海圖 (已結業)

其实几年前刚开店时，放工揾食就遇然发现屯门少有新大陆，开心死😻如果大家有留意报导，就明白老板和店员的背景，很有意思既一件事。环境系工业风小店，地方细细得几张枱。有块黑板，吊咗好多明信片，大概都系讲下理想之类既理念。讲返啲嘢食，因为店很小仲要open kitchen,食物种类唔多。始终都系咖啡店咁我都唔介意既，好食就得。拣咗埋蕃茄蟹柳意粉同all day breakfast ，饮cappuccino同朱古力咖啡。因为得两个人煮加冲咖啡，所以顾客要耐心等候上菜。佢哋都用心制作食物，反正放工黎抖抖我同同事吹住水先hea下。野食唔算用贵价食材，哈哈睇下条蟹柳就知，咁味道ok唔特别，识加啲香芹上面卖相精致啲，至少炒意粉会用茄酱唔系茄汁已经ok,好食过市区啲楼上咖啡店。all day breakfast正正常常，我觉得份量唔够多，不过同事细食就无所谓。饮品先系主打嘛，咖啡系冲得好既，因为同事都学过冲咖啡，同店长吹左一阵，店长会周围揾唔同产地同品种既豆黎冲。cappuccino奶泡香滑，朱古力咖啡我就觉得朱古力味唔够出（不过我系小朋友口味喜欢甜哈哈）。