泰Cow

营业中

休息中

揸車入去逢吉鄉，都比較遠左D!入到餐廳，都衹有客人幾位！可能係2人限聚令影響我就揀了紅咖哩牛配泰式綠奶茶！紅咖哩係味，配上滑牛肉！另外，梗係要試下海南鷄反！雞夠滑，皮亦薄，汁都可以，但係就普通左少少而唯一係……諗多左吾係雞油反啫！

第一次摸入嚟逢吉鄉食飯，因為見到OP啲相，見環境幾靚，所以同老婆嚟試下。先講環境：地方夠晒大，門口有少少動物嘅雕像，可以影下相，之後有個燈棚，幾柔和、幾靚。可以揀室內同室外坐，我就揀左室外。食物：我哋兩個人叫左：細冬陰公湯呢個不得了，超級好飲，好濃郁，仲有3隻大蝦小食拼盤蝦餅魚餅勁大舊，味道好好，齋春卷亦都好味，足料，沙爹正常，飽得滯無試雞翼，老闆娘以提醒實食唔晒，奈何我眼闊肚窄，最尾要打包走半隻脆皮豬手，唔會太熱氣，好入味，唔會好硬飛天通菜正常馬拉棧耶菜曲呢個又係好夠味，唔會太油，喺極飽嘅情況下，我老婆都清晒碟之後飲左兩枝大嘅象啤，非常滿足服務：啲職員好nice, 老闆娘好建談，仲俾左好多推介我，下次嚟食要試下

Book咗附近嘅露營車，唔想燒嘢食，就揀咗嚟食泰國菜金粒蒜蓉包 $68好香😍點埋咖喱真係好好食炭燒豬頸肉 $68燒得少少脆邊🤤夠晒香仲要薄切食落幾爽，一啲都唔鞋椒鹽墨魚咀 $138好好味除咗椒鹽，仲有少少咖喱味惹味得嚟又香口😍邊有得輸青咖喱雞 $88 + 香酥薄餅 $36食泰國菜必嗌嘅配搭青咖喱好足料，配薄餅一流仲夾咗塊豬頸肉入去🤤真係不得了正常質素：泰cow小食拼盤 $168馬拉盞炒通菜 $78泰式炒金邊粉$98依幾樣都正常發揮啦至於好一般般：青木瓜蝦球沙律 $68🥗Totally not my thing🤢好多奇怪味🤭泰式無骨酸辣鳳爪 $78唔係好夠味🤔辣椒膏炒青口 $138一啲都唔夠惹味🤫搞到個青口都唔掂整體嚟講都唔差嘅每人$250左右(btw 記得帶現金，因為唔收卡)我哋星期日晚嚟，full晒啲人特登揸車入嚟食我就覺得未吸引到咁😂

🇭🇰#元朗 🚌露營車旁的泰國餐廳🍴【#泰cow 】🇹🇭 入元朗國食泰餐當去咗旅行啦🧳因為佢喺我哋露營車隔離我哋貪方便就去咗食晚餐～佢都幾多人去應該好出名夜晚好full記得book定位🥭芒果鴛鴦糯米飯$88作為飯後甜品嘅佢 芒果嘅份量一啲都唔小🤏雖然唔係當做嘅季節但係都唔會好酸😍我就鍾意食白糯米⚪️多個黑糯米啦⚫️椰汁都夠撈晒成個飯，雖然價錢有啲貴要$88但係對比番個份量同質素，性價比係幾高👍🏻店員都會好貼心問你係咪要後上見你食晒先會再問你唔會好似好急好趕時間咁吹你走

同fd book 左星空露營車，順便試下泰Cow首先，餐廳出面有d裝飾、水池、植物、有室內室外用膳地方，都幾似去左旅行咁～都幾滿座！所以最好book左位先！我地order左冬蔭公湯同通菜，味道正常。麵包: 味道唔錯！有黃咖哩同青咖哩點，青咖哩味道唔太出，但黃咖哩就幾惹味😋。我地見好多枱都有叫咖哩蟹，於是我地都order，3百零蚊，得一隻蟹都有少少貴，但都算大隻多蟹肉，咖哩味道ok，好快就撈左一碗白飯吃飽了😄

朋友喺社交平台度介紹呢間泰菜或環境好食物質素好，真係冇介紹錯。我哋四個人叫咗大概八碟餸，生蝦非常彈牙，雞腳夠入味⋯⋯老闆話蒜蓉包係招牌菜，真係非常軟熟，咖喱蟹個汁好得價錢都好，爭啲食完連汁都想打包返屋企.....

