泰興餅店

营业中

休息中

泰興餅店價錢💲: $10/ $10好味程度😋: 3.7/5服務🍴: 3.7/5環境🗾: /性價比🥢: 5/5!回頭率😚: 3.7/5-係荃灣都有呢間小店麵包舖除左做傳統港式麵包，老闆仲會跟貼潮流，出d而家興既，好似開心果產品咁，有開心果muffin、包、撻、燒餅！人龍確實係會比出面九龍區個d小啲既，同埋價錢都唔貴，街坊價！-✅開心果撻。$10一個無得投訴。本身都幾鍾意佢地的曲奇蛋撻皮。幾鬆化同脆的，牛油味都食到🤓入面分左幾個層次，有開心果粒的面+中間的牛乳蛋漿+底下的開心果醬。中間部分其實唔係好似開心果撻，係鮮奶撻咁，唔係好熟，有啲水水的的感覺🧐主要開心果味來自底下的開心果醬，有醬個啖入口就濃味啲😝當普通鮮奶撻食+偶爾有開心果味就好了😗-✅✅開心果燒餅。熱辣辣出爐，個皮唔會好油👍🏻煙韌程度啱啱好，有啲煙韌又帶啲軟糯，有微微的拉扯感。食到表皮的糯米粉香。入面個餡主要逼左係中間正常份量，靠開心果粒帶出明顯小小的開心果味☺️ 醬就唔係好濃開心果味。-整體係性價比取勝。兩款的開心果味都唔係超級濃厚，不過又唔會無味😂

荃灣「泰興餅家」繼熱香餅漢堡熱潮後，推出多款新品，更於荃灣祈德尊新邨商場開了新店！早前推出了首創北海道3.6牛乳開心果撻，每日新鮮出，限量供應30個，每人限購半打！開心果撻一共有四重口感，第一層是烘香的開心果粒；下一層是北海道3.6牛乳蛋漿配開心果醬；撻皮是鬆脆曲奇，淡淡也是濃郁的開心果香。中秋節更首度推出月餅，一共三款口味：蛋黃白蓮蓉、新會陳皮豆沙及鴛鴦皮奶黃。推介大家試一試鴛鴦皮奶黃，糅合了傳統皮及曲奇皮。

前日(23-8-2024 Fri)傍晚，同老公喺荃灣廣場嘅大苑子飲完嘢後，醒起呢喥嘅麵包，於是走嚟買，做我自己嘅晚餐，我哋嚟到時喺門口見到熱香餅漢堡嘅宣傳,至知道原來呢間係海壩街泰興(https://www.openrice.com/zh/hongkong/r-%E6%B3%B0%E8%88%88%E9%A4%85%E5%BA%97-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r522031)嘅分店,咁如果排呢間,就唔使日曬雨淋咁辛苦,我亦睇到有想食嘅忌廉筒同開心果撻banner,我聽到店員嗌話開心果撻剩返一個,於是趕緊入去買,我哋想夾時,店員話佢幫我夾,OK冇問題,之後就睇其他麵包,都見到有啲傳統同打破傳統嘅包,例如椰絲忌廉包,紙杯蛋糕;叉燒菠蘿包,行咗一圈,就要咗開心果撻, 開心果蛋糕同香蕉紅豆包,老公就指定要開心果鬆餅.買完返到屋企,到夜晚食喇.我先食$8.50嘅香蕉紅豆包切開睇,餡料唔多,食落,紅豆蓉味道同口感都正常,而兩片香蕉呢,我覺得作用不大,反之有啲怪,唔加好過.3分2. $10.00

食品味道不錯的！但女店員過程不停逼人買指定食品，一話唔買就比哂面色我睇。唔知係店員自己既意思定係老闆施壓啦，但咁既銷售模式只會繼續趕客！就算成功逼左人買指定食品，下次客人因為購買經歷不好都不會再來幫襯！

行開荃灣廣場，見祈德尊地下放咗廣告🪧牌話一樓新開泰興餅店，搭𨋢上一樓睇下乜料，發現之前茶餐廳🍴鋪位變咗面包鋪，好靚好大間，面包🥯同蛋撻皓平，窮人恩物，迷你蛋撻$1，正常蛋撻$3.5，仲有曲奇皮同酥皮揀，菠蘿包$3.5，雜包都係$3.5，仲有即製咖啡☕️奶茶🥤十幾蚊杯，我同陳皮妹一人一撻，買咗迷你蛋撻俾陳皮二妹食，買埋第二日既早餐🥣包。陳皮兩妹都鐘意食迷你蛋撻。我自己早餐🥣食咗提子🍇包，不過不失，$3.5真心抵，附近間名島雖然平d $13四個但冇咗靈活性。

今日去荃灣廣場行街 經過一樓連住祈德尊新邨天橋嗰度 望到有間新麵包店開張 好奇入去望吓 間舖都幾光猛新淨 麵包都有好多款👍🏻雪櫃仲有蛋糕 布甸 連芒果糯米糍都有而家新開張 仲有一蚊一個蛋撻 見到好多人都半打半打咁買 我買咗布甸包 芝士粟米蘑菇包 芒果糯米糍 俾錢嗰陣店員仲問我使唔使加嘢飲 我先發現佢哋仲有即沖嘢飲 凍奶茶都係$14 見佢咁抵 買咗一杯試吓 個茶底都幾香 $14好抵飲 啲麵包全部都好大個 唔係空氣包嗰種 最緊要係啲包好鬆軟 CP值極高 下次再去試吓其他款式🧡

最近新開既麵包舖，湊完阿仔番學就係隔離，即刻買泥試，ok喎、平民麵包舖唔似啲貴價空氣包牛角包，三文治，芒果糯米糍都好正下次要試埋朱古力鬆餅同即沖奶茶值得推介，難得呢附近有平價包