叶增添独特香气 🍃，芽菜爽脆，炸猪皮吸收汤底后变得湿润又带点嚼劲，食感丰富！✅ 猪颈肉：烧得好香，带少少㶶边 🔥，肉质肥瘦适中 🥩，仲有泰式酸辣酱汁配搭 🌶️，惹味度大提升！✅ 其他细节：汤粉搭配得宜 🍜，份量足够，一碗够哂饱肚 😋。正宗泰国船面通常会加入猪或牛血 🐮，令汤底更醇厚浓郁，但香港版本通常都唔会咁做，取而代之会用大量肉骨熬制汤底补足风味 🍖。而 泰亭 嘅汤底虽然未至于100%还原，但都算做得不错 💪，加上Lunch价钱只系$52 💰，喺粉岭算系超值选择！钟意泰国菜嘅朋友一定要试试，推介！🔥🔥🔥
继续阅读
📌粉岭粉岭联和墟有好几间泰菜，今次同大家介绍其中一间有水准既街坊泰菜 一 泰亭 🐥无骨海南鸡饭 $60鸡肉份量大方，肉质嫩滑仲去埋骨啖啖肉，泰式酱汁酸酸辣辣几惹味，水准绝对可以话同附近既泰菜平分秋色📍泰亭地址：粉岭联和墟联和道11号地舖#粉岭 #泰亭 #泰菜 #撑小店 #街坊小店 #海南鸡饭 #粉岭揾食 #平民食堂 #平民美食 #无骨海南鸡饭 #星星带你食#foodie #hkfood #hkfoodie #foodiehk
继续阅读
成日都系呢个小区活动经过好多次都未入去试，今日终于的起心肝去试下。叫咗一碗泰式船面，配料拣咗牛肉片同牛肉丸、面就拣咗金边粉汤底就要传统船汤。等咗一阵个面就到，份量也不错，有三粒丸、牛肉片就碎上，有些芽菜，葱等等⋯船汤色泽都似一般船面嘅啡色汤底，质地中等不是杰身浓郁𠮶种但又未算稀，先试啖汤，味道未系预期咁浓，但都可以，牛丸几好食，有牛味亦弹牙，牛肉片碎上肉质亦不错，有咬口少弹系略嫌切得碎咗啲，但份量都够，至于面身都煮得火喉不错，不硬又不会过淋，但就未系泰国𠮶种烟烟韧韧嘅质地。食哂成碗都够饱，跟餐加$10要咗一杯餐饮冻柠檬茶，正常饮品水平冇乜特别嘢好讲，呢度都几多饮品选择，泰式奶茶望落去都好浓郁不过店员话冇得拣甜度，所以冇叫。碗粉$52连饮品合共$62，整体都ok，职员有礼貌又有效率又整洁，门口又可以停车，可以再帮衬。
继续阅读