泰妹餐廳 (已結業)

#泰式蝦炒金邊粉食泰國菜，必點炒金邊粉，配料大致相同，有芽菜、雞蛋、花生碎等等。味道唔錯，酸酸甜甜幾開胃，麵唔會炒得太淋身，可惜唔明點解要插條大蔥係面，好唔雅觀又唔太衛生咁。#泰式燒烤併盤併盤有豬、牛、雞，各兩條，沙嗲醬好香，為串燒加左唔少分，肉燒得剛好，咬落唔會太韌，個人覺得豬肉最好食。#芒果糯米飯芒果甜，但份量再多啲就好，總共有兩款糯米飯，冇咁單調，紫米比較有咬口，綠色糯米飯應該加左班蘭汁，比較軟糯。

呢排食泰國嘢食到上晒癮，晏晝一條友唔知食乜好，就好想搵泰國嘢食，左搵右搵就搵到泰妹，喺餐廳外面睇一睇Menu，仲有午餐即刻入去試吓。坐低order咗泰式雙拼飯，平時食雙拼飯通常都係燒味飯，大鄉里泰式雙拼飯真係未試過。雙拼係泰式海南雞同泰式豬髀飯，海南雞好滑，冇乜多餘脂肪而且肉厚，泰式豬髀好香八角嘅味道，炆得好軟腍，口感好特別但味道出色。香茅青檸薏米水就第一次喺泰國菜餐廳飲到，個配搭好特別，雖然呢一杯係熱飲，但係個味道出奇地夾，仲要薏米可以去濕，夏天飲一流。總括嚟講呢份lunch set喺抵食，下次嚟開呢頭做嘢可以再黎試下。

之前行開黃埔見到有呢間泰國餐廳已經想試，餐廳喺大型商場外面，位置十分便利，地鐵站出嚟行幾分鐘左右就到。餐廳設計清新，以綠淺綠色為主調，座位寬闊菜式方面選擇十分多，基本上常食開嘅有名泰菜，都可供食客選擇我揀選咗香葉肉碎生菜包炸蝦餅，泰式蝦炒金邊粉，馬拉盞炒通菜，最後當然唔少得甜品，芒果糯米飯。上菜時間好快，失上臺嘅係馬拉盞炒通菜，好大碟，剛剛炒起夠曬獲氣。而馬拉盞亦夠入味，通菜新鮮。另外炸蝦餅即炸即上枱，外脆內軟，配上泰式香辣醬夠曬惹味。泰式蝦炒金邊粉，賣相十分討好。雞蛋炒成網狀再加上直立嘅韭菜，賣相像一個菠蘿，讓人食慾大增。當然味道亦不比賣相遜色，鮮蝦非常新鮮配上檸檬汁以及辣椒粉既金邊粉，好味！香葉肉碎生菜包肉碎炒得好香口，生菜好新鮮，夠曬爽口。兩者配合一流 又唔會太油膩。雖然食完呢幾個菜式已經夠曬飽。但仍忍不住點咗芒果糯米飯，伴碟非常精緻討好，糯米飯分咗兩隻顏色，紫色嘅係黑糯米，而綠色嘅係斑蘭味糯米。芒果好新鮮夠曬鮮甜多汁，椰漿亦好入味！

今日到黃埔探望朋友後順道在附近吃晚飯，口淡淡想吃較濃味的食物，所以選擇了泰國菜。入座後才知道它還有數間分店，相信品質應該不差。因為我和朋友都是選擇困難症的患者，所以挑了這個二人餐，只需二選一，不用太花腦根。套餐包括的飲品竟有青檸梳打，大大杯夠冰凍！小食拼盤有蝦餅、香葉魚餅、荷葉包雞和春卷。蝦餅香口彈牙，跟泰式辣醬是永遠的絕配！香葉魚餅莞茜味濃厚，荷葉包着是炸雞，外皮香脆，醃料入味。冬陰公海鮮湯，不要看它好像小小的，我和朋友每人都有兩至三碗。海鮮有大頭蝦、魷魚和大大隻青口。冬陰公酸辣適中，滲着淡淡海鮮的鮮味。飛天炒通菜，每次食泰國菜的必點菜式。通菜嫩綠爽脆，炒得非常惹味。蝦醬肉碎炒飯，我是不太吃蝦醬的，只是因為不想吃金邊粉。結果蝦醬味沒有想像中的重，容易入口，炒飯粒粒分明，加入肉碎和臘腸粒增加口感。套餐還送兩球雪糕，我們選了榴槤味和椰子味。味道不太像真。但以這個價錢吃到二人餐連甜品，實在太划算了！

