洪記餃子雲吞糖水

营业中

休息中

【📍大埔｜二訪實力地區小店】🐨即包粢飯 $25 推薦度：⭐️⭐️⭐️⭐⭐ 粢飯熱騰騰即包即食，尺寸超大，唔使加錢一樣足料！！糯米有米香又有煙韌感。餡料有香脆油炸鬼、鹹香榨菜同大量鬆軟的肉鬆，油炸鬼令到成個粢飯加晒分～真係窮人之選...🐨粟米煎餃 $40 推薦度：⭐️⭐️⭐️⭐⭐ 外脆內汁煎餃，煎得香脆卻不會硬，每粒煎餃都飽滿至極，皮薄度見到粟米🫢粟米煎餃比例恰到好處，食到香濃粟米味，還帶淡淡的油香，口感豐富💕🐨鹹蛋黃煎餃 $50 推薦度：⭐️⭐️⭐️⭐⭐ 鹹蛋黃同豬肉搭配，鹹香味十足，肉汁豐盈，口感滑嫩！鹹蛋黃比例好多，絕對覺得係餃子number one👍🏻 不過係偏重口味，鍾意食菜餃嘅朋友就自己衡量啦🤣🐨椰汁芋泥紅豆丸子核膠 $36 推薦度：⭐️⭐️⭐️⭐ 又係一款料多過水嘅甜品🤗豐富配料：滑順芋泥、Q彈紅豆丸子和香清椰汁，讓每一啖都有驚喜！芋泥味濃郁，紅豆丸子不會過甜，口感煙韌，作為結尾就啱晒啦😳——☼——☼——☼——☼——☼——洪記餃子雲吞糖水📍地址：大埔寶鄉街47號地下D2號舖🐨推薦度：😋😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡🛠️分類：

今日姪女生日大晒，包食活動由朝到晚，lunch之後睇埋戲，返屋企前去大埔洪記買埋糖水做飯後甜品。多芒楊枝甘露味道清新，芒果嘅香味好濃，搭配椰漿真係一流。芒果西米桃膠芋圓，桃膠加上西米，口感豐富，係一個好嘅選擇，特別適合夏天食。仲有至愛嘅綜合芋圓仙草燒，鍾意佢材料真係好豐富，入面有紅豆、仙草、西米、珍珠、芋圓，真係一碗滿滿嘅驚喜。每樣材料都好搭，特別係仙草，清爽又唔膩，正到爆。洪記好受街坊歡迎，繁忙時間經常大排長龍，之前食過佢嘅餃子亦都唔錯，值得推介。

大埔寶鄉街洪記-餃子雲吞糖水，我們一家已經係常客，煎餃子🥟皮薄多汁，但今次我就係買凍冰冰嘅消暑甜品返屋企嘆住冷氣品嘗😋我買咗💜多芒楊枝甘露，椰奶的濃郁和Q彈的西米露，滑順口感酸酸甜甜甜、濃郁嘅香芒味、感覺好fresh ! 💜椰汁仙草西米珍珠桃膠，Q彈珍珠，仙草凍冰冰涼涼，加上美顏桃膠 ，真係愛美恩品💜 芋泥紅豆仙草芋圓，芋泥的綿密不太甜，同紅豆的鬆軟和略帶沙沙的口感，真係絕配！💜芒果糯米飯，芒果的香甜多汁，糯米飯的軟糯，椰奶的濃郁，真係偽泰國味蕾來一趟

收工喺大埔經過一間極受大埔街坊歡迎及推介嘅甜品店，除咗經典糖水更有新式甜品，有招牌即包粢飯，聽講係銷量冠軍，大大隻即煎餃子，買生餃子回家煮亦得，煎炸小食等。韭菜煎餃餡料有韭菜豬肉為主，韭菜味道好香濃，餃子皮有筋性，煎得香脆。粟米煎餃餡料有粟米粒、豬肉、木耳、沙葛，有肉味口感豐富，同樣煎得脆脆，加5蚊有豆漿，兩份餃子都加了，回家途中已飲一枝，有豆味唔太甜，幾好飲又健康。多芒楊枝甘露大大粒芒果有西米同芋圓，芒果香甜，芋圓煙煙靭靭，西米晶瑩剔透有彈性，仲有金柚，凍冰冰食落超爽。綜合芋圓燒仙草有紅豆、西米、珍珠、芋圓、仙草好豐富，一個等於食到多種甜品，尤其是紅豆超有驚喜，豆味好香濃且甜度高，食到好滿足。

