泰爸爸

营业中

休息中

泰爸爸奧海城3期地下有一間泰國菜餐廳，佢哋雖然餐廳入面好細，但可以坐戶外，天氣涼涼地坐戶外唔怕熱，坐得都幾舒服！1.泰式燒豬頸肉飯（有汁）$62+龍眼冰$10（8.5/10）燒過嘅豬頸肉個邊有少少脆，有7片豬頸肉，加埋佢哋嘅秘製汁令豬頸肉唔會好乾，飯就濕咗少少，應該落多咗少少水，下次煮飯唔好落咁多水就得！龍眼冰唔會好甜，有13粒龍眼肉！2.冬陰功海鮮湯飯$60+ 泰式凍咖啡$10（9/10）呢兜冬陰功海鮮湯入面材料勁多，有2隻青口、2舊蝦仁、4舊魷魚、3個蘑菇、3條秀珍菇、1舊蕃茄仔，冬陰功嘅辣撈飯食一流！泰式凍咖啡好滑帶少少苦，唔錯！3.秘製酸辣鳳爪$58（9.5/10）呢碟酸辣鳳爪夠哂辣，一碟大約有10舊鳳爪，酸酸辣辣好正！4.泰式拼盤$138（9.5/10）一碟泰式拼盤有齊2件炸蝦餅、2件炸魚餅、2條春卷同2串串燒雞，炸物炸得好脆，入面熱辣辣，雞肉串肉質嫩滑，佢哋仲配埋泰式辣醬同沙爹醬！2人總共價錢$372，有加一服務費！個人口味總評分：9.125/10地址：大角咀海泓道1號奧海城3期地下G26號舖Please follow me🙆‍♂️ @wheelchaireatinhongk

今日黎左奧海城附近既泰爸爸同屋企人食生日飯，大概7點幾都有食客食緊，我地坐左戶外位置，由於天氣都幾涼下，坐戶外都幾舒服。(戶外座位)▪︎泰式拼盤▪︎$138泰式拼盤入面有炸蝦餅 、泰式魚餅、春卷同埋雞串。蝦餅同魚餅味道👍，雞串點返佢個沙爹醬都唔錯，炸物黎講唔算漏，唔會油淋淋，2個人仲清曬成碟😂▪︎鹹魚少芥蘭▪︎$78炒菜正常發揮，菜唔會太淋或太硬，比較爽身，係我鍾意食既質感，鹹魚茸同芥蘭真係幾夾味。▪︎鮮蝦炒金邊粉▪︎$88金邊粉入面有鮮蝦，韭菜、芽菜、乾豆腐粒，味道適中無出面咁濃，重口味既朋友可能要落佢配既青檸汁提升下個味，不過我就覺得本身個味唔係太咸都夠味，同比較健康，再黎都會叫返金邊粉。（金邊粉close up）▪︎泰式青咖喱雞▪︎$88一向都好鍾意食青咖哩，呢個青咖哩入面有四季豆、茄子，雞都有唔少，啖啖肉，同埋呢個青咖哩有少少辣，幾惹味，特登嗌埋個薄餅黎點佢個咖喱汁。▪︎泰式薄餅▪︎$38▪︎泰象啤酒▪︎$28 for 1食泰菜要飲下啤酒🤣▪︎藍妹啤酒▪︎$48生啤好好飲，好滑好順口。整體黎講，又係會返轉頭既餐廳，服務良好，叫青咖哩既時候店員有講返係辣既提示一啲可能唔食得辣既人，而且野食味道適中唔會話去

大角咀有不同國家菜式的食店, 而今晚選擇了價錢較為經濟"泰爸爸"泰菜, 店舖有室內&室外座位. 我們見天氣涼涼地, 所以選擇了室外.冬蔭功蝦湯(小) $88冬蔭功材料豐富, 味道非常似番茄湯, 但飲到最尾又帶有冬蔭功應該有的辣味, 味道有驚喜. 碎肉生菜包 $88新鮮生菜, 肉碎味道較淡, 一般.泰式鹵水豬手 $98鹵水味道一般, 多芡汁, 豬手肉質不是炆得太淋.鹹魚炒芥蘭 $78芥蘭新鮮爽口, 味道正常發揮.服務員態度友善, 亦很勤奮, 有所需求更立即處理.