黃埔呢度真係好多野食，男朋友話要食泰國菜，於是帶佢黎呢間我食過番尋味既餐廳。香葉肉碎生菜包食泰國菜必叫嘅一定係生菜包，肉碎肥瘦適中，味道有少少酸，好啱成為開胃菜，我同男朋友爭住食👍🏼泰式豬髀飯男朋友叫咗呢個飯，豬髀飯係佢嘅至愛，豬髀煮得好腍好入味，而且仲好嫩滑。泰式蝦炒金邊粉炒金邊粉又係指定菜式，餐廳落重本，有好多蝦，上碟嘅時候仲擺得好靚，用蛋漿整咗個網包住個飯，見到咁靚食慾大增！馬拉盞炒通菜通菜炒得好爽口好翠綠，鹹鮮味夠，火候啱啱好！

前幾天才探完泰妹，今天也急不及待再找找她，因為實在很想一次過滿足兩個願望～無骨海南雞拼泰式豬髀飯，上次被軟殼蟹吸引，所以沒試到⋯⋯但在觀塘分店看見人人都叫，賣相實在非常吸引，今天就到黃埔分店試一試泰式雙拼～無骨海南雞拼泰式豬髀飯無骨海南雞：白白嫩嫩滑滑，酸辣醬多了一陣香茅的味道，更加清新醒神，甜豉油比較厚身一點，掛在海南雞上鮮味突出，甜酸醬比較少地方會配在海南雞，比較特別泰式豬髀：豬皮已經炆得軟腍通透，感覺到豐厚的骨膠原會滋潤我的皮膚，肉質帶一點甜甜的味道，滷水汁淡淡滲出八角清新味道熱香茅青檸薏米水檸檬茶控每天檸檬茶不離手，但今天看見這個組合，不得不試，喝一口香茅味調和淡淡的青檸清新，內裡一粒粒薏米，夏日消暑一流

自從$2車票到手後，爸爸媽媽最愛周圍「搵食」；下午逛完吉之島大船後，在船對面選了這間泰國菜吃晚飯。雖然吃飯的人不少（看來很多都是黃埔居民），但坐位設計很好，不會令人覺得很迫。香葉肉碎生菜包大塊又新鮮爽口的生菜夾著香辣的肉碎燒烤拼盤 （豬肉、牛肉、雞肉）等了一會兒才有得吃的拼盤上枱時經已很香，肉粒燒得剛剛好外脆內嫩，最重要的是油份不多，最適合我家兩位食肉獸！燒海鰻串超厚身的鰻魚燒到金黃色！入口多汁，沒有再點其他調味料都已經很夠味。原隻波羅海鮮炒飯

閨蜜中左六合彩開心請我去食飯，哈哈我就最開心有人請食飯喇！歸密家住黃埔話有好介紹，那我就來黃埔吧！原來她所說的好介紹就是在時尚坊「泰妹」。甫進內感覺不錯，最重要坐位舒服以便談天說地。靚仔哥哥帶著禮貌笑容送上餐牌，還介紹了一個抵食套餐，不用苦惱選擇就聽他說吧！🥢泰式小食拼盤但凡食泰菜都必點的拼盤，蝦餅、魚餅、春卷、荷葉包雞必定是盤中物，通常炸物都是看師父控制火候水準，這裡幾款炸物都炸得不錯，鬆脆內軟不沾油👍，我比較喜歡食魚餅。🥢泰式炒雜菜泰式炒雜菜用了泰國魚露辣椒乾蒜同炒，香氣惹味！🥢海鮮冬陰公湯冬陰公湯同樣是必食的，這裡做得不錯，大大隻大蝦同青口，加上大蜆香料，喝一口感覺是酸辣中帶點椰香，十分開胃。🥢泰式蝦炒金邊粉師父好有心思用蛋漿煎成網蓋在金邊粉上添加美觀，讓客人食得開心😃，味道帶小酸開胃又飽肚。🍹青檸梳打餐廳選用的是咸青檸來調配梳打，味道清新解膩幫助消化。👍🥄雪糕餐廳提供了三款口味雪糕任君選擇，我選了椰子口味，閨蜜愛食榴槤，二款都是又香又滑，非常圓滿的一餐啊！多謝閨蜜喔！🤣

