流記香港仔艇仔粉

营业中

休息中

They don’t have a menu but everyone goes for the standard “boat noodle”. For me, I topped up with roasted duck leg, served with “hor fun” (flat noodles), fish balls and charsiu.The soup base was a simple fish broth with white pepper. Yes, simple but quite plentiful in terms of ingredients for this price! Given that it’s a boat, its “opening time” and location vary, so luck matters that you are able to see it operating or not. Do give “Lau Suk” a call to avoid disappointment.

響深灣/利東邨不定時出現嘅流記艇仔粉真係可遇不可求今日下晝咁岩真係撞到佢嘅出現即刻走去睇下仲有咩order好隨心嗌左有豬耳，油雞，燒鴨嘅艇仔粉坐響海邊食 別有一番風味驚喜嘅係佢真係好食 響第度應該食唔到絕對值得一試😋

懷舊風味出沒注意！❣️❣️Waaaaaaa!點解香港仔船邊會有燒鵝粉賣既？香港仔同鴨脷洲碼頭原來有漁船係專賣艇仔粉架！一心嚟到諗住試下, 點知話冇開好失望..🥹🥹搭船由香港仔去鴨脷洲, 點知一落船就見到有得賣啦😍😍聖歌感覺好新鮮好得意！🥰🥰🥰🥰呢碗燒味正宗艇仔粉好足料呀～又多蒜又多蔥！仲有得加大大隻燒鵝髀😍😍😍 😍好地道啊！唔係度度有架～唔怪之得大排長龍！🤪可遇不可求架🙈🙈

流記香港仔艇仔粉🧸📍 香港仔海傍道香港仔海濱公園一般出沒時間：10am - 4pm♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎🚘交通： 於港鐵利東站落車，向海濱公園方向走，一般會停泊於海旁，大約公園仔位置。☎️電話：9140 2628 / 詳細位置可致電查詢假日，相信大家平時去開離島都覺得去到悶😂，今次小編就帶大家去食下艇仔粉，都好有特色，而且好少地方有得食🙈，仲要係好好食呀😌，有機會真係值得去試下，食完仲可以係海邊行吓🤪，又多一個拍拖好去處。🌟招牌艇仔粉 $52唔好睇少呢碗幾十蚊既艇仔粉🌝，相當足料，艇仔粉包括有燒鴨、切雞、叉燒、魚蛋同埋牛腩。餸菜相當多～ 最重點就係個湯底🤤，係用大地魚熬湯，個湯底令到河粉非常之好食，小編忍唔住連湯都飲埋😂。整體推介指數：❤️❤️❤️❤️❤️♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

上網見到好有香港特色艇仔粉，我住係新界 幾遠都要去試，去到海邊要再小艇過對面，先買到艇仔粉。點了我覺得最配搭的瀨粉，肉都非常新鮮，有叉燒 雞 燒鵝⋯⋯ 夾埋一齊成碗麵好重油香，生菜都吸哂肉味。所有都俾最好既位置，啖啖肉。旁邊有個 風之塔公園可以坐低食，一邊食一邊看風景、看艇，天氣好既話仲有風吹埋嚟，藍天白雲，幾放鬆。

今日特登由屯門山長水遠黎呢度試流記香港仔艇仔粉，好特別嘅係喺㗎船仔度整碗麵俾你食，然後隔離有個公園，可以坐低食。叫咗瀨粉，成碗麵好香，因為有好多唔同種類嘅燒味放晒喺同一碗麵度。所有肉都好新鮮，特別係燒鴨。希望艇仔粉可以繼續落去，保留香港特色。

