泰廳 (已搬遷) 新店位置

每次到泰國餐廳就一定要點冬蔭公海鮮湯，今次就點左個細嘅冬蔭公海鮮湯，少辣。初初擔心太辣，估唔到好好飲，而且料好足，味真的少辣，忍唔住點個白飯撈埋冬蔭公一齊食。另外叫左個黃咖哩羊架，啲羊架唔羶，好軟身，好入口。仲叫埋蒜茸包一齊食，大大嚿，連埋啲黃咖哩一齊食，好正，一嚿接一嚿停唔到口。食咁多肉，一定要食菜，就叫了馬拉盞鹹魚炒椰菜苗，好authentic，好地道，好惹味！雖然價錢望落去好似貴，但D嘢食大大碟，又好食，啱哂friends and family gatherings 嚟食。

不得不承認泰菜近期係我既TOP1 食既密度己經超越日本菜今次呢間位於元朗 岩晒新界人LUNCH時段有LUNCH SET 而且一至日都有 抵食LUNCH MENU選擇都幾多 足足有幾版我揀豬扒撈檬 豬扒質素比我想像中高喎新鮮即整熱辣辣 特別中意佢半半煎炸既形式香口得黎感覺上比全炸又無咁熱氣至於撈檬既點一定係個汁 酸酸甜甜開胃到爆朋友仔就揀左個蠔仔肉湯飯真材實料蠔仔肉多到爆 湯底有足夠薑絲同胡椒入口辣辣地 凍冰冰個時食碗暖身一流跟餐仲有熱飲送之後叫2多個餸 第一樣:肉碎生菜包呢到肉碎比平時食開既香料更重 味道會再重D但配合好FRESH既生菜 一濃一啖好夾味而且要表揚佢一大籃生菜岩晒我黑洞胃哈哈至於個炒蜆 粒粒真大蜆好鮮味我揀左泰式辣味 比較岩我口味吾會太過辣但又香氣十足$129 有過十粒大蜆其實好抵食整體呢間CP值幾高 住元朗既朋友值得一戰

泰國菜師傅擅長舞弄香料以配搭不同的食材來突出食物的味道先點了咖喱炒花甲花甲肥美是十分足料的一道菜咖喱味濃郁辛辣程度只屬輕微怕吃辣的朋友也可以放心一嚐有咖哩汁怎能沒有印度油鬆餅呢鬆餅上掃了一層油脂令味道更為香口沾上咖喱汁食物才是最佳的食用方法泰式豬頸肉炒飯配料比較少整體味道偏淡少了一份泰國味若配料再豐富些相信整體質素會有所提昇泰式炒金邊粉是泰國的代表賣相正宗金邊粉用一層蛋網包圍著蝦肉亦爽口彈牙羅望子味酸酸甜甜的很是開胃元朗一直是泰國餐廳的重要戰地現在又發現一家有實力的大軍了

約左朋友去大棠睇紅葉，出發前就喺元朗填飽個肚先😝 search 到哩間食泰國野既幾近搭車附近就一於去試下🙆🏻入到食泰國菜既餐廳都會想飲番椰青😆 $32一個好大個 椰青水清甜新鮮 好飲！泰式炸蝦餅 $69蝦餅炸到金黃色好吸引！一咬啖啖肉爽口又香脆 仲要份量都幾多 推介！泰式炒金邊粉 $69超中意食泰式炒金邊粉呀！哩個幾特別 有一層蛋絲包住 撈埋花生食好地道😋青咖哩配雞 $69青咖哩唔算好辣 適合唔太食得辣既人 例如我自己😆雞肉嫩滑 撈d青咖哩去金邊粉係超好味。都有好多蔬菜配料 最中意食泰式茄子！我地都覺得哩間泰國菜餐廳好味同抵食，下次黎開元朗可以再黎食先。

