海天薈

营业中

休息中

眼科一位出名，好客，孟嚐君，揾食肥華，前上司，請在職及已離任同事食飯，佢恐防肥華有約，請客日期竟然由肥華决定，如此俾面，肥華真係，却之不共，所以就選擇在，4月19日，在佢嘅主場，此酒楼進行，呢餐豪客夜宴，是晚餸菜款式是由，萬歲玲姐特定，迎合各同事口味，加上每款菜式，都味道甚佳，碟頭又夠，所以各出席同事，都食得開懷滿足，而今晚負責招待我哋嘅呢席飯宴，此店員工，杜小姐，服務欣勤，招呼週到，令到今晚飯局，更添完美，揾食肥華，謹在此代表今晚出席，呢個歡樂飯局，眼科同事，向萬歲，玲姐，講聲多謝，並祝，玲姐，萬歲宴，長食長有，越食越好味🙏🙏🙏😋😋😋🍻🍻🍻🍻

食物質素不錯，义燒很好食，但是服務態不敢恭維。朋友預早兩天在佐敦分店訂6人枱，因為第一次來所以早了半小時到達，我明白酒樓沒有咁早預枱給我們，所以服務員叫我等她搵枱給我們，我也沒有意見，後來她找到一張4人枱給我們，因為有老人家同行，稍為慢了點，去到位置她竟然說我催她俾枱又行得咁慢！我不想跟她計較也沒有回應她，忍了就算。到我另一朋友到來發現枱實在太小，另一枱坐5個人既枱都比我們的大，所以要求換大一點，有位男經理說如果要換枱就要將枱還他們出去等位企住等，但不知要等多久，我朋友就枱太小根本擺到多少碟點心，條竟然說擺不到你們就食少d！未食已經一肚氣，仲要幾次故意經過我們張枱時特登跟其他人說今天無大枱你叫少些野食，明顯俾說話我們聽。服務態度極差，如果唔介意貼錢受氣，可以來試試。

舊同事相隔5年帶埋小朋友外國返港，難得一聚，同事勁推薦呢間，我剛上星期日至飲過中午茶，都好好味，有呢個俾我試佢晚飯嘅機會，一於訂位。陳醋豬手，大多已起骨，酸度適中，炎夏良品，好味。片皮鴨，雖然唔係面前片，都係皮脆肉香，正。拔絲咕嚕肉，啖啖肉，咕嚕肉在醬汁中感到一點點脆口，開胃之選。酥炸牛筋條，賣相吸晴，原條骨俾你睇，起出嚟嘅肉酥炸，外面酥脆、牛筋肉嫩滑，推薦。金沙四季豆，每一小段都沾滿鹹蛋黃脆炸，巧心機，調味剛好，啱哂佐酒人士。5大3小朋友，叫咗咁多嘢，都點咗份肉絲炒麵，基本上已飽得七七八八，我盛咗一碗食完再接一碗，從未食過咁好味嘅炒麵，獻汁唔漿口，麵絲好脆口，加少少紅醋好搭。椒鹽鮮魷炸得香脆可口，今餐熱氣到爆，但好好味。

係佐敦比較少傳統酒樓多數都係如茶記 細間地舖既點心食今次黎到呢間海天薈飲早茶環境都闊落 唔會好吵假日黎食都唔洗等位——-食物選擇唔多都係d傳統點心仲有懷舊既鵪鶉蛋燒賣有蛋黃味濃 但下面既肉就無咩味正常發揮—-牛肉球有啲細 都無咁牛肉一般般相比鵪鶉蛋燒賣正常既燒賣反而更好食有粒彈牙既蝦仁，燒賣肉都彈牙Juicy 唔會好似鵪鶉蛋燒賣咁入口有啲乾又大粒 可再encore因為想食多啲蛋白質所以叫左口水雞十少辣嘅fd 雞唔洗好滑 但都唔鞋口正正常常—-雞肉卷既雞就好滑但無咁特出既地方整體黎講份量唔少味道都正正常常除左燒賣有驚喜其他都係normal唔會特地黎食但行開過黎想飲個茶都可以揀呢到

上次與朋友，今次與家姐🤭都係飲中午茶。不過唔係次次食都一樣喎，除咗腸粉唔會失水準外，好似咸水角就有分別啦☹️上次食喺脆，今次食唔夠脆還有粉漿唔夠透🤭籠仔蟹飯好食又新鮮😋生炒糯米飯就麻麻哋☹️燒味瀨粉（义燒、燒腩仔）都幾大碟、幼瀨粉大碗👍埋單都唔係貴囉👏👏最後叫咗燒乳豬1/4外買，返到屋企當晚餐都好好食😋😋😋👍👍下次有朋友返來一定要推介這間食❤️下次要食晚餐。

