泰廚房子 (已結業)

最近公司附近新開左一日泰式餐廳「泰廚房子」，作為屯門友，緊係率先嘗下鮮啦😂話哂質素高嘅話，以後又有一個飯腳點😎.中午有Set Menu，共有15款，有齊湯粉，炒河，咖哩，豬手飯，海南雞飯等.【香茅豬扒飯煎蛋飯 $65】豬扒用香茅醃得好入味，肉厚嫩滑且帶陣陣香茅味，值得一提嘅係，以蒜粒，黑椒等製成嘅自家製芡汁，豬肉蘸上醬汁，更有層次感呢🥰米飯亦配一個太陽蛋😎.每Set附送的一杯飲品，揀左凍泰式奶茶（吾洗額外加錢🥳），泰茶獨特的茶香加上煉奶，每啖都係濃郁而順口😍.【泰式海南雞定食 $72】一Set有油飯，湯，海南雞，甜品同飲品。先呷一口味道濃厚嘅老火冬瓜湯，跟住就係已去骨嘅海南雞啦😎雞肉極之嫩滑，啖啖都係肉呢👍蘸上泰式醬汁或薑蓉，兩層味道🥰油飯選用絲苗米，香中帶咬勁。最後，食埋個班蘭椰汁糕，甜度岩岩好，椰汁味更突出，畫上一個完美句號～餐飲選左熱泰式奶茶，相比起凍飲，奶茶味更濃厚😈.【手包春卷拼魚餅 $18。蒜蓉包 $20】以優惠價選購～春卷餡係素菜，有粉絲，紅蘿蔔絲等，而魚餅更驚喜😆口感彈牙，有大量嘅香茅粒，所以好香口！蒜蓉包好脆口，表面灑上藜麥～.【蛋糕 $29】套餐可升級優惠價加購一件

好開心🥳，打風放咗日假，喺屯門搵到呢間泰式餐廳，整體唔錯，裝修格局別緻，舒適，CP值高👍🏻❤️📌經典肉碎生菜包🥬🐷$68很出色的小食，肉碎爆炒惹味香口，配合生菜🥬，爽脆好吃📌泰式烤BB豬🐖$238BB豬肉嫩無比，相當多汁，肉質夠嫩，泰式烤法，調味濃郁，但係有檸檬葉的清香，相當好吃😋📌馬拉盞炒通菜🍲$68很喜歡馬拉盞的味道，香香辣辣，食泰式必點的菜式！📌龍眼冰🍹$32超級濃郁的龍眼冰，超多龍眼肉！100分！👍🏻👍🏻❤️‍🔥🤤

今日朋友帶咗我嚟呢度食飯，佢話覺得呢間唔錯，確實我喺度食飯都覺得呢度整體唔錯，食物質素都算唔錯，不過大部份都相對油膩，炒菜啲油多到好似油浸菜咁！其他食物都唔錯，味道可以，鍾意佢哋唔會太鹹，飲品都好濃郁。可惜最失望係一到最貴嘅菜，成200幾蚊， $238一客BB豬，剩係得四舊，仲要四舊都係肥膏，根本食唔到落肚，連埋+1係成$260幾蚊 ，真係唔知點解會整啲咁嘅肥膏出嚟賣俾人，根本食唔到落肚，好驚會塞住個心臟！不過但係佢嘅相真係超級好食的，好香濃，一種泰式香味。除咗呢個BB豬之外，其他確實味道唔錯，不過真係好油膩！我和朋友們都接受唔到！

最近，媽咪有晨運朋友推介一間新餐廳，位於屯門良景商場2樓的泰國菜館 <泰廚房子>，我們一家人都起碼有半年無嚟到這個商場食飯，加上，媽咪踏入70歲，她建議一個月出去食一次晚餐，好讓她不會太辛勞吧！原來來到先知，以前是薩利亞個舖位，同舖位隔離另有一間西餐廳 <茜廊餐廳>；有見及此！兩間照取籌！看看哪間較快？我們一家4口等3~4人中枱<泰廚房子> 等18張枱<茜廊餐廳> 等5張枱起初我們兵分兩路，兩人等一間，後來，眼見 <泰廚房子> 枱去得慢，還是轉軚等 <茜廊餐廳> 剩3張枱；當等剩1張枱的時候，我好奇走去隔離 <泰廚房子> 睇吓仲有幾多張枱，原來已經過咗2張枱！問媽咪意思想點？畢竟這是她的首選！我們即時轉食 <泰廚房子>，同時問女店員，如果過枱可否補番張枱？她回答可以，不過要讓我們過兩個籌後面兩枱的食客先入座！不經不覺，由取籌到被安排入座，我們等了半小時，等候的走廊位無冷氣都幾熱，卻又不敢行開！雖然，兩間餐廳是同一老闆，同時新開張，但是店內不打通！當我們走入去

剛行過良景商場，同時有剛行過良景商場，有兩間同集團的新食肆試業，一行四人便入了泰廚房子一試，可能真的試業，招呼真的不週，食物到了還未給我們碗筷，我們不經思考便叫了個四人餐，先來個泰式拼盤，味道都算唔錯，不過唔知點解叫的是四人餐，唯獨拼盤內雞棗只有三件；再來泰式魚肚𡙡，魚肚未浸淋和咸咗啲。不過個燒板煎蠔仔蛋及泰式燒雞，就值得推薦給大家，蠔仔份量算多，鐡板上熱辣辣味道好！而泰式燒雞肉好滑，加埋個醬汁一流，但個泰式黃咖哩炒虎蝦，隻虎蝦很大隻，但個咖哩汁甜咗啲，其他食物就一般水準！整體來講份量夠，四人個食實夠食。