泰潮

营业中

休息中

今日去葵芳行街，順便嘆下午茶，系新都會地下行左一圈，覺得哩個下午茶比較適合，咪坐低嘍環境(4分)— 系商場內新新淨淨，光光猛猛，尤其是下午茶無乜人幾舒服。服務(4分)— 可能下最低一層，手機接收比較差掃描吾到二維碼，waitress都好樂意幫忙。— 問佢有無最低小費，因為想兩個人一個餐加小食，佢又好開心話無問題 衛生(3分)— 正常抵食(3分)—系商場行了一圈，價錢比較適中。—碗粉同配料分量都算大。味道(2分)船粉(豬頸肉，豬肉丸，肉碎)$58， 4分— 豬頸肉彈口得來幾”林”— 豬肉丸系彈口但味道普通— 肉碎反而幾滑— 金邊粉幾q— 湯低系甜得來幾舒服。香葉包雞(餐+15) 1分— 當然吾系泰國燒出來啦，但炸得太厲害啦，又黑又燶，雞又乾又鞋泰國奶茶(1分)— 茶吾香—太多奶

到了新都會商場，見到此餐廳不用排隊直接入去，明明是兩位，女職員經過嘅時候，收咗一個位。叫了海南雞拼豬手飯。年青女侍應跟我說海南雞豬脾飯，我以為是送錯，原來不是。也叫了煎魚餅非常難食及只有3 塊。匙羹污糟，食物漬。男職員反而很有禮。那個飯份量很少，只有很少海南雞同很細隻的豬手。比預期中的失望。看食評後，才知這是米芝蓮。沒有下次光顧的意欲

米芝蓮米芝蓮？！係咪差到咁也可以拎到！？今日到葵芳泰潮食lunch，叫咗套餐，加$13時蔬，來到之後，菜得幾條！真係唔抵食！野食送到，份量少，真係唔夠食。服務員倒瀉醬汁，問佢拎多碟，好似問佢拎錢咁，之後仲冇俾番我，好離譜！成日話禮貌運動，D人留港消費，咁態度、咁質素、咁嘅嘢食，唔趕客都已經係奇蹟！深水埗店冇埋，真係有佢原因！泰國嘢好多選擇，大家要小心選擇！唔好被米芝蓮的評級影響食嘢嘅心情，令自己冇食慾。

今日同屋企人嚟 以為同疫情時一樣好食啦 但點知變得難食之餘 服務仲差到失望😇係下午茶時段嘅男店員語氣串到好似我欠佢錢一樣 不僅如此還對同行嘅侍應語氣好惡死 沖嘅飲品又難飲 態度仲咁差

泰潮，位於葵芳興芳路223號新都會廣場1樓167號舖。 餐廳主打泰國料理， 最出名就是泰式海南雞，我點了冬陰功海鮮湯$92、泰式船麵$72、海南雞(例牌) $98、扎肉沙律$42、泰式奶茶$28、 泰式珍多冰$28。 🔸冬陰功海鮮湯 ～ 酸酸辣辣好開胃，辣道剛好， 湯料有豬肉丸、鮮蝦、蕃茄和菇類，鮮香美味。 🔸泰式船麵 ～ 可以自選配料的船麵， 我揀了牛筋腩和豬頸肉， 湯底非常濃厚。 🔸海南雞(例牌) ～ 海南雞的肉質嫩口彈牙， 每次食泰潮都會點這道菜 。 🔸扎肉沙律 ～ 扎肉份量多， 口感爽彈，加上蔥和洋蔥，味道唔錯。 🔸泰式奶茶 ～ 香味和甜度都唔夠， 味道偏淡。 🔸泰式珍多冰 ～ 椰汁味夠濃，幾好飲。 整體味道幾好， 價錢屬於中價。 🏷️溫馨提示～ 整個用餐體驗均屬個人分享意見， 只作參考😊。

味道唔得 服務唔得 態度唔得 環境唔得 太逼飯太爛 雞太少 油飯冇味 青檸梳打14蚊一塊仔青檸冷氣唔夠 麵難食Qr code落單 冇服務 態度差 重要收+1 Open rice重要200字先比得負評

約了朋友在葵芳行街，朋友不喜歡「掃街」，在新都會找個坐得舒服一點的地方吃午餐。閒日的中午，餐廳比較多吃午飯的上班族，不過人少就比較容易等到位。餐廳是半開放式的裝修，QR code落單很方便。我選了「海南雞配牛骨湯河」，朋友要了碗「泰式船麵」，海南雞的質地不錯，雞皮沒有多餘脂肪，肉質亦算嫩滑，牛骨湯清徹而味道香濃；朋友的船麵配有香炸的泰式豬皮，香脆惹味，船麵的湯底更濃，但他認為味道偏鹹。大型商場的租金本身不便宜，午餐連飲品才五十多元，難怪這麼多上班族過來吃午餐。

曾經係米之蓮? 香葉肉碎生菜包: 只屬正常水準. 炸香茅雞中翼: 很普通. 泰式熱奶茶: 更普通. 更可說是麻麻地.如果, 唔係店內處處打著曾經係"米之蓮", 我係唔會失望的.只能說係外賣兩餸飯三餸飯既水準. 但價錢唔係.場內有蒼蠅, 各樣都水準都普通至麻麻(唔只食物,包括服務與衛生), 唔會再來.

