泰象泰國越南餐廳

营业中

休息中

友人知道我們喜愛吃泰國菜，介紹我們造訪鴨脷洲一間隱世高手的泰菜～今晚我們來到試試看，發現座無虛席！裝修也不錯，座位很舒適。 冬陰公湯（小/$78）味道濃到不得了👅，感覺很十分真材實料，可惜只有一隻大頭蝦馬拉盞炒通菜（$75）價錢略貴，味道相對頗辣，但味道一流，分量中等，有點overcook 的感覺泰式炒蝦肉金邊粉（$75）茄味重、酸辣味夠、蝦爽口，可惜炒得未夠乾身，但整體感覺還不錯千層糕（$25）椰汁味濃郁，口感煙韌，熱辣辣送上，一流肥仔波指數：3.5/5分

今日係假期，同家人食午餐。咁啱要去順豐站攞貨，於是就去鴨脷洲大街隔離間泰國嘢食飯。雖然唔知佢開咗幾耐，但幾年前都有同朋友食過，質素幾好嘅。今日三個人叫咗一碗豬頸肉湯金邊粉，一碟泰式炒蝦肉金邊粉同泰式串燒。湯粉清甜，份量幾多，食得好飽。炒粉偏甜同有啲濕身，我唔知正宗係點，但覺得無乜問題，辣椒喺側面自己調配。份量適中，夠一個人食。串燒燒得好香，肉大大嚿好滿足。以我地唔大食嘅人嚟講，叫兩個主食加一個小食都好夠。假日無午餐叫，但價錢都合理，應該係呢個島上面最好食嘅嘢。

這天我在朋友家打完麻將，跟他一同吃了這家泰國菜，因為自己也是很喜歡泰國風味的，所以就想試試這邊的泰國餐廳。我們叫了一個海鮮炒飯，還有泰式燒烤串，最後再來一個甜品就是芒果糯米飯。先說說海鮮炒飯，其實我覺得很一般，那個味道其實是足夠的，不過海鮮的料就很少，對不起這個價格啊。不過串串就很好吃，燒的很入味，而且沒有覺得很乾。 最喜歡的就是羊肉串，那個騷味剛剛好。配上那個醬料，那個泰式風味就更突出。而芒果糯米飯也是挺好吃的。

平時見好多人排隊，今晚我地成九點先搵野食～見唔駛排隊就試下啦～ 入到去都差唔多坐滿人～侍應同食客好似好熟。應該都係做街坊生意多～我地2個人點左3樣野食～辣椒膏炒聖子：味道唔係好辣～帶少少椰香味。聖子都算新鮮同埋有好多隻～都幾大碟👍泰式炸蝦餅～爽口彈牙⋯好足料，炸得啱啱好，分量又係好大碟👍蛋咖喱雜錦海鮮：味道普普通通～咖喱好似好水，唔夠杰身～雜錦海鮮係急凍貨～唔係新鮮海鮮～喱碟差少少總括：價錢合理，食飯尚可～侍應服務親切😊

今日心情好，趁老細唔喺度，揸走佢架車去鴨脷洲大街食飯。見呢間泰國餐廳門口有位，拿臨擺低部車，就入去食飯。我哋都間唔中有來這間餐廳食飯的，因為佢價錢和味道都OK，午市套餐包飲品五、六十蚊就有交易。午飯時間，同事竟然叫象啤嚟飲，真大膽，俾老細知道，仍死硬!我就乖，飲泰式凍奶茶。杯凍奶茶都有茶味，不過就甜咗少少，泰式飲品不嬲都係甜啲，無所謂啦。炒烏冬揀咗用豬肉炒。份量幾大，幾個人分，都可以分到幾注。個汁濕濕地，幾惹味。海南雞飯皮薄肉多而且滑，雞味濃。雞油飯亦都好香。泰式拼盤好豐富，有雞肉串、豬肉串、炸雞翼、魚餅和蝦餅，除咗豬肉串有啲韌，其他都OK，配上特式泰醬來食，幾好食。最後，食椰汁糕。好香椰汁味，超正!