今日去鴨脷州參加一個遊船河tour 睇下珍保舫同埋水上人住嘅地方係點 都幾得意 喺klook 買 有買一送一優惠 $100/位 玩一個鐘玩完之後我地就想食艇仔粉 同船嘅人聽到就話可以打電話比個艇家 我地一打去嘅時候咁啱個艇家就喺我地附近🤣 我地就即刻跑去買買完之後可能艇家以為我地喺附近食就冇比蓋我地闔住 但其實我地係攞去個fd 嘅cafe 度食🤣結果全程比人望住🤣🤣✨艇仔粉 $32呢個價錢黎講材料都算幾多 有五六舊鴨 兩小舊叉燒同一粒魚蛋 瀨粉浸左一陣都保持都彈性 湯底有啲鴨汁好香😋😋😋 好抵食 好有風味同特色 推薦黎到要試下味道❤️❤️❤️❤️抵食❤️❤️❤️❤️❤️服務 (外賣）環境 (外賣）💰人均$32✅再幫襯

平日好少去南區，所以去之前上網搜尋一下美食推介，原來有個咁特色的地道美食叫艇仔粉。這個艇家營業時間及地點不定，當日去到鴨脷洲公園問下公園職員，對方回應不會賣廣告，叫我自己去海事碼頭看看。我沿路走到底都找不到，最後跟網上電話打給艇家，才知道原來停泊位置在來往香港仔渡輪的浮躉碼頭旁邊，原來我之前行經時被一隻賣海鮮的大遊艇遮擋了視線。艇仔粉沒有餐牌，幸好前面排隊的食客告知可選雞或鴨，河粉，瀨粉或米粉，$32一碗，另可選擇加$20要脾。當日是星期日下午兩點，排隊等候時聽到瀨粉賣完，鴨脾所剩無幾，我跟友人只好要了雞脾河及鴨脾河。除了脾，艇仔粉還有雞肉，牛腩碎，叉燒絲，彈牙魚丸以及菜，類似雲呑麵的湯底，都幾豐富。大家買完在海濱或公園食，我們站在望著香港仔美景享用。味道唔係驚為天人，但的確幾有特色風味，如果再去鴨脷洲或者香港仔，我應該會再去食，但就未必會加錢轉脾拉。

咁啱同朋友出開去香港仔，沿途已經聽佢地係咁講附近有個艇仔粉好出名，但食唔食到就睇彩數。當下冇咩特別話一定要食到，都係諗住隨緣，點知係我地食完嘢之後就見到佢開檔，無論幾飽都要買番碗試啦吓話。見到叔叔隻艇，麻雀雖小，五臟俱全，呢啲時候就體現香港人嘅智慧，手起刀落，一碗粉就搞掂。一碗$30，咩都有啲，個湯頭都幾重胡椒味，個人嚟講覺得好好食。呢個價錢，咁多餸，我諗出去食碗魚蛋河都差唔多？呢到食嘅，除咗味道，仲有買少見少嘅香港味，如果大家見到叔叔開檔一定要試下！

香港碩果僅存地道風味 - 流叔艇仔粉天氣轉涼，絕對可以感受香港風情畫，香港仔鴨脷洲碩果僅存傳說中艇仔粉，食的是風味 , 年事已高，做得一日得壹日，強烈建議早去早享受，味道是其次。老闆名字「流叔」， 感受一下真正水上人做的艇仔粉註：不會長期在某一個地方去之前建議打電話問一問預約

香港仔-流記艇仔粉。呢個香港原味道嘅艇仔粉，已經想試好耐啦。今天禮拜日，天氣勁好，即刻來試吓。我地到咗香港仔碼頭，打電話問流叔泊喺邊。流叔駕駛㗎艇來搵我哋，十分貼心。我哋叫左兩碗艇仔瀬粉，每碗30，脾位另外加$20。即叫即煮，唔使6，7分鐘兩碗熱辣辣嘅艇仔粉已經做好。湯底係大地魚湯，配料有燒鵝、叉燒、白切雞、魚蛋、生菜。湯底鮮甜又夠熱，瀬粉軟硬適中唔會太軟身、魚蛋又夠彈牙，加埋蔥花真係好正👍我哋坐喺碼頭附近嘅涼亭，望住香港仔避風塘咁靚嘅景，呢個午餐冇得頂👏🏻👍。大家過開嚟香港仔值得一試👍

