海圖 (已結業)

今天下午幾了朋友吃午餐, 不過大家都要2點後才有空, 所以決定找一間cafe舒服地享受下午, 聊聊天~朋友早前食過這一家海圖覺得挺不錯, 介紹我去嚐一下外面放了一個大黑板寫了today special不喜歡today special可能看一看餐廳牆上黑板的餐單點菜朋友上一次食了一個蟹籽蘑菇汁意粉覺得好食叫我試下~ 蟹籽我一向喜歡, 所以決定點它~ 朋友試新野要了All day breakfast~ 另外我們多加一份小食薯角~首先來的是我的凍Latte~ 很香濃的咖啡味, 所以苦了一點~我喜歡甜一些, 所以要了糖槳加進去~朋友要了熱的Latte~ 心心圖案~ 我們一邊涼冷氣飲住Latte, 再看著外面曬得很的太陽~很寫意~薯角份量很多! 但是我覺得蜜糖份量不夠~ 另外因為它是焗的, 如果是炸會好食些~朋友的All day breakfast賣相OK, 他說是味道OK正常~但是唔夠意粉好食我這個意粉的確不錯, 白汁香濃, 蟹籽同白汁match, 可以再encore

虹橋新開了一間CAFE, 地方不大, 不過修裝挺好, 有一種坐下來慢慢享受的感覺新開張的時候因為看到很多客人要排隊, 當然不會等剛好這天下午一條友放假,訓到中午先起身, 無無聊聊, 突然醒起呢間鋪, 決定去試一試Cafe餐牌寫在黑板上, 今日想食麵多D, 叫了份蟹子忌廉蘑菇汁意粉配煙肉, 好似要78蚊左右然後加15蚊要杯 latte   蟹子忌廉蘑菇汁意粉配煙肉 - 意粉味道幾濃幾 creamy , 隻菇幾juicy, 如果份量再多少少就好了~估唔到杯Latte會畫埋花, 雖然花紋唔算好特別, 不過我已經收貨!環境幾寫意, 我食完麵再慢慢飲杯Latte, 玩下電話, 享受一個寧靜的下午

《Café Heato》門面一句「生命很簡單，只是我們誇張了…」就吸引了喜歡文字的我進去。看得出店主是一個很有理念、有堅持的人。在這裡你會感受到不同人對生命的執著。店裡的MENU都寫到牆上去，一目了然。佈置方面也很人性化，黑板上的金句跟鼓勵字句用手寫份外親切溫暖。店主強調這裡是咖啡店而不是快餐店，所有食物都是即叫即做，所以等候時間會比較久也千萬不要催單。如果是假日，試著去感受這種慢活，也是很不錯。/🔺All-Day Breakfast - $78小編真的好喜歡吃All-Day，大概因為不用花時間去作選擇哈哈。本來今次想要點別的，但還是敵不過。份量來說沒有上次介紹的鳥語豐富，但每樣少少也可以很飽。炒蛋五六成熟很滑，香噴噴。薯餅吃得出不是買回來的，外脆內軟。還有一片火腿、一條香腸、一份煎磨菇、幾片蘋果、茄汁豆、牛角包、沙律菜配醋。這個價錢來說滿不錯，抵食。．🔺Mini Breakfast - $58份量會比上面那份少，適合較輕量的你。食材方面只有炒蛋、薯餅、兩條香腸、茄汁豆、蘋果、沙律菜、一片麥麫包。/環境: 6/10 (座位不多，較小店較窄)賣相: 7/10味道: 7.5/10價錢: 8

住屯門的朋友約我到虹橋，我大鄉里唔知原來呢度有條食街～呢間cafe有少少難搵，皆因地址寫青柏徑，去到青柏徑係搵唔到，要沿大廈外圍兜去後面先見到。All day English breakfast 係夠哂飽，足料，炒蛋幾滑，最緊要夠熱（對English breakfast 好重要，因為材料全部要分開煮，好容易攤涼）!Flat white 好香，份量唔夠猴！如果大杯啲就好。最後要彈半句：要摀低身食野，坐得唔太舒服。但氣氛relaxed，清水任裝，傾計唔錯。