食泰國菜通常都會想起九龍城，但今日朋友帶我去奧海城，試吓這間朋友推介嘅泰國餐廳。餐廳入口在商埸外面，店內有不同嘅泰國元素，還掛有泰式風格啲畫，有置身泰國的感覺。餐廳除了室內，還設有戶外露天座位，可供客人選擇。😋是日選擇：1️⃣沙嗲串燒豬肉(3串)、雞肉(3串) 🍽串燒剛剛燒起，熱辣辣香噴噴，豬肉及雞肉夠入味，唔會乾身。配上香濃沙爹醬，令串燒好惹味！ 2️⃣泰式燒鮮魷 🍽原條鮮魷，鮮魷新鮮、彈牙，配上泰式醬，既辣又香，食落更鮮甜美味。 3️⃣泰式乾炒豬肉河粉 🍽河粉炒得好有鑊氣，豬肉份量多及大塊，簡單的食材，已色香味十足。

天氣慢慢涼快起來，晚上伴著微風和朋友在泰爸爸一起，坐在室外，點一個泰式拼盤，再一人配一杯啤酒，聊一聊天，實在是勞累一天後很好的放鬆時間。最喜歡的是這家的各種串燒，泰式風味十足。約上好友下班後來聚會吧！

今日同母親大人去咗一間食泰國菜既餐廳撐枱腳，專登帶母親大人食佢最鍾意食既芒果糯米糍飯，當然我都鐘意食泰國菜啦。一坐低即刻點個椰青chill 下先。原個鮮椰青：用上紫色小花作點綴，椰青夠晒大，椰子汁清甜解渴，好正。鮮菠蘿海鮮炒飯：用上真菠蘿製成既菠蘿碗，外形巳經夠吸引，上面鋪滿肉鬆加上適量腰果，菠蘿新鮮，味道酸酸甜甜，胃口即時大開，海鮮仲有魷魚、青口、鮮蝦添。芒果糯米飯：糯米飯用上兩種糯米而成，軟硬適中；切粒芒果鮮甜容易食，啱晒母親大人既口味。🔎泰爸爸 (大角咀)📍大角咀海泓道1號奧海城3期地下G26號舖

雖然餐廳位於奧海城, 但找起來原來都有難度 😅 它是位於距離奧海站最遠的第三期, 而且還在第三期的外圍, 倒是有點隱蔽。餐廳有室內和室外露天座位, 聽說是pet friendly, 帶毛孩可以坐在露天位置 😉泰式拼盤 $138分別有雞肉串燒, 炸蝦餅, 春卷和魚餅, 拿出來時每一款都熱騰騰的。最喜愛就是雞肉串燒, 雞肉嫩滑, 而且沙嗲醬汁十分惹味😋炸蝦餅是第二愛的, 雖然蝦餅未去到最彈牙狀態, 但仍然很新鮮, 加上酸甜醬更加一流! 😁鮮菠蘿海鮮炒飯 $98名字並沒有改錯, 餐廳的確用了新鮮菠蘿而非罐頭菠蘿, 菠蘿當然是必備, 配料還有肉鬆, 腰果, 提子乾, 叉燒和蕃茄。最驚喜的是吃到最底部有滿滿的菠蘿汁 🤗 怎樣說飯可能會沾濕了, 但毫無遺和感!椰汁冰 $33解喝之選, 有淡淡椰香, 不會太甜, 更添加一朵花點綴 🫶🏻泰式青咖喱雞 $88青咖喱不會只有椰奶的甜味, 微微的辣, 雖然對比下雞肉串燒比較惹味。青咖喱份量十足, 咖喱汁超多, 配飯或薄餅一流! 👍🏻 為了不浪費, 都把少量青咖喱加在菠蘿炒飯裡, 始終是有點錯配的感覺 🙃除了堂食之外, 當然可以外賣, 普遍價錢都是$60至$