朋友去完台灣公幹返香港,約我出來比手信!佢話佢屋企附近有間好好味的泰菜,約我放工係個邊食!!餐廳位於黃埔,離地鐵站只有5分鐘的路程,非常方便!這裡空間幾大,顏色配搭得好有朝氣,枱和枱之間,唔會好迫,光線充足!坐得十分舒適!!餐牌好大,前後都圖文並茂,有小食,沙律,燒烤,湯類,海鮮,飯麵,菜,肉等選擇!除左可以單叫,仲有二人或四人餐,食物款式都一樣豐富!我們最後決定單叫,因為餐牌美食實在太吸引啦!<原隻菠蘿海鮮炒飯> 原隻菠蘿內放了蝦球,魷魚,提子乾和腰果等,十分足料!最吸精係放在菠蘿頂上的大大隻青口!食起來新鮮又爽口!!加上炒得粒粒分明的炒飯,好味到不得了!!<馬拉盞炒通菜> 通菜炒得火喉十足,夠哂鑊氣,口感爽脆,配上薑絲和辣椒,食起來辣辣地好開胃!<香葉肉碎生菜包> 肉碎剁得粒粒大小適中,唔會剁到變成肉醬般,肉碎滲入了微微辛辣味,拿起生菜,放入肉碎,捲好放進口裡,真的食得好滋味!!<冬蔭海鮮湯> 湯裡除左有菇,番茄,香茅和檸檬葉等,還藏了2件半隻大蝦!!肉質鮮嫩彈牙,好多肉好新鮮,雖然已經煲到出哂味,但仍然食到鮮甜的味道

今日朋友生日，朋友特別推介，所以選了這間泰國菜，真的沒有介紹錯，質素很好，而價錢也很公道。最初步入餐廳，很簡單的裝修，但視線突然被地板吸引了，頗為特色。坐下不久，侍應姐姐過來推介店舖的美食。香葉肉碎生菜包，味道辣辣地，非常冶味。泰式煎蠔仔餅，大大粒的蠔仔，煎得很香脆，而且有很多蛋，少麵粉。燒海鰻串，海鰻魚非常新鮮。還有椰汁芒果糯米飯，糯米飯很特別，一份是黑糯米，一份是椰汁糯米，配上時令的芒果及椰漿，就是今餐的完美句號。

近日減少左在旺區出入，朋友住黃埔花園，就介紹我去左泰妹食泰國野，本來港鐵站C出口最近，不過我A出口出左，原來過吾到去C，結果出左地面行過去。聽朋友話呢度啲海鮮好新鮮，今晚我哋叫咗一個蛋花黃咖喱炒肉蟹$288，隻蟹都幾大隻，鮮甜又多肉，個蛋花黃咖喱好好味，服務員話要加埋個層層疊蒜蓉包食，果然蒜蓉包配咖喱汁好正，又唔會浪費左啲蛋花黃咖喱。我哋另外仲叫咗個馬拉盞炒通菜，雖然叫咗小辣，但都比預期辣左少少(可能我平時唔食辣嘅關係)，但就好惹味。

之前喺觀塘食過泰妹之後一路都覺得佢性價比極高， 估唔到佢隔咗一年， 已經開多三間分店， 今次去黃埔aeon ， 都專登搵呢間分店嚟食，但黃埔食店有啲難搵， 要問人先去到 去到差唔多九點，但尚得幾台食客。一坐低侍應好好招呼， 望menu二人餐好吸引，價錢又抵 ，但因為冇我哋想食嘅生蝦同我啱啱飲完珍珠奶茶， 仲飽緊所以決定散叫。叫咗個細嘅冬陰功湯， 生蝦刺身，炸蝦餅 ，炒金邊粉， 泰式炒雜菜。生蝦刺身88蚊有八隻 ，味道同其他餐廳 分別不大 ，但勝在平多十幾廿蚊細冬陰功上場都係有火熱住，內有虎蝦，青口鮮魷,海鮮菇等, 分量夠4人分享。炸蝦餅件件金黃色 蝦肉夠膠夠黏, 配泰式雞醬，酸酸辣辣， 好味道。菜方面本身叫椰菜苗，點知售罄，改食炒雜菜， 有通菜，椰菜， 甘筍等， 大雜燴咩菜都有更加健康炒金邊粉， 金邊粉唔會太軟身，冇黐埋一住，酸甜不油膩到埋單時先發現有加一， 可能真係因為地理位置唔同， 不過都ok最緊要係味道保持到水準。

