泰蔣汗烤魚

营业中

休息中

( ͡° ͜ʖ ͡°) 泰蔣汗烤魚 - 泰國菜❝ 深水埗正宗泰國人主理小店泰地道坐街邊食先至有泰國𝚏𝚎𝚎𝚕 ❞黎到深水埗一定要搵𝚍冇人介紹嘅地道菜好有泰國風味 做街坊生意嘅小店尋下寶有好多都係正野都未被發掘！✿ 生蝦刺身 $90上枱好靚仔 夠凍同新鮮生蝦厚肉彈牙 好正呀🤤點埋泰式酸辣汁加片蒜 冇得輸！✿ 泰式豬頸肉沙律 $75燒豬頸肉份量都好多夾埋紫洋蔥蕃茄青瓜好清新好惹味有d蔬菜中和下幾好～✿ 椰汁雞湯 $68第一次飲 係朋友推介㗎估唔到又幾正 有香茅蘑菇雞配料椰汁味好香濃 好味😋✿ 泰式炒金邊粉 $60覺得佢呢隻粉似幼身河粉 就係差少少野咁但炒得都好食 夠惹味好多蛋絲同蝦 不錯～✿ 串燒 $15串叫咗雞心 雞潤 同泰式酸辣腸燒得幾好控制得幾好唔會𝚑𝚎𝚊燒雞心唔係度度有 我覺得好好味～雞潤好𝚛𝚒𝚌𝚑好惹味泰式酸辣腸就係泰國地道小食好似中國人嘅臘腸咁 不錯～╰☆* 推介指數：🌟🌟🌟🌟🌟/  ‘𖤘◦″ 𖤣 泰蔣汗烤魚 (深水埗)深水埗大埔道45號地下B2號✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿

疫情期間夜晚想搵好嘢食都好有難度，夜晚10點幾見肚餓，仲要突然泰國菜癮發作，就行過深水埗搵下野食，行行吓見到呢間泰國食店有開仲開到凌晨兩點，嘩！當時乜都唔諗，即刻試一試佢啦！點知⋯⋯一試難忘，當晚點左個鹽燒烤魚，個size喜出望外，勁大條，大條到個盒都放唔晒又厚身，燒得啱啱好，魚肉濕潤滑嫩，魚鰭位置魚油味重，非常好食，價錢只係128，絕對抵食！呢條魚簡直係驚喜，深小埗小店有如此性價比高出品，正！質素絕對拍得住九龍城大店！

哩幾日大執屋,執執下發現已夜深冇飯食,本身已餓仰馬翻,但屋企仍如戰場,想煮個麵都唔知個煲係邊,唯有乖乖爬落街搵野食...結果又係泰菜...應該話冇咩可以揀就食返哩間泰菜,男人好快揀左菠蘿雞粒炒飯,本身佢想要多個炒椰菜苗,但得返芥蘭,所以冇吼.我想食青木瓜沙律,但佢又唔食,最後要左泰式酸辣鳳爪,兩個餓人終於有野食啦,個菠蘿炒飯有菠蘿,有雞,有肉鬆,有腰果,仲有提子乾同三色豆XDDD?食落個飯係甜既XDDD,唔係D 菠蘿甜,係整體成個飯甜囉...我就麻麻地...都食返鳳爪先...夾開曬D 洋蔥,都唔錯,有唐芥青瓜蕃茄做配料,初時食落唔辣.食食下慢慢就辣...食飽去訓囉.

收工,好肚餓,弊啦!依個時間好食既唔好食既都收曬.圍住公司附近行一大個圈,都冇發現,如果唔係屋企太混亂我一定自己返去煮,行行下,行到澧美舊鋪,見到有梳乎厘賣,落左單就醒起街口有間泰菜可能未收,行過去睇下.真係仲有野食!叫左個泰式乾炒雞肉河粉,等左十分鐘左右有得拎,可能太餓覺得好似等左好耐咁,返到屋企打開,盒粉有9成滿,有芥蘭,雞肉,河粉,都好香口,夠鑊氣,冇咩油積係兜低,都算係咁,太餓好快食曬XDDD