最近鍾意食泰國野，返Office ot search到尼間泰爸爸未試過，叫左外賣。炒金邊粉，椰汁糕，大菜糕，春卷同同事share。個金邊粉炒得好好味，酸酸地，好開胃。大菜糕都好爽口，好鍾意。

泰爸爸位於奧海城3期地下，餐廳入口係商埸外面，設有室內同戶外露天座位☀️戶外座位都幾chill，仲Pet Friendly，如果想帶埋毛孩揀戶外座位就啱哂🐶📌碎肉生菜包 $88🥬碎肉肥瘦適中，炒得好乾身好香，帶少少微辣，食落非常惹味😋📌泰式黃咖喱薯仔牛腩 $98🥘 （配泰式薄餅 $45）一上已經聞到黃咖喱味好香，牛腩份量十足，夠腍身有少少牛筋，非常有牛味🐮另外，叫左一份泰式薄餅配咖喱，薄餅好香脆，用嚟點咖喱食絕配🤩📌菠蘿沙冰 $33🍍📌芒果沙冰 $33 🥭係用真生果即叫即打，唔係用濃縮糖漿，菠蘿同芒果2杯飲落都非常清甜，消暑一流😆🌟推介指數：😈😈😈😈😈 （5😈為滿分）

餐廳位於奧海城地面，卻有一份寧靜安恬、旺中帶靜既感覺！大家可以同朋友響戶外既座位上食野聊天。而且入面裝修亦都有唔同嘅泰國元素，有置身外國之中既感覺。🔆泰式青咖喱雞🥘 $88（配薄餅+$45）🌯青咖喱一上枱已好香，食落唔算太辣，而雞肉鮮嫩，而且好入味！薄餅好香脆，配上青咖喱食，口感一流！🔆泰式金邊粉呢個主要以茄汁炒起既菜式，好多人以為落茄汁不斷炒就完成。但其實內裡都有學問。今次既金邊粉就做到甜酸均衡，而且難得地唔油膩，就算食得多都唔會咁易飽！🔆三色珍多冰夠椰！夠冰！夠曬滿足！總括而言，呢間餐廳性價比十足，食物水準相當高，小弟當然會返黎食其他菜式！

行開奧海城，發現喺奧海城三期地下有間好chill嘅泰菜😋有室內同戶外露天位置！環境好舒適，店內仲掛有泰式風格啲畫，好有泰國嘅感覺！🌟泰式生蝦刺身🦐 $108一碟有8隻，相當足料！食生蝦刺身最驚就係唔新鮮，食落去會有一浸噏味，食咗一啖已經吐返出嚟。今次嘅生蝦刺身食落相當新鮮，味道香甜鮮美，配埋青汁，辣辣哋，好惹味，實在係作為前菜嘅好選擇。🌟碎肉生菜包 $88生菜包望落雖則簡單，但係要整得好食易令人回味無窮，真係寥寥可數。今次嘅生菜包味道主要以辣味偏重，配合埋肉碎嘅鹹香，基本上成碟好快清晒！😋🌟椰汁冰 $33飲落唔會太甜，而且好香椰香味，解熱一流。整體而言，呢間泰菜好抵食，而且食物質素好，性價比好高，絕對值得再回頭😋！

🐮泰爸爸🐮• • • 🐮🐮評價🐮🐮沙嗲串燒牛肉 $88 6串Beef Satay 濃郁風味、多層次口感鐘意重口味的話啱哂你牛肉入味 本身帶點酸甜和沙嗲醬的香甜味相互融合創造出一種獨特味道🍍🍍其他食物評價🍍🍍鮮菠蘿海鮮炒飯 $98Fried Rice with Pineapple and Seafood鮮菠蘿嘅加入為呢道菜增添左獨特甜味同埋果香鐘意呢道菜加入左提子乾、腰果、肉鬆口感豐富✨ 泰式炸蝦餅 $78受香港人歡迎嘅一款泰國小吃配上泰式甜辣醬熱辣辣脆卜卜非常可口 #態度比味道重要🤗店員非常友善好客有耐性地解釋 用膳後亦主動向我們了解食物的質素🐮滿分為5個emoji🐮評分也以性價比作衡量入味：👅👅👅👅醬料特別：🥢🥢🥢🥢• • •🐮男友總評分 🤎🤎🤎🤎🐮女友總評分 🤎🤎🤎🤎

