影片
港铁铜锣湾站 C 出口, 步行约2分钟
继续阅读
电话号码
21895518
21899518
营业时间
今日营业
11:30 - 15:00
18:00 - 23:00
星期一至四
11:30 - 15:00
18:00 - 23:00
星期五至日
11:30 - 15:00
17:30 - 23:00
以上资料只供参考，请与餐厅确认详情
🔎 瀧本日式料理 (銅鑼灣)今日去咗銅鑼灣一間新開嘅日式放題🇯🇵裝潢好新又舒適空間好闊落！還可以包房！不設低消/額外收費‼️三間包房是大中小房，打通房間可坐20多人適合親朋好友聚會慶生🎉人均只需$2xx就可以享受超過100種日式料理😍真係覺得係暫時香港食過性價比最高的放題店！刺身🍣呢度嘅刺身款式多到傻！雪場蟹腳、雪場蟹腳、象拔蚌、赤蝦、帶子、赤貝、希靈魚、北寄貝、油甘魚、三文魚、虎蝦、甜蝦全部都好新鮮好厚肉😋壽司手卷🍣有黑松露油甘魚腩、黑松露赤蝦、柚子胡椒池魚王、魚籽醬鮮帶子、三文魚腩、櫻花蝦鰻魚玉子燒、瀧本花之戀、吞拿魚沙律、龍蝦沙律他他、芝士熔岩帝王蟹棒、七味蒜蓉燒熟蝦、醬燒蒜香和牛、火炙左口魚邊、炙燒牛油帆立貝、蔥燒三文魚腩、明太子龍蝦沙律卷🦞芝士蟹籽火龍卷、吞拿魚香蔥拖羅蓉卷…手卷有海膽手卷、醬汁鮑魚手卷、芥辣八爪魚手卷🐙飛魚子手卷…有創意得嚟好高質！一品料理🦑花雕醉鮑魚、蒜蓉粉絲蒸扇貝、鮑汁扒時蔬、桃膠紅棗雪耳、茶碗蒸、鵝肝厚多士、清酒煮蜆、一品牛柳粒、牛油栗米杯炸物🍳 黃金燒乳鴿、廣島吉列蠔、芝麻雞翼、榴蓮炸彈、香芋流心球、芝士年糕、香脆牛奶卷🥛天婦羅🍤 皇帝蟹柳🦀大蝦🦐甜番薯🍠南瓜🎃串燒和燒物🔥鹽燒牛舌、鹽燒海蝦、鹽燒雞腎、燒翠肉瓜、鹽燒雞軟骨、醬燒鯖花魚、蒜蓉烤生蠔、西京比目魚、香草烤羊架、蒲燒鰻魚、燒菠蘿🍤🔥鍋物🥘牛肉壽喜燒、泡菜豆腐鍋、雜錦海鮮湯、豚肉烏冬、叉燒拉麵 🍲🥩自助區🥗唐揚炸雞、麥樂雞、黑松露鰻魚炒飯、泰式蝦餅、麻辣雞煲、麻辣小龍蝦🦞雞翼、酸菜魚、薯條🍟薯波、炸餃子🥟、哈根達斯雪糕、沙律生果🍎凍海鮮（青口大蝦）、日式前菜、中式老火湯、甜品、冷泡茶、啤酒、清洒、梅酒、汽水
继续阅读
點解見咁多ig foodie賣廣告，又多一式一樣嘅好評，我都照黎？因為諗住作為一間新開嘅餐廳，QC理論上衰極有個譜掛，點知真係難食到趴街🙏🏻是日星期五晚市其實坐唔爆場，唔知點解出餐極慢之餘啲嘢食基本上都係凍，炸嘢凍食咁仲算係炸嗎？😅天婦羅炸漿仲又厚又淋。所有，係所有肉都好韌，香口膠都好咬過佢嗰種。開頭影咗一兩張食物相咁大把，都冇心機了🚩張2人枱細之餘，同隔離枱距離一定冇5cm，唔知以為成串都係同枱🙏🏻唯一可取之處係有位姐姐收碟快囉☺️最後本應食兩個鐘，一個鐘就頂唔順走咗，雪糕都冇攞😹浪費cheat day，過兩條街大排檔食返三個餸補數算。佢有分A B兩個餐，價錢差200幾蚊，好彩冇食貴🙏🏻真係不了，不了，不了。
继续阅读