經好友介紹，昨晚食咗一頓好美味的中菜，今天急不及待要和大家分享一下😚！酒樓位於佐敦鬧市，無論地鐵、西鐵都好方便，朋友大部份由屯門出來，所以位置一定要就腳！因為朋友一早預訂，我哋被安排坐獨立房間，間房夠大坐得好舒服，而且備有電動麻雀枱，絕對加分😌！我哋叫咗：澳洲龍蝦刺身（$1280），刺身上枱之後，大家都嘩嘩聲，因為真係好大隻，足三斤重！擺盤好靚，打咭一流！刺身肉質非常滑嫩，直接食，不需點任何醬汁，就能夠吃到龍蝦的鮮甜味，非常滿足！另外只需加$100，可以將龍蝦頭爪二食，我哋揀咗椒鹽！廚房再加工後，變成脆卜卜的炸物，香口好味京式片皮鴨～皮脆肉滑，大大件，配上醬料，味覺的享受大海花尾龍躉二味$468 ～分別有清蒸龍躉頭腩和翡翠炒龍躉球，兩碟都好鮮味和份量足蒜香龍仔薑米蒸蟹飯😍😍😍～呢個超好味，原隻蒸蟹，蟹汁滲透每粒薑米，飯香蟹肉滑，正宗原汁原味！流沙煎堆仔～呢個晚市應該冇得食，但係朋友一早叫餐廳預留咗俾我地試😚！老友真係冇介紹錯，煎堆仔成日食，但係裏邊係流沙奶黃餡真係第一次食，一試愛上，一向不喜歡甜吃的朋友也讚口不絕，想encore再食多一件都冇🤣我哋人多，仲叫咗好多其他小吃，整體來說，味

平時都係睇啲YouTube食評先會去試今次就睇到呢一間見到都想食所以約埋街坊一齊去食，始終老人家都係鍾意飲茶食點心🤭中午12點去到頗為多人，不過都好彩有位🤪我哋揀咗嗰幾款真係好好食。尤其牛肉腸啲腸粉好滑。真係好少酒樓做到咁滑嘅腸粉😋鹹水角熱辣辣又重身。平時啲酒樓整啲鹹水角既重量係輕飄飄🤣街坊有讚冇彈就係陳皮魚蓉粥+菜脯👍其實款款都好有味道。老人家食得好開心👏👏我哋平時去咗好多間酒樓食點心，我諗這一間係食到係會上心❤️

🐾 海天薈# Be like a duck, paddling and working very hard inside the water, but what everyone sees is a smiling and calm face.- Manoj Arora.🐈呢排工作有好多暗湧，所以為咗散下心就去食片皮鴨🐤依間係佐敦，地點超方便，平日夜晚唔算好多人鴨片出黎都幾多，亦都夠熱，最重要係唔會有陣鴨騷味，好食👍🏻因為今次淨係兩個人，所以淨係叫左一食，價錢上黎講二食會抵少少~Overall體驗: 社會人最需要的技能是夠厚面皮同識演戲是也~ 即是表面做到成隻狗，都要扮到冇咩野方為人上人是也~ 食下鴨鴨以形補形先😉呢間片皮鴨非常推薦，好食🤤🤤🤤

星期日約咗啲幾個月冇見嘅朋友， 去左海天薈飲茶， 開頭book咗一點十五分， 見到酒樓好多茶客等位， 但係未有位就叫我地等等先， 等咗15分鐘就有枱。坐低之後就開始點嘢啦， 我哋五個人叫咗十樣嘢（ 秘製豬手 、 豉油皇龍鬚炒麵 、 晶瑩鮮蝦餃 、 潮州蒸粉果 、 蜜汁叉燒包 、 沙爹蒸土魷 、 蜂巢炸芋角 、 櫻花蒸腸粉 、 香芒布甸 、 擂沙湯圓 ），食物都唔係等好耐就到啦， 好食嘅有豉油皇龍鬚炒麵夠乾身、 蜜汁叉燒包夠鬆軟餡多 、 櫻花蝦腸粉油炸鬼夠鬆脆櫻花夠香， 其他同一般酒樓差唔多。不過間酒樓好迫好多人又嘈， 但係侍應服務殷勤。

