泰贊- 創意泰餐廳 (已結業)

態度很好加分，食物不錯，本來隨便找的，因為不想走太遠。感覺這間炸物都做得不錯，反而三文魚我不太喜歡魚表面那個醬，感覺怪怪的（但朋友卻覺得很好吃反正我理解不了的口味）最喜歡吃蝦餅，不過醬不是m記的那種甜酸辣醬，雖然看上去一樣，但是這個會辣一點。而炒飯上的軟殼蟹普通，炒飯裡帶有芒果，個人感覺開胃1點最大的缺點是感覺環境太吵（但唔怪得間野），1開始入去感覺比街市吵，不同人聲音夾在一起，環迴立體聲，和朋友說話也不太聽到，d人開始散了，就好好多

今日食左個泰國菜，七十幾蚊有前菜有正餐同有飲品我地兩個人叫左炒金邊粉，咖哩海鮮飯，串燒同燒雞沙律，同每人一胡檸檬水。超多野食，上菜速度快，份量大，味道都好，但我覺得食物整體唔夠熱。

晚上行完美麗華，正準備醫肚時，剛剛經過so thai so good，被出面的餐牌吸引入黎。人不太多，環境好舒適，似一般西式餐廳，侍應亦幾有禮貌。餐廳好悉心地用不同餐具配合菜式，好適合打卡，相機食先的朋友。菠蘿炒飯伴燒雞($95)燒雞確實燒得不錯，很入味同好香，炒飯如果炒得乾少少會更完美。泰國香葉肉碎炒金邊粉($85)少辣，炒得都有鑊氣。軟殼蟹芒果米紙卷($80) 賣相吸引，伴泰式醬好清新。二人同行，最後食到好飽，分量足夠，因為有好多菜式，亦見其他枱(3-4人)叫到滿桌。價錢都ok，係唔錯嘅。

東南亞美食我都幾like, 但又唔鍾意太地踎嘅環境所以果啲扮fusion嘅泰國菜好多時都吸引到我, 今次黎呢間泰式炸蝦腐皮卷, 冇想像中咁香脆, 再炸金黃啲比較好泰式炸豬扒煲仔飯炒通菜金邊粉, 有啲太碎, 冇乜鑊氣整體不過不失, 冇話伏到割凳, 又冇乜驚喜，行過就食下咁囉

✎ 期間限定 椰子雪糕 $55包括椰子雪糕一球 + 椰果 + 珍多 + 碟豆花糯米飯 + 3款自款配料 (見圖片)⠀⠀⠀⠀⠀⠀⠀⠀⠀⠀⠀⠀每次去曼谷必食既椰子雪糕🤤今個暑假So thai so good都引入左黎香港無時間飛 都可以過下口癮啦唔好同泰國比🤣老實講 $55 呢個價錢都算幾抵食，本身有三款配料，on top仲要有咁多配料揀，連埋雪糕有7樣野呀✨但個人都係中意JJ MARKET個個多啲本身以為真係同個邊一樣🙈🙈不過...係真係有啲唔同既雪糕椰子味偏淡，味道偏甜椰子杯無刮好既椰肉 自己用匙都刮唔到🤷🏻所以個椰子杯就只係個裝飾咁想食椰肉只可以係配料個到揀返佢另外配料試左麻糬、三色珠煙煙韌韌都有咬口 但略嫌無味不過呢間餐廳都係本身我會間中幫襯既食開野都可以試下～

已經第二次食So Thai so good啦！佢哋嘅泰國菜，有傳統亦有創新crossover西方菜色。今次我揀左圖中幾款比較平凡嘅菜色！E個青咖喱雜菜有D辣，我唔太食辣但都程接受到！加埋熱辣辣薄餅非常夾，好好食！鐘意食魚必揀！我好鐘意食Pad Thai，但間間泰菜嘅Pad Thai都唔同架！E間一讚！值得試！最可惜E日無芒果糯米飯，有D失望，但兩個人嗌咁多野加兩杯野飲已經好好好飽！

姐妹聚會, 食物其次, 環境行先美麗華商場地點方便, 餐廳裝修窗明几淨, 都坐得舒服我地4個姐妹, 都叫唔少野芒果軟殼蟹米紙卷, 正常大蝦炒金邊粉, 炒得有啲碎濕濕炒飯拼脆豬手呢度特色係炒飯可以拼唔同配料, 啱唔同人口味炒芥蘭, 正常整體就如他的名字, 不過不失