今天本來和同事到鴨脷洲大街食點心，但四個人無位，就改了去《泰象》泰國越南餐廳，這裡的午餐選擇也不是，我們叫了三個午餐再加一個小食拼盤（大），炒粉絲的味道差小小味不夠濃，海南雞飯合格，最好味是小食拼盤，埋單每人一百元有找！

一大班人喺要搵嘢食真係唔容易，最好就係去食泰國菜，又有圓枱座，味到又夠大眾化，呢間鋪頭，由鋪頭仔食到變大舖，都覺得佢味道水準可保持，價錢合理，又唔會有時限。我最鍾意食蝦餅，咖喱蟹。

今日lunch 同同事黎左呢間係鴨脷州既泰國野, 地點就係地鐵站隔離, 岩晒時間緊迫既lunch hour. 餐廳既門口同入面都有好多泰國既特色擺設, 睇得出店主好有心機!  餐牌上有好多選擇, Lunch set 60蚊連野飲都算合理. 今日就試左其中一個咖喱燒雞飯. 咖喱既味道濃得黎都幾甜, 用黎撈飯食認真一流! 燒雞既肉質好嫩滑, 而且唔會太肥, 配埋個咖喱汁岩岩好. 偷食左少少同事個金邊粉發覺都好入味, 下次一於試下! 

去完海洋公園好肚餓, 搭一個站行幾步路就到呢間泰菜館。呢間泰菜館友人由細食到大，成日推介呢間但我一直都冇機會試。入到去間菜館好滿, 好彩仲剩番2個位。叫左呢個友人推薦嘅生菜包。豬肉味好香，同我喺東南亞食過嘅豬肉味類近。可惜豬肉有我唔食嘅芫茜同啲肉太肥。另外再點左泰式香辣炒粉絲。呢個係濕炒嘅。酸酸辣辣好開胃。最後想叫個甜品。十分推介呢個千層糕。熱同軟身而有彈性嘅千層糕， 加上椰汁, 係絕配！ 一口一口就冇哂。好想叫多碟但太飽。見格離枱啲魚好香, 下次想試下。

唔講唔知原來鴨脷洲大街有間泰越式餐廳。第一次食覺得食物質素唔錯。可以推介比朋友：酸辣鳳爪沙律價錢：$80味道：🌕🌕🌕🌕🌗見到鳳爪沙律以為沙律係重點，點知沙律蔬菜份量唔多，鳳爪就好多隻😂。不過味道真係好好，辣辣地，涷涷地，酸酸甜甜，好開胃，食唔停口。最鐘意就係鳳爪口感，啖啖肉。我諗一個人食一碟都不成問題🤤。菠蘿海鮮炒飯價錢：$78味道：🌕🌕🌕本身唔太鐘意食泰式菠蘿炒飯，因為覺得肉鬆同花生🥜撈飯唔多夾。不過哩個炒飯都炒得幾乾身，唔會好濕。海鮮配料都幾足，花生又好脆口。媽咪食完都幾滿意。青咖喱雞配薄餅價錢：$70+$25味道：🌕🌕🌕🌕青咖哩一啲都唔辣，甜甜地好濃郁既咖哩味。不過一定要配白飯或者好似我咁配返塊薄餅先可以將個咖哩汁味道昇華。薄餅軟軟地外皮有少少脆，餅薄好容易就吸收咖哩汁既精華👍🏽。薄薄地食兩三塊都唔覺食滯。泰式鹽燒盲鰽魚價錢：$130味道：🌕🌕🌕🌗盲鰽魚都係第一次聽。魚既外皮沾上左大量鹽燒製，所以外皮係極之咸，食既時候要先反起外皮之後食裡面既魚肉。食既時候要小心唔好沾到周邊既鹽，因為真係超咸😂。魚肉好滑好新鮮，冇太多調味料烹調，所以都幾講求魚本身既鮮味。泰式炒通菜價錢：$60味道

