泰廳 (已搬遷) 新店位置

重遊舊地梗係要試啲未食過😋😋 元朗廣場天橋一出 行多幾分鐘就到 所以我覺得喺朗屏站行過嚟係最舒服 因為中間有天橋同商場有瓦遮頭 唔會哂住😁 菠蘿沙冰 椰青椰青真係又大又鮮甜 而且啲肉都好容易整起 正😁😁本身想叫set lunch 不過見佢哋大menu既野食好似仲正🤣 無骨海南雞 碟雞底有幾件係有骨 不過唔緊要 都好滑 河粉夠曬彈牙 湯底唔會過鹹 😁豬頸肉炒飯 原先以為豬頸肉係一片片 但原來係一粒粒 鑊氣夠香 如果豬頸肉再畀多d就更好啦🤣呢個椒鹽鮮魷真係好香 上小小炸粉 再 加埋啲乾蔥炸蒜 炒埋一碟 正😋😋

去完泰國一段時間，好掛住泰國，所以我 又嚟食泰菜，之前試過呢間泰廳，覺得唔錯，又係有泰國師傅坐陣，所以今日又黎幫襯。叫左個咖哩軟殼蟹$189，有3隻軟殼蟹，每隻開兩邊，加埋有六件，share都唔錯。 個咖哩汁幾香甜，所以我哋另外再叫咗個蒜蓉包，用黎呢啲咖哩汁食， 唔好浪費。蒜蓉包$39有5大條， 呢個蒜蓉包非常好食，熱辣辣，外脆內軟，好大量蒜蓉同好香牛油香！ 要趁熱食， 凍咗我哋會用黎點咖哩汁都唔錯。另外叫多個菜，馬拉盞鹹魚炒椰菜苗$72，幾大碟。 椰菜苗好鮮嫩爽口，個味道調得好好！

中意食泰國嘢因為又平又好味， 呢間餐廳上菜上得好快，而且仲要係熱辣辣。無骨海南雞配冬陰公金邊粉，呢一間嘅冬陰公湯底食得過，絕對推又香又濃，而且d料都幾多。而個海南雞，我個人就覺得唔夠滑，我個朋友就覺得海南雞果醬好好味。今次係我第二次食呢個皮蛋蝦餅。我記得第一次食嘅時候覺得好好味架，不過唔係呢間度食。呢一間做得比較一般，有d皮蛋同蝦餅分離左，但個味道都OK嘅。西蘭菜炒鹹肉，不過呢一個真係好唔錯，好嘢味。而d 西蘭菜花不會硬賓賓，吵得夠林，岩岩好。香芒蟹肉炒飯，我係睇OpenRice佢推薦所以點的，我個人就覺得還好吧，可以將個quota留俾第啲食物。炒蜆，都算幾新鮮香葉包雞係我第一次食㗎，朋友點的佢話食過好好味。入面個雞好似類似烤定炸過黎嘅。

今日見到元朗有間新嘅泰國菜，係我中學附近，所以就決定試一試！好彩冇撞附近中學嘅放飯時間，如果唔係一定好多人喇！每次去泰國餐廳都一定會嗌嘅椰青$35超級大個，清甜解渴，夏天飲真係一流🤪🤪《泰式肉碎生菜包》$69我就覺得有少少唔夠辣，不過大大份，生菜都有差唔多成棵，抵！《泰式豬頸肉炒飯》$65朋友急不及待未等我相機食先就食咗，所以賣相有啲樣衰唔好意思～呢個又係大大碟，D啲飯炒得好乾身，豬頸肉亦非常入味《泰式生蝦刺身》$119呢個擺盤嘅方法好特別，擺到好似做實驗咁，每一個杯仔入面都已經有醬汁《青檸檬蜂蜜》$28唔知點解呢杯野既味道更加似鹹柑桔

