泰歡迎 (已結業)

黃竹坑都算係香港其中一個經歷新舊交替既地區，舊工廠都拆掉變成新商廈，流動人口由年長變為年輕，令到呢個社區慢慢興旺起黎💃🏻🕺🏻.今日lunch就去左地鐵站隔離個熟食市場，可能因為係星期六又過左食晏時間，所以都幾冷清，十幾間熟食檔之中揀左呢間泰國野🇹🇭.因為尋日起深水埗食左個好難食既海南雞飯，所以我一坐底就決定今日要食返個解解恨😤.佢既油飯香得黎無油膩感，雞肉同雞皮都好香滑，唔會太肥，配埋個開胃醬汁都幾完美🤤🤤相信佢既其他菜式都有水準，期待下次再試🎉

已經隔咗成5個月好耐冇嚟食，今次咁啱又要入黃竹坑工作，順便來到市政大樓熟食市場吃過午餐快便飯。 今次來到見到好似有少少裝修過，之前冇電視冇喇叭冇鐘，而且也轉了新餐牌，乾淨企理好多。新餐牌加多好多頭盤小食海南雞飯，雞件多咗及厚肉咗，不過油飯唔熱得少少暖。泰式鮮蝦炒金邊粉，轉咗隻新款碟裝食物，加上份量十分大份咗，一個人吃有點吃不消，不過也炒得幾好味及抵食。跟餐飲品選了珍多冰，椰奶味比之前飲淡好多。第一次叫春卷，味道可以，但可惜不是泰國風味。

如果講好味，大把泰菜好味。如果講抵食，大把泰菜抵食。個日食完一肚氣，食到入醫院。樓面個阿姐黑口黑面，點叫歡迎呀。學劉徳華講今時今日甘既服務態度而且香港人整既，唔係正宗。食香港仔後街正好多。建議想食既人，唔好去食。

泰歡迎喺南朗山道街市入面，佢既坐位唔算多，環境亦普通，但佢既食物超高質，亦都有好多唔同款。我今次試左雙餸飯，通常一聽到雙餸飯，都會令人聯想到canteen既頽飲，咁諗就錯啦，因為呢度既雙餸飯又抵又好味，我今次揀左鹵水豬手同牛筋腩，啲肉既份量係超多，而且亦都好諗好好食。飯仲可以揀油飯，至於醬汁就揀左青咖哩汁。48蚊仲跟埋野飲，我揀左珍多冰，真係超值！

係南朗山道熟食中心既呢間泰歡迎，午餐時段一直都算叫多人（可能附近冇咩國食）。話說中午和同事去到食個lunch，點知同事點既食物遲遲未冇送上，經三四次催單後先黎到，懷疑係漏左單，所以搞到我地食左個好長既lunch 。其實漏單事件之前亦都出現過係呢間餐廳身上，可能午市真係太忙，人手不足以出應付啦。

今日又要到黃竹坑總公司開會，每次上來也是一開就差不多5個鐘。 既然明知一陣冇得停，就先來吃過滿足午餐為自己沖一沖電。 之前來＂泰歡迎＂吃過幾次，但相隔半年再來，好像已有所不同。 枱數目少咗，有部份員工轉咗，最緊要就係味道也差咗。 三色冰椰汁味香濃，甜度ok不算太甜，但今次的綠色粉條太長，沒有切成小段。 一啖吸入口後後仍有長長吊在飲管內。泰式海南雞飯，油飯賣完，只得白飯。 但一放上枱已發覺有點不太一樣，雞肉煮至過熟又冇味，皮層下只得原塊脂肪。

返工經常會係黃竹坑揾食, 去過一次依間泰歡迎問味唔錯, 今日特登帶埋同事一齊食lunch.餐廳位於南朗山道一個舊式街市, 由於完全無冷氣所以夏天食會比較熱, 依幾日秋涼就最岩去食.午飯繁忙時間顧客很多, 就算只有2人都要等位, 等大約20分鐘就坐底叫餐. 我和同事一樣叫了泰式豬頸肉炒飯, 但等餐的時間很耐, 對面有兩位女仕遲過我們入座, 但她們點的湯麵卻比我們先上, 還要等到女仕們差不多食完, 我點的炒飯才姍姍來遲. 可惜等了這麼久的炒飯令我非常失望. 炒飯份量偏少, 又太油膩, 豬頸肉味道欠奉, 配菜的芥蘭更是有怪味吃不下口, 大失所望

去完南朗山睇日落，行到攰近近去去熟食市場食泰菜，點知有意外驚喜先黎個開胃既柚子沙律，酸酸甜甜，好開胃，好fresh, 有少少辣，不過辣得黎好好味嘩，個農夫包份量非常足，面包香脆，咖喱食得出加左唔同既香料整成，非常香又唔會死辣，面包點完咖啡食到停唔到口再黎一個海鮮咖哩，賣相一般，不過用料好足，有青口，魷魚，蝦，另外叫左個薄餅黎點，都好好食炸魷魚一般般，食落有啲油膩膩既感覺，魷魚都炸得有啲過老了推介! 生蝦大大隻，爽口彈牙，蝦頭都炸完比返我哋，個蝦頭仲食到蝦膏架超鐘意食魚既我緊係唔少得叫返個魚啦條魚好滑又無咩骨，個湯超正，煮埋啲配菜食，金菇索晒啲汁，一邊叫好辣一邊食到好滋味總結： 食物質素非常好，可惜無冷氣，但價錢反映返，非常抵食!

