洪記餃子雲吞糖水

营业中

休息中

二個月前買過粢飯來吃，足料和油炸鬼外脆內軟。但今日再買左一個來吃，點知油炸鬼可能係番炸，炸到成條乾曬，得個硬字，仲要冇乜料，肉鬆和炸菜都很小，糯米飯有小小硬，好難食。可否用心做好d！

第一次食過啲芋圓覺得好好食，有驚喜，唔係一夠粉咁，軟腍腍，就算上次好多人，等咗好耐，都想翻兜。今次再買，一打開，啲芋圓痴埋一舊，都已經心知不妙了；食落，已經係一個粉了，失色、失望、失敗。就算其他配料正常發揮都無用了，主角芋圓唔好食已經係敗筆，我自己喺屋企烚芋圓可能仲好食過佢。以為鮮芋仙之後可以搵到一間芋圓好食嘅糖水鋪，而鮮芋仙係因為後期啲芋圓越嚟越難食，所以越嚟越少人幫襯，我諗呢間都會係步上後塵，因為今次已經唔需要等好耐了。唔會再有第三次，再見。

買咗兩盒生餃子（粟米生餃子同韭菜生餃子）返屋企煮，夠大隻但係⚠️食落有半盒既餃子都有碎骨/一大舊骨⚠️差啲咬爛牙🫤🫤🫤🫤以後唔敢再買嚟食🫤🫤🫤🫤🫤

最近去咗位於大埔【洪記糖水雲呑餃子】，小店主打各式各樣嘅餃子同糖水，食物新鮮又好味，絕對值得一試！即包粢飯，拎上手熱辣辣，內餡豐富，搭配特製醬汁，味道層次分明，飽肚之選。香茜煎餃，香茜味道清新，餃子皮夠薄，煎得金黃酥脆，口感非常好。粟米煎餃亦非常出色，粒粒粟米夠哂鮮甜，咬開時仲有肉汁流出，鮮味十足。另外，買咗杯生椰拿鐵，椰子味香濃，飲落相當滑順，解渴得黎又香甜，唔錯～整體而言，洪記糖水雲呑餃子提供嘅食物多元化之餘，價格亦非常合理，係大埔區內值得一試既小店！洪記糖水雲呑餃子地址：大埔寶鄉街47號地下D2號舖

冬至晚餐，家人提議去大埔墟嘅「洪記」買幾碗甜品飯後食。除了鮑參翅肚，洪記嘅芋圓甜品成為今晚冬至飯嘅亮點之一。椰汁芋泥紅荳丸子桃膠香濃嘅椰汁與綿密嘅芋泥完美融合，口感十分細膩。桃膠滑溜同蓮子嘅清香，增添不少層次感。芒果西米桃膠芋圓色彩繽紛，芒果嘅鮮甜搭配Q彈嘅西米同桃膠，口感豐富，每一口都有超多嘅芒果肉，芒果控一定滿意。我最喜歡系綜合芋圓燒仙草，材料超豐富，種類多樣，仙草、西米、珍珠、芋圓，還有大紅豆。洪記嘅甜品不會過於甜膩，正合時下講求健康嘅小甜需求，難怪長期要排隊。

之前食過大埔洪記嘅甜品覺得唔錯， 今日入開大埔做嘢 再次買返屋企 同屋企人分享。 佢哋嘅甜品大大碗 超級足料， 值得一讚嘅係佢哋嘅外賣碗 做得好好， 就算拎得好遠嘅地方都唔怕， 硬膠碗裏面仲有隔層防止倒瀉👍。最鍾意佢哋嘅綜合芋圓仙草， 裏面有紅豆，西米，珍珠，芋圓同仙草， 紅豆香甜 ，仙草滑流配搭其他嘅配料，好夾食得好滿足 👍多芒楊枝甘露： 芒果香甜大大粒， 配搭西柚、西米、 椰奶， 口感豐富有層次。芒果西米桃膠芋圓 ： 呢款係養顏之選 ，桃膠粒粒彈牙有口感， 份量十足， 配合芒果西米 原來都好夾好好味👍

成日見到好多人排隊，朋友亦都介紹過覺得餃子好食，今日經過無人就買左糖水試下。叫左7 號糖水，芒果又酸又硬，我咬完落口即刻吐出來。我真係情願佢唔足料都好過唔好食。芝麻糊，味道食落唔係磨出黎果種，差過同區大糖，兩碗都係食到一半已放棄。未試過就唔知餃子好唔好食，但糖水一定一定無下次。