星期六午飯時間，新都會周圍餐廳都排哂隊，淨係得依間一個人都冇，我個仔又瞓緊，諗住揀間靜靜地嘅餐廳，冇諗太多，就入左去。我最鐘意食泰式肉碎炒飯，去親泰國嘢都係食佢，點知依間個泰式肉碎炒飯好特別！特別難食呀！完全唔係嗰回事！痴線架！我自問煮野已經夠難食，但都肯定煮得好食過佢！個waitress 淨係喪傾偈，餐廳冇客都唔會過嚟同我落單，攪到我要放低個仔出去落單，態度仲衰衰貢咁！其實係唔係好唔想返工啫？而家終於明點解繁忙時間佢一個客都冇！原來係咁！忍唔住要log in 返openrice嚟寫食評！一開食間野嚟睇，原來個個食評都不相伯仲，難食…..態度差……佢免費請我都唔會再入嚟，寧願出去等位。

openrice潛水咁多年第一次想寫評論難食到吞唔到一上碗河粉已經聞到消毒水味我仲以為係我坐嘅位置太近下欄移開碗河粉就冇曬味好想知究竟d人係點食得落肚勉強食佐一啖已經起身走人

食個下午茶，見啦洗排隊就入去食，個經理態度都相當惡劣，我都叫有禮貌唔該前唔該後，但佢嘅態度明顯係唔耐煩。想要杯水都不友好態度，隔離枱落order唔清晰就話你都要簡完先得架，個態度明顯係無事有事都唔好叫我。食物出餐時間都頗長，食物品質亦同一般餐廳無分別，甚至其他比佢更好食，品質完全對唔住米芝蓮三個字，只可以用垃圾形容

11點係新都會已經想食lunch, 俾店前嘅米之蓮吸引左, 見店內唔多人就入左去試.坐卡位,空間幾闊,而且個cushion幾舒服.叫左兩個套餐,埋單連加一 $162.5前菜有泰式木瓜絲沙律,爽口而味道偏向大辣,適合喜愛食辣人士泰式蛋包金邊粉網格狀蛋膜視覺上已經吸引.食落都係經典泰式炒金邊粉味道,味覺上冇咩特別驚喜.冬蔭功湯金邊粉(雞絲&豬頸肉)冬蔭功湯酸辣味適中,唔會過濃.賣相麻麻地,雞絲同豬頸肉都係整熟就撈落去嘅感覺泰式奶茶 & 泰式檸檬茶兩個茶底都飲得出泰式嘅味道,差別只係加奶定加檸檬.

行葵涌廣場行到熱熱地，又唔想企喺到食，都係去新都會搵個位食下飯，涼下冷氣先😙今日想食清啲，叫了一碗兩餸湯粉，午餐包一杯飲品及小食。我選了鴨肉及肉丸金邊湯粉，清湯底。有幾件鴨肉，好有鴨味，贊；肉丸有肉汁，唔錯；金邊粉滑身，如果份量大小小就好喇😅小食來了一個細份的清湯生菜，菜脆口鮮甜，份量適中。泰式凍檸茶茶味濃，解喝👍🏻店內環境舒適，有足夠的店員幫忙。以食物質數及份量來衡量，價錢略為貴了一點。

因為首選的餐廳無位，於是改去呢度。原因是佢開早上11:00，不是因為它有米🐷蓮個朵。我哋四人，各點自己❤️的午市套套。每份午餐包一個小食及飲品，八十多元。不算平但收費正常。我哋叫了兩個🍚及兩個🍜。我吃了青咖喱雜菜飯。份量不少，味道正常，沒有任何驚喜。但這頓餐飯令我感到有點壓力，因為前後服務員由上菜收碟，分別都係兩位阿姐。但她們語氣不太客氣，我問少少野，佢哋都好不想應我（仲有點黑面）。總之，幫襯一次夠了。

今次因為一朝早就去左shopping，買到成手野去唔到葵廣掃小食，機會就去左新都會廣場有大大個米芝蓮車胎人係餐廳門口嘅泰潮坐低抖抖啦。今次我地就分別叫左3碗湯粉🍜假日湯粉每碗盛惠$68，包凍/熱飲品一杯及泰式木瓜沙律，以今時今日嘅物價嚟講，唔算好平都叫係正常價啦。🍜滷大腸扎肉泰式船粉第一個船粉揀左河粉，河粉係捲埋咗一片片既河粉卷，食落比較硬身。滷大腸比較肥，扎肉就ok 啦，重點係湯頭味道幾濃厚，濃味中帶點甜味係幾泰式既。🍜手打豬肉丸鴨絲泰式船粉手打豬肉丸理所當然地係打唔到乒乓波啦，肉丸既味道同鴨絲都不過不失既，靠個湯救左成碗粉。🍜豬頸肉鴨絲唐人街粿汁粉絲豬頸肉一如既往爽口，鴨絲都係不過不失啦。特別啲嘅係湯底，呢個湯底揀咗唐人街粿汁，有啲胡椒既香辛味，加埋少少煮過既炸蒜，都算唔錯。總括嚟講，試過未必會覺得佢係一間米芝蓮餐廳，但撇除人氣同埋名氣呢啲世俗嘢，以葵芳呢個地區既泰式餐廳嚟講，用呢個價錢而又有味道都算唔錯架啦，小編就會重點推介佢個湯底，淨係以湯底計佢嘅味道都冇得輸。 😂