泰味屋

营业中

休息中

我又黎幫襯啦，真係食極都唔饜！老闆仲要好有人情況味，成日同我地傾計，今次餐飯食得好開心！（因為掛住食所以唔記得影相）我叫咗個豬頸肉軟骨飯，個汁帶少許微辣，好惹味，撈飯一流。佢配埋軟骨一齊食真係好夾，仲要係份量都好好，食完好飽好滿足。唔洗50蚊有個飯有個餸，仲有得叫椰汁冰/泰式奶茶/青檸梳打，真係好抵食。平時d餐廳要加錢先飲到，但係今次一蚊都唔洗加。講真喺天后呢頭食野不嬲都好貴，呢間餐廳應該係最抵食嘅一間，仲要係好食，加埋有人情味，我一定會繼續支持，繼續幫襯！

同同事放lunch~一齊去食晏就，由天后地鐵站行去大坑，好近，大概10分鐘左右，就發現好多鋪頭，其中一間就係呢間泰國鋪啦🤩一向鐘意食泰菜既我就去左試啦🤤🤤鋪面唔算太大，但都坐得舒適，望一望價錢，又覺得幾抵！湯粉比炒飯炒粉便少少。我們4個同事，兩個叫左炒金邊粉，兩個叫左冬蔭公湯粉。冬蔭公湯粉唔算辣，但就份量唔大，食完都係7成飽，湯粉可以揀金邊粉，河粉，兩種麵都幾好味👍🏽呢個係金邊粉，有雞肉同蝦米，但嫌佢炒得太濕，如果乾身d就會更好食👏🏾 泰式熱奶茶椰汁冰飲品係ok的～我地仲加左個炭燒豬頸肉，最好味係呢個，個汁好香，肉質岩岩好👍🏽係大坑黎講我覺得係合理同埋幾抵的🤤

其實每星期都會黎呢度食一次，咁耐都冇厭。午餐$49 仲包埋凍飲。好似話老闆係泰國人，平時係廚房煮，所以覺得拍得住泰國水準，我喺香港食過最正宗嘅泰國菜。呢度嘅Pad Thai, 黃咖喱，海南雞飯同豬仔骨好食。今次我叫左豬仔骨，好好味，夠曬淋，根本係fall out the bone 果種, 份量足夠。侍應們都好熱情。凍嘅Thai Iced Tea 都好好飲。唯一就係坐得唔太舒服，不過冇法，鬼叫香港地貴🤷🏻‍♀️基本上都會不停再返黎食。

「泰味屋」是一間泰菜小店，裝潢簡單，餐桌擺位密度高。週末午市主要供應飯麵套餐，人均消費四五十元都算相宜。「雞絲湯粉」賣相普通，湯頭略帶甜味，雞絲較預期嫩滑，泰菜風味不濃。「海南雞飯」的雞肉嫩感不及剛剛的雞絲。油飯乾身，好壞與否視乎個人口味。隨飯送上的清湯很鹹，不合格。「椰汁冰」過甜不欣賞。整體來說，「泰味屋」的水準只屬中下，只能以相對相宜的價錢與附近食肆爭一長短。

平時都好少去大坑食嘢，始終地點不算太方便 ，難得今天經過，途中見到一間泰國菜便入去試試。 裝修不算太有氣氛，本身對食物 不抱大期望，誰知令我喜出望外！柚子沙律 的柚子十分新鮮，甜酸度十分好。沙律配上炸蝦米令到口感更加豐富，可以說是色香味俱全。 青咖哩雞的椰汁味十分香，雖然我不太喜歡配菜的青豆但咖哩汁拌飯實在太美味，真的很想點多一碗外帶回家。最到甜品，賣相其實很一般，但是質素有保證。芒果糯米飯的芒果清甜。椰漿香得來有少少鹹味，襯托了芒果的甜味。糯米飯是暖的，一口凍的芒果和一口暖的飯配上椰汁，感覺十分地道。想不到賣相平平的菜式味道會如此令人滿意。

A high CP value thai food at tai hang ! Tired the lunch set there. It only costs within $50 dollars plus the drinks (also include the special thai drinks like lime soda or iced coconut milk drink) it has got some many different choices to choose among the lunch set! tom yum Koong soup noodle! The taste is good, just not as spicy as I thought ! red curry pork rice ! The curry taste is good, fill in coconut milk flavor, not very spicy though! will definitely go away and try others set later !

已經食過呢間餐廳好多次嚕，今次經過決定帶埋朋友再黎幫襯!一入去已經被熟悉嘅老闆娘招呼，我問有冇新菜式推介呀，佢就幫我地落咗order叫咗個豬頸肉飯配青咖喱汁。豬頸肉飯我食過好多次，青咖哩都唔少，但係兩樣加埋我都係第一次試，感覺好新奇，亦都好期待😍碟飯喺廚房拎出黎已經聞到香濃嘅青咖哩味， 上咗碟飯之後，即被青咖哩汁嘅顏色吸引住，好想快d食晒成碟佢!一食第一淡豬頸肉，佢嘅味道同咖哩汁有意想不到嘅配合，而且肉質鬆軟有咬口。d汁撈飯一流，份量又好多，所以食完份外滿足!set lunch仲包埋杯椰汁冰，飲落去好解渴，好有椰汁味，好大杯好正!呢間係間滿載人情味嘅餐廳，食物質素又好而且好抵食，一定再黎幫襯!