朋友之前試過話好好食，但我就第一次試。入到餐廳，見到廚櫃有芒果拿破崙可用朱古力寫happy birthday 字句。所以心血來潮，想起未同朋友過生日。所以問問老闆/經理，可否幫忙比個驚喜朋友。老闆好好即話幫我落定order先。我就叫左個冬陰公海鮮意粉，有少少辣。另外再加多個芒果軟殼蟹米紙卷，味道清新，都幾好味。食完後，老闆好醒目地幫我上左個甜品，我朋友見到個寫住佢名既甜品好開心。個店員仲拎左部即影即有相機免費幫我地影相，影完相仲有個相框送，好靚。下次慶祝生日可考慮再來。地方環境又大又寬，可以比我地靜靜地傾計，好舒適。

餐廳在美麗華1期的1樓，算是很容易找到，在尖沙咀來説，呢間餐廳的性價比還算不錯。餐廳門面算幾大，座位也較寬敞，加上餐廳内有一幅墻係鏡，所以空間感更大。服務方面，職員都比較主動幫客人添加水，上菜速度也比較快，員工還是蠻有禮貌的，所以讓客人覺得幾舒服。食物方面，這裡的選擇算是比較全面， 是較爲西式的泰國菜。雞扒漢堡， 雞肉比較juicy, 肉質嫩滑，加上一片濃郁的芝士，味道配合得好好。炒金邊粉，一點點的微辣，讓整個粉更加惹味，粉控制得剛剛好，不回太軟。泰式三文魚他他配多士，第一次試泰式三文魚，醬汁中有香茅味，多士雖小塊，但建議不要一口，因為多士比較脆，回刮口。炒通菜，味道不錯豬頸肉，還不錯芝士焗薯角，厚厚的芝士舖在表層，食上去有拉絲的感覺，建議趁熱食。椰汁大蝦海鮮炒飯，椰汁味濃郁，個飯好creamy ，很足料。芒果乳酪梳打，有一片片新鮮青芒果，感覺好清新，味到不錯。蘋果金寶配軟雪糕 蘋果酸酸的，比較開胃，不過上面的一片焦糖就又點太甜

平時放lunch嘅時間最驚就係周圍都好多人等位，而呢一間餐廳就幾乎每次都可以直接入座，所以我成日都嚟呢間餐廳食！呢間係一間食泰國嘢嘅餐廳，我每次都係午餐時間嚟，雖然我成日嚟，但係我從來都唔覺得食到厭，因為佢定時會轉餐牌，幾乎每次去到，我都可以叫唔同嘅午餐嚟食。今次去到就叫左三個餐，包括豬頸肉撈檬、紅咖喱飯、金邊粉。佢每個餐都會包一個前菜同埋一個飲品，推介呢度嘅今有沙律好好味！串燒都好好食！同埋好搞笑嘅係呢度嘅侍應有啲係外國人，我之前每次去都係同佢講英文，但係今次當我同佢講中文，佢竟然識得聽！哈哈！所以大家去食嘅話都唔使怕要講英文！

響尖沙咀食餐晚飯 閒閒地都講緊二百幾蚊以上 要揀間抵食又坐得舒服既餐廳都幾難下友人推薦我黎呢間 So Thai So Good 話絕對值得一試電話訂座好方便 唔洗等位😎Menu 有好多選擇 晚餐仲有個會員 menu可惜入會費太昂貴 我地放棄左😂😂主菜揀左青咖哩素菜薄餅 @$115 (6 slices)⭐⭐⭐⭐呢款pizza係脆身薄批 個底鋪滿曬青咖哩醬 咖哩味幾濃同埋幾夠辣因為係素菜為主所以食落健康D😂😂不過其實芝士都落得好重手美中不足係爭左d拉絲感另外要大讚佢既鮮蝦金邊粉 @$70 ⭐⭐⭐⭐⭐酸酸甜甜咁 好開胃金邊粉好煙un有咬口👍 同出面食既好唔同 炒得一D都唔油膩 好乾身甜品我地就叫左芒果拿破侖@$60⭐⭐⭐⭐⭐估唔到都十分出色😆拿破侖好鬆脆 吉士醬唔會太甜芒果肉好多仲好甜😁而且竟然額外配上一杯超級冰凍既牛奶雪糕夾埋d拿破侖一齊食簡直冇得彈😋So Thai So Good 唔係So far So Good 而係So So So Good唔止性價比高 餐廳環境都一流😬兩個人都reserve張四人枱俾我地 唔洗搭枱P.S. 不過上菜速度有D慢(可能薄餅要焗係會比較耐) 