銅鑼灣新開咗間日式放題!!$248起兩個鐘任食😚有多款刺身壽司同日式料理任君選擇~海膽鵝肝乳鴿 連Haagen Dazs都系任食架!仲有啤酒任飲🤪史努比就試咗平啲嗰個set 一於講下有咩好食😋-🔸A餐經典刺身盛宴 正價$298/位史努比去嗰日系星期二 早啲遲啲都可以再平啲😚17:30-19:30 $268 20:30後入座就$278👍🏿刺身種類都幾多~三文魚大大塊夠厚切食落有三文魚味 又夠肥美油潤帶子正常 切得比較薄 疊埋食口感好啲🤣唔算好甜 但新鮮赤蝦唔錯 帶啲漿口甜蝦比起赤蝦更加鮮甜😳油甘魚ok唔腥 但冇話特別油潤 不過第二round再嗌嘅時候竟然比近腩位 即刻好食咗好多😂希靈魚唔系個個鍾意 史努比就幾鍾意佢嗰種卜卜脆嘅口感加鹹鹹香香嘅味道🤪其他北寄貝 松葉蟹腳 赤貝 螺片都正常發揮🙌🏿Overall刺身唔錯!味道: 8/10👍🏿壽司首先要讚下壽司飯 軟硬度適中溫度都keep得好好 唔會凍晒硬晒!醋落得比較多 偏酸少少 但史努比幾鍾意🤣開胃啲😜壽司飯都唔會話好大舊 不過手卷嘅就會大咗少少😂款式好多 火炙/卷物乜都有但胃容量有限 史努比冇試好多大家最關注嘅海膽手卷!老實講海膽份量就唔多 但食落有甜味嘅質感亦幾creamy 放題嚟講絕對系值得試蟹膏花之戀 蟹籽份量超多 口感好正😁不過蟹膏嘅存在感就偏低 三文魚質素ok 配搭適量嘅沙律醬 味道唔錯另外油甘魚腩肥美甘香 配搭柚子胡椒帶出小清新櫻花蝦鰻魚玉子燒冇飯嘅~😜感覺就系芝士+甜玉子+鰻魚+沙律醬嘅混合版鰻魚較薄 芝士沙律醬同玉子嘅甜味較出鍾唔鍾意見人見智啦 唔伏🤣另外仲有黑松露劍魚腩/赤蝦 拖羅 帶子 燒和牛等等嘅壽司卷物味道: 7.5/10👍🏿燒物特別推薦燒生蠔😚蠔肉都算大隻食落多汁夠肥美 配搭炸蒜味道好香 不過略嫌炸蒜硬咗啲燒菠蘿賣相麻麻 但味道ok喎🤣酸酸甜甜幾juicy!鰻魚唔會太鹹 厚啲會好食啲🤭比目魚稍甜咗啲 魚油唔算太重另外亦有燒海蝦 爸爸👨🏻話都唔錯味道: 7/10👌🏿一品料理大家關注嘅鵝肝多士! 見啲人成盤廿幾件咁嗌😂😂鵝肝可能太耐冇拍拖 冇乜油分嘅滋潤🤣食落冇油香多士應該落咗蒜蓉蜜糖牛油偏甜咗啲 好香脆 其實ok好食 不過就冚咗鵝肝陣味🫣就咁食鵝肝嘅口感怪怪地 偏粉感 唔太嫩蒜蓉粉絲扇貝味道幾香 扇貝偏細粒但唔系話冇肉𡁻嗰種 依然食到佢嘅甜味!醉鮑魚嘅花雕酒味好多 甜甜地帶酒嘅甘醇質地都夠爽彈 帶啲𡁻口 唔錯!😚清酒煮蜆正常發揮 蜆夠甜😋味道: 6.5/10👌🏿炸物/天婦羅呢啲飽肚嘢淺嚐就好🤣但竟然有乳鴿😳史努比一向麻麻就冇試到 爸爸👨🏻話都唔差😙榴槤炸彈外香脆內軟糯 爆漿榴槤好鬼正!天婦羅就一般 厚粉唔脆 但蝦肉爽彈嘅 味道: 6.5/10👍🏿自助區有凍蝦凍青口 仲有榴槤!😳要特別讚下先🤭榴槤香甜 口感幼滑又creamy只不過雪得凍咗少少🤣另外仲有好多大路嘅日式冷盤 川式魚皮 泰式鳳爪都有熱食方面選擇都唔少 辣雞煲酸菜魚 中式老火湯糖水通通有齊但史努比嘅胃容量有限 食得QR code上面嘅嘢之後都食唔落自助區嘅🤣不過當然都有留肚食雪糕😂😂佢哋連Haagen Dazs 嘅士多啤梨同雲尼拿味都系任食!仲有朱古力脆皮雪條 甜筒等等嘅雪糕🤪另外飲品方面有啲罐裝啤酒 例如budweiser, heineken, etc.