泰地道 (濱海大廈)

营业中

休息中

乾炒豬肉河冇驚喜都係一般用香港河粉炒，吾緊要，但炒到碎濕濕。最驚喜，第一啖，已經食到濃濃味精粉味。佢仲係泰國人炒 tim...呢間只做外賣，送埋野飲$58都完全吾值。冇回頭。

💬在鰂魚涌打滾多年，真係一次都未食過，又見成日好多人幫襯，加上最近某丫丅頻道又介紹講到好似好出色，於是就食吓咩環境🥹.💬買外賣🥡最大鑊嘅係買到返去唔好食，山長水遠一來一往真係比較失望就好痛苦🥹———————————————————————————.🥢雞肉蝦炒金邊粉🔥💬金邊粉一直以來都應該係得一種味道，酸酸甜甜咁，可惜係非常淡口同無鑊氣，真係半盒都食唔到，又淋又淡嘅感覺真係不能接受🥹.🥢泰式豬手飯🐽💬呢款豬手肉質頗腍身，醬汁還可以伴飯，味道有點怪怪地，配有酸菜同烚蛋，可以買到更好嘅選擇🥹

今日去咗泰地道真係伏到痴咗線嚟錯哂嘢食 同事叫咗糖醋魚 畀咗個冬陰功 我叫個海南雞飯完全係臭嘅 成個唔食掉咗佢 唔新鮮仲要冰鮮味重 啲雞除咗鞋口同臭我已經唔知可以用咩形容佢🙂一打開畀其他人聞真係嚇死人都未計雞件散到成個兜都係 我過隔離買個貴又唔抵食嘅燒味飯都冇咁嬲(唔好以為我打手 我隔離間燒味舖都已經blacklist埋)我明白人多 會導致質素可能下滑但至少唔係賣垃圾掛？本身都唔會留言 真係嬲到震 忍唔住要留個差評搵得YouTuber宣傳 麻煩都有返啲質素呀冇下次真係🙂

鰂魚涌窄街小巷有好多唔同餐廳種類係附近番工嘅我經常都會試唔同嘅野今日試左泰地道 去到拎外賣既時候見到係一間超小店 不設堂食午餐連埋自選飲品(除左紙包飲品仲有自製柚子茶、薏米水、泰式奶茶等等)泰式雞肉蝦炒金邊粉 $58一打開外賣盒感覺都有d奇怪 啲金邊粉呈現極粉紅嘅狀態我諗可能加太多醋(?)染左啲色 反正我食得到醋嘅酸味都無咩所謂結果一試.. 再試唔講炒嘢應該要有嘅鑊氣 基本上呢個炒金邊粉係無味雞肉嘅比例都算多 但成碟得一粒蝦(幸好食落去粒蝦都無急凍感)飲品方面試左泰式奶茶 相較外面飲嘅較為淡 但相對都無咁甜

諗住早半個鐘order定點知出咗單嘢食出咗又唔叫Number一直睇個Apps又話準備中人哋外賣仲拎得快過我其實叫下個Number都好呀個Apps又未話得我又費事問呢方面做得唔係咁好囉，戇膠膠咁等咗5-6 分鐘唔問都唔知，原來我個嘢食已經一早出咗

泰地道地址: 鰂魚涌海堤街18號濱海大廈地下D7號舖日日番工都想食啲又平又正又開胃提神嘅滋味泰菜，泰地道絕對係唔少人打工仔恩物，今次我又食呢間隱世小店啦😇。食泰國野又點會唔食泰式炒金邊粉Pad Thai  + 盒裝飲品 🍝$58 ，金邊粉炒得都有少少鍋氣但又唔會太乾身，口感食落好煙韌😎，味道甜甜地酸酸地辣辣地，好開胃，但美中不足係佢無蝦😱～#nicefoodie鰂魚涌----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #dinner #lunch #hk #香港 #香港美食 #美食 #鰂魚涌美食 #打卡  #鰂魚涌 #香港口味 #隱世美食 #隱世小店 #半價優惠 #人氣餐廳 #人氣美食 #泰國菜

泰地道地址: 鰂魚涌海堤街18號濱海大廈地下D7號舖日日番工都想食啲又平又正又開胃提神嘅滋味泰菜，泰地道絕對係唔少人打工仔恩物。唔好睇少呢間隱世小店，其實廚師同店員都係泰國人，所以入面嘅食物都好幾正宗㗎～今日我就食咗個 泰式海南雞飯 🐔 + 泰式奶茶 ☕️$58，無骨雞雞皮唔會過厚啖啖肉，而且配上佢特製嘅泰式酸辣汁，好重蒜味，酸酸甜甜好開胃😋，好入味，但美中不足係雞肉乾了少少。#nicefoodie鰂魚涌

隱世小店比想像中好食，火喉十足食到啲餸菜入面有鑊氣，已經多次返轉頭幫襯推薦食炒金邊粉，又甜又辣第二推薦食肉碎炒河，外賣都好快飲品可以試下泰式奶茶，好有泰國風味好出奇竟然openrice冇人推薦呢個餐廳...

岩岩一搜查食間店 鰂魚涌好食泰國菜暫時我會第一時間諗起佢所以點解無人留言既？！？！佢絕對係一間好食既外賣約$60主食加個清湯 包汽水食過兩次都係食佢既泰式辣肉碎煎蛋飯真係食過番尋味可以叫佢加辣tim煎蛋雖然係似預先煎左一堆 但係lon邊蛋 真係唔係成日見到然後辣肉碎好足九層塔香料味 辣得黎又香又好味 食完好滿足 會不停回味 我第二次食話多辣 佢又落足指天椒 正雖然食兩次都係同一款 但佢會令我想試佢其他野不過佢係外賣店 大家買可以拎食物盒 佢地都會裝架