今次我試咗一款甜品——綜合芋圓燒仙草，但實在有啲失望。燒仙草嘅口感雖然滑，但味道有啲淡，幾乎冇咩草香，食落去感覺有啲無味。至於芋圓方面，雖然有彈性，但似乎冇乜芋頭味，食落去有啲乾，而糖水又太甜，完全掩蓋咗其他材料嘅味道。整體嚟講，呢款甜品唔夠清新，反而令人覺得膩，唔算好好食。如果你想搵一款清爽嘅甜品，呢個就可能唔係最佳選擇，仲有其他選擇可以考慮。對於我嚟講，呢個甜品真係有啲失落，但我依然支持甜品台繼續努力👍🏻

今日入大埔探朋友，朋友食開附近呢間洪記，話係大埔名物一定要試！落到去真冇誇張好多人排緊隊買外賣，甘多人等左5分鐘就拎得，速度快到甘食物質素又係超好🤘🏻韭菜煎餃 $40有驚喜！係半煎炸既餃子，40蚊有10件仲要隻隻都甘大，我出名口大平時d餃子我可以一口食曬，呢款我都要食三淡先食得曬一件✨個價錢已經係冇得輸入面淡淡肉！！！d 韭菜又多到嚇親我呢個韭菜控，真係未食過甘足料既餃子，性價比高到！香茜生水餃 $40 見甘抵又買左翻屋企煎，生餃共有12隻，比起即煎比你果套多左2隻，真係好良心！香茜餃肉餡又係超足加埋清新既香菜味，比韭菜餃更fresh🩷呢隻比起平時灣仔碼頭煎餃要煎耐d，因為太大隻，加水冚蓋總共煎咗15分鐘就可以食得，一餐食5件都已經好飽椰汁仙草西米珍珠桃膠 $32要激讚！係我食過最足料既外賣甜品，吾係講笑，一打開好似見吾到椰汁甘，因為全部都係料！西米多到好似吾洗錢甘，珍珠比起珍珠奶茶店煙靭，桃膠好多！最值得一提係仙草真係滑嘟嘟又大塊🫨比起坊間均價40蚊既甜品鋪都高質！食到底都仲有料真係好誇張，超推呢度既甜品！完全冇諗過餃子店既甜品係可以甘出色炸燒賣 $1515蚊8粒椒鹽炸燒賣正常價，但

我宣布这是在香港吃的最值的一顿！奔着甜水去的结果小吃也意外的好吃🥹🥣盲点了一份🥥椰汁芋泥红豆丸子桃胶和🥭杨枝甘露，都好好吃！！！首先这个价位在🇭🇰已经很实惠了，没想到装的满满一大盒，里面的料给的也特别特别足！桃胶非常细腻，底下铺满芋泥，喝起来就是非常养生滋补的感觉，芋泥脑袋闭眼冲！！杨枝甘露非常清爽，里面也是满满的小料和超大颗🥭（我发现他们家每道菜的份量都很足）🍙包饭真的强烈推荐！！！里面有脆油条、肉松、榨菜，肉松真的巨香，我一个不爱吃肉松的人都被折服了，油条脆脆的我也超爱！！而且超大一个吃了两顿都没吃完🥟喜欢吃咸蛋黄的可以冲咸蛋黄煎饺，里面还有山药、木耳、鲜肉，好新奇的搭配也是第一次吃但也没有踩雷！！终于明白他们家生意为什么这么火爆了 喜欢甜水的闭眼冲