香港碩果僅存嘅真正艇仔粉食唔食到 都真係睇彩數嗰日咁啱要去鴨脷洲 又真係好好彩咁call到流叔過嚟🥰🤍艇仔粉($30) | Rating: 6.5/10呢款係最basic嘅乜都有見啲人可以加$20有隻雞髀/鴨髀入面有魚蛋 叉燒 雞腎 燒鴨 加兩條生菜配料都切得比較碎都薄 冇乜口感可言可以揀配米粉 瀨粉或者河粉大地魚湯其實同平時我哋食嘅港式粉麵湯底一樣整體味道普通 如果天氣涼少少 買完坐公園食風味應該倍增嗰日等緊碗麵嗰陣聽到另一位應該係經常幫襯嘅鴨脷洲居民 話前排成日打比流叔 佢都喺屋企睇緊電視😂所以食嘅係人情味 係香港情懷 係式微緊嘅本土文化有好多嘢比我哋想像中消失得更快 有機會可以去試下

去開香港仔，決定試下地道既艇仔粉艇仔粉既艇就係停泊係香港仔避風塘附近，無固定開關時間同地點。所以食艇仔粉都講緣份，亦算係隱世美食。差唔多到香港仔，我地就打電話比流叔，睇下佢有冇開同位置係邊。流記艇仔粉既湯底用左大地魚熬製，味道鮮甜，而配料就有燒鴨/雞、魚蛋、腎片等。普通價錢為$30, 加$20可以轉做脾位。難得一場黎到，我地都決定將兩碗升級。雖然天氣真係又熱又曬，要坐係露天公園食但食到依個風味都好滿足。

🍽 流記香港仔艇仔粉💰 HK$30 + HK$20 (雞左髀)🚗 Aberdeen or Apleichau pier☎️ 9140 2628Superb local boat noodles takeaway!We recommend calling the owner when you reached the pier and he will arrive as soon as possible. We ordered a bowl of noodles that included cha siu, duck, duck liver, chicken thigh, fishball and veggie with fish soup 🐟🍲 so tasty with tones of ingredients! “即叫，即做，即食” 🥡🥢 This is a one of a kind experience and sadly there will be less and less traditional boat noodles in Hong Kong 🇭🇰⛵️ 🎏

流叔👨🏻‍🍳會開艇仔係海岸邊🌊🏝(香港仔 / 鴨脷洲)開檔🚢⛴賣既係一碗一碗足料既艇仔粉⛴🍜好有特式💕買完可以坐係海邊公園仔🪑到食黎個海景Lunch🌊🍽~•~•~•~•~•~•~•~•~•~•~•~•~•~•~•~•~•~•~•▪ 艇仔粉 ($30) ⛴🚢🍜第1️⃣次食，唔識嗌餸😬所以黎左碗雜錦🤓揀左河粉，流叔仲問左句加唔加雞髀🍗不過見雜錦都應該夠食，我就冇加😌碗粉係即叫即煮🔥再由船上面遞上黎😍拎上手個下係熱辣辣，好足料，乜都有d😝😛切雞🐔 • 雞腎 • 叉燒🐷 • 燒鴨🦆 • 大魚蛋 • 菜🥬面仲有少少🤏🏻蔥花。湯底味道都唔差🥣係用大地魚🐟熬出黎，唔係🙅🏻‍♀️味精。整體黎講 味道唔算話好特別🤨但係真係好有特色 • 有風味❣️💁🏻‍♀️因為假期好多人排緊隊🚶🏻‍♀️🚶🏻🚶🏻‍♂️🚶🏻‍♀️🚶🏻🚶🏻‍♂️流叔行唔開，所以教我搭舢舨($2.2)過對面岸⛴🚢第☝🏻次搭 & 第☝🏻次食，真係一個好特別既體驗✨~•~•~•~•~•~•~•~•~•~•~•~•~•~•~•~•~•~•~•🔺建議大家出發前可先打電話俾流叔☎️📞Confirm營業時間⏰🔺去到又可以打個電話俾流叔📱問下佢個位置📍係邊先，如果唔係太多人買緊