影片
开饭介绍
位於九龍城一間舖位細細的日本食肆，較有特色的招牌小食是「和風燒餅」，燒得香噴噴，仲有多種口味任擇，真係未必度度都有得食。
继续阅读
营业时间
星期一至日
12:00 - 23:00
以上资料只供参考，请与餐厅确认详情
招牌菜
相关文章
食记 (194)
第一次食洋一，係小學嘅時候。其時仲未有南角道舖，一開始間舖係開喺龍崗道（從門面嚟睇，似乎即係而家嘅泰禾美，嗰陣亦應該唔係叫居食屋），舖頭極細，都唔知有冇十張枱，依稀記得，一入去左手邊係擺漫畫嘅，然後就係收銀枱，之後係座位。近門口右手邊係隔籬大廈嘅樓梯底，只能擺雜物。嗰陣間舖啱啱開冇耐，亦應該係當時九龍城一帶唯一平民日式料理店（海裕已經喺度，但絕唔係一般人afford得起嘅level。元綠都應該係後來先開，先係喺福佬村道恒生對面，後搬去太子道西唔記得係惠康定再落一條街，當時仲叫示字部嘅元「祿」，英文亦唔係GO SUSHI，價錢則係十五蚊一碟起錶）。嗰陣時，佢嘅咖喱飯同燒餅係非一般好味，亦應該係我第一次食拉麵嘅地方（尤其記得站著吃拉麵呢個名），所以後來都不時 ENCORE。細個嘅我當時仲未知究竟燒餅上面嗰啲一塊塊郁嚟郁去嘅嘢究竟係咩東東，只係覺得好得意好好玩。而當然唔少得嘅係去到就會有好多都幾新嘅漫畫，同埋播啲聽唔明嘅日本節目。後來雖然搬咗屋，但中學時期仍然喺呢區返學，LUNCH TIME 有時都會去食，而南角道店，應該都係嗰陣，大約九十年代尾至二千年代頭開嘅。有一段時間兩間舖並存，而南角道下晝係休息嘅。嗰陣 MENU 都冇乜大變化，而壽司就仲未有。MENU 度有壽司一類食品同埋 LUNCH MENU（即可加配壽司或其他食物、唔加就九折），應該係龍崗道本店結業後嘅事。冇咗龍崗道舖後，南角道舖就全日營業。大學時期亦都曾經同班同學去食過。之後大學畢業，出嚟做嘢，去九龍城嘅日子少咗好多，係有時星期六日，如果得閒，都會走去食下。咁多年嚟，九龍城變化好大。細個住九龍城寨、小學時一路上堂一路聽飛機聲，到中學，城寨拆卸，機場搬走，之後慢慢見到越嚟越多高樓落成，而家就開始沙中線封路處處，而喺九龍城呢個舊區亦越嚟越多高級餐廳出現。香港喺呢十幾廿年開咗好多高檔日式料理，可以話係吊高晒香港人嘅胃口，而家食返佢啲咖喱飯、拉麵甚至壽司，我相信唔會話曳，但一定唔算頂級。但我有時都會選擇去呢度食，一來真係由細食到佢大有感情，二來佢嗰種「庶民」情懷係嗰啲高檔舖頭始終搵唔到，三來喺呢個冇加一嘅價錢，我覺得真係抵食，或者我見識少，喺九龍城我都見唔到有乜代替品喺「性價比」及得上佢。咁多年嚟，洋一冇乜大變化（講起上嚟佢張墊枱紙啲圖案真係始終如一），生意仍舊不俗，不過，漫畫書架就冇再update好耐（而家買漫畫嘅人亦都少咗），而嗰部由CRT後來變LCD、由播帶變成播碟嘅電視，都好似永遠長期LOOP住同一個節目。而我識得嗰位喺龍崗道做到南角道嘅阿姐，幾年前亦已經冇再做。「變幻才是永恒」，我當然明白：細個讀嗰間幼稚園，而家係麥當勞；而間幼稚園上面、屋企人曾經帶我鋸扒嗰間大家樂，而家變咗NEWAY。曾經喺洋一度等食飯前睇嘅 EX-am，已經停刊好耐。不過，喺今日心血來潮，想再去探呢位老朋友時，赫見已經落閘，連個招牌都唔見咗（差啲以為太耐冇去去錯第二條街），只見一個招租牌面，嗰種難以置信、要即刻拎起部電話search「洋一」然後見到google search嘅suggestion係「結業」嘅感覺，真係百般滋味。去 Openrice 見到「已結業」三字，諗起我冇從來寫過關於呢間餐廳嘅食評（上次寫已係仲接受guest review嘅年代），所以 reg 個 account，記低呢段可能有啲模糊嘅歷史，唔知會唔會再見，唔知佢咁多年嚟其實有冇轉過手，只想借借呢個地方，畀個笑面，並對餐廳老細同埋佢嘅伙記講聲多謝，並祝安好。