9/11/2019價錢吾平🙄食物吾高要求嘅話大都免強可以接受(椰青海鮮焗飯就難接受D！除咗面果浸有椰汁嘅飯有味！底下果D就無聞無味！我懷疑都無點炒過個飯就裝入去焗)😲最接受吾到嘅就系服務！😫星期六晚19:00BOOK咗枱4人1小🐕！去到安排我哋坐“兩餐椅+半圓梳化！我心諗“半圓梳化”點用餐呀？兩人坐定兩人+1🐕坐好呀？就問某位女侍應可否換張普通4人餐枱+張餐椅好比🐕坐？點知得嚟嘅回覆系話其他枱已比人BOOK晒無枱可轉同無多一張餐椅，所以無得+比我！咁大間餐廳(無一張餐椅多)？(當時系18:45眼觀四週衹有一枱客其它枱全部都系吉嘅)(因4人中有一個系新相識)！所以忍住無即時發難叫走去第度食！唯有硬住頭皮2人1🐕坐梳化捱足一餐時間，“無挨無朋”！最慶就系用餐途中上洗手間時“見度隔幾枱遠3人1🐕就用咗5張餐椅，而隻🐕🐕系攤咗係2張拍埋嘅椅上邊！😡喱間餐廳我話咗可一不可再仲要叫我D客都吾好去幫襯！😡

今日16人一齊食生日飯, 有人決定去食泰國菜, 元朗泰國菜都有唔少, 有食家就決定去呢間隱世泰國菜試下, 因為聽講抵食大件, 不過呢度唔揸車黎就唔方便. 小食拼盆, 生蝦, 炸豬手同鹵水豬手, 蒜蓉包, 紅咖喱牛腩同黃咖喱雞, 蠔仔蛋, 蒜蓉炒椰菜苗, 生菜包,馬拉盞炒椰菜苗, 柚子沙律, 菠蘿炒飯同埋冬陰公, 咁多野食16人剛剛好, 冬陰功感覺有啲辣, 層次感差啲, 豬手去左骨, 炸既香口, 鹵既入味, 唔錯, 我喜歡蒜蓉包, 方形似蛋糕, 配咖喱汁, 都好飽飽,其他菜式不過不失啦…最後餐廳送上西瓜啫喱, 裡面有好多新鮮雜果, 清清地唔太甜, 夠自然。

朋友在這裏吃過說很好味的泰菜，所以剛好有兩個人揸車就可以兩車人一起去，雖然地方比較難搵，但我覺得好吃的東西也不怕山途水遠，環境也很好，特別推介蒜蓉包，很少見到這個形狀，蒜蓉包還有兩個咖喱汁提供非常窩心，真的是必點👍🏻

唔係揸車一定唔會入去食, 因為揸車靠GPS都會行錯路, 佢個地點實在太過山旮旯, 都唔知點解可以响度開餐廳, 雖然係遠離人煙, 但始終太遠, 一路入去都杳無人煙, 都有D驚驚地~咪以為咁山旮旯會冇乜人去食, 室內都基本上坐滿, 但我一定唔會坐室外囉~ 鬼死咁多蚊, 你未開始, D蚊都已經食飽~出面好似有吹氣床比小朋友玩, 門口仲有夾公仔機, 好似冇咁單調, 不過就唔多人玩囉~泰式生蝦咪搞我, 而家已經少食生嘢, 而且我從來接受唔到泰國生嘢~黃金磚多士呢個未嚟之前見到相都已經吸引我, 果然不負所望, 好香口, 個心好軟, 如果再多d蒜茸會再正d, 雖然佢有兩個汁跟, 但個個都係點咖哩蟹果個汁, 因為果個濃味d~串燒(牛/豬)淨係食咗豬, 燒得幾香口, 個沙爹汁都好看椰汁味~木瓜沙律又係我唔食, 因為辣, 所以no comments~泰式小食拼盤好似有5種小食, 有雞翼、串燒、春卷、蝦餅、魚餅, 由於人太多, 根本唔夠分, 我好似淨係食咗春卷同蝦餅, 味道麻麻地~生菜肉碎包冇食過, 因為太多唔知係蔥定係香茅, 唔係太吸引我~椰汁海鮮飯個樣好勁, 面頭插滿海鮮, 但真係淨係得面見到果d海鮮,