對於住係市區嘅人黎講, 干時真係好少入元朗, 入到去已經山長水遠,緊係要揾啲坐得舒服嘅餐廳黎食下. 宜家6月天氣都已經咁熱, 我就提議不如食泰國野, 又有啲凍食嘅前菜小食又係冰冰涼涼嘅野飲, 岩哂宜家啲天氣!之後我地揀左間有卡位嘅泰國菜, 坐得舒服啲自然人都開心啲!一打開meau見到有泰式酸辣鳳爪就毫不猶豫選擇左, 酸酸辣辣, 諗到都開胃. 碟泰式酸辣鳳爪黎到嘅時候, 份量一啲都唔少, 除左啲酸辣鳳爪仲有啲洋蔥生菜仲伴菜. 中意食洋蔥嘅我當然唔會放過, 啲配菜夾埋酸辣鳳爪真係好好食!主菜方面我地叫左個香葉肉碎炒飯加太陽蛋同飛天咸肉炒椰菜苗一齊share, 開頭仲擔心淨係一個飯夠唔夠, 但點知碟飯黎到就知我地擔心係多餘, 因為碟飯係好大碟好足料, 唔想食咁多飯想食多啲送嘅朋友可以學我地咁樣叫, 唔會太飽之餘又可以試到多啲野!講返碟飯先, 個太陽蛋唔會太熟, 蛋黃仲有少少流心, 加埋落啲飯到食岩岩好, 啲炒飯炒到粒粒分明, 好有獲氣, 可以食到唔停口! 至於椰菜苗係我嘅最愛, 去平時冇咩機會食, 去到泰國餐廳就一定會叫. 飛天炒個個辣度岩岩好, 辣辣地好野味, 加埋咸肉炒更加多左份香氣,

今日打算去元朗睇日落 約咗朋友先喺元朗大馬路到食下午茶 經過呢間泰廳 入面好多人食緊 所以決定入去 座位似係一般茶餐廳格局 勝在冷氣夠 呢點喺炎炎夏日下 絕對加分叫咗個無骨海南雞湯金邊粉 加十蚊仲可以要冬陰功湯底 個麵份量超大 兩個人都夠食 金邊粉煮得軟硬適中 勁滑溜 索曬啲湯仲好惹味 個湯真係成個面嘅靈魂之處 酸味同辣拿捏得恰到好處 勁有泰國嘅風味 食完真係成個人都醒神晒 無骨海南雞煮得夠滑溜 而且雞皮仲好爽脆 一啲都唔油膩 真正食雞有雞味另外仲叫多個小食牛油蒜蓉雞翼 雞翼整得好乾身 有香口嘅感覺 蒜蓉香味十足 牛油香亦都好邪惡 咬落去啲雞汁爆出嚟 真係跑返十個圈都唔夠最後叫多杯龍眼冰 龍眼未好清香 真係透心涼 略嫌太甜 同埋冰太多 如果唔係就完美

平時阿媽煮飯好辛苦， 阿媽又特別中意泰國菜。呢到地方雖然唔太大， 食物款式多，價格好抵👍🏻細冬陰公海鮮湯（$89）起碼可以有4-5碗，份量好多，酸辣味道岩岩好，仲有好多草菇青木瓜大蝦沙律（$69）怕辣既人唔洗怕小小辣，我阿媽都覺得好清新，唔辣😋特色大頭蝦冬陰公炒飯（$89）濃濃冬陰公味泰式雜菜粉絲煲（$78）大大份， 好多粉絲， 粉絲已經吸引哂蝦米味，又多不同種類菜最後不得不提， 呢到店員好nice 🤗

