洪運正宗圍村盆菜 (非門市)

营业中

休息中

今晚家宴不一樣，試咗這間洪運嘅鎮店鮑魚盆菜皇，👑真係正！開箱瞬間，個咸蛋煎大蝦香氣四溢，搞到整間屋企都飄曳住誘人嘅鮮味。揀起嚟嘅鮑魚，個個大隻，肉厚多汁，另外仲有金蠔、堯柱，每樣材料都講究啊！𧕺豬肉特別過癮，肥瘦相間嘅滋味真係齒頰留香。豬皮啫喱啫喱嘅口感，支竹同冬菇爽口得嚟又吸晒汁，相得益彰。啲雞鴨肉雖然係標準發揮，但佢哋嘅湯汁亦都好味道，增添咗整體嘅食慾。總之，洪運嘅盆菜，就算係屋企都感覺到一份濃濃嘅年節氣氛，又唔使太費事。一家人圍住食盆菜，開心又滿足，真係食得咁開心又暖笠笠，今次食完，肯定記得住呢個味道。🍲😋 继续阅读

盆菜，好味道，材料夠多。送貨個位叔叔又好禮貌又交帶👍🏻👍🏻真材實料叫一個都送貨，無得頂！叫左一個8-11人既，份量一定超過11人份量送貨又準時，有責任感，值得推介！ 继续阅读

本身諗住年三十晚偷下懶，唔煮飯，就叫下盆菜試試，不過對於呢兜盆菜就有啲失望，首先講下啲食材，淨係得個鹹蛋黃大蝦係超水準，基本上隻隻蝦都有大量鹹蛋黃痴係上面，食到Lam Lam 脷。另外其他食材一般般甚至係不予置評。例如啲鴨肉有好大浸羶味，我甚至懷疑佢係斬埋個鴨屎忽俾我地食，搞到成兜盆菜有羶味。蘿蔔就好鬼死老，好多渣，我懷疑佢啲蘿蔔係不合時宜。花膠就好淋，雖然呢個唔算係一個缺點，不過就比較難夾。總體而言，我唔會再叫呢間啊！！！BYE 继续阅读

今年新年準備食盆菜喺盆菜排行榜見到呢間推薦喺17號訂咗一個試菜喺Whatsapp落左單 收貨個日我都有打電話確認有冇單大約5點收到司機電話落樓取盆菜取貨時無諗到個盆菜係咁重手連埋湯連我一個男人都感到吃力 番到屋企打開盆菜 份量足料食物排列方式都好靚食物方面鮑魚螺片入味蠔唔係金蠔而係原味 如有金蠔會加分鹹蛋炸蝦酥脆香口 食到我手指都lam埋 海參唔腥 都易入口腩肉半肥瘦 炆得入味枝竹冬菇豬皮 特點不大 同入味買左套餐配燉湯 有明顯魚湯鮮味 湯入面有花膠 份量都分到有一人一碗見其他食評提過原本沒有另配汁 特意落單時要求但後來司機忘記俾我 好在盆菜內汁都足夠 如果唔係只能加水了價錢大約$3000會再幫襯 推薦的 继续阅读

傳統節日海味盆菜的食評：啲蝦唔新鮮、啲蝦肉霉嘅、啲雞柴嘅、腩肉冇味、豬羶味極重、發菜、枝竹、蘿蔔、冬菇都有酸醙味，加一pat咖哩醬味道，一啲圍村風味都冇。原本話3點至6點送到，結果6點十分先送到，如果10分係滿分，我會畀3分，完全唔係果回事，求其到爆!!!!!!!!!!!!!!!!!!!!!!!!!!!!!! 继续阅读