服務態度好差朋友說無加一服務費係咁上下不過我唔係咁諗食物價錢唔多唔少都包埋架啦就算我當你真係全自助無服務都唔使咁串卦？我地幾個人share啲野一齊食拎多你幾隻碟都話「你地拎哂啲碟我地咪無得用？」成場得我地一枱咁樣都話無碟用好明顯唔想洗咁多碟環境：都未見過cafe會好似disco咁囉原本諗住靜靜地先去呢度，點知都係咁嘈咁我去返euro xxxx都得啦食物就好一般無乜款揀都唔係平，同euro xxxx差唔多仲要人地好食好多

係屯門想搵個可以坐底傾下計ge cafe 一d 都唔易ar~~~ 同行朋友推薦左依間cafe - 海圖, 話佢坐得舒服又可以傾到計, 一於去試下la!!! 佢地環境真係舒服, 雖然唔算大, 但唔會有種想趕你走ge 感覺, nice~~ 佢地主要食all day breakfast, 另加特色飲品質!!! 如果想試all day breakfast 又想揾個坐得耐ge 地方可以試試~~ 不過價錢就偏貴小小, 味道都一般般, 但佢地既飲品有拉花都幾surprise, 仲可以坐一個下午都ok la!!!

放假係要去抖抖，今日好早出發但去唔成大澳，係少少失望，上網搵下屯門有咩cafe坐下，見呢間喺google search既第一位，就專登由屯門碼頭行過黎 講返正題，終於搵到呢間小店，好在到既時候人唔多坐低望下餐牌，因為第一次黎，問店員有無套餐，店員話啱啱過左兩點就無餐（果時2:08pm)...咁...唔緊要啦，我最後點左一份芝士熱狗同latte第一眼見到個熱狗都幾心心眼，因為份量望落幾足，但一切開...依？點解條熱狗腸變左兩條迷你腸既？有點奇怪呢，同埋醬太多，食完超級鹹飲過兩大杯水清清口腔後，熱latte就到了Latte味道不俗，很快被我喝光服務：自助取餐具，店員會送餐過來一名店員工作煮食+沖咖啡+收銀+執枱+招呼客人真係算唔錯香港人唔好太多要求啦！

同同學聚舊，諗住去間可以坐得耐啲又俾人傾計嘅餐廳，所以黎咗依間cafe。因為唔飲咖啡，所以冇叫到出名嘅咖啡飲，淨係叫咗下面個意粉食。意粉唔太軟又唔太硬，依種口感唔錯，而且比起其他café嘅份量多，配埋個芝士就更加入味，意粉入面有煎過嘅磨菇同煙肉，有好多片，令到每啖意粉都有滿滿嘅配料。上面灑咗紫菜同蟹子，撈埋一齊食真係好惹味。而且成碟意粉顏色襯得唔錯，令人食慾大增。最美中不足嘅係食食下會覺得有啲膩，不過整體黎講一流。

其實都食過海圖大大話話都有3 次不過感覺海圖有dd 每況愈下對於屯門人黎講呢種既小店其實真係好珍貴明白你地係行格調路線講理念但服務都好重要呢～ 當日其實唔忙嫁得我地一檯，落單時聽唔清楚就好似小小黑面唔一定要笑但唔好黑面啦 🙃🙃輕鬆d 啦香港人😊😊😊😊😊.好啦入正題先All day breakfast $78好食⭐️⭐️⭐️半ummm..... 普通 不過不失 個薯餅幾好食仲叫左個意粉 蟹子忌廉蘑菇汁煙肉意粉 $78唔記得左影相太肚餓 但呢個意粉幾出色♥️.仲叫左杯朱古力 $35挺可愛的～ 女仔見到實開心死😆其實好支持小店嫁希望海圖加油💪🏻💪🏻💪🏻💪🏻💪🏻