喺黃竹坑工作，其實午餐真係冇乜嘢好食，呢間係南朗山熟食市場1樓嘅泰國嘢，老老實實lunch time冇乜特別，不過不實五十零蚊嘅lunch Lao! 但係佢嘅晚餐，就不得了喇！好食，好有水準嘅泰式餐廳！唔係影咗好多相，因為掛住係咁食！哈哈哈！佢嘅泰式生蝦！好好食呀我哋叫咗兩客！唯一記得影相嘅係：咖喱蟹！啲麵包吹卜卜，點咖喱一流！蟹都好食！鮮甜，啖啖肉！個咖喱汁真係好唔錯，我哋叫多咗一客包黎點埋啲汁食！！晚餐來講係好抵！但係冇冷氣嘅！如果夏天去食會好辛苦💦

對於九龍人黎講難得去到香港仔咁遠，地頭蟲話一定要帶我去食好野，原來係街市度食。已經係九點鐘既晚市，但人流異常的比街上多，來到店鋪，伙計已經話要等最少半小時先出到餸菜， 那令大家都有預算。那就快快點菜先鐵板蠔仔煎放底時十分很震撼，因為好大碟，而且是滿滿的蠔仔並不是只有蛋，蠔仔很飽滿蛋很滑，食落十分滿足，最後係未能完全KO泰式炒金邊粉(兩件豬扒，兩隻雞翼)很奇怪有餸跟無餸的是同價，作為一個雞翼怪就一定點這款。炒得乾身的金邊粉，雖則跟我平時食開甜甜的不一樣，但這樣爽口的卻一試難忘，一點油膩感也沒有，雞翼豬扒也嫩囗，並沒有overcook熱熱天氣怎能沒有冷品龍眼冰清熱解渴，青檸梳打十分清新很滿意的一晚，一定會再來

This is a food stall inside the cooked foods market and one of the busiest stores. The chicken plate I ordered was tasty and arrived quickly. The portion is large enough for a hungry man and the price is reasonable. There are tons of other items on the menu I’d like to try next!

今日返工係黃竹坑，聽聞舊邨拆了後淨得南朗熟食街市係到⋯⋯都有十幾年無黎啦一於去試下先依家因有黃竹坑站所以行去方便好多，街市有兩層分別係地下同一樓，二樓係天台公園。食飽可以上去行下坐下，今日想食泰國野所以上了一樓(泰歡迎)不用等，餐牌都好多野選擇。我和同事選了豬頸肉炒飯同牛肉湯河餐配冬陰公湯底。牛肉湯河好快送到，湯底好香，料又多，配河粉入曬味，所以我湯底都飲曬同事話個即炒豬頸肉炒飯好香又大碟好好味。所以會再黎試其他野的

這天晚上約了朋友放工吃飯，但她遲放工，所以便來到她在黃竹坑的公司附近吃飯。平日晚上的黃竹坑其實也不太多餐廳選擇，比較多的便要來到南朗山道的熟食中心，這裡大多是泰國菜或茶餐廳，我們隨便選了這家《泰歡迎》坐下了～<芒果炒肥牛配辣椒膏炒飯>雖然炒飯裡的蝦膏可見不多，但仍能滲透出陣陣的辣味，一乾一濕，肥牛除了芒果也加入了些雜果、椒類和洋蔥，甜味和辣味配合得宜～<豬肉碎生菜包>生菜挺新鮮，顏色青綠，不會放得老了，吃落也乾淨。肉碎炒洋蔥及多種辣椒，辣得惹味，份量剛好，充足填滿所有生菜而且每份生菜包都不會很少肉碎～

黎開黃竹坑上堂.....見未夠鐘走去搵嘢食.....點知係黃竹坑發現有一個南朗山道熟食市場....裏面有好多泰式嘅小炒....不過天氣真係好熱....熱到出晒汁....但係附近又冇有冷氣嘅餐廳....所以唯有喺呢度食啦卒之揀咗呢間泰歡迎.....因為見佢最多人佢哋另外仲有一邊....地方雖然大....不過整個熟食市場就有啲熱啦我叫左呢個泰式海鮮炒飯真係熱辣辣而且唔會太油膩裏面仲有鮮蝦...青口...魷魚等等我再叫多個馬拉盞通菜....見到裏面有木耳都幾得意都幾好味再叫多一串燒墨魚丸味道有啲乾爭爭好在有啲泰式甜醬點下.... 不過味道都一般般

泰無驚喜黃竹坑熟食市場d泰國菜餐廳越開越多，不時也會光顧地下層個間泰椰子，不知何解最近1、2個月都無做夜市，定或已經倒閉？於是是晚往上一層試這間新泰菜（印象呢間係呢度第五間開的泰菜餐廳），叫「泰歡迎」，結果中伏.......炒飯、炒金邊粉，質素似普通中式大排檔似，可能還差，泰菜非這樣的，或者5間中最差，等候食物時間太耐，不會有第2次呢⋯⋯PS. 進食期間發現呢間店的員工好似幾年前係同層開的「廣勝飯店」班底....