7月份是我開心之月，因為常常早收工。 早收工的其中一個好處是在外吃飯，不需要等位置爽！ 今天又到了早收工的日子，相約朋友到黃埔睇樓。 由於時間未到，就和友人先食點東西再出發吧⋯⋯ 香港的天氣真的有夠熱的， 友人說自己沒有什麼味口，要吃點酸和辣的東西才行🤪路過這家 🌸泰妹🌸 ，泰國菜就是又酸又辣吧！ 所以我們立即决定到這裡開餐我們進去時是晚上6點, 算是沒有太多客人，而且他們的地方很大，可分左右邊之分。 位置偏大，坐得舒服。 如果一家人來這裡食飯，環境確實不錯選擇心想説裝潢設計不錯，菜式價格應該偏貴吧？ 🤔看到餐牌， 價格太大眾化了吧！ 每個價目70-80 元多不等。 比九龍城小店的泰國菜式價差不多。 有驚喜先來一個泰國菜必食的 ❤️泰式生蝦刺身❤️一碟共有八隻， 肉質爽，尺寸算大的。 只覺得他們給的醬汁不夠多， 少了一點點風味🤪再來泰式燒烤吧！ 因為兩個女生不敢吃太多， 所以叫了🎈燒雞中翼🎈外邊一層類似香茅和香蒜互和的醃料，吃下去不油膩，而且香味十足。 今晚最愛的🎈炭燒豬頸肉🎈，份量超多，燒得過好，醃料醃得豬頸肉好入味！會讓人吃上癮🤗吃那麼多肉，什麼可能沒用菜呢。 來一個🎈蒜蓉抄芥蘭🎈份量

#中意嘅請分享請點讚🍻----------😋馬拉盞炒介蘭 $68😋泰式燒烤拼盤 $108有雞肉、豬肉、牛肉各2條，加埋個醬食幾香，不過牛肉串比較硬，雞肉串燒就比較嫩滑。😋香葉肉碎生菜包 $68炒肉碎唔會太乾身，夠香辣，包生菜或者送飯都得。😋泰式蝦炒金邊粉 $78金邊粉濕度決定好壞，今次炒得適中，唔會太濕/太乾，加埋青檸汁夠清新。----------🔎泰妹餐廳🚩紅磡黃埔天地時尚坊(第二期)地下6B號舖🚩天水圍天恩路12-18號置富嘉湖一期 (前嘉湖銀座)1樓144-145號舖🚩觀塘興業街4號The Wave 1樓101及103號舖

熱辣辣的夏天，行一陣街已一身汗，即刻同朋友去食個晏過下冷河先。黎左泰妹食，見佢午餐唔貴又幾多款揀，加上啲位幾濶落，好坐都好緊要㗎。午餐的餐飲冷熱同價，天氣咁熱梗係要冷飲啦，要左泰式凍奶茶同青檸疏打，奶茶是加煉奶的，甜甜地幾啱口味，青檸疏打夠冰涼又青新，正。海南雞拼泰式鹹肉飯（$68）因為唔知咩係泰式鹹肉，就叫呢款雙拼試試，賣相幾靚吖。雞件已去骨，好滑又唔肥膩，點埋醬汁食一流，個人最鍾意個泰式辣醬，酸酸辣辣好開胃。鹹肉有啲似香港嘅燒肉，但個皮無咁脆，半肥瘦帶鹹香，都幾好味噃。冬蔭海鮮湯金邊粉（$68）朋友叫左湯粉，個湯上黎個陣都幾香喎，海鮮就有青口，蝦，魷魚等，都幾足料。金邊粉吸飽湯好味，份量算大碗嘅。湯底酸酸地帶微辣，仲有濃濃的香草味，唔錯啦。午餐唔使加一，食物ok，份量足，淨係涼下冷氣飲杯野都抵啦。