少有地去元朗行街，雖然元朗多好嘢食不過啲出名嘅老字號多數都比較擠迫，坐得唔舒服，尤其天氣炎熱就會想搵間舒服啲，不過又唔想幫襯連鎖店。行完千色店見到對面有間食泰國菜嘅小店覺得都應該OK，就入咗去喇～佢有嘅食物同正常泰國菜差唔多，冇乜好特別，價錢唔算好貴天氣太熱，一去到乜嘢嘢食都未叫，即刻叫咗兩杯三色冰先椰汁三色冰 $28椰汁味唔會好重，所以唔會有啲甜到漏嘅感覺其實唔係好覺有三隻顏色嘅粉，淨係見到綠色同黃色。綠色咬落冇乜味，不過黃色就似係大樹菠蘿，整體上呢杯野不過不失.柚子鮮蝦沙律 $72份量唔係好大，不過鮮蝦都有三四隻。蝦唔係好大隻，不過彈牙爽口。柚子鮮甜唔酸，伴咗啲花生粒，佢個沙律醋汁唔辣，少少甜。用咗生菜墊底，視覺上美觀啲.皮蛋蝦餅 $72睇落好似fusion菜，但我又會諗係咪泰菜真係有咁既做法？完美地將蝦餅同皮蛋結合皮蛋好大粒不過如果大家唔係皮蛋控，就唔建議叫呢個，因為皮蛋味好重！蝦餅個層其實好薄，如果都係鍾意食蝦餅多d，會建議散叫蝦餅雖然蝦餅部分唔係主角，但都嚐到好出色，彈牙！.原個椰青海鮮焗飯 $99外形精美就咁睇最外層既飯好似有d乾，但食落口似飯焦。椰漿味好重，好creamy

望完其他人既食評，決定試一試，4個大人2個細路，冇訂位,去到唔洗等位，間野原來好細間，坐就真係麻麻地，枱算大張但係d碟都好大只，服務員其實算幾好，坐左陣望完餐牌點左d例牌野，生菜包，朱頸肉，炸虾餅，海南雞（半只），菠蘿炒飯，什菜煲，魚肚（更），上菜都算快，賣相還可以，正常份量，不過d野啖口d,最搞笑係無骨海南雞居然係有骨，對比返其他人寫果d食評就.....有小小失望，價錢就中價位啦，唔算貴但又唔係話好抵咁囉，所以見人見致啦

今曰放工來到元朗閒逛，這泰國菜是我在元朗吃泰菜的不然選擇。這小店位於元朗廣場斜對面，店門放有兩尊木製泰式木偶，幾有特色。餐點的選擇唔少，有小食、湯、沙律、海鮮、咖哩、小炒、蔬菜、炒/湯粉麵及甜品等，價錢方面也十分大眾化。小食約$59-$139， 咖哩$79， 小炒$99-$139等等。平日到來，都是食炒飯居多。今日就試試特色小菜作晩餐。咖哩炒大蜆$129這碟炒大蜆都幾大碟。大蜆大大隻，口感嫩滑，加上香滑咖哩汁，味道香甜，完全無沙。這咖喱香味十足，滿有椰奶風味，味道帶甜而不辣，十分滋味，送飯一流。配菜份量唔少，有紅椒、黃椒、洋蔥同蕃茄等。若果有薯仔，應該更好下飯。正！下次要試試咖哩炒雞肉。馬拉盞炒通菜$65這通菜炒得夠香，軟硬適中，鑊氣十足。通菜每一條都十分入味，入口爽嫩，既有馬拉盞風味十足，又有濃濃的蒜香，但又不會太咸，十分惹味可囗，又唔會好辣，好吃。泰式甜酸蝦球$79甜酸蝦球的炸衣很薄，蝦球大大粒，啖啖肉，爽！蝦肉爽彈又鮮味，加埋甜甜酸酸的醬汁，非常惹味，一點也不辣，十分開胃味美。西瓜沙冰$32這沙冰賣相不錯，滿有泰式風情。西瓜沙冰入口冰涼，有濃濃的西瓜味道和天然的西瓜甜味，沙沙冰感

好似好耐無食泰國菜啦心郁郁諗住搵間唔太多人 又好食既泰菜去食下去到元朗泊底架車 行2行 見到呢間好似都ok wo雖然佢鋪既外面同一般舊式泰國菜一樣有個(女人)木雕 一睇就知係泰國野又唔洗等位 就去試下啦熱屎辣辣 梗係嗌番杯野飲爽下先啦涼粉冰 椰汁冰真係全部冰都係椰冰 絕無虛假貨真價實 好抵飲嗌個蝦餅皮蛋皮蛋好香 煮得岩岩好 個皮蛋黃好香 糖心架!!咖喱軟腳蟹 + 蒜蓉包估唔到依家好多間都跟晒呢個方法厚切方包式咸肉炒椰菜苗冬蔭公 爐魚個冬蔭公湯 好濃味 正