元朗泰國野都幾多嫁，有日行街經過見到有間疑似新新地嘅泰國菜，就決定搵日試試佢，就係今日喇。餐廳都幾寬敞，我地兩人食都比左張四人枱我地，可以舒舒服服慢慢食。首先我叫左個炸蝦餅（$69/有8小件），其實好抵食，平時可能得4小件左右，而且香脆彈牙，必點啊！然後再叫左個泰式鳳爪（$69），你可以簡選辣度，我簡左小辣啦，朋友都覺得好辣，我就覺得還好啦。再少多個馬拉盞炒通菜（$55），都幾大碟，最後食唔哂啊。朋友再點左個泰式濕炒河（$63），你可以簡雞或豬或牛，好夠鍋氣，而且份量岩岩好，2個人食叫一碟粉或飯已經夠哂啦。當然啦，食泰國野要飲椰青（$32）同龍眼冰（$25），食到勁飽每人都係$150 左右。

今日老公要去元朗工作，作為跟得夫人嘅我當跟埋去，順便喺美食天堂元朗搵食喺附近泊好車後，熱愛東南亞美食嘅老公一見泰廳門口招牌便話要食進店後店員十分有禮貌安排較入和寬敞的位置，十分體貼。整晚晚餐也十分爆滿，可見受歡迎程度！難得有位十分lucky!店內充滿泰國風味裝潢，同播住該是泰國流行歌曲歌，好似去左泰國咁！Menu內選擇繁多有不同的泰式美食任君選擇！同老公點了細嘅小食拼盤。雖然係細嘅小食拼盤，但份量也不惹少！還有三款醬配搭（兩款不同的甜酸醬和沙嗲醬)。小食拼盤內有炸鯪魚餅，炸蝦餅，香葉包雞，泰式素春卷同雞肉串燒炸鯪魚餅和炸蝦餅炸得出色！而且魚肉和蝦肉十足！配搭甜酸醬一流香葉包雞亦十分入味泰式素春卷內含粉絲，而且十分香口！充滿驚喜！雞串燒亦十分入味，配搭沙嗲完美！生菜包可選擇辣度，我們選了少辣。豬頸肉生菜包頗為特別。也是平是生菜包的煮法，今次卻換為豬頸肉，而且生菜大少適中，十分爽甜，減少本身油膩豬頸肉之感覺。讚！另外點了馬拉盞炒芥蘭，辣味適中，芥蘭亦十分爽口！強烈推薦香葉肉碎炒飯！店員亦細心地問辣度，今次也是選了小辣。碎肉炒飯超有泰國回憶，內有菜粒，很有口感。而且炸蛋一流！食完好想飛返轉泰

泰色菜基本上個個都好好食，但要強調介紹下傳統的冬陰功湯，姐係酸辣蝦湯，好味呀！如果份量調唔好就會有苦味，大多數用過辣而蓋住苦味，但今日食到的冬陰功湯，好鮮味，酸同辣分配比例剛剛好，再加上新鮮大蝦，當堂加分吖！

泰式豬肉丸冬蔭功湯金邊粉- 冬蔭功湯不辣，開半的車厘茄為湯底增添了少許清甜味，看到香茅粒，但沒香茅味，亦沒檸檬葉及青檸味，帶一點椰奶味- 金邊粉的米味滲入湯中，令湯底略淡了、略稠了- 湯面有一顆蝦頭，蝦身只有殼沒有肉- 部分金邊粉黏在一起，吃到尾需下辣椒魚露增食慾- 豬肉丸是普通的款式，與泰式沾不上邊*辣椒魚露加入了青檸，口感稔熟，鹹香清新

第一次在開飯訂位⋯心諗咁方便？唔洗打電話📲？唔知真定假😂我們約了7:30！大約7:25已經到了門口！遠望已經見到要等位！心諗好彩我訂左位啫⋯⋯😅點知一去到，仍然係要拎飛？我問要等幾耐？我訂左位喎？⋯佢只答我們會盡快！好啦！等下啦⋯點知一等就等左45分鐘😱早講要等咁耐？我唔等啦！去食第二間😅其實我們第一次嚟試下⋯唔知好唔好食嫁？不過見食評幾好，所以嚟試一下👍🏻好彩⋯等左咁耐⋯果然冇令我們失望😂侍應服務好好👍🏻食物好好吃👍🏻價錢又合理👍🏻