一間無車好難去到既餐廳，位置比較偏僻，有車睇住地圖都有啲難去因爲沿途有路牌但太暗。餐廳裝修唔錯，外面有影相打卡既地方，但因為都比較郊區，所以都幾多蚊。野食比較一般比起元朗另一間比較出名既泰國餐廳，呢間相對地比下去，貴小小又比較普通

午餐時間係附近農場做完野, 試下新野!整體食物質素不錯, 但一開始既情況令我覺得好奇怪。到達時明明餐廳只有一半枱有客, 空枱亦冇留座既標示, 但收銀台職員卻叫我地無BOOK枱要旁邊等一等!!???好彩即刻有位女士安排我地兩個人坐一張大圓枱。然而, 到我地食完, 大部份既枱都未有坐人, 我地既大圓枱亦無人搭枱!海南雞飯雞雖肉質唔係好嫩滑個種, 但係每件都大大件啖啖肉, 雞醬酸酸辣辣, 好開胃。飯量有點散, 份量非常多,但雖然好餓, 但最後都係食剩少少。跟餐仲會有一碗雜菜湯。香葉辣肉碎煎蛋飯份量一樣係好多好多, 辣肉碎一大堆, 炒得乾身有鑊氣, 有泰味, 都幾辣。馬拉盞炒通菜好食, 馬拉盞鹹香風味足夠, 又係大大碟。總括而言，食物味道不錯，亦大碟抵食。

星期日 family day, 又係時候搵晚飯地點。喜歡找尋新地方試食物的我，是晚鎖定吃泰菜。在OP找找元朗區的泰菜⋯ 發現這家隱私的餐廳，立即打電話去訂座。我們一行9人，開車子到達⋯ 真的是第一次來到這裡，沒想到這個地方有一所裝修到如此度假feel的泰菜餐廳。夏天到了，當然不選戶外餵蚊。而且扶老攜幼，還是坐室內啦～ 而且當晚更有love band演唱😉看餐牌的價錢都不便宜但也不算太貴；特別是這家說菜都是自家種。菜來了！這個價值$138的生蝦刺身，應該算是食水很深的一道⋯ 才6件，且蝦不新鮮什麼味道也沒有店員推介招牌的蒜蓉金磚，完全不覺得特別。在外面吃到的比這個好，而且要$68老公點了青木瓜沙律，幸好不過不失，就是份量細我們點了2款青菜，一個炒椰菜苗，另一個是通菜。椰菜苗的當然好吃，但份量太少⋯ 就是2人份量的樣子。通菜的份量也不多，味道錯不了我們全家都愛蠔仔蛋，也點了⋯ 蛋不香且老了一點⋯ 蠔仔完全沒鮮味；店員亦不停推薦店內燒烤食品，於是點了鹽燒烏頭⋯ 燒的仍有烏頭肉的泥味。可能冬蔭公煮會好一點。另外也有點小食拼盤⋯ 如果再會去，只需點蝦餅及魚餅算了。之前看圖對椰青飯抱很大期望，可惜

上網成日見人食泰cow不過好似好難搵唔知點去好彩的士司機識路😅😅😅環境其實好靚室內每星期都有live band唱歌，可以一邊食一邊點歌食物份量都比正常的泰國餐廳多同大碟😋😋😋😋😋😋😋不過味道就比較辣🌶個柚子沙律係最辣😂但係好好味👍🏻👍🏻👍🏻👍🏻👍🏻蒜蓉多士都係呢度必食的小食👍🏻👍🏻👍🏻👍🏻👍🏻芒果沙冰超正好大杯👍🏻👍🏻👍🏻👍🏻👍🏻有嘢食有歌聽遠少少都值得

入座前無人帶位，座低後點菜，菜到，食到半途，一個男人婆女侍應態度極惡劣趕我們走，話我們坐了人地個位。入座前完全無人理會我們，仲同我們落單，然後話我們有問題。我們便將吃剩一半的菜全部打包拿走，由於我們帶着父母和孩子，亦不想丟臉與侍應講道理，於是便快快埋單離開，好啦，侍應來埋單，極大力丟張單在客人面前叫人俾錢，面極黑，好無奈。我從來都未試過去一間餐廳，感到如此羞辱。大家要考慮一下要不要去這間不知所謂的餐廳。