继续阅读
今日黎左依到食野,一開始我自己就叫左依個鍋燒雜錦烏冬鍋,佢就係用清湯做佢個湯底，仲有另上既一個雞肉串，至於料就有蟹柳,少少菜，冬菇同埋蟹柳等等。食落夠哂清清甜甜，唔錯唔錯,如果唔食濃味既,食依個都係一個唔錯既選擇,之後就叫多個廣島蠔味贈鍋,依個真係幾好食。佢D廣島蠔十分之大隻，而且仲有四隻咁多，夠哂足料。入面仲有好多好多菜，豆腐，草菇，佢個菜既配料多到差唔多好似蔬菜鍋咁,之後又吸埋個湯既味道,令D料變得非常入味，而湯底就當然比頭先既清湯更濃味，加埋有蠔既鮮味，食落我同朋友都十分之喜歡，不過我就鍾情自己個清湯鍋。之後就叫左個燒帆立貝，意想唔到咁好味，雖然一碟只有兩個，,但都夠哂因為一個殼裹面有兩粒帆立貝,加左紫菜,汁同埋草菇咁焗，特別入味。
继续阅读
之前聽朋友講左幾次e次話想黎e到食野，諗番起對上一次黎e到食野已經係幾年前既事，加上岩岩出糧梗係要食番餐好嫁啦我地叫左二人套餐就咁睇menu好似好正咁佢有幾款二人套餐既menu揀，但如果想飽肚d又滿足d 我個人推薦e個@@刺身相忘記左影但除左尤魚好難咬之外其他刺魚都係一流第二到菜係煓爐燒焗蠔我本身好少食蠔，但佢個賣相同香味都吸引緊我去試結果出到黎又ok喎，味道完全冇食酒店個d蠔既腥味勁力推薦大家去食e個啊第三個菜係小鮑魚茶壺湯，個味道清清甜甜好好飲第四個菜係蟹膏蝦籽炒飯，個人覺得味道有小小咸但吾算差，幾香食落去味道都吾錯但可能要飲番多小小茶或者湯先中和到個隻咸之後我地仲叫左店長推薦既雞軟骨，個人覺得如果多d人食e個會好d同埋新出既韓式辣尤魚壽司and鰻魚壽司吾係講笑個個韓式辣尤魚壽司真係辣到飛起鐘意食辣既朋友不妨一試可能我個人吾係好食得辣所以覺得好辣最後個樣菜就係甜品e個真係有驚喜haha 益力多布甸同奶茶布甸個人覺得奶茶布甸既味道比益多力布甸梗加出眾其實仲想試過個燒餅但已經飽到食吾落，唯有下次先啦最後埋單係$315兩個人食價錢算合理，e到免收加一小妹第一次寫食評望大家指教
继续阅读
今天五月—號公衆假期，探完在九龍醫院療養的外父到洋一居食屋 ( 九龍城南角道5號地下)吃拉麵(資料從Open Rice 取得，128😋40ok)，我試了45圓的九州叉燒拉麵(人氣)，但味道—般，湯底有粟米粒，筍，味道不是太鹹，太濃，有幾塊bok 溥豬肉片，肉片亦不覺什麼特別，或新鲜，質感鞋及有點硬，拉麵亦没有持別質感，有點腍，不覺彈牙，水準是一般，勝在份量够，kan水味略重，總之，不吃沒有損失，下次不會再來。我們亦試了關東牛肉拉麵，味道沒有驚喜!
继续阅读
很久以前在OpenRice搜尋九龍城美食，已看到很多人推介洋一，唯久久沒有幫襯，難得今日來到九龍城，終有機會試試大家的推介。芥末汁海鮮沙律蔬菜面鋪上魚生和粟米粒，加上淡淡的芥末汁，值得一試。三文魚他他多士 (一碟四件) 多士脆脆的，三文魚沙律凍凍的，再加上蟹籽爽爽的，還有甚麼話說。廣島蠔懷石燒 (一碟兩件) D蠔好鮮好juicy, 一人兩隻好滿足。
继续阅读