位於尖沙咀美麗華廣場一期一樓105號舖的泰贊 - 創意泰餐廳 (So Thai So Good)，主打泰國菜。餐廳的面積頗大，入座率約有八成，冷氣充足。餐廳的菜式十分多元化，也有一系列素菜菜色供客人選擇。海南雞湯河 - Rice noodles in chicken broth with Hainanese chicken 這份湯河份量巨大，男士吃也夠飽，海南雞肉質飽滿，點少許特色辣醬汁，能吊起雞肉的鮮甜味。旁邊還有十分開胃的前菜，另外湯的味道也頗豐富。泰式炸蝦腐皮卷來到了，這款腐皮卷的碟子是一個竹籃子，賣相精緻。外面的腐皮有兩至三層，炸得熱辣辣脆卜卜。裡面口感彈牙，還吃到粒粒蝦肉。特調醬汁的味道微甜的，和腐皮卷十分配搭。下一道來到的是世華特色鮮蝦金邊粉，金邊粉炒得十分有鑊氣，味道鹹香辛辣，愛辣之人會頗喜歡。金邊粉份量十足，廚師特別加了少許芽菜，令整體口感更清爽。如果能炒得乾身少許，口感會更佳。點了泰式燒豬頸肉 - Grilled Tender Pork with Lime Shallots and chilli sauce，豬頸肉份量慷慨，肉質juicy香口，旁邊的醬汁酸酸辣辣的，帶

從來都無留意到美麗華有一間食泰國/fusion 菜既地方。店舖環境舒服，唔會太迫，亦唔會太噪，可以休閒甘傾下偈。我地一行三人，叫左四樣餸大蝦蝦醬炒飯炒飯無咩蝦醬味，反而係甜甜地，用細蝦，粟米，青頭紅蘿蔔炒，粒粒分明。如果唔係一定要食到蝦醬味，其實係幾好食。但蝦得一隻就比較難分享馬拉盞炒通菜，基本上都好難話唔好食，所以正正常常，唔會夠大排擋野味同香，但又唔會話太老太無味軟殻蟹芒果卷佢配有酸酸甜甜地既汁，如果一啖食，有軟殼蟹脆脆地既質感，芒果既甜，菜既fresh,粉絲同皮既質感，係一個幾好既選擇，會想食多幾舊最後係個個魚，佢炸得個皮唔脆，但個魚肉係juicy 同夠味。而配個個Salad,用左啲類似蜜糖做dressing ,太甜，完成係無左salad light and fresh 既感覺。呢個就唔太recommend 呢間餐廳仲有好多其他菜式，都好想試下。

今日為了跟小朋友仔補慶祝生日，就來到這裡食飯。因為它有提供免費在甜品碟上寫Happy Birthday的服務，還會替我們拍一張即影即有的相。當日不少人都是來這裡慶生。這裡幾適合小朋友去，有提供嬰孩椅。我們所點的所有菜品都可以調整辛辣程度，很棒！冬陰公海鮮薄餅我最喜歡，因為有芝士去中和它的辣，不太辣，好好食。泰式肉碎生菜包的生菜只有四塊，也太少了吧！軟殼蟹芒果米紙卷必點，炸物跟芒果一起，很清爽的口感。大頭蝦酸籽醬炒金邊粉 青檸檬汁已經幫我們滴好了，不能自行按自己口味去調整。最後，重頭戲上甜點，為我們畫上完美的句點。

經過美麗華 而又想食泰國嘢 可以試吓依一間👍餐廳環境好 食物質素都OK😄 我哋三個人一共叫咗六樣嘢 包括泰式豬頸肉 肉碎金邊粉 魷魚圈 素肉burger 卡邦尼菜同泰式串燒😋 同兩杯乳酪 桃同藍苺首先講吓兩杯乳酪 乳酪整得好好飲好濃郁嘅水果味！主食黎講 泰式串燒 同豬頸肉係比較好食👍肉質好淋 幾香口👍但個素肉burger就有啲失望 可能食唔慣 覺得比較普通 味道亦都唔係咁吸引🙈 魷魚圈就比較un 😌金邊粉既酸味就多左啲🙈 相反個菜都幾唔錯！因為有卡邦尼嘅汁 襯托出既菜比較好食餐廳提供嘅食物都好全面 可以顧及唔同人嘅需要👍值得一試