🇹🇭小廚神與大吃貨來到奧運覓食，奧海城共有三期，美食林立。突然想吃泰國菜，走到三期地下偶爾看到這間泰爸爸。😎正值午飯時段，餐廳人氣甚高，有很多在附近上班的和居住在附近的到來吃午飯。🤭我們看看餐廳內的餐牌，發現這裏的價格非常相宜，基本上是差不多跟快餐店的價錢。難怪有這麼多捧場客！🤩🤩😂這天我們餓極了，我們點了兩個午市定食外，還加點了三個小食。小廚神選擇了泰式金邊粉、大吃貨則選擇了海南雞飯。🐣份量非常大，大吃貨要靠小廚神幫忙吃掉海南雞，才能完成整個油飯呢！😂而在小食方面，我們點了雞肉和豬肉串燒、🍢泰式生菜包以及香茅雞翼。每一樣食物都是水準之上，味道跟服務絕對不下於九龍城的泰國菜，令我們又多了一個新食堂👍🏻💋⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️泰爸爸Phat Papa地址：大角咀海泓道1號奧海城3期地下G26號舖電話：28388255

🦀香芒軟殼蟹米紙卷呢個米紙卷幾特別喎，軟殼蟹米紙卷之中加左啲芒果🥭調味，軟殼蟹做主力、配埋生菜既爽脆同芒果既香甜，開胃之餘仲..幾泰國下。值得一試😊🥗青木瓜沙律青木瓜沙律係小編常點既菜式，因為惹味爽口又清涼。但有時店鋪做得太辣就會蓋過晒其他食材既味道啦。今次呢個算係做得幾好，小小辣又保得住青木瓜既甜味，清爽之中又有啲辣味吊下癮咁，愈食愈停唔到口。😋🧆泰式拼盤呢個拼盤岩晒小編, 因為樣樣都想食, 有時眼寛肚窄都幾頭痕。小編最鍾意既都係樣樣試下，一式四款有蝦餅、魚餅、春卷同串燒雞肉，最欣賞都係串燒配沙嗲，因為燒雞肉~ 小編鍾意食~🤩🍍鮮菠蘿海鮮炒飯呢個炒飯真係細食啲都未必食得晒👽。菠蘿本身唔係特別大個，但個飯既份量真係高過菠蘿差唔多一倍，好足料。入口有啲泰國風味💃🏾，除左海鮮仲加左啲臘腸同肉鬆腰果做配料調味，個飯食到底仲可以有滿滿既菠蘿汁，新鮮野就係咁，一食就會知架啦。😌

店名: 泰爸爸地址: 大角咀海泓道1號奧海城3期地下G26號舖奧運站D3出口環境: 4/5價錢: 4/5味道: 4.5/5泰式青咖哩雞❤️❤️❤️❤️❤️$88個人覺得幾辣😂但都好惹味同埋份量十足，加上為咗唔好嘥啲汁所以叫埋泰式薄餅同飯(+$12)點埋啲汁食，送飯食一流😆泰式薄餅❤️❤️❤️❤️$38兩大塊切成八小塊都好夠食，齋食啲薄餅煙煙韌韌，掂埋青咖喱汁又係另一種風味，索晒啲咖喱辣味好香好開胃🤤沙嗲串燒牛&豬各3串 ❤️❤️❤️❤️❤️$88一睇個陣會覺得好濃味，但食落覺得啱啱好😗🥲😌同埋比起其他泰式串燒冇咁油膩🤩芒果糯米飯❤️❤️❤️❤️$50同平時去泰國食嘅感覺一樣😍所以對於好耐冇去泰國旅行嚟講😂陣味好懷念🥳青檸梳打❤️❤️❤️❤️$30味道十分之清爽，唔太甜，對於食泰式濃味嘢黎講係最佳選擇😗