影片
开饭介绍
位于九龙城一间舖位细细的日本食肆，较有特色的招牌小食是「和风烧饼」，烧得香喷喷，仲有多种口味任择，真系未必度度都有得食。
继续阅读
营业时间
星期一至日
12:00 - 23:00
以上资料只供参考，请与餐厅确认详情
招牌菜
相关文章
食记 (194)
第一次食洋一，系小学嘅时候。其时仲未有南角道舖，一开始间舖系开喺龙岗道（从门面嚟睇，似乎即系而家嘅泰禾美，𠮶阵亦应该唔系叫居食屋），舖头极细，都唔知有冇十张枱，依稀记得，一入去左手边系摆漫画嘅，然后就系收银枱，之后系座位。近门口右手边系隔篱大厦嘅楼梯底，只能摆杂物。𠮶阵间舖啱啱开冇耐，亦应该系当时九龙城一带唯一平民日式料理店（海裕已经喺度，但绝唔系一般人afford得起嘅level。元绿都应该系后来先开，先系喺福佬村道恒生对面，后搬去太子道西唔记得系惠康定再落一条街，当时仲叫示字部嘅元「禄」，英文亦唔系GO SUSHI，价钱则系十五蚊一碟起表）。𠮶阵时，佢嘅咖喱饭同烧饼系非一般好味，亦应该系我第一次食拉面嘅地方（尤其记得站著吃拉面呢个名），所以后来都不时 ENCORE。细个嘅我当时仲未知究竟烧饼上面𠮶啲一块块郁嚟郁去嘅嘢究竟系咩东东，只系觉得好得意好好玩。而当然唔少得嘅系去到就会有好多都几新嘅漫画，同埋播啲听唔明嘅日本节目。后来虽然搬咗屋，但中学时期仍然喺呢区返学，LUNCH TIME 有时都会去食，而南角道店，应该都系𠮶阵，大约九十年代尾至二千年代头开嘅。有一段时间两间舖并存，而南角道下昼系休息嘅。𠮶阵 MENU 都冇乜大变化，而寿司就仲未有。MENU 度有寿司一类食品同埋 LUNCH MENU（即可加配寿司或其他食物、唔加就九折），应该系龙岗道本店结业后嘅事。冇咗龙岗道舖后，南角道舖就全日营业。大学时期亦都曾经同班同学去食过。之后大学毕业，出嚟做嘢，去九龙城嘅日子少咗好多，系有时星期六日，如果得闲，都会走去食下。咁多年嚟，九龙城变化好大。细个住九龙城寨、小学时一路上堂一路听飞机声，到中学，城寨拆卸，机场搬走，之后慢慢见到越嚟越多高楼落成，而家就开始沙中线封路处处，而喺九龙城呢个旧区亦越嚟越多高级餐厅出现。香港喺呢十几廿年开咗好多高档日式料理，可以话系吊高晒香港人嘅胃口，而家食返佢啲咖喱饭、拉面甚至寿司，我相信唔会话曳，但一定唔算顶级。但我有时都会选择去呢度食，一来真系由细食到佢大有感情，二来佢𠮶种「庶民」情怀系𠮶啲高档舖头始终揾唔到，三来喺呢个冇加一嘅价钱，我觉得真系抵食，或者我见识少，喺九龙城我都见唔到有乜代替品喺「性价比」及得上佢。咁多年嚟，洋一冇乜大变化（讲起上嚟佢张垫枱纸啲图案真系始终如一），生意仍旧不俗，不过，漫画书架就冇再update好耐（而家买漫画嘅人亦都少咗），而𠮶部由CRT后来变LCD、由播带变成播碟嘅电视，都好似永远长期LOOP住同一个节目。而我识得𠮶位喺龙岗道做到南角道嘅阿姐，几年前亦已经冇再做。「变幻才是永恒」，我当然明白：细个读𠮶间幼稚园，而家系麦当劳；而间幼稚园上面、屋企人曾经带我锯扒𠮶间大家乐，而家变咗NEWAY。曾经喺洋一度等食饭前睇嘅 EX-am，已经停刊好耐。不过，喺今日心血来潮，想再去探呢位老朋友时，赫见已经落闸，连个招牌都唔见咗（差啲以为太耐冇去去错第二条街），只见一个招租牌面，𠮶种难以置信、要即刻拎起部电话search「洋一」然后见到google search嘅suggestion系「结业」嘅感觉，真系百般滋味。去 Openrice 见到「已结业」三字，谂起我冇从来写过关于呢间餐厅嘅食评（上次写已系仲接受guest review嘅年代），所以 reg 个 account，记低呢段可能有啲模糊嘅历史，唔知会唔会再见，唔知佢咁多年嚟其实有冇转过手，只想借借呢个地方，畀个笑面，并对餐厅老细同埋佢嘅伙记讲声多谢，并祝安好。