*另設加一服務費*漏單嘅情況系有嘅 但唔多而且都只系漏咗一兩件壽司 問題不大~新開張嚟講都算run得幾唔錯 服務都ok食物水準絕對合格 放題有好有唔好系正常嘅🤣呢個價錢 合理質素~鍾意食刺身嘅話可以試呢間!嗌咗3 round都keep到水準呢個價位有埋Haagen Dazs任食 史努比覺得試得過嘅!😝睇到呢度唔好插住! 都知有人話佢貴 唔值其實夾啱時間揀個A餐 計埋加一 人均三舊水 佢嘅刺身有呢個質素 值吖!但頭盔始終要帶 刺身水準睇當日來貨 史努比去嗰日品質系好嘅🤣🤣.整體評分：味道: 7.1/10環境: 8/10服務: 7.5/10衛生: 7/10抵食: 7.9/10(品牌合作分享)
继续阅读
🎉🎊銅鑼灣近期開咗間勁豐富嘅日式放題餐廳！🎏🪭瀧本日式料理開在銅鑼灣廣場二期，交通方便，環境以木系為主，搭配柔和的燈光，簡約舒適，各種餐枱滿足唔同食客需要，更設包間，而且不設最低消費/額外收費，非常適合同朋友慶祝生日或者聚會！🍱大廳設有寬敞的自助吧區，提供各類新鮮海鮮冷盤、酥炸小食和時令🍈水果，仲有老火湯、酸菜魚、麻辣小龍蝦…選擇相當豐富。佢哋超過100款刺身🍣、日式料理🍢、特調飲品飲料!分為「A餐經典刺身盛宴、B餐極致海鮮盛宴」嚴選日本🇯🇵每日特色海產，刺身壽司質素好高，三文魚、油甘魚、帶子…厚實且鮮嫩，口感鮮甜。🍣手作壽司、🍘🍙手卷品種選擇繁多。熱食方面，關東煮🍢天婦羅🍤、炸物熱辣辣香炸新鮮，烤羊架，肉質鮮嫩juice.一口牛柳更是油脂豐腴，入口即化。尤其鐘意西京燒比目魚🐟、蒜蓉焗生蠔🦪、牛肉壽喜燒、一品牛柳粒、蒜蓉粉絲蒸扇貝、蒲燒鰻魚…質素都好高，上菜快，店員仲好親切提醒要趁熱食，抵贊！🍮甜品區有大量款式選擇，飲品櫃甜品櫃大量供應，豆腐花、涼粉、果凍、🍦雪糕、仲有Haagen Dazs雪糕任食!🈹開業第一個月內電話訂座或者網上訂座，更可享開業9折優惠！🎊🎊午市長者尊享88折優惠🎀生日優惠（4人同行1人半價、8人同行一人免單）🎉勁抵食，下次同朋友慶祝生日肯定首選呢度！📍瀧本日式料理銅鑼灣駱克道463-483號銅鑼灣廣場二期8樓港鐵銅鑼灣站 C 出口, 步行約2分鐘
继续阅读
今次去呢一間喺銅鑼灣新開嘅放題，可能我預訂嘅係星期一，所以前一日訂位都有枱。當日12:00去到嘅時候，現場很少人，但係我仍然被安排坐喺長枱，不過可能因為冇人，所以客同客之間都係留咗一個空位的。（後來同阿姐吹水嘅時候，佢話卡位係比一啲有訂枱嘅客人，即係話如果客人要早訂枱，就有機會坐到卡位月後嘅就只能夠坐喺長枱）講返食品質素，我叫咗幾款刺身（三文魚、赤蝦、甜蝦、帶子），每一次刺身上枱嘅時候都係有冰係下面保持食品嘅新鮮，而我食落口嘅海鮮都係覺得幾鮮甜好味嘅。至於炙燒壽司，佢嘅上面嗰塊肉太薄啦，好似食緊醋飯咁。佢個壽喜燒鍋，我建議佢哋花啲心思用個爐仔去熱住煮個鍋，肉同蔬菜另上，等啲客自己去落，咁樣啲肉就唔會咁柴，值得推介係乳鴿、比目魚、蝦天婦羅。熟食區的酸茶魚夠入味👍🏻蟲草花螺頭雞湯正👍🏻佢仲有D24 榴槤提供，但我手慢，俾一個已經成枱嘢食的8婆，攞左成盤埋位食，結果我等唔切補給，走了
继续阅读