今日入元朗揾朋友聚下，行過大馬路果頭見到呢間泰國野幾正，就決定入去食lunch！我地叫左個泰式蟹肉炒粉絲，炒粉絲配料幾豐富，有肉粒、蟹肉、洋蔥、青椒絲、紅蘿蔔絲，口感唔錯！粉絲仲一啲都唔油，食落幾好味。再叫多左個原個椰青海鮮焗飯，成個飯一上果下好amaze，好少見有成個椰青裝住啲飯。上面鋪滿左海鮮，最鐘意佢個大蝦，蝦肉新鮮彈牙！個飯係用忌廉汁炒同青豆、紅蘿蔔粒炒過，食落味道好好，又唔會好漏。佢有好多特色飲品，夏天熱辣辣飲返個原個棷青沙冰真係透心涼，沙冰係用椰青水加椰汁整，冇得彈！係元朗有間咁特別嘅泰國餐廳真係幾難得，下次再帶朋友嚟食埋其他泰國野先。

屋企人話想食泰國菜，為左就腳就係元朗食泰廳。都幾滿場今晚，好多人係到食嘢，仲有人慶祝生日添。龍眼冰，我最愛喔！！尋晚食泰國嘢都唔覺有。生蝦刺身，上菜方式都幾特別，好的酒！！原來配苦瓜食都幾清新。牛肉紅咖哩唔算太辣，份量都好多，配印度薄餅同飯食夠三個人食有多，超飽！冬陰公湯個人最愛，好濃身。而且有好多我鐘意嘅茹茹！！依份奶味都偏多小小，三個人份量啱啱好。上菜個時熱力十足，好新鮮的喔！好足料。西蘭花炒鮮魷同行嘅兩位男士唔鍾意食菜。所以我一個人清左半碟。好鮮甜同新鮮嘅菜係我至愛。芒果蟹肉炒飯翻炒得非常之香濃，有淡淡的芒果甜味中和下，所以唔覺唔覺食咗好多。不過蟹肉嘅份量就偏少左少少。呢個份量夠三個人食啱啱好架都。最後都食得幾飽好可惜冇食到個芒果糯米飯。作為芒果糯米飯嘅愛好者真係有少少遺憾。

位於元朗的泰廳，是一間小型的泰國菜餐廳。曾經帶吃貨妹妹品嚐過，是日便和男朋友來吃個午餐吧。蒜香包$39去泰國菜館，必需點蒜蓉包哦。疊成井字型的蒜香包，賣相不錯哦。每條麵包勻非常厚切，外層焦脆，包身鬆軟，雖沒令人驚艷的脆度，但也屬不錯。紅咖喱雞$75蒜蓉包要配什麼？當然是配咖喱吧。雞肉切成條狀，肉薄軟身，咖喱的份量不少，咖喱醬偏稀，不會太稠，油香咖喱味足，用麵包搭配更為美味。香芒黑白糯米飯$55最後點選一份甜品，價格不貴，但包括一個黑糯米和白糯米，黑糯米顆顆分明，質感較硬，白糯米黏糯感重，搭配椰漿，不錯的。

元朗真係好多野食！最鐘意食越南泰國菜既我今次就試下呢間泰廳。揀咗2款小食，分別係炸皮蛋蝦餅 ($75) 同燒豬頸肉 ($69)。蝦餅炸得好脆好彈牙，皮蛋唔係好痴得住塊蝦餅，要小心跌咗舊皮蛋但皮蛋勝在幾靚，唔會有苦澀味~ 而燒豬頸肉食落幾香口，點埋佢特製既汁食落係更上一層樓食泰國菜有椰菜苗我都會揀~ 因爲椰菜苗食落比較有口感馬拉盞鹹魚炒椰菜苗 ($69)味道少少咸香，幾香幾開胃。菠蘿海鮮炒飯 ($89) 原隻菠蘿上枱，賣相已經好吸引係肉鬆同腰果下面，仲有大蝦同好多魷魚，超級足料！炒飯亦炒得不錯，食落唔會乾，加埋有菠蘿粒係入面，食落幾鮮甜