泰式風味

营业中

休息中

最近朋友仔推薦我一間泰國菜外賣店，咁啱整完指甲就去試一試佢，點知真係好正！如果你鍾意食泰國嘢，呢幾樣真係必食，唔試就走寶啦！👇 **生蝦刺身** 🦐 呢個生蝦真係無得輸！蝦肉超級新鮮，彈牙得嚟又爽口，配埋佢哋自家製嘅泰式辣醬，酸酸辣辣，仲有少少蒜香味，食落去真係好開胃！鍾意食生嘢嘅朋友一定要試，絕對係驚喜之作！**生菜包泰式豬頸肉** 🥬🐷 豬頸肉炒得香口得嚟又唔會太乾，啖啖肉汁，加埋泰式香料炒香，味道好濃郁。用生菜包住食，爽脆嘅生菜中和咗油膩感，食落去清新又惹味！食到停唔到口，真係好正！**泰式香辣炒飯** 🌶️🍚 呢個炒飯真係好有泰國風味！佢哋嘅香辣醬，辣得嚟唔會太嗆喉，反而帶出咗成個炒飯嘅香味。食到最後一啖都仲係咁好味！**泰式鳳爪** 🐔🌶️ 呢個鳳爪真係酸辣過癮！鳳爪醃得好入味，口感爽脆，酸辣汁調得啱啱好，食落去好醒胃。鍾意食酸辣嘢嘅朋友一定會愛上，真係好適合作為開胃小食！總結： 呢間泰國菜真係好高質，生蝦、生菜包豬頸肉、香辣炒飯同埋泰式鳳爪都係必食之選！無論係自己食定係同朋友一齊share，都絕對滿足到你嘅味蕾！下次經過一定要試吓，包你食完想再encore！😋👍#泰國美食 #t

夜晚宵夜首選 ！夜麻麻想食啲香口野，諗起食過好幾次嘅泰式風味！食過咁多間泰國嘢，呢間真係無得頂，一定要寫個好評比佢(⁎⁍̴̛ᴗ⁍̴̛⁎)佢哋好似係只做外賣冇堂食每次都係嗌外賣食雖然個門面有啲up突但味道真係好出色香葉炒飯世一，香口有鑊氣(≧∇≦)嗌咗三個炒飯，豬頸肉，泰式鳳爪，生蝦，肉碎生菜包飯。完全無中伏٩(˃̶͈̀௰˂̶͈́)و推薦香葉炒飯，生蝦同埋肉碎生菜包飯~\(≧▽≦)/~PS最好打電話落定單先~今日都等咗成個鐘先拎得{{(>_<)}}

返夜係food panda 見到呢間野就叫外賣食宵夜試下。叫左炒金邊粉，遲左啲食，粉質就正常嘅，但顏色就好假，假既橙色，唔講以為落去色素。食落無乜味，又無餸，好可憐咁得幾粒雪藏蝦仁，連料頭都唔多。最基本既花生碎都無俾，非常失望。外賣叫做有個8折都$70，完全唔值呢個價，人地出面都起碼有啲豆乾呀😪