洪記餃子糖水價錢: $25/ $40/ $28/ $20/ $36/ $32好味程度: 4/5服務🍴: 3.4/5環境🗾: /性價比🥢: 4.4/5回頭率😚: 4/5-大埔呢間小店成日都排長龍，星期日開門無幾耐門口已經係曬人，溫馨提示可以打電話來落單，再自取，縮短等候時間。佢哋主要做餃子、粢飯、糖水、小食等。特別覺得糖水價錢性價比好高！係豆乳狂人的size但平1/3，配搭又差吾多。-✅✅粢飯。好好食！好食的粢飯一定係油炸鬼新鮮夠脆😍食落索索聲。肉鬆榨菜都好多，味道好夠。糯米質感軟糯，唔算太厚😉唯一挑剔的係食到頭尾的位置會無咩餸，好似食淨糯米咁。-✅香茜煎餃。大大隻的，皮就唔係薄，適中啦，但炸得好香😎揀芫荽味冇錯，個餡好香。菜的比例幾多，食落唔會好膩😝-✅✅炸豆腐。炸豆腐都好脆！係有口感厚實的豆腐，入面的豆腐質感綿密，用左布包豆腐🤓 沾d泰式辣醬就好好食！-✅炸餛吞皮。真係淨皮咁，不過好脆🤣 入面有啲啲菜餡，主要係食個脆度。-✅✅芒果西米桃膠芋圓。超值！勁大兜都係$36，底部係滿滿的椰汁西米，入面有好多大大舊的芒果肉，🥭好甜😬桃膠滑溜，加埋仲有芋圓，呢兜超飽。芒果同椰汁味並存，好滿足。但

完全估唔到餃子粢飯糖水小店都會大排長龍😂🙈食完就知點解😂🔺韭菜煎餃🥟 $40/10隻每隻餃子都好飽滿 新鮮熱辣 餃皮煎得脆 即使外賣都食到香口 如果佢有菜脯配搭一齊食 應該會再惹味？😂🔺即包粢飯 $25份量都大 餡料有炸得香脆既油炸鬼 + 榨菜 +肉鬆 口感豐富👍🏻🤩🔺楊枝甘露芋圓 $36🔺芒果西米桃膠芋圓 $36兩款糖水都好足料👍🏻 芒果大舊唔酸 芋圓有咬口😍楊枝甘露加芋圓 幾特別～柚子肉略嫌有啲澀🔸總體而言:食物質素唔錯 性價比高 種類多 仲有小食/飲品/中式糖水 下次會想試下其他～

呢間位於📍大埔寶鄉街的人氣小店，主打自家製餃子/糖水，沒有堂食供應，只做外賣，7點幾去到，人龍不少，等咗大概15分鐘左右就拎得⏰✨粟米拼韭菜煎餃🥟雙拼每款5件，拎到返去外面仲脆的，粒粒都飽滿，夠足料，不過略嫌個底太油，這點可以改善。✨多芒小丸子糖水全部大大碗，入面有芋圓同小丸子😻小丸子口感軟糯，芋圓咬落去煙韌彈牙，全部都是我最愛🫶🏻✨多芒楊枝甘露芒果大大粒，夠甜，口感豐富又滿足🫶🏻呢個價錢，真心低食💯 下次有機會一定要試埋其他野食😋

🥡掃街 🐻#炸物控 🐻‍❄️#新奇控——————舖頭離大埔街市好近，本身街市都有出名嘅大埔美食，但🐻🐻‍❄️已經掃咗一輪，都就飽，就入咗呢間買嘢飲～💯芒果好椰$28芒果🥭味飲落幾重，入面有又多又大塊嘅芒果肉，珍珠咬落軟糯。$28嚟講幾大杯，又真材實料，味道完贏唔少要$4x一杯嘅打卡飲品店，性價比非常高💯💯推薦！其實舖頭最出名係一桶多芒小丸子，不過太飽就無叫，大家試過可以comment吓🤣

是日早收工，經過見到呢間外賣店排晒隊，原來係糖水店，一於買黎試下有咩咁特別。除咗糖水，餐廳亦有粢飯、餃子及炸小食賣，係等外賣時亦見到不斷有客人幫襯，雖然店舖唔大，但等候時間都唔太長。即包粢飯 :粢飯成隻手掌咁大，打開後超足料，差唔多爆餡咁滯，糯米煙煙韌韌，包住肉鬆、榨菜及油炸鬼，榨菜鹹香爽脆，加上微甜嘅肉鬆，整體味道好夾。粟米煎餃 :即叫即煎熱辣辣，外皮煎到脆卜卜，內餡好足料，食落好多肉汁，粟米嘅甜味令人食慾大增，一份有十件，兩個人share剛剛好。多芒楊枝甘露 :天氣熱最適合食芒果，大大粒夠晒鮮甜，配上微酸嘅西柚，消暑一流，芋圓令楊枝甘露更有飽腹感。綜合芋圓燒仙草 :有芋圓、紅豆、仙草、西米及珍珠，配埋椰汁底，完全滿足晒我嘅願望，食落味道唔太甜，芋圓煙韌、珍珠Q彈、加上滑溜嘅仙草，有齊唔同口感，真係大滿足。