咁岩經過附近，大部分餐廳消費都比較高，見到泰味$47個餐包野飲就入去試試。見到好多人都點左海南雞飯，應該都冇衰既，咁我都試試喇。雞既部分雖然吾係雞脾，但都滑身。飯既部分係香既油飯，絕對吾Hea。最抵讚既係個汁。小小酸辣，十分醒胃。朋友叫左個青咖哩雞飯，都話好好食，仲話下次再encore 係香港島食個lunch$50有找,都好小見喇

今日同男朋友一齊誤打誤撞入左去食點左生蝦 海南雞飯 Pad Thai 同埋冬陰公湯試食生蝦 夠凍又爽口 再配埋一個唔會太酸或太辣嘅汁 五隻真係唔係幾夠食而海南雞飯 油飯已一早賣曬🙄😢 但雞件嫩滑👍🏻男友聲稱嘅雞仲有油香味🌝 我就唔係太留意到而Pad Thai則快靚正 有鑊氣 味道又恰恰好反而個冬陰公湯就有少少偏酸左啲同埋辣左少少 但就足料嘅整體都算幾唔錯本身對間野冇乜期望 所以乜相都冇影 Haha 點知都幾surprise咁高質👍🏻🤤

Wowwww!!!! I was satisfied with the Thai food there. I have been there many times but I want to go there again. The hainan chicken was great and the green lemon soda was fantastic. I have tried Thai milk tea too and it was delicious. But there were many students during lunch time and queuing may be required.

The roasted Thai chicken is delicious. Add baby cabbage sautéed in garlic and some pineapple fried rice and you'll leave with a smile on your face. Don't forget the mango sticky rice for dessert. If Thai curry is your thing, you'll have choices there as well. Service here is always friendly and attentive and the prices are reasonable. The dishes are basic and the menu could use some interesting twists but overall, it's a decent eatery that most people will enjoy.

今日係平安夜好sad嘅係一樣要返工放工唔想去d西餐廳食d好貴嘅聖誕套餐所以就一早book咗位，留咗兩碟生蝦之前試過專登黎食生蝦，點知賣曬所以之後每次黎食飯前都會打個電話留碟生蝦6點半黎到就有位，老闆娘已經超好服務咁上咗碟生蝦先等我地食住諗再點咩食生蝦又新鮮又大隻，配上酸酸辣辣嘅醬汁，一人食五隻都唔夠喉我地點咗泰式炒椰菜苗本身就好鍾意食菜，椰菜苗新鮮有口感，次次黎都會叫，但係今次略嫌唔夠辣，之前次次食味道都好perfect，今次相對無咁野味泰式炒蜆蜆新鮮無沙，早幾次老闆娘介紹咗之後就愛上，個汁絕對係精華所在，辣度、椰汁嘅甜都配搭得岩岩好，無論係薄餅點、蒜蓉包點還是齋送飯都係一流薄餅無咩特別，食得出係supermarket都可以買到嘅，不過重點係個泰式炒蜆汁，所以就算薄餅普通，都即刻升幾level蒜蓉包相比起薄餅較有特色，但係唔記得影相麵包上仲有幾粒真蒜蓉椰青食食下口痕，叫咗個椰青飲好清甜，仲可以刮埋d椰子肉食最後叫埋個芒果糯米飯，當甜品咁食埋芒果十分甜，糯米飯都好好食唯一不足係糯米飯份量好細，食唔夠喉最後總結係：想食生蝦一定要提早打電話去留呀！老闆同老闆娘都超好人，每次食都有窩心的感覺

大坑只有一家泰國菜館所以常滿因為想食泰國菜沒有其他選擇來過一次食過經濟實惠50幾蚊嘅碟頭飯，後悔不已，只能想著'一份錢一份貨'，因為只有肉跟飯，汁都吾多滴，齋到不得了第二次來醒目啲，叫餸!椰汁雞湯：椰汁香濃，每啖都飲到香茅及金不換，雞肉很多，仲有草菇車厘茄，讚！菠蘿炒飯：我食得多！這裏算是材料豐富兼惹味，有蔥臘腸洋蔥粟米雜豆，少不了雞肉菠蘿腰果肉鬆，料頭很足，雜豆雖平仍不是很多食肆願意加，所以我話佢誠意可加！咖喱粉黃姜粉亦不吝嗇，所以惹味非常，這次總算滿意離開了

太耐冇去大坑，於是上星期日同老公襯得閒去大坑一轉，真的變了很多，多左很多食肆，同老公行來行去，終於揀左間泰國餐廳落脚。是家庭式的店舖，老板同老板娘非常有禮貌，點了4樣野都覺得滿意，價錢又不太貴，喜出望外的一餐，一定會再去幫襯

今天是公眾假期，6:45 PM 去到餐廳已差不多滿了，幸好還有一張二人夠我同相公用餐。👫坐下即點生蝦、併盤，青咖哩雞及咸魚炒芥蘭。老闆娘話今天的生𧎚好甜，吃入的確爽甜，再沾上 lemon chili sauce 簡直一絕，即刻叫支泰啤啤一婢，無得彈併盤有蝦餅、魚餅同春卷，蝦餅彈牙蝦味濃郁唔會加太多粉，好味道。青咖哩雞撈白飯是絕配！見隔離枱碟海南雞配黃油飯好正，但已太飽，下次一定要吃！小店似家庭式經營，充滿人情味，值得推介。