話說我係大埔住咗一排，有間餐廳好想推薦俾大家，就係位於寶鄉街嘅洪記餃子雲吞糖水！店舖主要提供粢飯、煎餃、糖水等等。一號多芒楊枝甘露 $38糖水選擇豐富，有中式糖水外，仲有多款芒果糖水。多芒楊枝甘露好足料，有芒果、西柚、西米、芋圓等等。芒果好多，好甜，好juicy。西柚多汁，好fresh。芋圓香味十足，煙煙靭韌。所有材料配搭得好好，好好味。芒果糯米飯 $40芒果糯米飯好大碟，好抵食！糯米飯質地軟糯，記得要加上椰汁同芒果汁一齊食，有椰香得嚟，又有甜甜嘅芒果味。芒果汁係直接用芒果打成的，真材實料！另外，芒果切左粒，份量多，又新鮮又甜。韭菜煎餃套餐 $45本來10隻韭菜煎餃$40，可以+$5升級做套餐配豆漿一支。餃子即叫即煎，外皮酥脆，呈金黃色。內裡有韭菜豬肉餡，食落香氣十足，多汁美味。豆漿唔會太甜，豆香滿滿。鹹蛋黃煎餃 $50煎餃一樣外皮好脆，鹹蛋黃煎餃內裡有豬肉、鹹蛋黃同木耳。鹹蛋黃充滿鹹香，好惹味。豬肉一樣鮮嫰多汁，木耳為餃子增加左口感。

糖水好足料，多芒楊枝甘露，芒果多到滿瀉，酸酸甜甜好開胃，食完成個人涼浸浸～ 芒果西米桃膠芋圓同 芋泥西米桃膠芋圓都勁正！桃膠滑嘟嘟，芋圓煙煙韌韌，芒果同芋泥味好濃，一碗落肚超飽肚，哈哈！ 粟米煎餃係必食！煎到脆卜卜，香口好味，餡料爆汁，粟米清甜，豬肉又香，點少少辣醬仲正，食到停唔到口！ 洪記嘅嘢食平靚正，糖水夠凍夠甜，煎餃香脆多汁，經過大埔一定要試吓！

到附近工作完，買啲小食慰勞下自己。小小店內有4-5位職員，分工明確，出餐效率快。點了雙拼餃，韭菜拼香茜(原本想點粟米，但都係抵不住韭菜的香)餃子到手新鮮熱辣，外皮用油炸得香脆，皮的厚度適中，內餡足料。兩者比較，香茜比較出色，香茜味道好出，內有豬肉同木耳，加添口感。韭菜味道都好，不過無咁驚喜，下次會想試粟米餃。唯一不足是偏多油，盒底滿滿一層油，如可以再瀝乾油才放入盒更好了。粢飯很大個，人手即製，上手是熱的。帶了回家食，冷了點，風味略減。但油炸鬼依然好香口，不錯👍🏻(等外賣時見到有人一次過外賣7-8件粢飯)

一直都覺得大埔D街坊有口福，因為附近有咁多好食嘅餐廳。洪記呢間主打外賣食糖水同餃子嘅小店，中午去買嘢野食keep住都有人潮，睇黎都幾有人氣咸蛋黄煎餃 $50餃子煎得好靚，其實佢地係半煎炸所以成隻餃子都好脆口。餃子皮身夠薄，餡料夠多好滿足。咸蛋黃餡好香，包左豬肉同木耳絲，口感都幾豐富又夠香。綜合芋圓燒仙草 $42有紅豆,仙草,西米,珍珠,芋圓，基本上想食嘅嘢都係晒到，加埋少量嘅牛奶，一大杯嘅甜品滿足左我個胃。芋圓同珍珠口感都煙韌幾好食，紅豆同西米份量偏多，食完好飽肚即包粢飯套餐 $30+左$5要支豆漿，唔太甜豆味幾濃。粢飯都幾大個好重手，D飯夠黏身，內餡好豐富，炸菜肉鬆同埋油炸鬼都夠多芋泥圓圓鮮奶 $28芋泥夠多同埋好香，牛奶應該係3.6牛奶黎，因為個奶脂味好濃又滑，珍珠好食

平時喺屋企懶都會自己煎餃子或者烚餃子食，所以經開大埔都會買呢一個生餃子，超級鍾意佢個鹹蛋黃味！🥟 鹹蛋黃生餃子一咬開鹹蛋黃漿即爆，蛋黃油香超濃🧡自己煎我會鍾意再煎燶啲，更加香口。🌽粟米生餃子清甜之選！粟米粒粒爽脆，口感💯！店舖仲有其他口味，都可以一試。🍧椰汁仙草西米珍珠桃膠仙草凍+桃膠雙重養顏，珍珠煮得啱啱好，煙韌有咬口，一杯先$34蚊已經食到好飽，可以當一餐飯。🥭多芒楊枝甘露好香甜嘅芒果味，入面仲有超足料嘅芒果，好抵食！