估唔到鴨脷洲大街都有咁抵食嘅太菜，而且好近地鐵站只係需要2分鐘路程嘅咋先來睇下個Menu先話又真係幾多嘢食，有小食可以選擇仲有泰式冬陰公湯而且仲有好多泰菜，例如咖喱，炒飯，炒part-Thai !! 😋😋😋先來個青芒果沙律，以為好多紅椒會好辣但係其實有好好味喎！當然一定要食炒part-Thai ! 啲蝦都好大隻喎真材實料再嚟個青咖喱豬肉，味道唔錯仲有好多蔬菜梗係要食返個馬拉盞炒通菜，仲叫咗蒜蓉包可以點咖喱汁，蒜蓉包好好味來多個小食有雞串，有豬肉串豐富的晚餐👍🏻👍🏻

豬肉超酸超肥，生菜一拎上手就知唔新蘇，又發霉又爛，幾塊都係，服務一般，樓面只得23個人，半個鐘先一個生菜包上枱，唯一比較好就係唔洗訂枱有位坐，冷氣夠大咁囉，🤦🏻‍♂️🤦🏻‍♂️🤦🏻‍♂️🤦🏻‍♂️

晚餐帶媽媽去食泰國菜, 可惜今次的味道比以前好像差咗咁!炸皮蛋蝦餅蝦肉彈牙沒有油膩感覺, 如能夠切得平均啲賣相會更吸引黃咖哩鷄, 鷄肉沒有味, 咖哩味亦偏淡薄餅用來配咖啡食嘅, 薄餅有份椰油香, 但就有啲黏口唔夠乾身豬肉生菜包因為媽媽食唔到辣所以我哋要求走辣, 結果我哋作出了錯誤的決定, 生菜包係要辣先好味的! 生菜包份量都很大, 比嘅菜亦好足夠, 如豬肉碎能再乾身一些會好味啲！雜菜粉絲煲賣相不錯, 但好可惜味道欠奉我同媽媽都叫咗個椰青來清一清熱氣, 椰青水很滿很清味, 椰子肉都好厚, 但不知道是否未熟透, 椰肉比較硬身! 但媽媽果個就係軟身很甜!

今日得閒入左鴨脷洲大街食 lunch, 左搵右搵，搵左間泰國菜館試一試。這間菜館的裝橫是泰式，內裡掛上Thai King 的相，讓人感覺去左泰國一樣。當然，侍應全都是泰國人，說話時帶有泰國鄉音，很又趣。不知是否我的錯覺，泰國人大都和善和溫柔，侍應給我的感覺非常良好。講番轉頭，今日要介紹位於鴨脷洲大街的泰國菜館的午餐：泰式濕炒河。濕炒河有雞、豬和牛選擇，我選了雞肉炒。除了美味和價錢超抵外，炒河的份量很多，不止是河粉多，而是餸也很多。超抵食！此外，奶茶也一絕，是正宗泰式奶茶，不是一般的港式奶茶，茶味濃而不苦，好好飲。講左話好抵，究竟幾錢。午餐只是 $60, 而且你可以叫特色飲品，不用加錢！！！

由香港仔去鴨脷洲其實只需要搭5分鐘渡輪又方便又多美食假日好多人會嚟「參觀」由其南港島線開通後平日嘅呢度其實幾舒服但lunch time 原來都有好多人嚟食lunch 包括ocean park .黃竹坑工業區同事們因為呢度嘅lunch set around HK$50-65其實好抵食下晝一點幾都等咗5-10分鐘Order 2個lunch set餐飲送嘅！雖然係送，但味道唔錯，好足料我果杯龍眼水都有5-6粒龍眼肉海南雞飯雞肉嫰 油飯香送埋湯，不過我覺得有啲咸（利申：唔鐘意重口味）男朋友的燒雞飯其實我有啲失望因為menu 寫燒雞飯呢啲應該係雞扒🤣但唔差嘅！價錢公道食物質素不錯難怪咁多人！