泰皇閣 (已結業)

之前服務同質素都好好，收銀姐姐好快手，次次都係冬陰公米，米線軟淋好惹味兩個月無來，唔知係咪轉左手，尋日食已經覺得米線好硬，無左之前質素，今日諗住可能係一次半次就再試下，落單時仲特登講明要淋啲，當時個位新阿姐已經有啲唔耐煩。拿到返左位打開黎睇，哇，成舊米線癡係度筷子都攪唔開，去返問下咩事，好在都煮過比我，點知比返我時係用返我之前個膠袋（個袋同筷子已經污糟左），筷子都無比過新的我，真的覺得係咪唔識做生意…

小店無堂食只有外賣，正宗泰國青咖哩味，味道都幾辣，配料好多，有泰國圓形小茄子，雞肉塊，仲有好多金不換，可以配飯或者米線，米線係偏幼身同軟熟嘅麵線質地，米線預先煮熟，冇再同青咖哩煮過，相信係因為主要做午餐時間，要配合返快速節奏飯餐免費跟配雞湯，送完即止，因為今次叫青咖哩本身都屬於飯餐，所以都有雞湯送湯好夠熱，有塊冬瓜，雞湯略鹹而且好重胡椒味+$6可以跟泰式樽仔奶茶，都係日常飲到嘅泰式奶茶味，午餐可以飲啖泰國奶茶再努力都算一種鼓舞

初黎附近番工，見呢間鋪細細，只做外賣，但都勁多人係門外等外賣，於是就走入去睇下有咩野好食！原來專做泰菜，款式唔算多，得幾樣選擇，最後選擇試左個無骨海南雞飯，有野飲重有湯送，又唔算貴！個湯係瓜湯，清清地都ok, 打開買相可以，試雞先！雖然唔算好滑但又唔係鞋，還可以接受，如有雞翼都會幫連骨起埋，好方便食！啖啖肉！但雞翼就有d雞毛未清曬，可以清一清佢，飯反而就覺得麻麻地，眼見係黃白色，但食落有d乾，又無雞油味，又無薑味！唔知用咩整到黃色！好奇妙！但整體都算可以！

九龍城泰皇閣一向評價不錯，又抵食，長期人龍。九龍灣呢間分店位於商貿區，只做外賣，我試咗佢個泰式炒金邊粉，未開始食，見到金邊粉嘅顏色就已經有啲擔心，果然，調味非常不足，甜味與酸味都弱，麵條比較乾身，冇咩鑊氣，整體嚟講有啲失望。反而泰式樽仔奶茶就有驚喜，奶滑茶味濃，好飲。