🇭🇰糖水小食雙重 夏日消暑必食組合！ 🍧 椰汁仙草西米珍珠桃膠椰汁香滑🥥配Q彈珍珠，仙草凍冰冰涼涼❄️ 真係好足料啊！桃膠養顏必食💖 咁大杯都只係$34，性價比超高。🥭多芒楊枝甘露好香甜嘅芒果味，除咗有楊枝甘露之外，芒果肉多到瀉🥭呢個價錢咁足料真係好難得。🍠綜合芋圓燒仙草芋圓超有咬口😋入面有紅豆、仙草、西米、珍珠同埋芋圓，口感豐富💥 🥟鹹蛋黃煎餃邪惡之選！好少見有鹹蛋黃味嘅煎餃，忍唔住為食又叫咗一份，幾有驚喜。皮薄餡多，鹹蛋黃咬開爆餡！

📍 洪記餃子雲吞糖水 (大埔)大埔寶鄉街47號地下D2號舖今日嚟大埔搵朋友，見咁多人排，咁我又排下先😜😜👉🏾粟米煎餃呢個粟米煎餃外脆內軟，粟米粒粒分明，帶來自然的甜味，粒粒都勁爆汁，搭配醬油更添風味，簡單又好味！👉🏾即包粢飯即包粢飯，米飯香軟，包住餡料好豐富。每一口都充滿滋味，好滿足，值得一試！👉🏾芋泥紅豆仙草芋圓呢個甜品色彩繽紛，芋泥滑順，紅豆甜而不膩，仙草清爽。芋圓Q彈十足，夏天食正好，真係令人心情愉快！👉🏾芒果西米桃膠芋圆芒果西米桃膠芋圓清涼可口，芒果香甜無比，西米口感滑溜。桃膠增加了層次感，食落去超滿足，夏天必試的消暑甜品，真係好好味！回頭:yesyesyes!!!想講佢無論鹹定甜都咁岀色！難怪大排長龍！

天氣咁熱都唔想煮飯喇，第一時間諗到洪記，有糖水食、又有粢飯、又有餃子🥟，豐富咁解決一個晚餐。餃子同粢飯都係即煎即包，拎到返屋企餃子皮仲係脆卜卜，揀咗韭菜，韭菜味道香濃，而且有湯汁。粢飯好大一舊，包得好實淨，切開都無鬆散，因為要留肚食糖水，所以半舊已經足夠一餐。多芒楊枝甘露、芒果西米桃膠芋圓、綜合芋圓燒仙草，幾個味道都唔錯，材料好豐富，真材實料唔會太甜。輕輕鬆鬆百幾蚊可以解決三個成人嘅一個晚餐，仲要有甜品，喺邊度搵？

分別有不同的朋友向我推介過洪記的餃子、粢飯及糖水，這次剛好晚飯後經過，決定外賣兩碗糖水回家吃。洪記不設座位，餃子及粢飯就有待日後有機會才試了。芋泥紅豆仙草芋圓，用料非常豐富，底下有大量仙草凍，中間佈滿芋泥，面層則是滿滿的紅豆與三色芋圓。芋泥香滑，仙草凍柔軟，粒粒紅豆夠稔身。芋圓口感較為實身，煙韌度一般。整碗甜品充滿芋頭香，不會太甜，又足夠飽肚。養生桃膠雪燕，同樣用料十足，滿滿一整碗桃膠與雪燕，但與另一碗甜品相比，這碗比較清淡健康。

所有食物即叫即製 外賣🥡為主選擇豐富 食物足料傾錢大眾化 好受街坊歡迎.🫧 粟米生餃子生餃子買番去打邊爐或者煎熟食都好適🈴薄透餃子皮咬開係清甜多汁的粟米粒肉味香濃的豬肉味道口感清爽.🫧韮菜生水餃 韮菜口味的餃子鮮香撲鼻自己覺得兩款都好好食 各有特色🫧多芒仙草甜品控必點🤩底層係 滑嫩的仙草凍 中間鋪滿新鮮芒果粒 仲有芒果醬和椰奶 口感層次豐富冰涼清爽 天氣熱辣辣食一碗瞬間降溫～🌞.🫧陳皮紅豆沙紅豆沙熬得綿密起沙 紅豆入口化開而保有顆粒感 入口甘香 甜度恰到好處 正👍🏻👍🏻

大埔街坊小店，主打手工餃子同足料糖水名物仲有栥飯，只做外賣，都吸引不少街坊捧場⭐️粟米生餃子｜韭菜生餃子餃子大大隻，外型飽滿外皮薄身柔韌，內裡餡料紮實粟米餃子裡面有粒粒粟米，口感特別好而且食到粟米清甜🥢韭菜餃嘅韭菜切成粗粒，味道香濃而且肉汁豐富，有爆汁效果，食完會追住想再食⭐️海帶綠豆沙糖水都係招牌之一，綠豆沙材料好足啖啖都食到軟綿綠豆同爽口海帶絲特別鍾意佢煮到起沙，甜度適中而且好有飽肚感⭐️芝麻糊湯圓芝麻糊超杰身，質地滑溜芝麻味濃郁加咗湯圓，皮薄多餡，加埋一齊真係最高享受