一次過試嗮幾個招牌菜，果然好得！片皮鴨一食只系$138，簡直超值，皮好香脆，完全冇「So」味，脆皮BB乳鴿又係超抵食$38隻，唔叫對唔住自己！酥炸牛肋條好鬆脆，啱曬配紅酒，一向鍾意食蝦子柚皮，見到餐牌有這個菜，梗係要試一下啦，大滿足！生炒上肉牌都係招牌菜，下次再嚟食一定會再叫。仲有豉油王鵝腸，份量好足而且好新鮮，配辣椒油食好好味！酸菜魚好麻辣，好彩朋友之中有好幾個都好食得麻辣。其實我八個人食咗好多嘢，但係都忍唔住叫埋豉油王銀牙炒麵，再配一鍋生滾泥鯭粥，最後仲有紅綠豆沙糖水送，為晚飯劃一個完美句号。餐廳招呼好好，性價比高，所以會再嚟。

朋友食過話值得一試，果然冇令人失望。😆環境舒適，乾淨，枱同枱之間有適當嘅距離，員工服務態度友善，一坐低已經好快有人黎招呼。上菜速度快，最中意佢嘅櫻花蝦腸粉，食落有好香嘅櫻花蝦味。下次再食過😋

尋日一家人做節，選了一家比較新既餐廳，點了半圍菜，加小小小菜，一行8大4細。因可坐12人同16人，所以大枱會坐得比較迫，4人枱就會闊落好多。 環境衛生也正常，另外一提係廁所比一般餐廳既乾淨。食物方面，豆腐羮既豆腐幾滑，燒鵝係最值得提介，半隻都好大隻，且皮都脆。乳豬都厚肉，唔止得皮食，所以幾好。炒聖子比想像中好食，剛好熟，唔un，又入味，都值得叫。個魚做得幾好味，唔腥，滑。服務正常，但比較傳統feel，即野就做足，但某幾個既語氣會比較直。 可以一試既菜館

上個月同朋友去食試吓中菜就有朋友推介呢間啲嘢食好特別，尤其是係個牛肋條，睇落去以為好硬身，但一咬落去好鬆化，入口即溶同埋服務態度好好環境又十分之好乾淨絕對會再嚟

今日同屋企人總共5個人黎食晚飯，諗住係普通中菜，點知原來係一間臥虎藏龍既酒樓，超級出色既一餐佳餚！先講一下觀感，一入門口已經見到間店十分光猛，裝修好靚，而且每張枱分得好開，唔會好迫，絕對唔怕你坐後或行出行入會撞到後面。再黎就係衛生，去親茶樓都一定會拎洗餐具，但老實講，呢到d碗筷我覺得唔洗都冇問題，而且服務質素一流，上菜快之餘d員工都好nice同有禮貌重頭戲就梗係到食物啦！(5分滿分）先唔講味道住，淨係個溫度已經贏左，佢基本上全部菜都係即叫即整，上到黎熱辣辣，聞到都已經好想食，賣相又靚，真係色香味俱全！秘製陳醋豬手($88) (5分）第一碟先食左個冷盤，呢個菜真心出色，豬手夠腍之餘又好入味，特別係佢個汁，酸酸甜甜好開胃，呢個絕對會encore。跟住就到主菜啦！山楂咕嚕肉($108) (5分)呢個好似係其中一樣招牌菜，色澤已經好吸引，完全冇任何骨，啖啖肉！個汁調較得十分之好，唔會好似有啲餐廳特別酸or甜，會想一舊接一舊。酥炸牛肋條($268)(5分）聽講呢味餸係師傅既自創菜式，外脆內軟，啲肉入口即溶，香脆可口，加埋佢有個秘製汁，一碟餸已經可以排幾碗飯！雖然佢價錢較貴，但分量十足同埋工序繁複

公司附近新開左一間酒樓，平時同同事都鐘意食點心，所以今日lunch過去試吓我地2點去到有下午茶同正價menu可以叫我地點左幾個點心同黃鱔飯，食完都覺得幾好，同同事已經講好下次好快再過黎試其他野食😄叉燒腸粉～腸粉皮又薄又滑👍🏻尖椒～夠哂辣，食得辣嘅人一定要試鮑汁鳳爪～好夠味👍🏻鮮蝦菜苗餃～皮薄餡多👍🏻金磚豆腐牛柏葉～味道夠哂濃雪山叉燒飽～熱辣辣好味道😋黃鱔煲仔飯～正👍🏻