元朗泰國菜越開越多，除左有老字號小茄子同埋薄荷葉，最近比較多地膽推薦既就係呢間泰廳啦。雖然裝修簡單，但係內裏賣既野食唔講得笑，穩打穩紮首推冬蔭功湯，食到鮮蝦、草菇同埋其他香料氣味，同出面食一味酸同鹹好唔同。其次係炒通菜同炒飯，一般黎講泰國菜好少講究鑊氣，但呢間出左調味到位，鑊氣同樣十足，唔知大廚係咪有d中菜底呢？接住係串燒拼盤同埋小食拼盤，每一款都用左唔同泰式香料包餡同埋有獨家泰式醬汁，而且火候處理得好，上到黎熱辣辣，正！最後就係佢條魚啦，間間泰菜都有既明爐烏頭，但係泰廳係不惜工本落重蔥、薑絲及其他香料去煮，每一口除左魚既鮮味，其他配料既味道都好豐富，值得推薦。食物：8/10環境：6/10服務：8/10價錢：9/10價錢方面比高分，因為同樣價錢係第二度埋單應該要貴多舊幾水，只能夠話呢間泰國菜做既野雖然唔係好小巧精緻，但一定係大件夾抵食！

泰廳泰好廳一到秋冬其實除左打邊爐，我都唔會放棄我鍾意食既泰國菜，冬天食個熱辣冬蔭功都正ga，今日山長水遠特登入元朗試食呢間泰廳，就係我元朗地膽朋友既極力介紹，最後我發現呢個平時伏我多過好介紹既朋友今次⋯⋯無介紹錯！即刻比返個食後報告大家。食泰國菜有三寶必食：冬蔭功、生菜包同埋糯米飯。我平時都對泰國菜有返d要求，尤其呢三樣。冬蔭功湯，泰廳既廚有返咁上下板斧，佢整個冬蔭功湯係要等的，而且一等就等10幾分鐘，點解？因為佢地話個師傅會落order先即刻煮比你，唔係就咁一煲不湯咁不出黎，我見個晚全場基本每檯客都叫，就知道唔少野。上到檯無呃人，椰汁啱啱倒落去，試一舊草菇係爽既，蝦肉唔會太老，真係即刻order即刻整。飲啖湯，一入口係酸酸辣辣之後香料味同埋蝦頭味就出啦，最後先係椰奶餘香，唔講得笑，個冬蔭功係有返咁上下水準。生菜包就快上既，望落去見到有香茅葉、蔥頭、香菜、蔥炒過，肉碎間有辣椒，生菜包其實肉碎唔應該咁乾身，所以見到佢肉碎面頭有d光澤都有d信心，食落去香料味夠既，唔會一味死辣，起碼分到唔同香料味，不錯。期間我地仲叫左生蝦同埋炒大蜆，我覺得生蝦黎講，煮就無分高低既，好睇隻蝦夠唔夠新鮮（姐係睇

前幾次黎泰廳係黎食晚餐既，係元朗見完客又未食晏就盲中中諗住食下d粉面醫下肚，諗住幫襯越棧ga啦但係行經泰廳就見到佢午市餐牌有冬蔭功湯麵，天寒地凍諗諗下可以食個暖胃d既冬蔭功湯，唔洗下下都食pho既。因為我真係好肚餓，一坐低就叫左個套餐，有一份雞同埋一碗大大碗既冬蔭功湯，好啦我諗落單個姐姐都睇得出我好餓，碟雞係我地平時去美心食雞飯份量既1.5倍，而且有少少沙律伴碟。味道方面其實同出面做海南雞專門店有得揮，雞肉唔鞋，唔洗調味已經好嫩好好味，咁我自己就會浸下d冬蔭功湯，有d酸酸辣辣既味食落去又幾得意。之後係個冬蔭功湯同麵啦，通常一間做粉麵既鋪頭，湯同麵好少兩樣野都做到水準，一係麵好，一係湯好，到宜家我都覺得越棧個檬粉太碎，咁泰廳個麵黎講，配合返佢放做冬蔭功做湯底，所以本身個麵係掛湯少少，每一口都有冬蔭功既酸辣味包住。就咁齋飲個湯呢？個湯係即叫即整，面頭其實你仲見到d椰奶浪下浪下，如果一煲到尾個d其實已經無椰汁香味，辣度亦因為將椰汁煮太耐而下降，呢碗野椰香同辣味兼備。最後我都係叫多個芒果冰沙，凍到打冷震都叫，因為佢地既芒果係唔受香港季節影響幾時黎食都咁甜，唔係落砂糖個隻甜，因為有落係飲得出會渴