继续阅读
今日黎左依到食野,一开始我自己就叫左依个锅烧杂锦乌冬锅,佢就系用清汤做佢个汤底，仲有另上既一个鸡肉串，至于料就有蟹柳,少少菜，冬菇同埋蟹柳等等。食落够哂清清甜甜，唔错唔错,如果唔食浓味既,食依个都系一个唔错既选择,之后就叫多个广岛蚝味赠锅,依个真系几好食。佢D广岛蚝十分之大只，而且仲有四只咁多，够哂足料。入面仲有好多好多菜，豆腐，草菇，佢个菜既配料多到差唔多好似蔬菜锅咁,之后又吸埋个汤既味道,令D料变得非常入味，而汤底就当然比头先既清汤更浓味，加埋有蚝既鲜味，食落我同朋友都十分之喜欢，不过我就钟情自己个清汤锅。之后就叫左个烧帆立贝，意想唔到咁好味，虽然一碟只有两个，,但都够哂因为一个壳裹面有两粒帆立贝,加左紫菜,汁同埋草菇咁焗，特别入味。
继续阅读
之前听朋友讲左几次e次话想黎e到食野，谂番起对上一次黎e到食野已经系几年前既事，加上岩岩出粮梗系要食番餐好嫁啦我地叫左二人套餐就咁睇menu好似好正咁佢有几款二人套餐既menu拣，但如果想饱肚d又满足d 我个人推荐e个@@刺身相忘记左影但除左尤鱼好难咬之外其他刺鱼都系一流第二到菜系煓炉烧焗蚝我本身好少食蚝，但佢个卖相同香味都吸引紧我去试结果出到黎又ok㖞，味道完全冇食酒店个d蚝既腥味劲力推荐大家去食e个啊第三个菜系小鲍鱼茶壶汤，个味道清清甜甜好好饮第四个菜系蟹膏虾籽炒饭，个人觉得味道有小小咸但吾算差，几香食落去味道都吾错但可能要饮番多小小茶或者汤先中和到个只咸之后我地仲叫左店长推荐既鸡软骨，个人觉得如果多d人食e个会好d同埋新出既韩式辣尤鱼寿司and鳗鱼寿司吾系讲笑个个韩式辣尤鱼寿司真系辣到飞起钟意食辣既朋友不妨一试可能我个人吾系好食得辣所以觉得好辣最后个样菜就系甜品e个真系有惊喜haha 益力多布甸同奶茶布甸个人觉得奶茶布甸既味道比益多力布甸梗加出众其实仲想试过个烧饼但已经饱到食吾落，唯有下次先啦最后埋单系$315两个人食价钱算合理，e到免收加一小妹第一次写食评望大家指教
继续阅读
今天五月—号公众假期，探完在九龙医院疗养的外父到洋一居食屋 ( 九龙城南角道5号地下)吃拉面(资料从Open Rice 取得，128😋40ok)，我试了45圆的九州叉烧拉面(人气)，但味道—般，汤底有粟米粒，笋，味道不是太咸，太浓，有几块bok 溥猪肉片，肉片亦不觉什么特别，或新鲜，质感鞋及有点硬，拉面亦没有持别质感，有点腍，不觉弹牙，水准是一般，胜在份量够，kan水味略重，总之，不吃没有损失，下次不会再来。我们亦试了关东牛肉拉面，味道没有惊喜!
继续阅读
很久以前在OpenRice搜寻九龙城美食，已看到很多人推介洋一，唯久久没有帮衬，难得今日来到九龙城，终有机会试试大家的推介。芥末汁海鲜沙律蔬菜面铺上鱼生和粟米粒，加上淡淡的芥末汁，值得一试。三文鱼他他多士 (一碟四件) 多士脆脆的，三文鱼沙律冻冻的，再加上蟹籽爽爽的，还有甚么话说。广岛蚝怀石烧 (一碟两件) D蚝好鲜好juicy, 一人两只好满足。
继续阅读