定期都要去下呢D CAFE 扮找尋一下LIFE STYLE！但其實呢間D野食真係唔錯的。佢店裡面有幅牆放滿左即影即有， 寫既係佢地員工點努力去學每一樣野， 令人都好有尋夢既動力。杯野飲遲左黎，所以姐姐拉得幾用心，真係會唔捨得飲。all day breakfast! 個蛋好滑滑呀。個薯蓉都好好食呀 

其實幾年前剛開店時，放工搵食就遇然發現屯門少有新大陸，開心死😻如果大家有留意報導，就明白老闆和店員的背景，很有意思既一件事。環境係工業風小店，地方細細得幾張枱。有塊黑板，吊咗好多明信片，大概都係講下理想之類既理念。講返啲嘢食，因為店很小仲要open kitchen,食物種類唔多。始終都係咖啡店咁我都唔介意既，好食就得。揀咗埋蕃茄蟹柳意粉同all day breakfast ，飲cappuccino同朱古力咖啡。因為得兩個人煮加沖咖啡，所以顧客要耐心等候上菜。佢哋都用心製作食物，反正放工黎抖抖我同同事吹住水先hea下。野食唔算用貴價食材，哈哈睇下條蟹柳就知，咁味道ok唔特別，識加啲香芹上面賣相精緻啲，至少炒意粉會用茄醬唔係茄汁已經ok,好食過市區啲樓上咖啡店。all day breakfast正正常常，我覺得份量唔夠多，不過同事細食就無所謂。飲品先係主打嘛，咖啡係沖得好既，因為同事都學過沖咖啡，同店長吹左一陣，店長會周圍搵唔同產地同品種既豆黎沖。cappuccino奶泡香滑，朱古力咖啡我就覺得朱古力味唔夠出（不過我係小朋友口味喜歡甜哈哈）。

I heard a lot about this cafe but I never get time to come until today. Since it is the last day of my holiday, I asked my friend to go and try it out with me. We were prepare to wait because we heard that there's no time limit and might take awhile to receive the food. Luckily, we got the last two seats. We ordered their famous New Year all day breakfast. We waited for about 20 minutes for the breakfast. The new year breakfast contains a lot of things, we were very full at the end. I like the s

呆等30分鐘，諗住2個all-day high tea一定係擺足成擔心機去整，鑊左牛角飽 - 又凍又硬半塊菠蘿 - 糖水罐頭野茄汁豆 - 凍旣一小件雞扒 - 都係凍，乾，硬沙律菜 - 乾哂一塊番茄 - 無任何處理，齋切開就上碟薯蓉 - 落太多cream開粉，淨係得奶味全碟唯一需要煮旣就係scramble eggs, 夠滑，coffee都ok，但絕對唔值等半個鐘。兩個餐加野飲total $243，價錢絕對唔係問題，但挑戰完耐性嘅極限之後，原來quality仲衰過大家樂，我就真心覺得唔值。你可以放自己上神枱話係走high-end路線，但最基本都起碼俾D心機去煮吖

舖頭佈置都幾舒服，可以容納大概15人左右。餐牌寫在牆上黑板，價錢比較貴。我點了一Set All Day High Tea，食物都是普通食材，我覺得有點兒貴。我亦點了一杯coffee為港紙32元，咖啡味道一般而且不夠熱。對於生活那麼節湊很快的香港人來說，這個地方坐坐閒聊確實不錯的選擇，因為店員不會趕緊收拾你食剩的餐，沒有那種將會被趕走的感覺，雖然食物價錢來說的確不算抵，但你能跟朋友待在這地方那麼久，時間都抵回來了。如果可以多加甜品選擇會更好。

因為住新界，想搵間好既cafe 睇下書寫下blog 唔係咁容易。上網search 下先搵到呢間小店。門面幾靚，仲充滿好多有意義既字句，仲會定期更新，令筆者每次去到都充滿靈感。店內環境非常有意境，亦有播放輕鬆音樂，令人寫意。平時都係周末下午去，通常叫一杯Magic飲。價錢都係四十蚊內，味道類似Latte 咁，咖啡味唔算太濃。叫一杯野飲就可以坐足成個下午慢慢嘆，啱啱我呢類需要寫作空間既人。