元朗市更年越開越多泰國野，今次就黎到呢間小店-泰廳。一入到黎環境，柔和既燈光、簡單既木枱，放住泰國既歌曲，但坐位略嫌有小小擠迫，由於餐廳客人不多，服務不錯，上菜速度都唔錯👍🏾。我地今次就點左冬蔭公湯、蒜蓉包、咖喱軟殼蟹、馬拉盞炒通菜、碟豆花青檸梳打！冬蔭公湯 (細）$89一上枱已經嗅到好香既香料，入口略為有點辣，鐘意食辣既人一定會鐘意呢個湯蒜香包 $35 炸得夠香夠脆，又唔會太油，用黎配咖哩一流！讚👍🏾👍🏾👍🏾特色咖哩軟殼蟹 $189正！！！未上枱已經嗅到好香濃咖哩既香味，咖哩做得十分唔錯！軟殻蟹沾粉炸過，但唔會太多粉係上面，岩岩好適中馬拉盞炒通菜  $55通菜略為小小老，炒通菜有泰國出產既蒜片，香味十足，不錯👌🏾蝶豆花青檸梳打 $28呢間餐廳既特色飲品，照相放上網呃like一流，但飲起黎可惜無太大驚喜，蝶豆花味道嗅落好香，但飲起黎同正常青檸梳打一樣總結黎講十分有七分啦，不過不失，價錢都合理，地點方便，服務不錯👍🏾 支持小店用心經營！

這裡的桌子都好有趣，非常長（有點像外國長檯晚餐的感覺）和朋友似隔好遠要大聲說話~不過點多幾款菜都夠位置放！青咖哩雞好惹味，而且它不會(死鹹) 就算不配飯都可以照吃。我們則加上油鬆餅 口感鬆軟再沾上咖哩完全停不了口，可惜的是份量有點少要一人一份才足夠吃。炒飯正常，面上全是芒果和蟹肉。芒果帶來清新感覺，而且飯粒分明。但整體的味道比較淡~(建議吃咖哩前先吃這個）小食拼盤的賣相吸引，炸物香口脆身 咬下去啖啖是肉（肉控至愛啊）春卷裡面是素菜粉絲，可以平衡油膩感。拼盤可以沾上三款不同的醬汁各有風味。最喜歡當然是酸酸甜甜的辣醬，立即開胃起來！飲品方面點了椰青，清甜潤喉~每次都要挖空裡面的椰肉！（喝再多都不厭啊）

雖然成日去元朗，但係元朗覓食就真係好少，難得一次當然要食番個好西，結果就做住個巨型燈膽咁揀左泰廳。因為係平日，所以基本上都唔駛等位，我地叫左一個細既小食拼盤，泰式炒雜菜，冬蔭冬（大），咖哩蝦，柚子沙律同蒜蓉包。 大概10~15分鐘到，所有食物都陸續上齊，基本上每一碟上嚟嘅時候第一個感覺都係巨，因為真係非常之大份，特別係個小食拼盤，最初都同朋友喺度諗緊要個細好定大好，但為左可以點更多既野就決定叫個細既，可以後可能會嗌一啲再嗌其他嘢食呢我哋就住個細嘅 但我哋發現佢起碼出面既大份3分1，選擇亦好多，有香葉雞，蝦餅，魚餅，沙嗲雞＆牛同春卷，蝦餅非常彈牙，魚餅亦非常香，但我最鐘意係個沙嗲，調味剛剛好，肉質又唔老，最緊要係個汁超好食。冬蔭功湯亦非常唔錯，雖然我本身鐘意再酸d，但其實佢本身酸辣香味就平衡得好好，而且入面有好多蝦同菇，而蝦亦唔係蝦毛黎，最後個湯係我包底w不得不說既仲蒜蓉包，其實本身對佢無我特別期望，因為純粹係為左點汁，但上枱後發現佢又係好大堆頭，而且係即烘，唔駛食已經聞到好香既蒜蓉味，期望值大增，食落去唔會過咸，亦唔會話太薄點完汁後會林哂或者食到好狼狽，絕對係encore之作。