影片
港铁观塘站 A2 出口, 步行约2分钟
继续阅读
开饭介绍
何洪记及正斗粥面专家的年轻品牌，装潢时尚，主打粥、面及干炒牛河等。
继续阅读
营业时间
*截單時間: 22:30
星期一至日
11:30 - 23:00
以上资料只供参考，请与餐厅确认详情
食家推介
招牌菜
相关文章
今日2月14日諗住同老公兩人食晚飯. 晚上7點幾到，那時都沒人等、我排第一、排隊中那個女經理問我會不會搭檯、我說不想、所以佢就比左一張四人卡位比我後面剛剛來的兩人、說開張搭檯比那兩個人、後來我看見有兩張卡位有人埋單、跟住有一個人排係我後面、過了一陣我同那個女經理說我可以坐入面卡位嗎？ 她好快便跟我講未有位住. 我話前面那張卡位吾係清潔完嗎？ 她又說要搭檯、你搭不搭？ 我話你比我坐先啦、你先前都開在張搭檯、有人你都可以比佢坐果張先、點知佢話你肯搭檯咁你跟後面果個人一齊坐好嗎？我吾明點解果個單丁人吾安排坐係先前比左兩個肯搭檯果張檯先？ 點解係要安排同我一張檯？ 擺明玩野？ 一點應有既尊業態度都沒有，好失望！
继续阅读
呢排臨近新年諗住食清啲所以揀灑家粥麵，一入到去間餐廳啲員工望住我同友人企喺門口都冇理過我哋。又冇登記又唔指揮排隊淨係由得啲客人喺門口度等，過咗一段時間先至有一個侍應埋黎問係咪兩個。諗住算啦，之後坐低叫嘢食，叫左全日套餐。個全日套餐包左一個湯兩個小菜，跟住可以揀飯或者粥，再送兩個甜品，但係我哋唔想食甜品嘅關係，就轉左兩杯飲品。個湯幾夠料，無花果味好重，好清甜，但好似細碗左少少如果2個人。個粥係明火米王粥，幾綿，幾好食。之後講下啲小菜個花菇什菜煲分量恰到好處，味道清清地，粉絲分量好夠，菜嘅種類都唔少。個啫啫滑雞煲啲雞都做得幾嫩滑，豬潤份量都好多唔會好鞋而且切得幾厚。但係略嫌佢係有啲鹹。整體上味道幾好只係服務態度欠佳。
继续阅读
Apm食市間間都係連鎖食店，價錢點都有返咁上下。呢間麵食，睇佢裝潢，第一眼都以為係嗰啲貴價兼唔飽嘅米芝連食府。但睇真啲原來唔太貴！我同屋企人，有老人家，最岩有飯有麵有粥，當茶餐廳食又得；佢有小菜，當茶樓食又得！價錢仲要唔貴。有獲氣，好似出去食大排檔咁，但係坐得勁舒服。推介個粥，粥底好綿好好食，仲有個美極魚雲煲，魚炸到脆卜卜，配上美極調配嘅醬汁（重要嘅係，佢仲係乾身！），好食！
继续阅读
觀塘APM番工，最好午餐係APM食最方便，同事介紹食灑家粥麵，係創紀之城5期3樓。入去環境唔錯，食十二點唔算多人。見到有灑家全日套餐，唔同配搭，兩位同事都讚成叫$258全日套餐，因為係最抵食！可以自選點心或腸粉兩款，精選小菜一款，生滾粥或湯麵兩碗，油菜一碟，兩杯野飲！哩個份量真係足夠三位用餐！我地最後決定叫蝦蛟+蝦腸粉，蝦蛟皮薄好味，蝦腸粉就太厚。叫左一碗水蛟雲吞麵+艇仔粥，小菜方面揀左炸魚腩，大件抵食。叫左熱檸檬茶同熱豆漿！
继续阅读
最近有d凍，就諗起想食碗熱辣辣嘅生滾粥，但觀塘工廠區又冇咩粥店選擇，所以就去左呢間出名貴嘅粥店，一切伏嘅開始！先小人後君子，講講佢地嘅安排座位機制，兩個字：混亂！🤦🏻♀️既無登記、亦唔指揮排隊，任由客人係門口等，客人出聲查詢，仲被侍應當場叫「咪嘈」見客人面有難色，就180°轉變態度，其實就係驚被投訴，咁嘅服務態度真係唔掂！雖然侍應服務態度好有問題，但佢地嘅粥品腸粉的而且確唔錯。粥品都係生滾粥，可以從半開放式廚房睇到所有粥品都係即叫即煮。粥底非常綿滑，艇仔粥亦係非常足料！魷魚、豬皮、魚片等配料樣樣齊，我甚至懷疑料比粥更多。同樣地腸粉亦係廚房即叫即煎，所以等耐少少。腸粉皮食得出有米香，雖然係幾滑口，但略為太厚。叉燒餡料又非常足料！整體味道係唔錯，但服務有待加強！
继续阅读